«hokim yordamchilari» tegli maqolalar
Hokim yordamchilarining 200 nafari Xitoyda amaliyot o‘taydi
O‘zbekistondagi 9 ming 400 nafar hokim yordamchilari “Xitoy tajribasi asosida kambag‘allikni qisqartirish” mavzusida ikki hafta mobaynida xitoylik mutaxassislardan onlayn ta’lim oladi. Loyihaning 2-bosqichida 200 nafar hokim yordamchilari Xitoyda ikki haftalik amaliyot o‘taydi.
Qashqadaryoda 2 nafar hokim yordamchisi qamoqqa olindi
Yakkabog‘ va Shahrisabz tumanlarining 2 nafar hokim yordamchisiga jinoyat ishi qo‘zg‘atildi. Ulardan biri 1,7 mlrd so‘mlik imtiyozli kreditni o‘zlashtirgani, ikkinchisi esa auksionga chiqib ketgan yer maydonini fuqaroga qoldirib berish evaziga 500 dollar olgani aytilmoqda.
«Onlayn mahalla» saytini ishlab chiqish uchun 8,4 mlrd so‘m sarflandi
Iqtisodiy taraqqiyot va kambag‘allikni qisqartirish vazirligi huzuridagi agentlik «Onlayn mahalla» platformasini ishlab chiqish uchun 8,4 mlrd so‘m (755 ming dollar) sarfladi. U hokim yordamchilarining samarali faoliyat yuritishi va boshqa maqsadlarda foydalanish uchun mo‘ljallangan.
Hokim yordamchilarini OTMga qabul qilish suhbat asosida bo‘lishi mumkin
Iqtisodiy taraqqiyot va kambag‘allikni qisqartirish vazirligi ishlab chiqqan Vazirlar Mahkamasi qarori loyihasiga ko‘ra, oliy ma’lumotga ega bo‘lmagan hokim yordamchilari suhbat asosida OTMga qabul qilinishi mumkin.
Hokim yordamchilari uchun halollik bo‘yicha kurslar o‘tkazilmoqda
Prezident tanqididan so‘ng, hokim yordamchilari uchun halollik va korrupsiyaga qarshi kurashish bo‘yicha maxsus kurslar tashkil etildi. Seminarlarda korrupsiyaga qarshi kurashish bo‘yicha normativ-huquqiy hujjatlar, korrupsiyaning oldini olish mexanizmlari va boshqalar tahlil qilinmoqda.
«Ayrim hokim yordamchilari ta’magirlik qilayotgani juda achinarli holat» — Shavkat Mirziyoyev
Prezident To‘raqo‘rg‘on tumani «Sharq» mahallasidagi hokim yordamchisi pora olgani uchun 5 yilga qamalganini ma’lum qildi. «Joylardagi ayrim hokim yordamchilari „kredit, subsidiya, yer olib beraman“, deb ta’magirlik qilayotgani ham juda achinarli holat», — dedi Shavkat Mirziyoyev. Barcha viloyat, tuman va shahar hokimlari qat’iy ogohlantirildi.
Surxondaryoda hokim yordamchisi pora bilan ushlangani aytilmoqda
Jarqo‘rg‘on tumani hokimining yordamchisi fuqarodan 60 sotix yer maydonini olib berish evaziga 5,5 mln so‘m so‘ragani xabar qilindi. U pulni olayotgan vaqtda ashyoviy dalillar bilan ushlangan.
Hokim yordamchilariga ipoteka krediti uchun 150 mln so‘mgacha subsidiya beriladi
Hukumat qarori bilan hokim yordamchilari va ularning faoliyatini samarali tashkil etishga mas’ul bo‘lgan respublika vakillariga ipoteka krediti uchun uy-joy narxining 50 foizigacha — biroq 150 mln so‘mdan oshmagan miqdorda subsidiya to‘lab beriladi. Qolaversa, ularga mukofot puli, maoshiga ustama to‘lov, uy ijarasi va shaxsiy mashinasida yurgani uchun benzin puli, chiptalar uchun konpensatsiya ham beriladi.
5 yilda Samarqandda loy bo‘lgan yo‘l umuman qolmaydi — Erkinjon Turdimov
Samarqand viloyatida kelgusi 5 yilda kamida 8 mlrd AQSh dollarlik 5,5 mingdan ortiq investitsion loyihalar amalga oshirilishi va buning natijasida 250 mingdan oshiq doimiy ish o‘rinlari yaratilishi rejalashtirilgan. Viloyat hokimi 8 ming kmlik yo‘llarga asfalt yotqizilib, viloyatda loy yo‘llar umuman qolmasligini ta’kidladi.
O‘zbekistondagi har bir mahallada yoshlar yetakchisi lavozimi joriy etildi
Prezident qaroriga asosan maktablardagi yoshlar yetakchilari shtat birliklari qisqartirilib, uning o‘rniga respublikadagi har bir mahallada yoshlar yetakchisi lavozimi joriy etildi. Ularga mahalladagi xonadonlar soniga qarab, 4 mln so‘mdan 5 mln so‘mgacha maosh to‘lanadi. Har chorakda eng ilg‘or 100 nafar yetakchi esa bir oylik maoshga teng pul mukofoti hamda «Yangi O‘zbekiston islohotchisi» ko‘krak nishoni bilan taqdirlanadi.
