Siyosat
AQSH koronavirusga qarshi kurash uchun O‘zbekistonga qo‘shimcha $3 mln ajratadi
AQSH hukumati COVID-19 pandemiyasiga qarshi kurash uchun O‘zbekistonga qo‘shimcha 3 million dollar ajratadi. Vashingtonning O‘zbekistonda koronavirusga qarshi sa’y-harakatlarni qo‘llab-quvvatlashda ko‘rsatgan bevosita yordami ja’mi 5,92 mln dollarni tashkil etdi.
Har bir sektorda “Kambag‘allikni qisqartirish shtabi” tashkil etiladi
Shavkat Mirziyoyev Andijon viloyatidagi yig‘ilish davomida endilikda har bir sektorda “Kambag‘allikni qisqartirish shtabi” tashkil etilishini ma’lum qildi. Mazkur shtablarga iqtisodiyot, moliya, mehnat, investitsiya, soliq idoralari va bank vakillari biriktirilishi va ularning ish haqi miqdori erishilgan natijalarga bog‘liq bo‘lishi ta’kidlandi.
Andijonda yigirmata 7 qavatli, ikkita 16 qavatli uy barpo etildi
Shavkat Mirziyoyev Andijon shahrida barpo etilgan yigirmata 7 qavatli, ikkita 16 qavatli uylarni ko‘zdan kechirdi. Davlat rahbari Andijon aholisining zichligini hisobga olib, bu hududda hamyonbop ko‘p-qavatli uylar qurilishi kambag‘allikdan chiqishga zamin yaratishini ta’kidlab o‘tdi.
O‘zbekiston saylov qonunchiligida jiddiy o‘zgarishlar bo‘lishi kutilmoqda
O‘zbekistonda saylov qonunchiligiga jiddiy o‘zgarishlar kiritilishi kutilmoqda. Jumladan, saylovlarni o‘tkazish sanasi dekabr oyidan martga ko‘chirilishi rejalashtirilmoqda. Siyosiy partiyalarning saylovoldi tashviqotini moliyalashtirishda xususiy mablag‘larni jalb qilishga ham ruxsat berilishi mumkin. Bundan tashqari, bir nomzod faqat bitta vakillik organiga deputat etib saylanishiga ruxsat beriladi.
Prezident Andijonga jo‘nab ketdi
Shavkat Mirziyoyev ijtimoiy-iqtisodiy islohotlarning borishi, odamlar hayoti bilan tanishish maqsadida Andijonga jo‘nab ketdi.
Toshkentda Markaziy Osiyoda yagona Bolalar milliy tibbiyot markazi foydalanishga topshirildi
Prezident Shavkat Mirziyoyev Toshkentda foydalanishga topshirilgan Bolalar milliy tibbiyot markazini borib ko‘rdi. Markaz, jumladan, onkologik kasalliklarni bir necha yil oldin aniqlaydigan zamonaviy texnologiyalar bilan jihozlangan.
Adliya vazirligi tuzilmasida ikkita yangi boshqarma tashkil etildi
Adliya vazirligi tuzilmasida Fuqarolik-huquqiy munosabatlarni rivojlantirish boshqarmasi va Ma’muriy tartib-taomillarni takomillashtirish va monitoringini yuritish boshqarmasi tashkil etildi. Shuningdek, Namangan va Qarshida sinov tariqasida yuridik xizmatlar ko‘rsatish markazlari tashkil etiladi.
Toshkentda Adiblar xiyoboni ochildi
Prezident Shavkat Mirziyoyev Toshkentda barpo etilgan Adiblar xiyoboni, xiyobon yonida tashkil etilgan kutubxonaga tashrif buyurdi. Davlat rahbari “Adiblar xiyoboni” deb nomlangan internet portali tashkil etish taklifini bildirdi.
1-yanvargacha idoraviy qonun hujjatlarini qabul qilish to‘xtatiladi
Idoraviy qonun hujjatlari loyihalarini ishlab chiqish, kelishish, qabul qilish, huquqiy ekspertiza va davlat ro‘yxatidan o‘tkazish 1-iyuldan boshlab sinov tariqasida, 1-oktyabrdan boshlab esa to‘liq yagona elektron tizim orqali amalga oshiriladi.
Adliya vazirligi vakolatlari kengaytirilmoqda
Adliya vazirligi zimmasiga qo‘shimcha vazifalar yuklatildi. 2018−2019 yillarda yangi (qayta) tashkil qilingan 8 ta vazirlik va idoralar faoliyatini o‘rganish, aholiga Davlat xizmatlari markazlari tomonidan ko‘rsatiladigan yangi xizmatlar sonini 15 taga oshirish shular jumlasidan.
Qozog‘iston prezidenti YeOII rivojlanish strategiyasini qabul qilmadi
Qozog‘iston prezidenti Qosim-Jomart Toqayev YeOIIning 2025 yilgacha bo‘lgan rivojlanish strategiyasini qabul qilmadi. U strategiya hozirgi holatida jamoatchilik tomonidan rad etilishi, shuningdek, hukumat va parlamentning suveren huquqlarini cheklashini ta’kidladi.
