«mahkumlar» tegli maqolalar
Mustaqillik bayrami arafasida 286 kishi afv etildi
O‘zbekiston mustaqilligining 32 yilligi munosabati bilan 286 nafar mahkum afv etildi. Ularning 39 nafarini ayollar, 22 nafarini 60 yoshdan oshgan erkak, 30 nafarini chet davlat fuqarolari, 3 nafarini taqiqlangan tashkilotlar ishtirokchilari tashkil etadi.
O‘zbekistonda mahkumlarning jazoni o‘tash davridagi mehnati pensiya tayinlashda hisobga olinadi
Prezident imzolangan qonun bilan endi ozodlikdan mahrum etishga hukm qilingan shaxslarning jazoni ijro etish muassasalarida bajaradigan har qanday ishi, agar ushbu ish bajarilgan davr uchun jazoni ijro etish muassasasi tomonidan ijtimoiy soliq to‘langan bo‘lsa, pensiya tayinlashda ish stajiga qo‘shib hisoblanadi.
O‘zbekiston va Qozog‘iston mahkumlarni o‘zaro alishishi mumkin
Qozog‘istonda deputatlar O‘zbekiston bilan mahkumlarni alishish bo‘yicha kelishuvni ma’qulladi. Bosh prokuror o‘rinbosari 225 nafar o‘zbekistonlik mahkum jazoni vatanida o‘tash istagini bildirganini aytdi. «O‘zbekistonda 20 nafar sudlangan fuqarolarimiz bor, ular ham qaytishga qarshi emas, deb o‘ylaymiz», dedi u.
Mahkumlar internetdan foydalanishi mumkin bo‘ladi
IIVning jazoni ijro etish muassasalarining ichki tartib qoidalariga qo‘shimchalar kiritish borasidagi qaror loyihasi muhokamaga qo‘yildi. Hujjat bilan, mahkumlarniing elektron davlat xizmatlaridan foydalanishi uchun internetdan foydalanishi mumkin bo‘ladi.
Deputatlar Turkiya bilan mahkumlarni topshirish bo‘yicha bitimni ratifikatsiya qilishni ma’qulladi
Qonunchilik palatasi O‘zbekiston va Turkiya hukumatlari o‘rtasida mahkumlarni topshirish to‘g‘risidagi bitimni ratifikatsiya qilish to‘g‘risidagi qonunni birdaniga uchinchi o‘qishda qabul qildi.
Navoiydagi koloniyada 15 yilga hukm qilingan erkak o‘zini osib qo‘ydi
Navoiy shahridagi koloniyalardan birida 2018 yilda 15 yil 1 oyga ozodlikdan mahrum etilgan erkak o‘z joniga qasd qildi. Holat yuzasidan shahar maxsus prokuraturasi tergovga qadar tekshiruv ishlarini boshladi.
«Mahkumlarni tuzalish yo‘liga o‘tdi deb topish mezonlari shunchalik qiyinki, bunga ideal odam bo‘lish kerak»
Mahkumlarga oid qonun loyihasi muhokamasi deputatlar va IIV vakillari o‘rtasidagi bahsga sabab bo‘ldi. Hujjatda mahkumning tuzalish yo‘liga o‘tganini baholovchi uchta mezon qayd etilgan. Nurdinjon Ismoilov mezonlar juda qiyinligi, «bunga mos kelish uchun mahkum ideal bo‘lishi kerak"ligini ta’kidladi.
Tovoqsoy qamoqxonasida ikki mahkum o‘z joniga qasd qilishga urindi
Toshkent viloyatidagi Tovoqsoy qamoqxonasida ikki mahkum yashash binosidan o‘zini tashlab, joniga qasd qilishga urindi. Mahkumlarda og‘ir tan jarohatlari aniqlangan. Jinoyat alomatlari bo‘lmagani uchun prokuratura jinoyat ishi qo‘zg‘atmadi. Holatga «Ezgulik» jamiyati rahbari hamda Bosh prokuratura munosabat bildirdi.
Qamoqdan chiqqan fuqarolarga 9,2 mln so‘m yordam puli beriladi
O‘zbekistonda ozodlikdan mahrum etish jazosini o‘tab bo‘lgan fuqarolarga «dastlabki ijtimoiy-moddiy yordam paketi» doirasida 9,2 mln so‘m pul beriladi. Uni olish uchun esa fuqaro tadbirkorlik, me’morchilik, hunarmandchilik yo‘nalishlaridagi o‘z loyihasini maxsus komissiyaga taqdim etishi kerak.
Mahkumlar ishlagan muddatni ish stajiga qo‘shish taklif etilmoqda
Jazoni ijro etish muassasalarida jazo muddatini o‘tash davrida bajarilgan har qanday ish, agar ushbu ish uchun ijtimoiy soliq to‘langan bo‘lsa, ish stajiga qo‘shib hisoblanishi mumkin. Shuningdek, jazoni o‘tab bo‘lgan shaxslarga «Dastlabki ijtimoiy-moddiy yordam paketi» berish taklif qilinmoqda. Shuningdek, ozodlikka chiqqan shaxslarni aholining ehtiyojmand toifasiga kiritish rejalashtirilmoqda.
