“Biz birovga qaram bo‘lmaymiz”. Shavkat Mirziyoyev — Afg‘oniston orqali o‘tadigan temiryo‘l haqida
Shavkat Mirziyoyev tadbirkorlar bilan muloqotda Afg‘oniston orqali o‘tadigan temiryo‘l Janubiy Osiyoga chiqadigan “eng ma’qul, arzon va xavfsiz yo‘l” ekanini aytdi. “Mana shu ikkita katta temiryo‘l bo‘lsa, biz ham tarif orqali manfaat ko‘radigan davlatga aylanamiz, birovga qaram bo‘lmaymiz”, — dedi prezident.
Toshkent xalqaro aeroportidagi masofaviy bojxona nazorati tizimi qanday ishlaydi?
Toshkent xalqaro aeroportida uchib ketuvchilar uchun bojxonaning qizil va yashil yo‘laklari o‘rniga masofaviy bojxona nazorati tizimi joriy etildi. U vaqtni tejaydi, jismoniy shaxslar va ularning qo‘l yuklari vizual nazoratdan o‘tadi. Yangi tartib haqida batafsil “Gazeta.uz” reportajida.
“Dok-1 Maks” ishi: Hindistonlik tadbirkor yana bir yaroqsiz doriga ruxsat olish uchun $33 ming berganini tan oldi
Chorshanba kuni “Dok-1 Maks” ishi bo‘yicha sudda ayblanuvchi xindistonlik tadbirkor yaroqsiz va hujjatlari shubhali “Kuraraks” dorisini O‘zbekistonda ro‘yxatdan o‘tkazish ishlari uchun mas’ul davlat tashkilotida ishlovchi amaldorga 33 ming dollar berganini tan oldi.
“Dok-1 Maks” ishi bo‘yicha sudni jonli efirda uzatish taqiqlandi
16-avgust kuni “Dok-1 Maks” ishi doirasida bo‘lib o‘tayotgan sudda avvaliga “Qalampir.uz” hamda “Kun.uz” nashrlarini aybsizlik prezumpsiyasiga amal qilmaganlikda ayblagan sudlanuvchilarning advokatlari tushdan keyin “Gazeta.uz”ning jonli efirini to‘xtatishni so‘radi. Sud ularning so‘rovini qanoatlantirdi.
Andijonda 21 yoshli ayol o‘zini osib o‘ldirgani aytilmoqda. Uning otasi esa bunga shubha qilyapti
15-iyul kuni Oltinko‘l tumanida 21 yoshli ayol yashash xonadonida o‘zini osib, vafot etgani aytilmoqda. Uning otasi “Gazeta.uz"ga o‘lim sabablaridan shubhalanayotgani va qizining murdasida tan jarohatlari bo‘lganini ma’lum qildi. “Farzandimning o‘zini zaharlashi va jarohat yetkazishiga umuman ishonmayman”, — dedi u.
14 marta sudlangan tadbirkor 2 mingdan ortiq fuqaroni chuv tushirdi. Hukumat muammoni qanday hal qilmoqchi?
O‘zbekiston bosh vaziri Abdulla Aripov “Aziya Invest Favorit” MCHJga pul to‘lab, uylarini ololmayotgan fuqarolar bilan uchrashdi. 14 marta sudlangan kompaniya rahbari Hayrulla Xatamov va uning oila a’zolariga tegishli 200 mlrd so‘mlik mulk xatlandi. Hukumat muammoni hal qilish yuzasidan o‘z taklifini bildirdi.
Tashlandiq joyda qanday qilib yashil bog‘ barpo etish mumkin? Reportaj
Yashnobod tumani Alimkent ko‘chasidagi sobiq tramvay yo‘llari o‘rni ko‘plab yillar mobaynida tashlandiq holatga kelib qoldi. Hozir esa bu yerda — daraxtlar, butalar va uzumlar ekilgan. Biz unga kim g‘amxo‘rlik qilayotgani va odamlar toshga aylangan shahardagi yangi oazis haqida qanday fikrdaligini o‘rgandik.
