Иқтисодий ҳамкорлик ва ривожланиш ташкилоти прогнозига кўра, 2023 йилда глобал иқтисодий ўсиш ўртачадан паст даражада — 3 фоиз бўлиб қолади. Экспертлар аксарият мамлакатларда инфляция марказий банклар мақсадли кўрсаткичларидан юқори бўлишда давом этишини кутмоқда.
UZINFOCOM ягона интегратори K-root DNS серверини ишга туширди. Ўзбекистонда илдиз серверни жойлаштириш веб-ресурсларга кириш жараёнини тезлаштириши ва хорижий серверларга тобеликни камайтириши айтилмоқда.
Осиё тараққиёт банки Ўзбекистондаги 26 та электр тақсимлаш подстанциясини рақамлаштириш учун 200 миллион доллар, Франция тараққиёт агентлиги эса 70 миллион евро ажратди. Бу экстремал об-ҳаво ҳодисалари пайтида минтақавий электр энергияси узилишларининг олдини олишга ёрдам бериши кутилмоқда.
Ўзбекистон президенти Нью-Йоркда Жаҳон савдо ташкилоти бош директори билан учрашиб, ташкилотга аъзо бўлиш бўйича ишларни муҳокама қилди. Унда ишчи гуруҳ йиғилишига тайёргарликни тезлаштириш, мутахассислар малакасини ошириш ва қонунчиликни ЖСТ талабларига уйғунлаштириш юзасидан келишувга эришилди.
«Яқин орада ЖСТга тўлақонли аъзо бўлиш Ўзбекистон иқтисодиётини либераллаштириш йўлидаги устувор йўналишлардан биридир», — деди Шавкат Мирзиёев БМТ Бош ассамблеясидаги нутқида.
Вазирлар Маҳкамаси ҳокимиятларга иссиқлик таъминоти, сув таъминоти ва канализация, шунингдек, шаҳар йўловчи транспорти тарифларини қайта кўриб чиқишни тавсия қилди.
Нью-Йоркдаги учрашувда Ўзбекистон президенти ва ХВФ раҳбари Кристалина Георгиева фонднинг молия соҳаси барқарорлигини комплекс таҳлил қилиш, иқтисодий сиёсатни такомиллаштиришга ҳисса қўшиш ва мутахассислар салоҳиятини ошириш дастурини амалга оширишдаги иштирокини муҳокама қилди.
UzAuto Motors 18 сентябрь куни Cobalt, Lacetti, Damas va Labo учун контрактацияни очди. Орадан 3 соат ўтиб, компания автомобилларининг қўшимча партияси учун тўлиқ шартнома тузилгани, 28 000 дан ортиқ шартнома имзоланганини хабар қилди.
Тўлов тизимлари мижозлар номидан конвертация билан боғлиқ операцияларни амалга ошириб, буни экспорт тушуми сифатида кўрсата бошлади, деди Марказий банк раиси. Улар, шунингдек, пулни жўнатувчи ва олувчилар ким эканини аниқлаштирмади, шу сабабли чекловлар киритиш керак бўлди, дея қайд этди у.
Шавкат Мирзиёев Нью-Йоркда АҚШ-Ўзбекистон савдо палатаси раиси Кэролин Лэмм ва GE Healthcare, Oppenheimer, Cerberus, CNH ва Cintana каби қатор йирик корпорациялар раҳбарлари билан учрашди. АҚШ бизнесининг Ўзбекистонда фаолиятини кенгайтириш бўйича «аниқ режалар» муҳокама қилинди.
Президент қарори билан 2024 йилдан оилавий тадбиркорликни ривожлантириш дастурлари бўйича кредитлар Марказий банк асосий ставкасидан 4 фоиз пункт юқори ставкада ажратилиши белгиланди. Ҳозирда бундай кредитлар асосий ставка даражасида ажратиб келинмоқда.
АҚШнинг Air Products компанияси Ўзбекистонда умумий қиймати 10 млрд доллардан ортиқ янги инвестиция дастурини амалга оширади. Келишув Шавкат Мирзиёев ва компания раҳбари Сейфи Гасеми ўртасидаги музокаралар чоғида имзоланди. Президент уни орден билан тақдирлади.
Ўзбекистонда тарифлар ошганидан сўнг газ қуйиш шохобчаларидаги нархлар 3250 сўмгача чекланган тақдирда ҳам АГТКШлар киритган сармоясини қайтара олади, дея маълум қилди энергетика вазири. Тадбиркорлардан бири бу нарх билан ишлай олмаслиги мумкинлигини айтди.
Гулнора Каримованинг Швейцарияда мусодара қилинган активларини қайтариш учун тузилган Uzbekistan Vision 2030 жамғармаси БМТнинг янги лойиҳасини молиялаштириш учун 43,5 млн доллар ажратди. У Ўзбекистонда олдини олиш мумкин бўлган оналар ва чақалоқлар ўлимини камайтиришга қаратилган.
Ўтган ҳафтада Ўзбекистон вилоятларида ун ва нон нархи кескин ошди. Бу Қозоғистондан импорт қилинадиган ғалла нархининг ошиши фонида содир бўлди. Қишлоқ хўжалиги вазирлиги нархларнинг ўсишини мавсумий тебранишлар билан изоҳлади ва россиялик трейдерлар ҳаракатига ҳам ишора қилди.
UzAuto Motors Chevrolet Cobalt, Lacetti, Damas ва Labo автомобиллари учун яна бир бор чекланган миқдордаги контрактацияни очди. Шартномаларни Chevrolet`нинг ваколатли дилерлик марказларида тузиш мумкин.
Марказий банк «автокредитлаш юқори суръатда ўсаётгани»дан хавотирда, чунки бу банк тизими учун хавф туғдиради. Шу боис регулятор талабларни кучайтиришга қарор қилган, бу фақат «стандартлардан ташқарига чиққан» банкларга тааллуқли бўлади, деди регулятор раҳбари Мамаризо Нурмуратов.
Валюта операциялари бўйича ҳужжат Банк назорати қўмитаси қарори бўлиб, унга кўра банкларга мижозларни назорат қилиш ва санкция рискларини камайтириш чораларини кўриш топширилган, деди МБ раиси. Хорижий банклар Ўзбекистонда мижозлар етарли даражада текширмагани учун тўловларни маъқулламади, деди у.
Марказий банк иккиламчи банк ҳисоб рақамлари орқали чет эл валютаси товарлар импорти доирасида ноқонуний олиб чиқиб кетилиши мумкинлигидан хавотирланмоқда. Комплаенс-назорат чораларидан асосий мақсад банклар ва тадбиркорлик субъектлари санкция чекловларига тушишининг олдини олиш, деди МБ раиси.
Президентнинг АҚШга ташрифи арафасида Вашингтонда Ўзбекистон-Америка бизнес-форуми бўлиб ўтди. Энергетика, машинасозлик, АКТ, қишлоқ хўжалиги, молиявий-техник ва илмий-техникавий ҳамкорлик соҳалари бўйича 12 та ҳужжат имзоланди.
Қўшимча имкониятларга эга булиш учун сайтда рўйхатдан ўтинг