Иқтисодиёт
UzAuto Motors 4 та модель учун контрактацияни 3 соат ичида ёпди. Бу оралиқда 28 000 та шартнома тузилди
UzAuto Motors 18 сентябрь куни Cobalt, Lacetti, Damas va Labo учун контрактацияни очди. Орадан 3 соат ўтиб, компания автомобилларининг қўшимча партияси учун тўлиқ шартнома тузилгани, 28 000 дан ортиқ шартнома имзоланганини хабар қилди.
МБ раиси — тўлов хизматлари учун халқаро пул ўтказмалари чеклангани сабаблари ҳақида
Тўлов тизимлари мижозлар номидан конвертация билан боғлиқ операцияларни амалга ошириб, буни экспорт тушуми сифатида кўрсата бошлади, деди Марказий банк раиси. Улар, шунингдек, пулни жўнатувчи ва олувчилар ким эканини аниқлаштирмади, шу сабабли чекловлар киритиш керак бўлди, дея қайд этди у.
Президент АҚШ бизнесини Ўзбекистонда кенгайтириш режаларини муҳокама қилди
Шавкат Мирзиёев Нью-Йоркда АҚШ-Ўзбекистон савдо палатаси раиси Кэролин Лэмм ва GE Healthcare, Oppenheimer, Cerberus, CNH ва Cintana каби қатор йирик корпорациялар раҳбарлари билан учрашди. АҚШ бизнесининг Ўзбекистонда фаолиятини кенгайтириш бўйича «аниқ режалар» муҳокама қилинди.
Оилавий тадбиркорлик бўйича кредитлар МБ асосий ставкасидан 4 фоиз банд юқори ставкада ажратилади
Президент қарори билан 2024 йилдан оилавий тадбиркорликни ривожлантириш дастурлари бўйича кредитлар Марказий банк асосий ставкасидан 4 фоиз пункт юқори ставкада ажратилиши белгиланди. Ҳозирда бундай кредитлар асосий ставка даражасида ажратиб келинмоқда.
Air Products (АҚШ) Ўзбекистондаги лойиҳаларга 10 млрд доллар сармоя киритади
АҚШнинг Air Products компанияси Ўзбекистонда умумий қиймати 10 млрд доллардан ортиқ янги инвестиция дастурини амалга оширади. Келишув Шавкат Мирзиёев ва компания раҳбари Сейфи Гасеми ўртасидаги музокаралар чоғида имзоланди. Президент уни орден билан тақдирлади.
«Инсоф билан ишлашлари учун». Ўзбекистон энергетика вазири — метан «заправка»ларда нархлар чекланиши ҳақида
Ўзбекистонда тарифлар ошганидан сўнг газ қуйиш шохобчаларидаги нархлар 3250 сўмгача чекланган тақдирда ҳам АГТКШлар киритган сармоясини қайтара олади, дея маълум қилди энергетика вазири. Тадбиркорлардан бири бу нарх билан ишлай олмаслиги мумкинлигини айтди.
Гулнора Каримованинг қайтарилган активлари Ўзбекистонда чақалоқлар ўлимини камайтиришга сарфланади
Гулнора Каримованинг Швейцарияда мусодара қилинган активларини қайтариш учун тузилган Uzbekistan Vision 2030 жамғармаси БМТнинг янги лойиҳасини молиялаштириш учун 43,5 млн доллар ажратди. У Ўзбекистонда олдини олиш мумкин бўлган оналар ва чақалоқлар ўлимини камайтиришга қаратилган.
Қишлоқ хўжалиги вазирлиги ун ва нон нархи ошганига изоҳ берди
Ўтган ҳафтада Ўзбекистон вилоятларида ун ва нон нархи кескин ошди. Бу Қозоғистондан импорт қилинадиган ғалла нархининг ошиши фонида содир бўлди. Қишлоқ хўжалиги вазирлиги нархларнинг ўсишини мавсумий тебранишлар билан изоҳлади ва россиялик трейдерлар ҳаракатига ҳам ишора қилди.
Cobalt, Lacetti, Damas ва Labo автомобиллари учун шартнома тузиш яна очилди
UzAuto Motors Chevrolet Cobalt, Lacetti, Damas ва Labo автомобиллари учун яна бир бор чекланган миқдордаги контрактацияни очди. Шартномаларни Chevrolet`нинг ваколатли дилерлик марказларида тузиш мумкин.
«Автокредитлашдаги ўсиш суръати кредитлашнинг умумий ўсиш суръатидан бир неча баравар юқори» — Марказий банки раиси
Марказий банк «автокредитлаш юқори суръатда ўсаётгани»дан хавотирда, чунки бу банк тизими учун хавф туғдиради. Шу боис регулятор талабларни кучайтиришга қарор қилган, бу фақат «стандартлардан ташқарига чиққан» банкларга тааллуқли бўлади, деди регулятор раҳбари Мамаризо Нурмуратов.
