18 сентябрь UzAuto Motors расмий сайтида кўрсатилган комплектация ва ранглардаги Chevrolet Cobalt, Lacetti, Damas вa Labo автомобиллари учун контрактация очилди, дея хабар бермоқда компания матбуот хизмати.
Компания ишлаб чиқариш ҳажмини ошириш бўйича кўрилган чора-тадбирлар натижасида барча мавжуд ранглардаги Cobalt, Lacetti, Damas вa Labo автомобилларининг қўшимча партиясини ишлаб чиқариш ва сотиш имкониятларини ишлаб чиққан.
Автомобиллар учун шартномани Chevrolet`нинг ваколатли дилерлик марказларида тузиш мумкин. Уларнинг сони эса чекланган.
«Агар бир шахс номига йилига бир хил модель учун 2 тадан ортиқ автомобиль харид қилинса, компания шартноманинг 3.1.2 бандига асосан автомобилларни етказиб бериш муддати узайтиради. Шу муносабат билан, харидорлардан шартномани имзолашдан олдин унинг барча бандлари билан тўлиқ танишиб чиқишларини илтимос қиламиз», — дейилади хабарда.
Таъкидланишича, бир ой аввал тузилган шартномалар бўйича дилерлик марказлари харидорларга автомобилларини муддатидан олдин етказиб беришни бошлаган.
Эслатиб ўтамиз, 4 август куни соат 17:30 да компания автомобиллар учун шартномалар чиқариш қайта тиклангани ва янги конфигурациялар жорий этилганини, 5 август куни соат 15:57 да эса 2023 йил учун қўшимча партияга тўлиқ шартнома тузилганини маълум қилганди.
Орадан вақт ўтиб, UzAuto Motors йил охиригача 50 мингдан ортиқ автомобиль эгаларига топширилишини маълум қилганди. 2024 йилдан эса автомобиллар шартнома тузилган кундан бошлаб уч ой ичида етказиб берилиши ваъда қилган.
