Сиёсат
Тошқинлар муносабати билан Ўзбекистон Афғонистонга инсонпарварлик ёрдамини юборди
Ўзбекистон сув тошқинларидан жабр кўрган Афғонистон халқига навбатдаги инсонпарварлик ёрдамини юборди. Ёрдам таркибида чодирлар, шунингдек, ун, гуруч, консерва, макарон, ёғ ва бошқа маҳсулотлар бор.
Иқтисодиёт
1,5 млрд доллар: Ўзбекистон жаҳон молия бозорларига навбатдаги суверен халқаро облигацияларни чиқарди
Ўзбекистоннинг умумий қиймати қарийб 1,5 млрд долларга тенг навбатдаги суверен халқаро облигациялари 3 та валютада жаҳон молия бозорларида жойлаштирилди. Облигациялардан тушган маблағ Давлат бюджети тақчиллигини қоплаш ва Барқарор ривожланиш мақсадларини молиялаштириш учун йўналтирилади.
Ўзбекистон Каспий денгизида газ қазиб олиш бўйича Озарбайжон лойиҳасига қўшилиши мумкин
«Ўзбекнефтгаз» компанияси Озарбайжонда газ қазиб олиш лойиҳасига қўшилиши мумкин, дея маълум қилди Ўзбекистон инвестициялар, саноат ва савдо вазири Лазиз Кудратов. Гап Каспий денгизидаги «Шаҳ-Дениз» лойиҳаси ҳақида кетмоқда.
Ўзбекистон ва Озарбайжон тижорий онлайн платформани яратмоқчи — Лазиз Кудратов
Ўзбекистон ва Озарбайжон ҳукумати тадбиркорлар учун онлайн-тижорат платформасини яратиш ва 1 млрд долларлик савдо айланмасига эришишни режалаштирмоқда, деди инвестициялар вазири Лазиз Кудратов. У, шунингдек, Озарбайжон раҳбарининг август ойида Тошкентга ташрифи режа қилинганини айтди.
UNG Petro, Чиноз НҚИЗ ва «Ўзбекнефтгаз»нинг нефть ускуналари қанчага баҳоланади?
UNG Petro ёқилғи қуйиш шохобчалари ва Чиноз НҚИЗни сотиш 2024 йил иккинчи чораги учун инвестиция дастурига киритилган. Бир неча ой олдин «Ўзбекнефтгаз»дан ушбу объектларни бошқа компания сотиб олгани хабар қилинганди. Кўрсатилган нарх (нефть ускуналари билан бирга) — 70 млн доллар.
Жамият
«Вазирликнинг 2 млрд сўм тиккани ҳамманинг кўзига кўриняпти». Озодбек Назарбеков — «Овоз» лойиҳаси ҳақида
Маданият вазири Озодбек Назарбеков бюджет тақчиллиги шароитида «Овоз» телелойиҳаси учун салкам 2 млрд сўм, «Боболарим» кино-клипига эса 2,7 млрд сўм ажратилганига муносабат билдирди. Унинг айтишича, бошқа соҳаларни бўлгани каби санъат ва маданиятни ҳам қўллаб-қувватлаш керак.
World2Fly авиакомпанияси Ўзбекистонга йўловчи рейсларини йўлга қўяди
Испаниянинг World2Fly авиакомпанияси Урганч ва Тошкент шаҳарларидан Мадридга чартер рейсларни йўлга қўяди. Илк парвоз 23 майда амалга оширилади.
ДХХ фуқароларни Ҳажга ноқонуний юборишга уринганларни қўлга олди
Давлат хавфсизлик хизмати ходимлари Тошкент шаҳри ва Фарғона вилоятида фуқароларни Ҳаж сафарига ноқонуний юборишга уринганларни қўлга олди.
23−26 май кунлари тоғли ва тоғолди ҳудудларда сел тошқини хавфи мавжуд
23−26 май кунлари Ўзбекистоннинг тоғли ва тоғолди ҳудудларида кучли ёмғир ёғиб, сел ва тошқин ҳодисалари кузатилиши мумкин.
Тошкентда тунда дарахт қўпориб олган шахслар 5 суткага қамалди
Юнусобод туманида тунда экскаватор ёрдамида бир туп дарахтни қўпориб олган икки шахсга суд ҳукми ўқилди. Уларга 5 сутка қамоқ ва жарима жазоси тайинланди, 27,8 млн сўм зарар ундириб олинди.
Тошкент халқаро аэропортида автомобилларни ижарага олиш нуқтаси очилди
Тошкент халқаро аэропортида 20 майдан Europcar бренди остидаги автомобилларни ижарага олиш имконияти яратилди. У ерда ишлаб чиқарилган йили 4 йилдан, юрган масофаси 80 минг километрдан ошмайдиган автомобиллар ижарага берилади.
Тошкентда транспорт вазнини 2 тонна кўп ёзиб, 791 млн сўмлик имтиёзни ўзлаштирмоқчи бўлганлар аниқланди
Божхона ходимлари ёқилғи ташиш машинасини ҳужжатларда вазни 18 тоннадан 20,6 тоннага ўзгартириб ёзиб, 791 миллион сўмлик божхона имтиёзларини ўзлаштиришга уринган шахсларни аниқлади. 2025 йил 1 январгача 20 тоннадан ошадиган махсус ва юк транспорт воситалари божхона тўловларидан озод этилади.
