«qonun» tegli maqolalar
Prezident davlat qarzi to‘g‘risidagi qonunni imzoladi
Prezident imzolagan “Davlat qarzi to‘g‘risida”gi qonunga muvofiq, bu ko‘rsatkichning maksimal miqdori YAIMga nisbatan 60% etib belgilandi. Uni samarali boshqarish uchun 3 yillik strategiya tasdiqlanadi. 2023-yil 1-yanvar holatiga, davlat qarzi 29,2 mlrd dollarga (YAIMga nisbatan 36,4 foiz) yetgan.
Endi import tovarlarga ham iste’mol krediti beriladi
Shavkat Mirziyoyev import tovarlarga iste’mol kreditlari berishga ruxsat etuvchi qonunni imzoladi. Bungacha bu turdagi kreditlar faqat mahalliy avtomobillar va maishiy texnika uchun berilgan. Jismoniy shaxslar boshqa fuqarolardan ikkilamchi bozorda avtomobil sotib olish uchun kredit olishlari mumkin bo‘ladi.
Endi fuqarolarga ma’muriy va fuqarolik ishlarida ham davlat hisobidan yuridik yordam ko‘rsatiladi
Senat ma’muriy va fuqarolik ishlarida ham davlat hisobidan yuridik yordam ko‘rsatilishini ko‘zda tutuvchi qonunni ma’qulladi. Bungacha davlat hisobidan yuridik yordam faqat jinoyat ishlarini yuritishda ko‘rsatilib kelinardi.
Pedagoglar faoliyatiga noqonuniy aralashganlar jarimaga tortiladi
O‘zbekistonda pedagoglarning ishiga to‘sqinlik qilganlik uchun javobgarlik kuchaytiriladi. Ularni takror ma’muriy mehnatga jalb qilganlar BHMning 150−200 baravarigacha jarima yoki 3 yilgacha axloq tuzatish ishlari bilan jazolanadi.
Davlat organlari o‘rtasida xavf tug‘diradigan mahsulot haqida tezkor xabar berish tizimi yaratiladi
Texnik jihatdan tartibga solish agentligi texnik jihatdan tartibga solish sohasidagi maxsus vakolatli davlat organi etib belgilandi. Davlat nazorati organlari o‘rtasida yuqori xavf tug‘diradigan mahsulot haqida tezkor xabar berish tizimi yaratiladi.
O‘zbekistonda 21 yoshgacha bo‘lgan shaxslarga tamaki va spirtli ichimliklar sotish taqiqlanadi
Senat 21 yoshgacha bo‘lgan shaxslarga tamaki mahsulotlari, elektron sigaretalar va spirtli ichimliklarni internet hamda savdo avtomatlar orqali sotishni taqiqlovchi qonun loyihasini ma’qulladi. Taqiqlar ro‘yxati sezilarli darajada kengaytirildi.
O‘zbekistonda bolalar va homilador ayollar mavjud bo‘lgan transportlarda chekish taqiqlanadi
O‘zbekistonda bolalar va homilador ayollar mavjud bo‘lgan transportlarda spirtli ichimliklar, tamaki va elektron sigaretalardan foydalanish taqiqlanadi. Yangi qonunga, eskisidan farqli o‘laroq, jamoat joylarining batafsil ro‘yxati kiritildi (Ro‘yxat).
Senat «Huquqbuzarliklar profilaktikasi to‘g‘risida»gi qonunni rad etdi
Senatorlar IIV ishlab chiqqan «Huquqbuzarliklar profilaktikasi to‘g‘risida»gi qonunni rad etdi. Ular bir qator normalar boshqa qonunlarga mos kelmasligini, ba’zan zid ekanini aytdi. «Qonunning bunday shaklda qabul qilinishi jiddiy muammolarni keltirib chiqarishi mumkin», — dedi Tanzila Narbayeva.
Endilikda muayyan yashash joyi yo‘q shaxslar reabilitatsiya markaziga joylashtiriladi
«Ma’muriy javobgarlik to‘g‘risida»gi kodeksga kiritilgan o‘zgartirishlarga ko‘ra, muayyan yashash joyiga ega bo‘lmagan shaxslarni reabilitatsiya markaziga joylashtirish tartibi belgilandi. Buning uchun asoslar yetarli deb topilsa, IIO xodimlari jinoyat ishlari bo‘yicha tuman, shahar sudlariga iltimosnoma yuboradi.
Qonun muqaddimasida unga o‘zgartirish kiritish zaruriyati, sabab va maqsadlari tushuntiriladi
Endi qonun loyihasini Qonunchilik palatasi tomonidan ikkinchi o‘qishda ko‘rib chiqish chog‘ida muhokama uning nomi, muqaddimasi, har bir moddasi bo‘yicha alohida-alohida o‘tkaziladi. Qonun muqaddimasida unga o‘zgartirish kiritish zaruriyati, sabab va maqsadlari tushuntiriladi.
Deputatlar qonunni Senatni chetlab o‘tib, prezidentga kiritmoqchi bo‘ldi, biroq Spiker shoshmaslikni so‘radi
Qonunchilik palatasi Senat tomonidan rad etilgan — nikohni ro‘yxatdan o‘tkazish uchun bir oylik muddatni bekor qilishga oid qonunni qayta ko‘rishdan olib tashlashni bekor qildi. Deputatlar qonunni Senatni chetlab o‘tib, to‘g‘ridan-to‘g‘ri prezidentga kiritishni taklif qildi, biroq Spiker shoshmaslikka chaqirdi.
