«talabalar» tegli maqolalar


18 mart 2022, 14:24

Tibbiyot OTMlari talabalariga shifokor bo‘lib ishlashiga ruxsat beriladi

Tibbiyot oliygohlarining magistratura bosqichida va bakalavriatning 5−6-kurslarida o‘qiyotgan talabalarga birlamchi va tez yordam tizimida shifokor bo‘lib ishlashga ruxsat beriladi. Prezidentning so‘zlariga ko‘ra, bu orqali yiliga 7 mingga yaqin talaba ta’limni amaliyot bilan birga olib borish imkoniga ega bo‘ladi.

16 mart 2022, 19:33

Talabalarga 2021−2022 o‘quv yili uchun kontrakt to‘lovlari muddati 1 aprelgacha uzaytirildi

Oliy va professional ta’lim muassasalari talabalariga 2021−2022 o‘quv yili uchun kontrakt to‘lovini amalga oshirish muddati 1 aprelga qadar uzaytirildi. Bungacha ushbu muddat 1 martgacha etib belgilangandi.

6 mart 2022, 12:20

5−6 mart kunlari 440 nafar o‘zbekistonlik Ukrainadan evakuatsiya qilindi

28-fevraldan 5-martga qadar Ukrainadan Polsha orqali jami 3 685 nafar o‘zbekistonliklar evakuatsiya qilindi. Polsha hududida 850 dan ortiq O‘zbekiston fuqarosi qolayotgani aytilmoqda.

5 mart 2022, 18:29

Ukrainadan 3 mingdan ortiq o‘zbekistonlik evakuatsiya qilindi — TIV

5 martga qadar 14 ta aviareys bilan 3245 nafar o‘zbekistonlik Polsha orqali Ukrainadan evakuatsiya qilindi. Diplomatlar jang ketayotgan hududlardan ham fuqarolarni olib chiqishga harakat qilmoqda. Jumladan, hozirda Sumi viloyatidan 25 nafar talabani evakuatsiya qilish uchun «yashil yo‘lak» ochish masalasi ko‘rib chiqilmoqda.

4 mart 2022, 20:10

Ukrainadan qaytgan talabalar o‘qishini O‘zbekistondagi OTMlarda davom ettirishi mumkin

Prezident videoselektorda Ukrainadan evakuatsiya qilingan talabalar O‘zbekistondagi OTMlarda o‘qishini davom ettirishi uchun barcha sharoitlar yaratib berilishini ma’lum qildi. «Ukraina oliygohlarida 370 dan ziyod yoshlarimiz ta’lim olmoqda va shundan 200 ga yaqini Vatanga qaytarildi. Qolganlarini ham yaqin 1 haftada qaytarish uchun barcha choralarni ko‘rayapmiz», — dedi Shavkat Mirziyoyev.

4 mart 2022, 19:32

«Barcha davlat tashkilotlarida talabalarning ishlashiga ruxsat beriladi» — prezident

Shavkat Mirziyoyev videoselektor yig‘ilishida bundan buyon barcha davlat tashkilotlari va muassasalarida talabalarning ishlashiga ruxsat berilishini ma’lum qildi. Markaziy bank tajribasi asosida Iqtisodiyot, Moliya, Qurilish, Energetika, Qishloq va Suv xo‘jaligi vazirliklari, soliq, kadastr idoralari 3−4 kurs talabalarni haq to‘lanadigan stajirovkaga jalb qiladi. Amaliyot yakunida ularga doimiy ish taklif qilinadi.

24 fevral 2022, 16:43

Ukrainadagi o‘zbekistonlik talabalarga o‘qishni masofaviy shaklda davom ettirish tavsiya etildi

O‘zbekistonning Kiyevdagi elchixonasi Ukrainada ta’lim olayotgan o‘zbekistonlik talabalarga murojaat qilib, o‘qishni O‘zbekistonda turib masofaviy shaklda davom ettirishni tavsiya qildi.

7 fevral 2022, 15:41

Talabalar uchun kontrakt to‘lovlari muddati 1-martga qadar uzaytirildi

OTM talabalari va professional ta’lim muassasalari o‘quvchilarining 1-semestr o‘qishi uchun kontrakt miqdorini to‘lashning so‘nggi muddati 2022-yilning 1-marti etib belgilandi.

3 fevral 2022, 16:06

OTMlarda o‘qish 24 fevralgacha bosqichma-bosqich ana’naviy shaklga o‘tkaziladi

Oliy ta’lim muassasalarida o‘quv jarayonlari 7 fevraldan 24 fevralga qadar bosqichma-bosqich ana’naviy shaklga o‘tkaziladi. Bu davr ichida darslar ham onlayn ham oflayn shaklda olib boriladi. OTMlar imkoniyatidan kelib chiqib, alohida reja-grafik asosida oflayn shaklga o‘tadi, bu haqda ular o‘zining rasmiy sayti orqali xabar beradi.