Buxoro viloyati hokimiga yangi o‘rinbosar tayinlandi
Mirali Hamroyev Buxoro viloyati hokimi o‘rinbosari lavozimiga tayinlandi.
“Hokim faqat ishdan ketish bilan qutulmaydi” — prezident tadbirkorlar mulkini olib qo‘yish holatlari haqida
“Birorta tadbirkorning mulki noqonuniy olib qo‘yilsa, hokim faqat ishdan ketish bilan qutulmaydi, balki qonun oldida javob beradi”, — deya ta’kidladi Shavkat Mirziyoyev. Biznes-ombudsman tadbirkorlar huquqi va mulk daxlsizligini buzgan tuman va shahar hokimlari to‘g‘risida hukumatga ma’lumot kiritib boradi.
O‘zini o‘zi band qilgan aholi daromad solig‘idan ozod qilinadi — Shavkat Mirziyoyev
Shavkat Mirziyoyev raisligidagi videoselektor yig‘ilishida o‘zini o‘zi band qilgan 60 dan ziyod kasb egalari daromad solig‘idan ozod qilinishi haqida ma’lumot berildi. Mazkur imtiyozdan foydalanish uchun telefon orqali soliq idoralarini xabardor qilish kifoya.
Yangi tahrirdagi “Ta'lim to‘g‘risida"gi qonunga inklyuziv ta’lim tushunchasi kiritiladi
Yangi tahrirdagi “Ta'lim to‘g‘risida"gi qonun loyihasi ikkinchi o‘qishda qabul qilindi. Qonunga har bir bolaning ta’lim olishdagi teng huquqliligini ta’minlash, har qanday diskriminatsiya va kamsitishlarning oldini olishga qaratilgan “inklyuziv ta’lim” tushunchasi ham kiritildi.
TIV: «Davlat tilini tartibga solishga har qanday aralashuv aslo maqbul emas»
O‘zbekiston TIV davlat tilini tartibga solish davlatning mutlaq ichki siyosatiga daxldor bo‘lib, har qanday aralashuv aslo maqbul emasligini ma’lum qildi. Avvalroq Rossiya TIV vakili O‘zbekistonda davlat tilida ish yuritish to‘g‘risidagi qonun loyihasi bo‘yicha munosabat bildirgan edi.
TIV: Afg‘onistondagi kelishuv muzokaralarga va uzoq muddatli tinchlikka yo‘l ochadi
O‘zbekiston Afg‘onistonning siyosiy yetakchilari tomonidan inklyuziv hukumat va Milliy yarashuv bo‘yicha Oliy kengashni tashkil etish to‘g‘risidagi kelishuvga erishilganini qo‘llab-quvvatlaydi. Afg‘oniston siyosiy yetakchilarining kelishuvi muzokaralarga va uzoq muddatli tinchlikka yo‘l ochadi, deyiladi vazirlik bayonotida.
Afg‘onistonda siyosiy inqirozga barham berildi
Afg‘onistonda siyosiy inqirozga prezident Ashraf G‘ani va uning siyosiy raqibi Abdulloh Abdulloh kelishuvi bilan barham berildi. Unga ko‘ra, Ashraf G‘ani prezident maqomini saqlab qoladi va Abdulloh Abdulloh esa Afg‘oniston Oliy milliy yarashuv kengashi raisi bo‘ladi. Shuningdek, sobiq vitse-prezident general Abdulrashid Do‘stumga marshal unvoni berilishi kelishilgan.
To‘g‘on o‘pirilganda Qozog‘istonga suv yetib bormasligi aytilgani tasdiqlandi
O‘zbekiston suv xo‘jaligi vaziri o‘rinbosari Vohidjon Ahmadjonov 1 may kuni Sardoba suv omborida to‘g‘oni o‘pirilishi oqibatida Qozog‘iston so‘roviga javoban suv omborida tezroq suv yopiladi va suv xavfsiz yo‘naltiriladi deb aytilganini “Gazeta.uz"ga tasdiqladi.
Prokuratura: Sardoba suv ombori bo‘yicha 4 ta asosiy tergov taxmini mavjud
Prokuratura Sardoba suv ombori to‘g‘onining buzilishi yuzasidan olib borilayotgan jinoiy ish bo‘yicha 4 ta asosiy tergov taxminini tekshirmoqda. Ular — loyihalashdagi xatoliklar, qurilish me’yorlariga rioya etmaslik, ekspluatatsiya jarayonidagi xatoliklar va tabiiy ofat taxminlari. Jami 170 nafardan ziyod kishi so‘roq qilindi.
Eng ko‘p o‘qilgan xabarlar | So‘nggi yangiliklar
- Malayziya bosh vaziri O‘zbekistonga keldi (foto)
- Ziyorat turizmi, islom moliyasi, “Halol” sertifikatlashtirish — O‘zbekiston va Malayziya o‘rtasida qo‘shma bayonot imzolandi
- Senatning ellik ikkinchi yalpi majlisi 18-may kuni chaqiriladi
- Qozog‘iston prezidenti “Markaziy Osiyo davlatlarini bo‘lmoqchi bo‘lgan tashqi kuchlarga” qarshilik ko‘rsatishga chaqirdi
Qo‘shimcha imkoniyatlarga ega bulish uchun saytda ro‘yxatdan o‘ting