Soliq maslahatiga oid yangi qonun qabul qilindi
«Soliq maslahatiga oid faoliyat to‘g‘risida»gi qonun qabul qilindi. Unga ko‘ra, soliq maslahatchisi mijozga soliqlar va yig‘imlarni hisoblash, to‘lash, hisobot tayyorlashda ko‘maklashishi, qolaversa, sudlar va huquqni muhofaza qiluvchi organlarda vakil sifatida qatnashishi mumkin. Yangi tartib oktabrdan kuchga kiradi.
Ochiq ma’lumotlarni oshkor etmagan davlat xizmatchilari jarimaga tortiladi
Ochiqlik to‘g‘risidagi qonunchilikni buzganligi uchun mansabdor shaxslar BHMning 3−5 baravari (900 ming — 1,5 mln so‘m) miqdorida jarimaga tortiladi. Huquqbuzarga nisbatan ma’muriy bayonnomani esa Korrupsiyaga qarshi kurashish agentligi tuzadi.
Ichimlik suvi tarmoqlari ta’mirlanayotganda aholiga suv transportda yetkazib beriladi
Ichimlik suvi ta’minoti to‘g‘risidagi qonun prezident tomonidan imzolandi. Unga ko‘ra, aholining sifatli ichimlik suvi bilan ta’minlanishi davlat tomonidan kafolatlanadi. Shu bois, ichimlik suvi tarmoqlari ta’mirlanayotganda hamda avariyaviy holatlarda aholiga suv transportda yetkazib beriladi.
«Endi hech kim osonlikcha birovning uyini „snos“ qila olmaydi» — Ruslanbek Davletov
Adliya vaziri Ruslanbek Davletov prezident imzolagan yer uchastkalarini olib qo‘yish tartib-tamoyillari to‘g‘risidagi qonun «xalqni bir necha yildan buyon qiynab kelgan muammolarga barham berishini» ta’kidladi. Hujjat kompensatsiya turlarini belgilab beradi va 3 mlnga yaqin uyni buzilishidan sug‘urtalaydi.
Inson a’zosini ko‘chirib o‘tkazishga majburlaganlar 8 yilgacha qamalishi mumkin
Jinoyat kodeksiga kiritilgan o‘zgartishlarga ko‘ra, insonni a’zolarini ko‘chirib o‘tkazishga rozilik berishga majburlaganlik uchun 5 yildan 8 yilgacha ozodlikdan mahrum qilish jazosi belgilandi. Qolaversa, tana a’zolari oldi-sotdisi va ularni mamlakatdan tashqariga olib chiqishga ham javobgarlik tayinlanmoqda.
O‘zbekistonda referendum to‘g‘risidagi qonunga o‘zgartishlar kiritiladi
Deputatlar referendum to‘g‘risidagi qonunga o‘zgartishlar kiritishni ma’qulladi. Unga ko‘ra, referendum o‘tkazuvchi komissiyalar vakolatlarini aniqlashtirish, komissiyalar qarorlari yuzasidan berilgan shikoyatlarni ko‘rib chiqish, kuzatuvchilarning huquqlarini kengaytirish nazarda tutilmoqda.
O‘zbekistonda mahalliy vino va pivoning cheklangan reklamasiga ruxsat beriladi
«Reklama to‘g‘risida»gi yangi qonun bilan O‘zbekistonda ishlab chiqarilgan pivo va vinolarni reklama qilishga ruxsat beradigan qator holatlar belgilab berildi. Bungacha mamlakatda alkogolli ichimliklar reklamasi butunlay taqiqlangan edi.
Davlat organlarining axborot tizimlari majburiy tartibda kiberxavfsizlik ekspertizasidan o‘tkaziladi
Prezident «Kiberxavfsizlik to‘g‘risida»gi qonunni imzoladi. Unga ko‘ra, davlat organlarining axborot resurslari va tizimlari majburiy tartibda kiberxavfsizlik ekspertizasidan o‘tkaziladi. DXX kiberxavfsizlik sohasidagi vakolatli organ etib belgilandi.
Senat «snos» to‘g‘risidagi qonunni qaytarishi mumkin
Senat «snos» to‘g‘risidagi qonunni quyi palataga qaytarishi kutilmoqda. Senatorlarning fikricha, qonunni qayta ko‘rib chiqishga 7 ta moddadagi kamchiliklar va ochiq qolgan masalalar sabab bo‘lmoqda. Deputat Rasul Kusherbayev esa bu noto‘g‘ri ekanligini aytib, qonun qaytgudek bo‘lsa, Qonunchilik palatasi hujjatni prezidentga to‘g‘ridan-to‘g‘ri kiritishi mumkinligini eslatib o‘tdi.
ENG KO‘P O‘QILGAN XABARLAR
- Farg‘onada to‘y korteji uyushtirgan 16 nafar yigit 15 sutkaga qamaldi (1)
- UzAuto Motors 4 ta model uchun kontraktatsiyani 3 soat ichida yopdi. Bu oraliqda 28 000 ta shartnoma tuzildi
- Rossiya O‘zbekistonda bir nechta maktab qurishni taklif qildi
- 19-sentabr kuni O‘zbekistonda sodir bo‘lgan eng muhim voqealar dayjesti
- Turkiyadagi zilzilalarda jabr ko‘rgan bir guruh nuroniylar O‘zbekistonga keldi
Qo‘shimcha imkoniyatlarga ega bulish uchun saytda ro‘yxatdan o‘ting