Ўзбекистонда маҳаллалар фаолиятини рағбатлантириш жамғармаси ташкил этилмоқда
Ўзбекистон маҳаллалари уюшмаси ҳузурида Маҳаллалар фаолиятини рағбатлантириш жамғармаси ташкил этилмоқда. Уюшмага маҳаллалар фаолиятини такомиллаштириш бўйича аҳолининг мурожаатлари учун call-марказ очиш топширилди.
ИҚМК банкларга ипотека кредитлари учун ресурслар ажратиш тўхтатилганини рад этди
Ипотекани қайта молиялаштириш компанияси банкларга иккиламчи уй-жой сотиб олиш бўйича кредитлар бериш учун имтиёзли ресурслар ажратиш тўхтатилмаганини маълум қилди.
Тошкент вилоятида маҳкумни бошқа колонияга кўчиришни ваъда қилганлар ушланди
Ички ишлар вазирлиги ходимлари 1000 доллар олаётган икки шахсни қўлга олди. Улар маҳкумни таниши орқали Бўка туманидаги 43-сонли манзил колониядан Оҳангарон ёки Олмалиқдаги колонияга кўчиришни ваъда қилган.
Ўзбекистонда 2023 йилда музейларга 5,7 млн киши ташриф буюрган
2023 йилда Ўзбекистондаги 140 та музейга 5,7 млн киши ташриф буюрган. Регистон ансамбли ва Самарқанд давлат музей қўриқхонасининг ҳар бирига миллиондан ортиқ одам келган.
Самарқандда 70 ёшли маст ҳайдовчи 2-синф ўқувчисини уриб юборди
Нарпай туманида маст ҳолда машина бошқарган 70 ёшли эркак 2-синф ўқувчисини уриб юборди. Оқибатда унинг қўли синди. Эркак аввал ҳам спиртли ичимлик ичиб машина бошқаргани учун ҳайдовчилик гувоҳномасидан маҳрум этилганди. «Энди ичмайман, машина ҳам ҳайдамайман», — деди у.
Турколог ва таржимон Рамиз Асқар вафот этди
Ёзувчилар уюшмаси фахрий аъзоси, турколог ва таржимон Рамиз Асқар 70 ёшда вафот этди. У Навоийнинг «Маҳбуб ул-қулуб» асари ва «Хамса»сини озарбайжон тилига таржима қилиб, Бокуда чоп эттирган. «Дўстлик» ордени соҳибининг озарбайжончага ўгирган «Бобурнома» асари Ислом Каримовга совға қилинган.
Наманганда ободонлаштириш ходимларини алдаб, уларнинг номига кредит олган шахс ушланди
Наманган вилоятида ўзини ҳокимлик ишчиси сифатида таништириб, ободонлаштириш бошқармасининг 4 нафар аёл ходимасини алдаб, уларнинг номига кредит расмийлаштирган шахс қўлга олинди. У 3 йилдан 5 йилгача озодликдан маҳрум қилиниши мумкин.
31 май, 1−2 июнь кунлари Тошкентдан Самарқандга қўшимча «Афросиёб» поездлари қатнайди
Халқаро болаларни ҳимоя қилиш куни муносабати билан 31 май, 1−2 июнь кунлари Самарқанд — Тошкент — Самарқанд йўналишида қўшимча «Афросиёб» электропоезди ҳаракати йўлга қўйилади.
Андижондаги боғчада тарбиячи шеригини урган болани калтаклади
Андижондаги боғчада тарбиячи шериги билан жанжаллашган боланинг юзига урди. Боланинг отаси ИИБга ариза берди, ҳозирда текширув ҳаракатлари олиб борилмоқда.
Shaffof газ «заправка»лари эгалари ва ходимларига нисбатан ҳукм чиқарилди
Суд Shaffof метан «заправка»лари эгалари ва ишчиларига ҳукм ўқиди. Иш материалларида 447,5 млрд сўмлик солиқларни тўламаганлик, 1,37 трлн сўмлик савдо қоидаларини бузиш, жиноий даромадларни легаллаштириш ҳолатлари қайд этилган. Асосий айбланувчилар — ака-ука Тошматовлар — 9 йил 2 ойга қамалди.
Жаҳон
Норвегия, Ирландия ва Испания Фаластинни мустақил давлат сифатида тан олди
Норвегия, Ирландия ва Испания Фаластинни мустақил давлат сифатида тан олганини эълон қилди. Бу билан Европа Иттифоқининг Фаластинни тан олган давлатлари сони 13 тага етди. Қарор ортидан Исроил Норвегия ва Ирландиядан элчиларини чақириб олиши айтилди.
Қатор ЕИ давлатлари «хорижий агентлар тўғрисида»ги қонун туфайли Грузияга қарши санкциялар киритмоқчи — FT
Европа Иттифоқининг тўртта давлати «хорижий агентлар тўғрисида»ги қонун туфайли Грузияга қарши санкциялар қўллашни таклиф қилмоқчи. Эҳтимолий чекловлар қаторига Грузия фуқаролари учун ЕИда визасиз режимни бекор қилиш киради.
Бизни ўқиётганингиз учун раҳмат!