Abduqodir Mo‘minov sudi: yana 8 nafar jabrlanuvchi ko‘rsatma berdi
Abduqodir Mo‘minov ishi bo‘yicha sudning ikkinchi kunida 8 nafar jabrlanuvchining ko‘rsatmasi tinglandi. Bloger murojaatchilarning muammosini yoritish uchun pul olganiga izoh berar ekan, “tekin ishlasak, qanday ishlaymiz?” dedi. Ayblanuvchining onasi esa hozircha sud ishidan qoniqish hosil qilayotganini aytmoqda.
Uch davlat yoshlarini birlashtirgan maydon: Andijonda IT oromgoh bo‘lib o‘tmoqda
Andijonda Tojikiston, Qirg‘iziston va O‘zbekiston yosh IT mutaxassislari uchun “Digital Valley” oromgohi bo‘lib o‘tmoqda. 60 nafar yigit-qiz 5 kun davomida dasturlash, grafik dizayn va raqamli marketing bo‘yicha mahoratlarini oshiradi, xalqaro kompaniyalar vakillari bilan o‘zaro fikr almashadi.
Ohangarondagi yangi maishiy chiqindi poligoni yil oxirigacha ishga tushadi
Prezidentning 2019-yildagi topshirig‘i bo‘yicha qurilishi belgilangan Ohangarondagi yangi maishiy chiqindi poligoni yil oxiriga qadar ishga tushadi. 30 gektardan iborat maydonda metan gaz yig‘uvchi quvurlar va chiqindi suyuqliklarini tortuvchi nasoslar bo‘lishi hisobiga yerga zarar yetmasligi va’da qilinmoqda.
“Poytaxt ichidagi avtoban”. “Qo‘yliq” bozori oldidan videoreportaj
“Qo‘yliq” bozori yo‘lida 2021-yildan beri qurilish ishlari olib borilyapti. Hozircha Toshkent halqa avtomobil yo‘lini kengaytirish uchun yo‘l o‘tkazgichning bir qismi bitkazildi. Bajarilayotgan ishlardan sharoitlar faqat mashinalar uchun yaratilayotgani, piyodalar uchun esa qulayliklar deyarli yo‘qligini ko‘rish mumkin.
“Eski” O‘zbekiston qoldiqlari. Fotoreportaj
Biz “Yangi O‘zbekiston” tomon shiddat bilan ildamlab ketmoqdamiz. Biroq bizni hamon “eski”sining qoldiqlari qurshab turibdi. Shiorlar, temir panjaralar, archalar, valyuta ayirboshlovchilar, “gazondan yurmang belgilari” va boshqa qoldiqlar — “Gazeta.uz” fotoreportajida.
O‘zbekistonga Chexiyadan birinchi LET L-410 samolyoti keltirildi
Toshkent xalqaro aeroportida Chexiyadan sotib olingan birinchi LET L-410 samolyoti kutib olindi. U mahalliy aviaqatnovlar uchun mo‘ljallangan bo‘lib, 19 nafar yo‘lovchini sig‘dira oladi. Ilk reys kelasi hafta Samarqand shahriga amalga oshiriladi.
“Bizga kislorod kerak”. Toshkentdagi mahalla aholisi 18 ming daraxt kesilishidan xavotirda
Prezident qarori va farmoni bilan poytaxtdagi Ipakchilik ilmiy-tadqiqot instituti Andijonga ko‘chirilmoqda. Institutga yaqin joyda yashovchi aholi esa 18 mingga yaqin daraxtlar taqdiridan xavotirda. Ular “Gazeta.uz” bilan suhbatda hukumatga murojaat qilib, hududni milliy bog‘ga aylantirib berishni so‘radi.