«Hokim yordamchilari har qanday byurokratiyadan xoli bo‘lishi lozim» — Shavkat Mirziyoyev
Prezident hokim yordamchilarini hech qaysi hokim yoki rahbar majlislarga chaqirmasligi, turli hisobotlar bilan «ko‘mib tashlamasligi», hokimlar ular uchun faqat sharoit yaratib berishi kerakligini ta’kidladi. «Hokim yordamchilari har qanday byurokratiyadan xoli bo‘lishi lozim», — dedi Shavkat Mirziyoyev.
O‘zbekiston mahallalarida 9 mingdan ortiq hokim yordamchilari ish boshladi
10 yanvardan O‘zbekistonning barcha hududlarida 9311 nafar hokim yordamchilari o‘z faoliyatini boshladi. Eng ko‘p hokim yordamchilari Samarqand (1120), Farg‘ona (1055) va Toshkent viloyatlarida (1014) tayinlangan. Hokim yordamchilarining hududlar bo‘yicha taqsimoti.
Qashqadaryoda hokim yordamchilari dam olish kunlari ishga chaqirilgani aytilmoqda
Qashqadaryo viloyati hokimining birinchi o‘rinbosari Nodir Erkayev 4 yanvargacha barcha xodimlar uchun dam olish kuni etib belgilanganiga qaramasdan, yanvar boshidan viloyatdagi hokim yordamchilarini ishga chaqirib olgani aytilmoqda. «1 yanvardan hamma mahallada ish boshlashi kerak», — deb yozgan u ijtimoiy tarmoqlarda tarqalgan suratda. Nodir Erkayev 3 yanvar kuni hokim yordamchilari bilan Qamashi tumanidagi mahallalarga ham borgan.
Andijon viloyatida hokim yordamchilari uniformasi uchun 855 mln so‘m ajratildi
Andijon viloyati hokimining farmoyishi bilan hokim yordamchilarining uniformasi uchun 855 mln so‘m ajratildi.
Hokim yordamchilarining maoshi ular ishlaydigan mahalladagi xonadonlar soniga qarab belgilanadi
Prezident farmoniga binoan, hokim yordamchilarining oylik ish haqi miqdori ular biriktirilgan mahalladagi xonadonlar soniga mutanosib ravishda belgilanadi. Shuningdek, hukumat bir oy muddatda hokim yordamchilari faoliyatini qo‘llab-quvvatlash jamg‘armasi to‘g‘risidagi nizomni tasdiqlaydi.
«Hech kimni majburlashga haqqi yo‘q». Adliya vaziri — hokim yordamchisi lavozimiga majburiy tayinlovlar haqida
Adliya vaziri Ruslanbek Davletov respublikadagi barcha mahallada hokim yordamchisi lavozimiga moliya-iqtisodiyot sektori xodimlari majburan o‘tkazilayotganiga izoh berar ekan, «bu noqonuniy», deya ta’kidladi. «Hech kimni majbur qilishga haqqi yo‘q… Tazyiqlar bo‘ladigan bo‘lsa murojaat qilishi mumkin», — dedi u. Vazir shuningdek, kasbni erkin tanlash konstitutsiyaviy huquq ekanligini eslatib o‘tdi.
«Investitsiya dasturi vazirlikda emas, balki mahalladan boshlab shakllanadi» — prezident
Shavkat Mirziyoyev kelgusi yildan mahallalar ehtiyojlarini inobatga olgan holda investitsiya dasturlari ishlab chiqilishini, bunga esa hokim yordamchilari mas’ul bo‘lishini ma’lum qildi. «Bundan buyon investitsiya dasturlarini hokimlarning o‘zi mahallabay tamoyili asosida ishlab chiqadi. Ya’ni, dastur vazirlikda emas, balki mahalladan boshlab shakllanadi», — dedi davlat rahbari.
Viloyatlarda moliya-iqtisodiyot sektori xodimlari majburan mahallada «hokim yordamchisi» lavozimiga o‘tkazilayotgani aytilmoqda
Respublika bo‘ylab barcha mahallalarda «hokim yordamchisi» lavozimiga moliya-iqtisodiyot sektori xodimlari majburlab o‘tkazilayotgani aytilmoqda. Murojaatchilarning so‘zlariga qaraganda, ular ushbu lavozimga o‘tishni rad etsa, «prezidentga xiyonat» qilayotganlikda ayblanib, ishdan bo‘shatilishi bilan qo‘rqitilmoqda. Suhbatga kelmaganlar esa ichki ishlar organlari tomonidan majburan olib ketilayotgani ma’lum qilindi. Avvalroq, saylovoldi tashviqoti davrida Shavkat Mirziyoyev «hokim yordamchisi» lavozimiga yoshlar orasidan nomzodlar tanlab olinishini aytgandi.
ENG KO‘P O‘QILGAN XABARLAR
- Futbol bo‘yicha U-20 JCH. O‘zbekistonning 1/8 finaldagi raqibi ma’lum bo‘ldi
- UzAuto Motors aprelda minglab Cobalt, Lacetti, Damas ishlab chiqargan. Biroq bu avtomobillar sotuvda yo‘q
- O‘zbekistonga benzin qayerdan keladi? Uning hajmi va narxi haqida
- XDP O‘zbekiston prezidentligiga nomzod va uning dasturini tasdiqladi
- Juma tabrigi va diniy masalalarni tarqatishga hech qanday ta’qib yo‘q — Musulmonlar idorasi
Qo‘shimcha imkoniyatlarga ega bulish uchun saytda ro‘yxatdan o‘ting