2 fevral 2022, 21:23

«Hech bir o‘quvchi va talaba chiptasiz qolmaydi» — SSV

Transport vazirligi, Oliy ta’lim vazirligi, Qoraqalpog‘iston Vazirlar Kengashi hamda hokimliklar avia va poyezd chiptalari xaridini tartibli ravishda tashkil etadi va doimiy ishlaydigan Shtablar faoliyatini yo‘lga qo‘yadi. 50 foizlik chegirmalar esa saqlab qolinadi. «Hech bir o‘quvchi va talaba chiptasiz qolmaydi», — deyiladi SSV xabarida.

20 yanvar 2022, 22:06 1

Barcha OTM, kollej va litseylar masofaviy ta’limga o‘tkazildi

Oliy va o‘rta maxsus ta’lim vazirligi 24 yanvardan barcha oliy davlat, nodavlat, xususiy hamda xorijiy filiallar va professional ta’lim muassasalari, akademik litseylarda masofaviy ta’lim jarayonlari boshlanishini ma’lum qildi. Chiptalar chegirmalar saqlanib qolgan holda boshqa muddatlarga almashtirib beriladi.

8 yanvar 2022, 12:42

Qishki ta’til uzaytirilishi sabab OTMlarda o‘quv muddati o‘zgarmaydi

Oliy va o‘rta maxsus ta’lim vazirining birinchi o‘rinbosari Komiljon Karimov talabalar uchun qishki ta’til 24 yanvargacha uzaytirilgani ortidan OTMlarda o‘quv haftalari cho‘zilmasligini ma’lum qildi. Yangi kredit-modul tizimi tufayli talabalar ikkinchi semestrda 15 hafta o‘qiydi, ilgari 19−20 haftani tashkil qilgan.

6 yanvar 2022, 13:10

OTM, kollej va litsey talabalari uchun qishki ta’til 24 yanvargacha uzaytirildi

OTM, kollej va akademik litsey talaba-o‘quvchilari uchun qishqi ta’til 24 yanvargacha uzaytirildi. Avia va temir yo‘l chiptalariga 50 foizlik chegirma muddati ham uzaytiriladi, xarid qilingan chiptalar esa bepul tarzda boshqa sanaga almashtirib beriladi.

20 dekabr 2021, 21:11

Uzbekistan Airways talabalarga 50% chegirma taqdim etadi

Uzbekistan Airways kompaniyasi talabalarga 28 dekabrdan 10 yanvargacha ichki aviaqatnovlar uchun 50% chegirma taqdim etadi.

22 noyabr 2021, 13:25

Davlat imtihonidan yiqilgan talaba har o‘quv yilida imtihonni 2 martagacha qayta topshirishi mumkin

Endi OTM talabalari davlat imtihonidan yiqilsa, bir yil kutmaydi. Ular tomonidan qayta topshirish to‘g‘risidagi arizalar yig‘ilishiga qarab bir o‘quv yilida (3 yil davomida) ikki martagacha davlat imtihonlarini qayta topshira oladi.

28 oktabr 2021, 13:13

O‘zbekistonda talabalar soni yarim milliondan oshdi

O‘zbekistonda 2020/2021 — o‘quv yili boshida 571,5 ming nafar talaba OTMlarda ta’lim olmoqda. Ulardan 311,5 ming nafari yigitlar, 260 ming nafari qizlarni tashkil etgan.

6 oktabr 2021, 20:34

O‘zbekistonda nechta talabalar yotoqxonasi borligi ma’lum qilindi

Davlat statistika qo‘mitasi 2020−2021 o‘quv yili boshida O‘zbekistonda faoliyat yuritayotgan OTMlar soni haqdagi ma’lumotlarni e’lon qildi. Unga ko‘ra, O‘zbekistonda OTMlar soni 127 taga yetgan, ularning 88 tasida talabalar uchun yotoqxonalar mavjud.

27 sentabr 2021, 10:25

Talabalarga ijara to‘lovining bir qismini qoplab berish tartibi belgilandi

Ijarada yashayotgan talabalarga oylik ijara to‘lovining bir qismini davlat budjetidan qoplab berish to‘g‘risidagi nizom tasdiqlandi. Unga ko‘ra, OTMning faqat kunduzgi ta’lim shaklida o‘qiydigan talablarga ijara to‘lovining bir qismi qoplab beriladi. Ijara to‘lovining bir qismini qoplab berish o‘quv yilining davomiyligiga qarab belgilanadi.

5 sentabr 2021, 13:33

1-kurs talabalariga 6−13 sentyabr kunlari dastlabki tanishtiruv haftaligi o‘tkaziladi

1-kursga qabul qilingan talabalar uchun 6 sentyabrdan dastlabki tanishtiruv haftaligi, 13 sentyabrdan e’tiboran o‘quv rejaga muvofiq dars mashg‘ulotlari boshlanadi.

3 sentabr 2021, 12:57

Talabalar O‘zbekistonning xorijdagi elchixonalarida amaliyot o‘taydi

Xalqaro munosabatlar yo‘nalishlarida tahsil olayotgan talabalar O‘zbekistonning xorijdagi elchixonalarida amaliyot o‘taydi. Hukumat qarori bilan amaliyot muddati, saralab olish bosqichlari va tartibi belgilab berildi.


"Gazeta.uz"da ro`yxatdan o`tish

Qo`shimcha imkoniyatlarga ega bulish uchun saytda ro`yxatdan o`ting