Jamiyat
Xarkov, Sumi va Xersondagi o‘zbekistonliklar harbiy harakatlar to‘liq tugagach evakuatsiya qilinadi — TIV
Ukrainadagi elchixona faol harbiy harakatlar borayotgan Xarkov, Sumi va Xerson shaharlaridan o‘zbekistonliklarni evakuatsiya qilishda qiyinchiliklar duch keldi. Fuqarolar harbiy harakatlar to‘liq tugaganidan keyin evakuatsiya qilinadi. Hozircha ularga bunkerlarda qolish tavsiya etildi.
Qarshida fuqaro «Mikrokreditbank» mas’ullari bilan 1,1 mlrd kredit pullarini o‘zlashtirgani aytilmoqda
Qarshi tumanida fuqaro «Mikrokreditbank» mas’ul xodimlari bilan boshqa fuqaro nomiga korxona ochib, 1,9 mlrd so‘m kredit ajratib bergani va shundan 1,1 mlrd so‘mni mahsulot xaridi uchun o‘tkazish orqali talon-toroj qilgani aytilmoqda. Holat yuzasidan jinoyat ishi qo‘zg‘atildi.
O‘zbek paxtasi tizimli bolalar mehnati va majburiy mehnatdan holi bo‘ldi — XMT
Xalqaro mehnat tashkiloti O‘zbekiston 2021 yilgi paxta yetishtirish hamda yig‘im-terim mavsumida bolalar mehnati va majburiy mehnatga barham berganini ma’lum qildi. Xususan, 2021 yilda terimchilarning 99 foizi ixtiyoriy, taxminan bir foizi esa bevosita yoki bilvosita majburlash orqali ushbu jarayonga jalb etilganini ma’lum qilgan. Terimchilarning uchdan ikki qismini xotin-qizlar tashkil etadi.
O‘zbekiston vaksina uchun shpritslarni qabul qilib oldi
Chorshanba kuni COVAX dasturi doirasida O‘zbekistonga Pfizer vaksinasi bilan emlashda ishlatish uchun 669 ming dollarlik shprits va ularni xavfsiz utilizatsiya qilish uchun qutilar keltirildi.
Oliy va o‘rta maxsus ta’lim xodimlari uchun ko‘krak nishonlar ta’sis etish taklifi bildirildi
Oliy va o‘rta maxsus ta’limda fidokorona mehnat qilayotgan, tashabbuskor, soha rivojiga munosib hissa qo‘shgan fuqarolarni 2 turdagi ko‘krak nishon bilan taqdirlash taklifi ilgari surildi. Mukofotlar 1-oktabr — Ustoz va murabbiylar kuni bayrami arafasida topshirish rejalashtirilmoqda. G‘oliblarga nishon bilan birga BHMning 4 baravarigacha pul mukofoti ham berish ko‘zda tutilgan.
Bahorning ilk kunida 95 kishida kovid aniqlandi
Bahorning birinchi kunida O‘zbekistonda 95 kishining koronavirusga topshirgan test tahlili musbat natijani ko‘rsatdi. Yana 11 kishida pnevmoniya aniqlandi.
Tadbirkorlarni tekshirishda eng ko‘p soliq organlari qonun buzgan — Biznes-ombudsman
Biznes-ombudsman 2021-yilda davlat organlari tadbirkorlar faoliyatini tekshirishda yo‘l qo‘ygan huquqbuzarliklar tahlilini e’lon qildi. Unga ko‘ra, 1200 dan ortiq holatda eng ko‘p soliq organlari (238 ta), Agroinspeksiya (167 ta) va Ekologiya qo‘mitasi (166 ta) qonunbuzilishiga yo‘l qo‘ygan. Qolaversa, Transport vazirligi idoralarining mansabdorlariga jinoyat ishi ochish bo‘yicha prokuratura organlariga 8 ta taklif kiritilgan.
1 mart kuni O‘zbekistonda sodir bo‘lgan eng muhim xabarlar dayjesti
Favqulodda vaziyatlar vaziri bo‘lgan Abdulla Qo‘ldoshev, yangi tashkil etilgan Xotin-qizlar va oila ishlari qo‘mitasi, mahalla vaziri v.b. lavozimiga ma’qullangan Tursinxan Xudaybergenov, O‘zbekistonning 2021 yildagi davlat qarzi qariyb 3 mlrd dollarga ko‘paygani, yangi o‘quv yilidan budjetdan to‘lab berilayotgan 23 ming magistr qizning kontrakti va boshqalar — «Gazeta.uz» ning 1 martdagi eng muhim xabarlari dayjestida.
Moliya vazirligi o‘quv markazi o‘tkazgan qariyb 700 mln so‘mlik tenderda aka-ukaga tegishli ikkita firma qatnashdi
Moliya vazirligi qoshidagi o‘quv markazi «Moliyachi ma’lumotnomasi» byulletenini chop etish uchun qariyb 700 mln so‘mlik tender e’lon qildi. Unda aka-ukaga tegishli ikkita firma qatnashgan, xolos. Moliya vazirligi «Gazeta.uz» taqdim etgan ma’lumotlarni o‘rganib chiqib, ular tasdig‘ini topgan taqdirda, tender bekor qilinishini bildirdi.
Evakuatsiya qilingan o‘zbekistonliklarning uchinchi reysi Katovitsedan uchib ketdi
Ukrainadan evakuatsiya qilingan 253 nafar o‘zbekistonlik chiqqan uchinchi maxsus reys Polshaning Katovitse shahridan Toshkentga qarab uchib ketdi. Bort taxminan 20:45 da qo‘nishi kutilmoqda.
