«shavkat mirziyoyev» tegli maqolalar
Baliq yetishtiruvchi xonadonlarning yer va mulk soliqlari 50 foizga kamaytiriladi — Shavkat Mirziyoyev
Shavkat Mirziyoyev baliqchilik sohasini rivojlantirishga bag‘ishlangan yig‘ilishda baliq yetishtiruvchi xonadon egalari uchun yer va mulk soliqlari 50 foizga kamaytirilishini ma’lum qildi. Bundan tashqari, xonadonlarda kooperatsiya asosida yiliga 80 tonnadan ortiq baliq yetishtirgan klasterlar uch yil muddatga soliqlardan ozod etiladi.
Shavkat Mirziyoyev va Mun Chje In qo‘shma bayonotni qabul qildi
Seulda Shavkat Mirziyoyev va uning rafiqasini rasmiy kutib olish marosimi bo‘lib o‘tdi. Muzokaralar yakunida esa Shavkat Mirziyoyev va Mun Chje In strategik sheriklikni chuqurlashtirishga oid qo‘shma bayonotni qabul qildi. Qolaversa, AKT, «aqlli» qishloq xo‘jaligi sohalariga oid memorandumlar, Iqtisodiy taraqqiyot jamg‘armasi bilan hamkorlikda tibbiy uskunalar yetkazib berish to‘g‘risida bitim imzolandi.
Denovdagi bo‘lgan noxush voqea hammaning ko‘zini ochishi kerak — prezident
Prezident yaqinda Denovda ro‘y bergan portlash tafsilotlarini televideniye orqali batafsil ko‘rsatish bo‘yicha topshiriq berdi. «Yashiradigan O‘zbekiston emas hozir», — dedi Shavkat Mirziyoyev. Uning qo‘shimcha qilishicha, bundan buyon viloyatlar hokimlari shu singari holatlarning oldini olish uchun javobgarlikni shaxsan o‘z zimmasiga oladi.
Irrigatsiya instituti Milliy tadqiqot universitetiga aylantirildi
Toshkent irrigatsiya va qishloq xo‘jaligini mexanizatsiyalash muhandislari instituti shu nomdagi Milliy tadqiqot universitetiga aylantirildi. Yangi yildan boshlab universitet o‘z-o‘zini moliyalashtirish tizimiga o‘tadi va 2022/2023 o‘quv yilidan to‘liq ilmiy va tashkiliy, boshqaruv mustaqilligiga ega bo‘ladi. Universitet ishini esa Boshqaruv kengashi muvofiqlashtiradi.
«Zamonaviy IT-xabga aylantirish kerak». Prezident Mirzo Ulug‘bek tumanidagi IT-parkka bordi
Shanba kuni Shavkat Mirziyoyev Mirzo Ulug‘bek tumanidagi Dasturiy mahsulotlar va axborot texnologiyalari texnologik parkiga tashrif buyurib, uni «zamonaviy IT-xabga aylantirish kerakligini» ta’kidladi. Davlat rahbari shu yerning o‘zida hokimning mahalladagi yordamchilari bilan ham suhbatlashdi.
Shavkat Mirziyoyev YeOII doirasida savdodagi to‘siqlarni bartaraf etishga chaqirdi
Shavkat Mirziyoyev Oliy Yevroosiyo iqtisodiy kengashining navbatdagi yig‘ilishida nutq so‘zlab, YeOII doirasida o‘zaro savdodagi to‘siq va cheklovlarni bartaraf qilish, yangi transport yo‘laklarini barpo etish va «yashil» energetika loyihalarini amalga oshirish masalalariga to‘xtalib o‘tdi.
Qarshi va To‘raqo‘rg‘on neft bazalari rahbarlari ishdan olindi
Qarshi neft bazasi rahbari 32,7 mlrd so‘mlik debitor qarzdorlikni o‘z vaqtida hisobotlarda aks ettirmagani uchun ishdan bo‘shatildi. To‘raqo‘rg‘on neft bazasida 2 mlrd so‘mning kirim qilinmagani uchun rahbar, uning o‘rinbosari va bosh hisobchisi lavozimdan ozod qilindi.
