Jamiyat
1 iyuldan orqa yon oynalarni qoraytirish bepul bo‘ladi
1 iyuldan avtomobilning orqa yon oynalarini qoraytirish to‘lovlari bekor qilindi, old yon oynalarni esa 2,4 mln so‘m etib belgilandi. Mazkur tartib prezident qarori bilan rasman tasdiqlandi.
«Tinchlik» metro bekatining devoridan suv sizib chiqdi
«Tinchlik» metro bekatining 2-vestibyulida issiq suv quvurlaridan suv sizib chiqishi holati sodir bo‘ldi. Shu bois bekatning bir qismi vaqtincha yopildi va muammolar bartaraf etilmoqda, deb ma’lum qildi Toshkent metropoliteni.
«83% respondentlar konstitutsiyaviy islohotlarni qo‘llab-quvvatlaydi» — Ijtimoiy fikr
Ijtimoiy fikr markazi o‘tkazgan so‘rovnomada respondentlarning 83 foizi «konstitutsiyaviy islohotlarni qo‘llab-quvvatlashi va zamonaviy sharoitlarda Konstitutsiyani takomillashtirish zaruriyatini e’tirof etishini» ma’lum qildi. 47,2% respondent esa Bosh qonunni takomillashtirishda ishtirok etishni xohlaydi.
Samarqandda 29 yoshli ayol uksus kislotasidan zaharlanib, vafot etdi
Samarqandda istiqomat qiluvchi 29 yoshli ayol uksus kislotasidan zaharlanishi oqibatida vafot etdi. Ijtimoiy tarmoqlarda u o‘z joniga qasd qilgani aytilmoqda. Bosh prokuratura tergovga qadar tekshiruv harakatlarini o‘z nazoratiga oldi.
Koronavirusning kunlik holati 100 tadan kamaydi
Dushanba kuni 91 kishining koronavirusga topshirgan PZR-test tahlili musbat natijani qayd etdi, bir kun avval mazkur ko‘rsatkich 133 tani tashkil qilgandi.
Qurbon hayiti arafasida o‘zbekistonliklar 4 kungacha dam olishi kutilmoqda
Qurbon hayiti arafasida o‘zbekistonliklar 4 kungacha, 9 iyuldan (shanba) boshlab 12 iyulga qadar (seshanba) dam olishi kutilmoqda, biroq bu hali rasman tasdiqlanmadi. Uzbekistan Airways ayni shu kunlardagi chiptalarga 50 foizlik chegirmani e’lon qildi.
27 iyun kuni O‘zbekistonda sodir bo‘lgan eng muhim xabarlar dayjesti
OAV xodimlarini tabriklagan prezident, yoqib yuborilgan 2 tonna narkotik moddalar, Qarshiga boradigan yana bitta Afrosiyob poyezdi, «Oltin qalam» bosh mukofoti sohibiga mashina, jaziramada poyezdning sekin harakatlanishi va boshqalar — «Gazeta.uz» ning 27 iyundagi eng muhim xabarlari dayjestida.
Jazirama tufayli poyezdlar sekin harakatlanmoqda
Anomal issiqlik tufayli Toshkent metropolitenining yer usti stansiyalarida kunduz kunlari poyezdlar tezligi pasayadi. Shaharlararo poyezdlar ham sekinroq harakatlana boshladi.
Davlat media sohasini qanday qo‘llab-quvvatlamoqchi?
OAV xodimlarining chet tillarga o‘qish xarajatlari kompensatsiya qilinadi, Jurnalistlar uyushmasi jurnalistlarga nisbatan qo‘zg‘atilgan jinoyat ishlarida qatnashadi, jurnalislarni tayyorlash jarayoni amaliyot bilan integratsiya qilinadi — prezident qarori bilan media sohasini qo‘llab-quvvatlash choralari belgilandi.
Qarshiga yana bitta Afrosiyob poyezdi qo‘yiladi
8 iyuldan «Toshkent-Qarshi-Toshkent» yo‘nalishida yana bitta Afrosiyob qatnovi yo‘lga qo‘yiladi. Samarqand va Buxoro viloyatlariga qatnaydigan tezyurar poyezdlar harakati jadvaliga ham o‘zgartirish kiritiladi, yakshanba kungi «Toshkent-Samarqand-Toshkent» yo‘nalishidagi Afrosiyob qatnovi esa to‘xtatiladi.