Mart oyida beqaror ob-havo bo‘lishi kutilmoqda
Mart boshida havo iliq bo‘ladi, 5 mart kunidan esa ob-havo yomonlasha boshlaydi. Oy yakuniga qadar martga xos beqaror ob-havo bo‘lishi kutilmoqda. O‘zgidromet bahorning ilk oyi qanday bo‘lishi, qaysi yillarda mart oyi eng issiq va eng sovuq bo‘lib o‘tganini ma’lum qildi.
«Uyqusiz to‘rt kun». Ukrainadan evakuatsiya qilingan o‘zbekistonliklar taassurotlari
Uzbekistan Airways aviakompaniyasining bortida Ukrainadan evakuatsiya qilingan O‘zbekiston fuqarolari bo‘lgan birinchi samolyoti 28 fevral kuni Toshkent shahriga kelib qo‘ndi. Samolyot Polshaning Katovitse shahridan 251 o‘zbekistonlikni olib keldi. «Gazeta.uz» muxbiri maxsus reys fuqarolari va uchib kelish zalida ularni kutib olayotgan insonlar bilan muloqot qildi.
SSV UNICEF bilan birgalikda $102,5 mlnlik loyihalarni amalga oshiradi
Sog‘liqni saqlash vazirligi va UNICEF o‘rtasida 2022−2025 yillarga mo‘ljallangan “Yo‘l xaritasi” imzolandi. U to‘rtta asosiy yo‘nalishdan iborat vazifalarga jami 102,5 mln dollar ajratiladi. Hamkorlik doirasida perinatal markazlardagi tibbiyot xodimlarining malakasi oshiriladi, bolalar viruslarga qarshi emlanadi, shifoxonalar zamonaviy uskunalar bilan jihozlanadi, maktab o‘quvchilari salomatligi bilan bog‘liq milliy strategiya ishlab chiqiladi.
Qariyb ikki oy o‘tib, kunlik COVID-19 holatlari soni 100 tadan kamaydi
Dushanba kuni respublika bo‘yicha 96 kishida koronavirus aniqlandi. Kun davomida bir bemor vafot etdi, 12 kishida esa pnevmoniya aniqlandi.
Yerni rasmiylashtirib berish uchun $200 ming so‘ragan davlat xizmatchisi ushlandi
Namangan viloyatida yerni rasmiylashtirib berish uchun 200 ming dollar so‘ragan davlat xizmatchisi qo‘lga olindi. Samarqand viloyatida Milliya gvardiya xodimi 6 gektar yerni 157 ming dollarga sotmoqchi bo‘lganligi aniqlangan. DXX boshqa hududlarda ham noqonuniy yer sotilishi holatlarini aniqladi.
Yana 258 nafar Ukrainadan evakuatsiya qilingan o‘zbekistonliklar vatanga qaytarildi
1 mart kuni ertalab Uzbekistan Airways`ning ikkinchi maxsus reysi Ukrainadan evakuatsiya qilingan 258 nafar O‘zbekiston fuqarosini Polshadan olib keldi.
241 nafar o‘zbekistonlik Ukrainadan Toshkentga yetib keldi
28 fevral kuni soat 23:00da Toshkent aeroportiga Ukrainadan evakuatsiya qilingan o‘zbekistonliklarning birinchi reysi qo‘ndi.
Katovitse shahridan evakuatsiya parvozlari bepul — Transport vazirligi
Transport vazirligi ijtimoiy tarmoqlarda Ukrainadan evakuatsiya qilinayotgan O‘zbekiston fuqarolarini mamlakatga olib kelish uchun tashkil etilayotgan maxsus aviareyslar uchun chiptalar sotilayotganligi haqidagi ma’lumotni rad etdi. Polshaning Katovitse shahridan maxsus reyslar O‘zbekiston hukumati tomonidan bepul tashkil etilayotgani aytildi.
O‘zbekistonning Ukrainadagi elchixonasi mikroavtobusiga snaryad parchasi kelib urilgan
O‘zbekistonning Ukrainadagi elchisi Alisher Kurmanov elchixona mikroavtobusining old oyna va yon tomonni ko‘rsatuvchi oynalariga snaryad parchasi zarar yetkazganini ma’lum qildi. «Shrapnel tushgan deyishdi», — dedi u.
«Velosipedda oyog‘im bitta ekanini unutaman». Bir sportchi hikoyasi
2010 yilda 11 yoshli Abror Artikovni poyezd urib yubordi. Bolaning oyog‘ini son qismidan kesib tashlashdi. U yangi reallikni qabul qilishga harakat qilardi va bir marta velosipedga minib ko‘rdi. Bir necha marotaba yiqilib, ko‘karib, muvozanatini maromiga keltirdi. Abror uchib ketdi. Ko‘p o‘tmay u velosport bo‘yicha murabbiy bilan tanishib, professional tarzda shug‘ullana boshladi. Bu hikoya O‘zbekiston terma jamoasi parasportchilaridan birining yengilmas ruhiyati haqida. Abrorning ustozi bu unga Parij-2024 Paralimpiya o‘yinlari shohsupasiga ko‘tarilishiga yordam berishiga ishonadi.
Eng ko‘p o‘qilgan xabarlar | So‘nggi yangiliklar
- Toshkentda Gentra TAPOiCh ko‘prigidan pastga qulab tushdi
- Uzbekistan Airways Qanot Sharq aviakompaniyasidan ikkita A330 samolyotini ijaraga oldi
- “Boxo zavxoz” laqabi bilan tanilgan Bahodir Sultonov 10 yilga, Niyoz Ibodov esa 4 yilga qamaldi
- Surxondaryoda Cobalt urib yuborgan ikki boladan biri vafot etdi
Qo‘shimcha imkoniyatlarga ega bulish uchun saytda ro‘yxatdan o‘ting