“Yildan-yilga migrantlarning ketishi emas, qaytishi ortmoqda” — Behzod Musayev
Bandlik vaziri Behzod Musayev yildan-yilga o‘zbekistonlik migrantlarning mamlakatdan ketishi emas, qaytishi soni ortib borayotganini aytdi. Unga ko‘ra, migrantlar 2 mln nafarni tashkil etmoqda. 2022−2023-yillarda tashkiliy tarzda 60 ming kishi ishga jo‘natilgan va ularning o‘rtacha maoshi 1200 dollar bo‘lgan.
Video: Toshkentdagi Shimoliy vokzaloldi maydoni rekonstruksiya qilindi
Poytaxtdagi Shimoliy vokzaloldi maydon ta’mirlanib, avtoturargoh kengaytirildi, piyodalar yo‘lakchalari va yo‘llar asfalt qilindi. Yon-atrofdagi yashil hududlar obodonlashtirildi. “Gazeta.uz” videoreportaji.
O‘zbekiston suv tejovchi texnologiyalarni joriy qilish bo‘yicha Markaziy Osiyoda 1, dunyoda 13-o‘rinda — suv xo‘jaligi vaziri
Suv xo‘jaligi vaziri Shavkat Xamrayev O‘zbekiston suv tejovchi texnologiyalarni joriy qilish bo‘yicha Markaziy Osiyoda birinchi, Osiyoda to‘rtinchi va dunyoda 13-o‘rinda turganini ma’lum qildi. Ayni vaqtda mamlakatdagi sug‘oriladigan maydonlarning 28 foizida suv tejovchi texnologiyalar joriy qilib bo‘lingan.
Tibbiyot yo‘nalishidan “superkontrakt” butunlay olib tashlanadimi? SSV rahbari javobi
Tibbiyot yo‘nalishidagi “superkontrakt” masalasida fikrim ijobiy emas, dedi sog‘liqni saqlash vaziri Amrillo Inoyatov. Uning so‘zlariga ko‘ra, tibbiyot sohasiga kirishda “superkontrakt”ni butunlay yo‘qotish bo‘yicha hukumatga taklif kiritilgan. Qolaversa, sirtqi ta’limni ochish ham rejalashtirilmayapti.
Minimal iste’mol xarajatlari iyul oyida e’lon qilinadi
O‘zbekistonda minimal iste’mol xarajatlari iyulda e’lon qilinadi. Statistika agentligiga ko‘ra, bu yil avvalgi yildagidan farqli ravishda ko‘proq tovar va xizmatlar turlari bo‘yicha kuzatuvlar o‘tkazilgan. Ko‘rsatkichni qayta ishlash jarayoni ko‘proq vaqt olgani uchun uni yil yarmida e’lon qilish belgilangan.
O‘zbekiston suv vaziri Qo‘shtepa kanali orqali Afg‘oniston Amudaryodan qancha suv olishi mumkinligini ma’lum qildi
Afg‘oniston Qo‘shtepa kanali orqali 600 ming gektar yerni sug‘ormoqchi ekani haqidagi gaplar asossiz. O‘zbekiston suv xo‘jaligi vaziri Shavkat Xamrayevning aytishicha, “Tolibon” taxminan 300 ming gektarni sug‘ormoqchi, bunga 4−5 mlrd kub metr suv yetadi. O‘zbekiston mana shu miqdor saqlanib qolishiga intiladi.
Eng ko‘p o‘qilgan xabarlar | So‘nggi yangiliklar
- O‘zbekistonda yaqin besh kun juda issiq bo‘ladi
- Timur Kapadze Olimpiya shaharchasida muammolar ko‘pligi haqida gapirdi
- Xulian, Ashraf, Fermin, Eldor: Olimpiya o‘yinlarida ishtirok etadigan 11 mashhur futbolchi
- O‘zbekiston Olimpiadadagi ishtirokini Ispaniyaga qarshi futbol o‘yini bilan boshlaydi
- So‘nggi Chevrolet Lacetti UzAuto Motors konveyeridan chiqdi (+video)
Qo‘shimcha imkoniyatlarga ega bulish uchun saytda ro‘yxatdan o‘ting