«Oltin qalam» bosh mukofoti sohibiga avtomobil beriladi
2023 yildan «Oltin qalam» sohiblarining pul mukofoti oshiriladi, qolaversa, bosh mukofot sohibiga avtomobil beriladi. Har chorakda OAVlarda e’lon qilingan eng yaxshi materiallar mualliflari 15 mln so‘mgacha, bolalarga mo‘ljallangan tele va radio mahsulotlar ijodkorlari esa 90 mln so‘mgacha rag‘batlantiriladi.
«Yashil makon» harakati doirasida talablarni bajarmagan 109 nafar mansabdor jarimaga tortildi
«Yashil makon» harakati doirasida kuz va bahor mavsumida jami 213 mln tup daraxt va buta ekildi, deb ma’lum qildi Ekologiya qo‘mitasi. Mazkur daraxtlarni parvarishlashga mas’ul bo‘lgan 109 nafar mansabdor talablarni bajarmagani bois jami 311 mln so‘m miqdorda jarimaga tortildi.
MTRK rahbari birinchi o‘rinbosari Farhod Mahmudov vafot etdi
Milliy teleradiokompaniya raisi birinchi o‘rinbosari, O‘zbekistonda xizmat ko‘rsatgan jurnalist Farhod Mahmudov 49 yoshida vafot etdi.
Hafta davomida anomal issiq havo davom etadi
Bu hafta O‘zbekistonda havo harorati +45 darajagacha issiq bo‘ladi. Faqat juma kuni issiq biroz pasayadi. Bu iqlimiy meyorlardan 5−7 darajaga yuqori ekani aytildi.
2 tonnaga yaqin giyohvandlik vositalari yo‘q qilindi
Narkotik moddalarni nazorat qilish bo‘yicha Davlat komissiyasi 1 tonna 900 kgdan ortiq giyohvandlik vositalarini maxsus pechda yoqib yubordi.
Buxoroda 7 gektar yerni $120 mingga sotmoqchi bo‘lgan shaxs ushlandi
Buxoro viloyatida 7 gektar ekin yer maydonini 120 ming dollarga sotishga uringan shaxs kelishilgan pulning 20 ming dollarini olayotgan vaqtda ushlandi. Holat yuzasidan jinoyat ishi qo‘zg‘atilib, tergov harakatlari olib borilmoqda.
Uzbekistan Airports Toshkent aeroportidagi yuk aravalari bilan bog‘liq muammoni tushuntirdi
Uzbekistan Airports Toshkent xalqaro aeroportida yuk aravalari yetishmasligini Abadiya Trade kompaniyasi shartnomani bir tomonlama bekor qilgani bilan izohladi. Aeroport xodimlari yo‘lovchilarga yordam berishadi.
Farg‘onada nogiron bola defektolog tomonidan kaltaklangani aytilmoqda
Ijtimoiy tarmoqlarda bog‘chada bola kaltaklangani aks etgan videoga Farg‘ona viloyati MTB raddiya berdi. Ma’lum bo‘lishicha, voqea bog‘chada emas, balki defektolog mutaxassisning uyida sodir bo‘lgan. Viloyat IIB bolani mutaxassisning singlisi urgani va ish sudga o‘tkazilganini ma’lum qildi.
Yakshanba kuni yana 133 kishi virus yuqtirgani aniqlandi
26 iyun kuni O‘zbekistonda 133 kishi koronavirusga chalingani (oldingi kun 139 kishi) ma’lum bo‘ldi. Eng ko‘p kasallik Toshkent shahri va Farg‘onada aniqlangan.
Farg‘onada qizni ko‘chada kaltaklagan yigitning shaxsi aniqlandi
Ijtimoiy tarmoqlarda bir yigit ko‘chada qizni kaltaklagani aks etgan videolar tarqaldi. Farg‘ona IIBning ma’lum qilishicha, yigitning shaxsi aniqlangan. Holat yuzasidan tergovga qadar tekshiruv harakatlari olib borilmoqda.
Eng ko‘p o‘qilgan xabarlar | So‘nggi yangiliklar
Qo‘shimcha imkoniyatlarga ega bulish uchun saytda ro‘yxatdan o‘ting