Марказий банк валюта операциялари бўйича қарорини «санкцияларга риоя қилиш» талаблари билан изоҳлади
Валюта операциялари бўйича ҳужжат Банк назорати қўмитаси қарори бўлиб, унга кўра банкларга мижозларни назорат қилиш ва санкция рискларини камайтириш чораларини кўриш топширилган, деди МБ раиси. Хорижий банклар Ўзбекистонда мижозлар етарли даражада текширмагани учун тўловларни маъқулламади, деди у.
Марказий банк банклардаги иккиламчи ҳисобварақлар орқали валюта чиқиб кетиши мумкинлигидан хавотирланмоқда
Марказий банк иккиламчи банк ҳисоб рақамлари орқали чет эл валютаси товарлар импорти доирасида ноқонуний олиб чиқиб кетилиши мумкинлигидан хавотирланмоқда. Комплаенс-назорат чораларидан асосий мақсад банклар ва тадбиркорлик субъектлари санкция чекловларига тушишининг олдини олиш, деди МБ раиси.
Вашингтонда ўтган Ўзбекистон-Америка бизнес форумида 12 та ҳужжат имзоланди
Президентнинг АҚШга ташрифи арафасида Вашингтонда Ўзбекистон-Америка бизнес-форуми бўлиб ўтди. Энергетика, машинасозлик, АКТ, қишлоқ хўжалиги, молиявий-техник ва илмий-техникавий ҳамкорлик соҳалари бўйича 12 та ҳужжат имзоланди.
Ўзбекистон давлат бюджети тақчиллиги қарийб 40 трлн сўмга етди
Саккиз ой давомида Ўзбекистон давлат бюджети тақчиллиги қарийб 40 трлн сўмни ташкил этди. Ўтган икки ойда харажатлар даромаддан 12,2 трлн сўмга ошди. Эслатиб ўтамиз, ҳукумат 2023 йил якунлари бўйича профицит бўлишини прогноз қилган эди.
«Свет» ва газнинг янги тарифлари тасдиқланди. Газ «заправка»лардаги нархларга чеклов ўрнатилди
1 октябрдан йирик корхоналар, бюджет ташкилотлари, компаниялар ва бошқа юридик шахслар учун электр энергияси ва газ нархлари оширилади. Тарифлар аҳоли учун ўзгаришсиз қолди. Шунингдек, газ «заправка»ларда 6 ой давомида нархни 3250 сўмдан ошиб кетмаслиги бўйича чоралар кўрилади.
«Жамият қабул қилмаган қарор — нотўғри қарор» — Марказий банк раиси
Валюта операцияларини чеклаш қарори қизғин баҳс-мунозараларга сабаб бўлди. Марказий банк раиси Мамаризо Нурмуратов ушбу қарор бекор бўлганини эълон қиларкан, «Жамият қабул қилмаган қарор нотўғри қарордир», деди. «Либераллаштиришда ортга қайтиш ҳақида гап бўлиши мумкин эмас», — дея қўшимча қилди у.
МБ валюта операциялари бўйича янги чекловларни бекор қилди
Ўзбекистонда валюта операцияларига қўйилган янги чекловлар бекор қилинди, дея маълум қилди Марказий банк бошқарув раиси Мамаризо Нурмуратов. Аввалроқ тадбиркорлик субъектларининг валюта операциялари фақат асосий ҳисобварақ очилган банклар орқали амалга оширилиши талаби ҳақида ёзгандик.
Ўзбекистонда банклар ва тадбиркорлик субъектларига валюта операциялари бўйича чекловлар киритилмоқда
Ўзбекистонда валюта операцияларига қўйилган талаблар кучайтирилмоқда. Тадбиркорлик субъектларининг валюта операциялари фақат асосий ҳисобварақ очилган банклар орқали амалга оширилади. Конвертация учун миллий валютадаги маблағларни бошқа банклардаги иккиламчи ҳисобварақларига ўтказиш ҳам тақиқланади.
Консолидациялашган бюджет тақчиллиги 5,7 фоизга етди. Бу аввалги йиллардагидан анча кўп
Биринчи яримйилликда консолидациялашган бюджет тақчиллиги 5,7 фоизни ташкил этди — харажатлар даромадлардан 26,9 трлн сўмга кўпроқ. Бу пандемия бошланган 2020 йил, шунингдек, 2021−2022 йиллардаги кўрсаткичлардан кўп. Ҳукумат бу даврда бирор марта бюджет тақчиллиги чегарасини ушлаб туролмаган.
Автокредитлар бўйича кўрсатмалар уларнинг ажратилишини тақиқламайди ва фоиз ставкаларига таъсир қилмайди — МБ
Марказий банк банкларга автокредитлар бўйича берилган кўрсатмалар бундай кредитлар ажратилишини тақиқламаслиги ва таклиф этилаётган фоиз ставкалари ошишига таъсир қилмаслигини билдирди. Аввалроқ банкларга нисбатан автокредитлар бўйича талаблар кучайтирилганди.
Энг кўп ўқилган хабарлар | Сўнгги янгиликлар
Қўшимча имкониятларга эга булиш учун сайтда рўйхатдан ўтинг