Sirdaryolik mahkum koloniyada turib 31 kishi bilan Suriyaga ketishni rejalashtirganlikda gumonlanmoqda
Gulistondagi koloniyada jazo o‘tayotgan fuqaro turli viloyatlardagi koloniyalarda jazo o‘tayotgan 20 nafar mahkum va 11 nafar ozodlikdagi kishi bilan Suriyaga chiqib ketishni rejalashtirganlikda gumonlanmoqda.
2021-yilda Ombudsman aralashuvi bilan 53 nafar mahkum ozodlikka chiqarildi
2021-yilda Inson huquqlari bo‘yicha vakil aralashuvi bilan 53 nafar mahkum ozodlikka chiqarildi. Jumladan, 48 nafar mahkumga tayinlangan ozodlikdan mahrum qilish jazosi ahloq tuzatish ishlariga, 3 nafar mahkumni jazosi esa shartli ravishda ozod etishga va 2 nafar mahkumniki uy qamog‘iga almashtirilgan.
Prezident 63 nafar mahkumni afv etdi
Prezident farmoni bilan ozodlikdan mahrum etish jazosini o‘tayotgan, qilmishiga pushaymon bo‘lgan va tuzalish yo‘liga o‘tgan 63 nafar shaxs afv etildi. Ularning ikki nafari 60 yoshdan oshgan shaxslar hisoblanadi.
Mahkumlarning qisqa muddatli uchrashuvlariga qo‘yilgan cheklovlar bekor qilindi
Mahkumlar va tergov hibsxonalarida saqlanayotganlarning qarindoshlari bilan qisqa muddatli uchrashuvlariga koronavirus tarqalishi sababli cheklovlar qo‘yilgan edi. Epidemik holat barqarorlashayotganini inobatga olib, qo‘yilgan vaqtinchalik taqiqlar bekor qilindi.
Mahkumlarning Ombudsman va Biznes ombudsmanga yo‘llagan shikoyatini ko‘zdan kechirish taqiqlanishi mumkin
Mahkumlarning Ombudsman va Biznes ombudsmanga yo‘llagan shikoyatini qamoqxona rahbariyati ko‘zdan kechirishi taqiqlanishi mumkin. Qolaversa, oluvchiga yigirma to‘rt soatdan kechiktirmay yuborilishi belgilanmoqda. IIV tegishli buyruqqa o‘zgartish va qo‘shimchalar kiritishni taklif etmoqda.
O‘zbekistonda jami 27,5 ming mahkum jazo o‘tamoqda — IIV
IIV Jazoni ijro etish bosh boshqarmasi vakili Jamshid Sultonov O‘zbekistonda jami 27,5 ming mahkum jazo o‘tayotganini ma’lum qildi. Bundan tashqari, probatsiya nazoratida 57 ming 36 nafar shaxs nazorat turgani ham ochiqlandi.
Jazo muddatini o‘tayotgan mahkumlarga OTMga kirish imkoniyati beriladi
Qamalguniga qadar OTMda ta’lim olgan fuqarolar endilikda o‘qishni davom ettirishi mumkin bo‘ladi. Bundan tashqari, jazoni o‘tash davrida OTMga kirish imkoniyati ham berilishi va ularga alohida jazoni o‘tash tartibini joriy etish ko‘zda tutilgan.
Jazoni o‘tayotgan fuqarolar videoaloqa orqali qarindoshlari bilan muloqot qila oladi
Jazoni o‘tayotgan mahkumlar endilikda videokonferensaloqa orqali qarindoshlari bilan onlayn rejimda uchrasha oladilar. Ushbu imkoniyatni yo‘lga qo‘yish uchun barcha jazoni ijro etish muassasalari optik tolali aloqa kanallari bilan ta’minlanadi.
«O‘zbekistonda 100 ming aholi soniga 67 nafar mahkum to‘g‘ri keladi» — Ichki ishlar vaziri
Ichki ishlar vaziri Po‘lat Bobojonov hozirda jazoni ijro etish tizimida 22,9 ming nafar mahkum saqlanishini, har 100 ming aholi soniga nisbatan 67 nafar shaxs to‘g‘ri kelishini ma’lum qildi. Jazoni ijro etish tizimidagi koloniyalarning sig‘imiga nisbatan saqlanayotganlar ko‘rsatkichi 56,4 foizni tashkil qilmoqda. Vazir endilikda jazoni ijro etish muassasalari va tergov hibsxonalari soni, ularning yuridik manzillari, saqlanayotgan shaxslar soni to‘g‘risidagi ma’lumotlar endi maxfiy hisoblanmasligini ta’kidladi.
ENG KO‘P O‘QILGAN XABARLAR
- O‘zbekiston Osiyo o‘yinlarida 32 ta medal bilan 6-o‘rinda
- “Antistrumin” ishlab chiqaruvchi Samo va uning sobiq ta’sischisi Nodir Yunusov haqida nimalar ma’lum?
- Sergelidagi holatdan foydalanib, aholidan pul undirmoqchi bo‘lganlar aniqlandi
- Shveysariya Bosh prokuraturasi mamlakat federal jinoyat sudiga Gulnora Karimovaga nisbatan ayblov xulosasini kiritdi
- Nima tayyorlaymiz: “Dangasa taomlar”
Qo‘shimcha imkoniyatlarga ega bulish uchun saytda ro‘yxatdan o‘ting