«korrupsiya» tegli maqolalar
Qashqadaryoda prokuratura tergovchisi 5 ming dollar bilan qo‘lga tushdi
Qarshi tumani prokuraturasi tergovchisi imtiyozli kredit maqsadli yo‘naltirilmagani yuzasidan fuqaroga qamoq ehtiyot chorasi qo‘llamaslik evaziga 5 ming dollar pora olayotganda ushlandi. Unga nisbatan JKning tegishli moddasi bilan jinoyat ishi qo‘zg‘atildi.
Ko‘kdala tumani hokimining muqaddam sudlangan o‘rinbosari korrupsiyada gumonlanmoqda
15 mln so‘mni olayotgan vaqtda Ko‘kdala tumani hokimining muqaddam talon-toroj qilishda sudlangan o‘rinbosari qo‘lga olindi, deb xabar bermoqda DXX. Shuningdek, Andijon viloyati transport boshqarmasi boshlig‘i vazifasini vaqtincha bajaruvchi (muqaddam sudlangan) ham qo‘lga olindi.
Toshkent aeroporti Aviatsiya xavfsizlik xizmati nazoratchisi pora berishga sheriklikda aybdor deb topildi
Jinoyat ishlari bo‘yicha Mirobod tumani sudi Toshkent xalqaro aeroportidagi Aviatsiya xavfsizlik xizmatining sobiq nazoratchisini 2 yilga ozodlikdan mahrum qildi. U 2000 dollar evaziga fuqaroni ushbu xizmatga ishga joylashtirishga va’da bergan.
2023-yilda lavozim jinoyati uchun sudlangan mansabdor shaxslar soni qariyb 15 foizga oshdi
2023-yilda 3575 nafar mansabdor shaxs jinoiy javobgarlikka tortilgan, bu avvalgi yilga nisbatan 14,7 foizga ko‘p degani. Katta farq bilan yetakchilik qilayotgan asosiy jinoyat turi mulkni o‘g‘irlashdir. Respublika darajasidagi amaldorlar 2022-yilga nisbatan 55 foizga kam hukm qilingan.
“O‘rmonqurilish” va Qishloq xo‘jaligi vazirligi huzuridagi markaz xodimlari qo‘lga olindi
Bosh prokuratura O‘rmon xo‘jaligi agentligi huzuridagi “O‘rmonqurilish” DUK hamda Qishloq xo‘jaligi vazirligi huzuridagi Oziq-ovqat va qishloq xo‘jaligi sohasida strategik rivojlanish va tadqiqotlar xalqaro markazi mansabdor shaxslari hibsga olingani haqida xabar berdi. Ular pora olganlikda gumon qilinmoqda.
O‘zbekiston Transparency International tashkilotining korrupsiyani qabul qilish indeksida besh pog‘onaga ko‘tarildi
O‘zbekiston Transparency International tashkilotining korrupsiyani qabul qilish indeksida 180 mamlakat ichida 121-o‘rinni egalladi. Yil davomida mamlakat besh pog‘onaga ko‘tarildi. Tashkilot ekspertlari korrupsiyaga qarshi yanada samarali kurashish uchun “keng qamrovli islohotlar” zarurligini ta’kidladi.
Samarqandda 2 nafar hokim yordamchisi pora olishda gumonlanib ushlandi
Samarqand tumani hokimining ikki yordamchisi mahalliy aholidan biriga yer ajratgani uchun 1000 dollar olayotgan vaqtida qo‘lga tushdi. SamDU tyutori esa 3 ming dollar olayotgan vaqtda ushlandi. U mahalliy aholiga mehnat faoliyatlariga 20 yillik ish staji qo‘shib berishni va’da qilgani aytilmoqda.
“Halollik vaksinasi” bilan emlangan yangi avlodni tarbiyalash ustuvor vazifamizdir — Shavkat Mirziyoyev
Prezident Korrupsiyaga qarshi kurashish bo‘yicha mukofotning taqdirlash marosimida “halollik vaksinasi” bilan emlangan yangi avlodni tarbiyalash ustuvor vazifa ekanini ta’kidladi. U Korrupsiya muammolari bo‘yicha mintaqaviy tadqiqot markazi hamda korrupsion surishtiruv instituti joriy etishni taklif qildi.
Qozog‘istonda korrupsionerlardan tortib olingan mablag‘lar hisobidan 62 ta maktab qurildi
Qozog‘istonda 76 ming o‘rinli 62 maktab qurilishi korrupsiya ishlari bo‘yicha qo‘lga kiritilgan va maxsus jamg‘armaga tushadigan mablag‘lar hisobidan moliyalashtirildi. Bugungi kunda jamg‘arma hisobida 328 million dollarga yaqin mablag‘ mavjud.
Andijon tibbiyot institutining qator rahbarlari lavozimidan ozod etildi
Andijon tibbiyot institutining 5 nafar mas’ul xodimi “faoliyatida jiddiy kamchilik va qonun buzilishi holatlariga yo‘l qo‘ygani sababli” ishdan bo‘shatildi. Oliygoh rektori ham lavozimini tark etishi mumkin. Iyul oyida institutning ikki xodimi 16 ming dollar olayotgan vaqtda qo‘lga tushgandi.
“Korrupsiya bo‘lmasa, hammasi xalqqa va’da berganimizdek bo‘ladi” — O‘zbekiston prezidenti
Shavkat Mirziyoyev inauguratsiya nutqida “hamma tizim o‘zgaradi”, deya va’da berdi. Qonunlar, odamlarni mensimaydigan, ularga qo‘pol munosabatda bo‘ladiganlar o‘rnini yoshlar egallashini bildirdi. Prezident korrupsiya bo‘lmasa, “barcha ishlar xalqqa va’da berilganidek bo‘ladi”, deya ta’kidladi.
