7 iyun kuni O‘zbekistonda sodir bo‘lgan eng muhim xabarlar dayjesti
Alisher Qodirovning intervyusidan fikrlar, O‘zbekiston va Tojikiston o‘rtasida avtobus qatnovi tiklanishi, Shavkat Mirziyoyevning hafta davomidagi ish grafiki, Samarqand YeTTBning “Yashil shaharlar” dasturiga kiritilishi — “Gazeta.uz"ning 7 iyundagi eng muhim xabarlari dayjestida.
O‘zbekistonda deyarli 350 ming kishi koronavirusga qarshi to‘liq emlandi — SSV
O‘zbekistonda 348 mingdan ortiq kishi koronavirusga qarshi to‘liq emlanib bo‘ldi. Ularning aksariyati AstraZeneca vaksinasi bilan emlangan.
Toshkentda piyoda Lacetti avtomobili urib yuborishi oqibatida halok bo‘ldi
Toshkent shahrining Olmazor tumanida 35 yoshli piyodani Lacetti avtomobili urib yuborishi oqibatida, piyoda tan jarohatlari olib, shifoxonada vafot etgan.
«Men bu odamlarga yordam bermoqchiman». Alisher Qodirov LGBT vakillarini mamlakatdan chiqarib yuborish taklifi to‘g‘risida
Qonunchilik palatasi vitse-spikeri Alisher Qodirov LGBT hamjamiyati a’zolarini fuqarolikdan mahrum qilish zarurligi to‘g‘risidagi takliflariga izoh berdi. Uning fikriga ko‘ra, «bunday odamlar 100 yildan keyin ham o‘zbek jamiyatida yashay olmaydi, shuning uchun ularga yordam kerak». Siyosatchining so‘zlariga ko‘ra, uning bayonotlaridan so‘ng, yuzga yaqin LGBT vakillari unga minnatdorchilik bilan murojaat qilishgan.
Samarqand YeTTBning «Yashil shaharlar» dasturiga kiritildi
Samarqand Yevropa tiklanish va taraqqiyot bankining shaharlar barqarorligini ta’minlash bo‘yicha 3 mlrd yevrolik dasturiga kirgan O‘zbekistonning birinchi shahri bo‘ldi. Shaharga elektrobuslar sotib olinib, ekologiyani yaxshilash bo‘yicha harakatlar rejasi ishlab chiqiladi.
Dollarning rasmiy kursi arzonladi
Dollarning rasmiy kursi 8 so‘mga ko‘tarildi va jami 10 547 so‘m etib belgilandi. Shuningdek, rubl kursi ham ko‘tarildi, yevro esa arzonladi.
1 iyuldan jismoniy shaxslarga STIR berish amaliyoti bekor qilinadi
1 iyuldan jismoniy shaxslarga STIR berish bo‘yicha davlat xizmatlarini ko‘rsatish amaliyoti bekor qilinadi. Davlat organ va tashkilotlari STIRni soliq organidan mustaqil ravishda so‘rab oladi.
BMT Ekotizimni qayta tiklash o‘nyilligiga start berdi
BMT 2021−2030 yillarga mo‘ljallangan Ekotizimni tiklash o‘nyilligi boshlanganligini e’lon qildi. Favqulodda tiklash talab qilinadigan ekotizimlarga o‘rmonlar, tog‘lar, chuchuk suv havzalari, okeanlar va boshqalar kiradi, deya xabar berdi BMT.
Hafta davomida havo harorati biroz pasayadi
Hafta davomida O‘zbekistonda yog‘ingarchiliksiz ob-havo bo‘lishi kutilmoqda. 8−9 iyun kunlarida shamolli ob-havo saqlanib turadi, respublika bo‘yicha shamol 17−22 m/s gacha, ba’zi joylarda changli bo‘ron bilan kuchayishi mumkin.
