8 iyul sanasidan boshlab, haftaning har juma, shanba va yakshanba kunlari «Toshkent-Qarshi-Toshkent» yo‘nalishida 780/779-sonli yuqori tezlikda harakatlanuvchi Afrosiyob elektropoyezdlari qatnovi yo‘lga qo‘yiladi, deya xabar bermoqda «O‘ztemiryo‘lyo‘lovchi» AJ matbuot xizmati.

Harakat jadvaliga ko‘ra «Toshkent- Qarshi» yo‘nalishida qatnovini amalga oshiradigan 780-sonli Afrosiyob zamonaviy elektropoyezdi har haftaning juma, shanba va yakshanba kunlari soat 07:00 da Toshkent Markaziy vokzalidan, «Qarshi-Toshkent» yo‘nalishida harakatlanadigan 779-sonli Afrosiyob elektropoyezdi esa Qarshi vokzalidan soat 15:25 da qatnovni amalga oshiradi.

Shu bois, 8 iyul sanasidan boshlab, bugungi kunda «Toshkent-Samarqand-Toshkent» yo‘nalishida harakatlanayotgan 764/763-sonli hamda «Toshkent-Buxoro» yo‘nalishida harakatlayotgan 770-sonli Afrosiyob elektropoyezdlarining harakat jadvaliga ham o‘zgartirish kiritiladi.

Unga ko‘ra, «Toshkent-Samarqand» yo‘nalishida harakatlanadigan 764-sonli tezyurar poyezd har kuni soat 08:30 da Toshkent Markaziy vokzalidan, «Samarqand-Toshkent» yo‘nalishida harakatlanayotgan 763-sonli poyezd soat 16:15 da Samarqand vokzalidan, «Toshkent-Buxoro» yo‘nalishida harakatlanadigan 770-sonli elektropoyezdi esa soat 08:56 da Toshkent Markaziy vokzalidan qatnovini amalga oshiradi.

Yuqoridagi Afrosiyob elektropoyezdlari harakati yo‘lga qo‘yilishi munosabati bilan, 10 iyul kunidan boshlab xaftaning har yakshanba kuni «Toshkent-Samarqand-Toshkent» yo‘nalishida harakatlanayotgan 768/767-sonli Afrosiyob elektropoyezdi qatnovi to‘xtatiladi.