Senat korrupsiyaga oid jinoyatlar uchun jazo choralari kuchaytirilishi to‘g‘risidagi qonunni maqulladi
Senatorlar “Jinoyat kodeksiga korrupsiyaga oid jinoyatlar uchun javobgarlik muqarrarligini ta’minlashga qaratilgan o‘zgartish va qo‘shimchalar kiritish to‘g‘risida”gi qonunni ma’qulladi. Endi ushbu jinoyatlarda aybdor deb topilganlar jazo muddatidan ilgari ozod qilinmaydi va yengil jazoga almashtirilmaydi.
Qozog‘istonda korrupsionerlardan musodara qilingan pullarga 70 ta maktab quriladi
Qozog‘istonda korrupsiyaga qo‘l urgan amaldorlardan musodara qilingan pullarga 70 ta maktab qurish rejalashtirilmoqda. Loyiha mamlakatning barcha hududlarini qamrab oladi. Hozirgacha bunday pullardan 120 mlrd tenge Moliya vazirligi hisobiga o‘tkazib berilgan.
DXX korrupsiya va firibgarlikda gumonlangan mansabdorlarni qo‘lga oldi
Davlat xavfsizlik xizmati Toshkent shahri va Farg‘ona, Namangan viloyatlarida korrupsiya va firibgarlikda gumonlangan mansabdorlarni qo‘lga oldi. Ular fuqarolardan 5−10 ming dollar olayotgan vaqtlarida ushlangani aytilmoqda.
O‘zbekistonda qonunchilik hujjatlarining 243 tasida 350 ta korrupsiyaviy holat aniqlandi
Ijtimoiy himoya, moliya va bank, tadbirkorlik, tashqi iqtisodiy faoliyat hamda bojxona ishiga oid 1 860 ta qonunchilik hujjati korrupsiyaga qarshi ekspertizadan o‘tkazildi. Ekspertizaga ko‘ra, 243 ta hujjatda 350 ta korrupsiyaviy omil aniqlandi.
Qashqadaryoda qurilish firmasi vakilidan 370 mln so‘m «otkat» olayotgan hokimlik xodimi ushlandi
Yakkabog‘ tumani hokimligi xodimi 5 mlrd so‘mlik tenderda yutishi uchun qurilish firmasi vakilidan 370 mln so‘m olayotgan vaqtda ushlandi. Tezkor surishtiruv harakatlari davomida ishga aloqador bo‘lgan maktabgacha ta’lim bo‘limi xodimi ham qo‘lga olindi.
«O‘zkimyosanoat» AJ va tarmoq korxonalariga 28,3 mlrd so‘mlik zarar yetkazilgani aniqlandi
2022 yilda «O‘zkimyosanoat» va tarmoqdagi korxonalarda korrupsion harakatlar, mablag‘larning talon-toroj qilinishi va qo‘shib yozishlar hisobiga 28,3 mlrd so‘mlik zarar yetkazildi. 57 ta holatda manfaatlar to‘qnashuvi aniqlandi. Tizimdagi 28 kishi jinoiy javobgarlikka tortildi, 25 nafari esa ishdan olindi.
O‘zbekiston Korrupsiyani qabul qilish indeksida 14 pog‘ona yuqoriladi
Transparency International xalqaro tashkilotining 2022 yil uchun Korrupsiyani qabul qilish indeksida O‘zbekiston 126-o‘rinni egalladi. Bu 2021 yilgi ko‘rsatkichga (140-o‘rin) qaraganda 14 pog‘ona yuqori.
«Tizim ichidan yemirilgan». Prezident — energetika tizimidagi korrupsiyalar haqida
O‘zbekistonda oxirgi oylarning o‘zida neftgaz va energiya nazorati tizimlarida 192 ta korrupsiya holatlari aniqlangani ham «tizim ichidan yemirilganidan» dalolat beradi, dedi prezident. DXX va Bosh prokuraturaga tizimdagi korrupsiya holatlarini bartaraf etish choralarini ko‘rish bo‘yicha topshiriqlar berdi.
SSV tizimida yana bir bor «Korrupsiyaga qarshi kurash yili» e’lon qilindi
Dekabr so‘ngida sog‘liqni saqlash vaziri lavozimiga tayinlangan Amrillo Inoyatov tizimda 2023 yilni Korrupsiyaga qarshi kurash yili deb e’lon qildi. «Ishonch telefoni sifatida o‘zimning shaxsiy raqamimni ham kiritaman», — dedi u. Vazirlik tizimida 2020 yil ham korrupsiyaga qarshi keskin kurash yili bo‘lgandi.
Eng ko‘p o‘qilgan xabarlar | So‘nggi yangiliklar
- Hafta davomida havo issiq bo‘ladi, joylarda yomg‘ir yog‘ishi kutilmoqda
- Gaz va elektr hisob raqamlari 1-maygacha to‘ldirib qo‘yilsa, eski tarif 2 oy mobaynida amal qiladi
- Chevrolet avtomobillarini endi yanada qulay shartlarda xarid qilish mumkin
- Foto, video: Toshkentning markaziy ko‘chalari bo‘ylab harbiy marsh bo‘lib o‘tdi
- UzAuto Motors 23-aprel kuni Damas uchun kontraktatsiyani ochadi
Qo‘shimcha imkoniyatlarga ega bulish uchun saytda ro‘yxatdan o‘ting