Иқтисодиёт ва молия вазирлиги 2023 йилнинг 10 та энг йирик солиқ тўловчиси номини эълон қилди. Улар бюджетнинг учдан бир қисмини таъминлайди. Давлат бюджети йирик солиқ тўловчиларга қарамлигича қолмоқда. Таққослаш учун: 2018 йилда 20 та компания бюджет тушумининг 34 фоизини тақдим этганди.
Тижорат банклари 10 март куни аҳолидан 1 АҚШ долларини 11 320 — 11 400 сўмдан сотиб олмоқда, сотиш курси эса 11 320 — 11 465 сўм.
Иқтисодиёт ва молия вазирлиги Ўзбекистоннинг 2023 йилги давлат бюджетига бағишланган «Фуқаролар учун бюджет» нашрини эълон қилди. Унга кўра, иқтисодий ўсиш 5,3 фоиз, инфляция 9,5 фоиз, давлат бюджети тақчиллиги 3 фоиз даражасида прогноз қилинмоқда.
Humo ва Uzcard тўлов тизимлари банкоматларининг ўзаро интеграцияси президент қарори билан май ойи охиригача, тизимларнинг терминаллари эса йил сўнгига қадар якунига етказилади.
Тажриба тариқасида Тошкентда вақтинчалик тартиб жорий этилади, унга кўра, айрим дўконлар ва хизмат кўрсатиш шохобчалари кассасида картадан нақд пул ечиб олиш мумкин бўлади. Биринчи босқичда лойиҳа Korzinka супермаркетлар тармоғида ишга туширилади.
Феврал ойида Ўзбекистоннинг олтин-валюта захиралари январь ойига нисбатан 1,98 млрд долларга пасайди. Натижада кўрсаткич февраль ойига келиб $33,9 млрдни ташкил этди.
Жисмоний шахслардан поезд, самолёт чипталари, барча турдаги коммунал хизматлар, давлат божи ва жарималар, болалар боғчалари, мактаблар ва олий ўқув юртлари учун тўловларни амалга оширишда тўлов хизматлари учун комиссия ундирилмайди.
Жаҳон банки «Ўзбекистонда қуёш энергетикасини кенгайтириш-2» лойиҳаси учун 12 млн доллар ажратади. Бу иккита янги қуёш электр станциясидан (ҳар бири 6 млн доллардан) электр энергиясини сотиб олиш бўйича мажбуриятларни бажариш бўйича банк кафолатлари ҳисобланади.
Тижорат банклари 9 март куни аҳолидан 1 АҚШ долларини 11 290 — 11 380 сўмдан сотиб олмоқда, сотиш курси эса 11 390 — 11 440 сўм.
Ўзбекистон Иқтисодий эркинлик индексида ўз ўрнини 8 поғонага яхшилаган ҳолда 109-ўринни эгаллади. Мамлакат солиқ юки, инвестициялар ва савдо эркинлиги бўйича илгарилади, лекин давлат харажатлари ва фискал сиёсат борасидаги ҳолати ёмонлашди.
«Газпром» Марказий Осиё орқали Хитойга газ етказиб бериш ҳажмини йилига 20 миллиард куб метргача ошириши мумкин.
«Ўзбекистон бўйлаб саёҳат қил» дастури доирасида 2022 йилда 11,4 миллионта ички сайёҳат амалга оширилди. Бу 2021 йилга қараганда 1,9 баробар кўп.
Россиянинг «Победа» авиакомпанияси апрель ойи охиридан Москвадан Тошкент ва Самарқандга чартер рейсларни бошлашни режалаштирмоқда. Бундан ташқари, Россия шаҳарларидан Тошкент, Самарқанд, Бухоро ва бошқа шаҳарларга мунтазам қатновларни йўлга қўйиш масаласи кўриб чиқилмоқда.
Тижорат банклари 7 март куни аҳолидан 1 АҚШ долларини 11 290 — 11 340 сўмдан сотиб олмоқда, сотиш курси эса 11 360 — 11 405 сўм.
АҚШ Россияга қарши санкцияларни четлаб ўтишга қарши курашишда тавсиялар бериб, шубҳали ўтказмаларга эътиборли бўлишга чақирди. Товарларни қатор давлатлар, хусусан, Ўзбекистон орқали етказиш, харидорнинг маҳсулотдан якуний фойдаланиш бўйича маълумотларни тақдим қилмаслиги ва бошқалар санаб ўтилган.
Тошкент ва Самарқанд вилоятларида умумий қуввати 1 400 МВт бўлган иккита қуёш фотоэлектр станцияси, Тошкент, Бухоро ҳамда Самарқанд вилоятларида умумий қуввати 1 200 МВт бўлган учта энергия сақлаш тизимлари қурилади.
Тижорат банклари 6 март куни аҳолидан 1 АҚШ долларини 11 320 — 11 365 сўмдан сотиб олмоқда, сотиш курси эса 11 380 — 11 430 сўм.
Февраль ойида Ўзбекистонда инфляция даражаси 0,54 фоизни ташкил этди — бу сўнгги 5 йилдаги энг паст кўрсаткичлардан бири. Сут нархининг ошиши яна тезлашди, шакар ва сариёғ бешинчи ой кетма-кет арзонлади. Мева-сабзавотлар орасида пиёз, помидор ва карам энг кўп қимматлашди.
Газли магистраль газ қувурлари бошқармаси Россиядан «импорт қилинадиган табиий газ ҳажми ички транспортировка ҳажмларига аралашмаслиги учун» ўз инфратузилмасини тайёрламоқда, деб маълум қилди «Ўзтрансгаз».
Вьетнамнинг VietJet Air авиакомпанияси 2 майдан бошлаб Хошимин-Тошкент-Хошимин йўналиши бўйича тўғридан-тўғри рейсларни йўлга қўяди. Парвозлар чартер асосида ҳар 10 кунда бир марта амалга оширилади.
Қўшимча имкониятларга эга булиш учун сайтда рўйхатдан ўтинг