Shavkat Mirziyoyev dekabr o‘rtasida Janubiy Koreyaga boradi
17 dekabr kuni O‘zbekiston prezidenti Shavkat Mirziyoyev va Janubiy Koreya prezidenti Mun Chje In Seulda sammit o‘tkazadi. Ular davlatlar o‘rtasida «kelajakka qaratilgan va o‘zaro manfaatli» hamkorlikni kengaytirish chora-tadbirlarini muhokama qilishlari kutilmoqda.
Prezident Konstitutsiyaga qator o‘zgartishlar kiritishni taklif qildi
Prezident Shavkat Mirziyoyev Konstitutsiya kuni munosabati bilan yo‘llagan tabrigida asosiy qonunga o‘zgartirishlar kiritishni taklif qildi. U inson huquqlarini himoya qilish bo‘yicha amaldagi tizim samarasini oshirish maqsadida Konstitutsiyada bolalar mehnatiga yo‘l qo‘ymaslik, nogironlar, keksa avlod vakillarining huquqlarini ishonchli himoya qilish masalalari ham o‘z aksini topishi kerakligini ta’kidladi.
«O‘zbekiston va Qozog‘iston — iqtisodiyotlari raqobat qilmaydi, bir-birini to‘ldirib turadi» — Shavkat Mirziyoyev
Oqo‘rda qarorgohida Shavkat Mirziyoyev va Qasim-Jomart Toqayev tor doirada muzokaralar o‘tkazdi. Shavkat Mirziyoyev ikki davlat iqtisodiyotlari raqobat qilmasligini, aksincha bir-birini to‘ldirib turishini ta’kidladi. «Strategik sherikligimizni ittifoqchilik munosabatlari darajasiga ko‘tarish to‘g‘risida tarixiy qaror qabul qilamiz», — dedi O‘zbekiston yetakchisi.
Prezident Qozog‘istonga jo‘nab ketdi
O‘zbekiston prezidenti Shavkat Mirziyoyev Qozog‘iston prezidenti Qasim-Jomart Toqayevning taklifiga binoan davlat tashrifi bilan Nur-Sultonga jo‘nab ketdi.
Prezident viloyat hokimlarining uy-joy qurishda 2−3 ta pudratchi tashkilot bilan cheklanib qolayotganini tanqid qildi
Endilikda davlat hisobidan bajariladigan qurilishlarda bosh prokuror o‘rinbosari boshchiligida respublika hamda viloyat shtablari tuziladi. Bu orqali qurilish narxlarini asossiz oshirish, tasdiqlangan loyihalarni o‘zboshimchalik bilan o‘zgartirish nazoratga olinadi.
Shavkat Mirziyoyevning saylovdan keyingi birinchi davlat tashrifi Qozog‘istonga bo‘ladi
O‘zbekiston prezidenti Shavkat Mirziyoyev 5−6 dekabr kunlari Qozog‘istonga davlat tashrifini amalga oshiradi. Bu oktabrdagi saylovdan keyin birinchi davlat tashrifi hisoblanadi.
Avtomobilning old qismiga monitor o‘rnatganlik uchun jarima bekor qilindi
Transport vositasi salonining old qismiga monitor o‘rnatganlik uchun javobgarlik bekor qilindi. Biroq, harakat vaqtida ulardan dasturlarni tomosha qilishda foydalanish taqiqlanganicha qolmoqda.
Haydovchilarga quloqchin yoki bluetooth orqali telefondan foydalanishga ruxsat etildi
O‘zbekistonda haydovchilarga harakat vaqtida quloqchin va qo‘l ishlatmasdan muloqot olib borish imkonini beruvchi boshqa qurilmalar orqali telefondan foydalanishga ruxsat berildi. O‘zgarishlar 1 dekabrdan kuchga kirdi.
5 yilda 21 ta yirik GES quriladi, yangi mini GESlar ham paydo bo‘ladi
2022−2026 yillarda 740 MVt quvvatga ega 21 ta yirik GES loyihalarini amalga oshirish rejalashtirilmoqda. Qishloqlarni elektr energiya bilan ta’minlash uchun esa 22 ta maydonda 5 MVtlik mini GESlarni qurish ko‘zda tutilgan.
Shavkat Mirziyoyev Ashxobodda IHT sammitida qanday takliflarni ilgari surdi?
O‘zbekiston prezidenti Shavkat Mirziyoyev Ashxobodda Iqtisodiy hamkorlik tashkilotining 15-sammitida nutq so‘zlab, to‘rtta yo‘nalish bo‘yicha takliflarni ilgari surdi. Xususan, 500 mln aholi yashaydigan IHTga a’zo davlatlarini savdo va investitsiya sohalaridagi katta imkoniyatlardan to‘liq foydalanishga chaqirdi. Shuningdek, davlat rahbari ishtirokchilarni navbatdagi sammitda ishtirok etish uchun O‘zbekistonga taklif etdi.
Shavkat Mirziyoyev Ashxobodga tashrif buyurdi
Prezident Shavkat Mirziyoyev Iqtisodiy hamkorlik tashkiloti sammitida qatnashish uchun Ashxobod shahriga bordi. Uni aeroportda Turkmaniston prezidenti kutib oldi. Ikki davlat rahbarlari sammit oldidan muzokara o‘tkazdi.
«Har bir xonadonda kamida 100 ta parranda, 20 ta quyon, 5−6 ta qo‘y va echki, 5 ta asalari uyalari boqishni yo‘lga qo‘yish zarur» — Shavkat Mirziyoyev
Prezident raisligidagi yig‘ilishda 500 ming gektarlik tomorqalardan foydalanish uchun 100 mln dollar ajratilishi ma’lum qilindi. Shavkat Mirziyoyev aholi daromadini oshirish uchun har bir xonadonda kamida 100 ta parranda, quyon, qo‘y, echki, asalari uyalari boqishni yo‘lga qo‘yish zarurligini ta’kidladi. Tomorqa xo‘jaligini rivojlantirish uchun subsidiyalar, garovsiz kreditlar ajratiladi, har bir tumanda kooperatsiyalar tashkil etiladi.
«Toshkent hokimi meni 450 mlrd so‘mga tushirdi». Prezident poytaxtdagi jarliklardan qutilish haqida
Shavkat Mirziyoyev Shayxontohur tumaniga tashrifi chog‘ida jarlar uni ko‘pdan beri qiynab kelayotgan muammo ekanligini ma’lum qildi. Jahongir Ortiqxo‘jayev esa buni hal etish uchun unga 450 mlrd so‘m zarur ekanligini aytgan. «Men bu pulni ertagayoq berishimni bildirdim», — dedi prezident. U shuningdek, jarliklarni yopib, uning o‘rniga daraxt ekish va yo‘l ochish bo‘yicha topshiriq bergan.
Eng ko‘p o‘qilgan xabarlar | So‘nggi yangiliklar
- 1-maydan pensiya va nafaqaning eng kam miqdorlari oshiriladi
- Xabar yangilandi. Davlat bog‘chalari uchun to‘lovlar ikki bosqichda oshiriladi
- May oyida ob-havo qanday bo‘ladi?
- Turkmaniston O‘zbekistonni Tojikistonning issiqxona pomidori bozoridan siqib chiqarmoqda — EastFruit
- Toshkentdagi markaziy ko‘chalardan birida asfalt o‘pirilib tushdi
Qo‘shimcha imkoniyatlarga ega bulish uchun saytda ro‘yxatdan o‘ting