«Muammo avtomobil qimmatligida emas, balki odamlar kam pul ishlab topishida» — Alisher Qodirov
«Milliy tiklanish» partiyasi rahbari Alisher Qodirov UzAuto Motors masalasida: «Muammo avtomobil qimmatligida emas, balki odamlar kam pul ishlab topishida», — deya ta’kidladi. Uning fikricha, «odamlar halol ishlab topgan pullariga sifatli avtomobil sotib olishga haqli». Biroq, deputat hozircha bojxona boji bekor qilinishi tarafdori emas. «Biz o‘zimizni odamlarni avtomobil sanoatini qo‘llab-quvvatlashga majbur qilayapmiz», — dedi u.
XAEA O‘zbekistonning AES loyihasi bo‘yicha yutuqlarini yuqori baholadi
Yadro infratuzilmasini nazorat qilish bo‘yicha XAEA missiyasining xulosasiga ko‘ra, O‘zbekiston atom elektr stansiyasi qurilish loyihasini ishlab chiqishda muvaffaqiyatlarga erishgan, ammo shunday bo‘lsa-da, yadro xavfsizligi bo‘yicha yana bir qator xalqaro hujjatlarga qo‘shilishi kerak.
Mening munosabatlarim noto‘g‘ri talqin qilinadi — Alisher Qodirov
Milliy tiklanish partiyasi rahbari Alisher Qodirov turli mavzularda qilgan munosabatlari «mutlaqo boshqacha talqin qilinishi»ni ta’kidladi. Deputatning fikriga ko‘ra, «o‘zbek segmenti bilan rus segmentiga qaraganda dialog qilish osonroq». «Men rusiyzabon auditoriya bilan oxirigacha kelisha olmayapman. Menda dialog o‘xshamayapti. Men buning ustida ishlamoqdaman», — deydi u.
O‘zbekistonlik qo‘l jangchilar Jahon chempionatida bugun 8 ta medalni qo‘lga kiritishdi
Qo‘l jangi bo‘yicha O‘zbekiston terma jamoasi Toshkentda bo‘lib o‘tgan Jahon chempionatida sakkizta medalni qo‘lga kiritdi.
Shavkat Mirziyoyev 10−11 iyun kunlari Tojikistonga boradi
Prezidnet shu hafta chorvachilikni rivojlantirish hamda ozuqa bazasini ko‘paytirish masalalari bo‘yicha videselektor yig‘ilishi o‘tkazadi. Davlat rahbari 10−11 iyun kunlari Tojikistonga rasmiy tashrif bilan boradi.
Pokistonda poyezdlar to‘qnashuvi oqibatida 30 dan ortiq kishi halok bo‘ldi
Pokistonning Gotki shahrida poyezdlardan biri relsdan chiqib ketib, ikkinchi yo‘lovchi poyezdiga urildi. 36 nafar yo‘lovchi halok bo‘ldi. Bir necha odamlar vayronalar ostida qolib ketgan.
Kecha O‘zbekistonning 13 ta hududida 242 nafar fuqaroda koronavirus aniqlandi
Kecha O‘zbekistonning 13 ta hududida 242 nafar fuqaroda koronavirus aniqlandi. Shuningdek, so‘nggi kun ichida 147 nafar bemor kasallikdan sog‘ayib, O‘zbekistonda sog‘ayish ko‘rsatkichi 96 foizni tashkil etmoqda.
Coca-cola ichimligi Uzbekiston davlat ulushi sotilishining uchinchi bosqichi yakunlandi
Coca-cola Ichimligi Uzbekiston, Ltd MCHJ ustav kapitalidagi davlat ulushini sotish to‘g‘risidagi e’longa muvofiq, sotish jarayonining uchinchi bosqichi yakunlandi. Bugungi kunda, talabgorlardan Kompaniyani sotib olish bo‘yicha qat’iy narx takliflari va oldi-sotdi shartnomasi loyihasiga qo‘shimcha taklif hamda izohlari olindi.
O‘zbekiston va Tojikiston o‘rtasida avtobus qatnovi tiklanishi ko‘rib chiqilmoqda
O‘zbekiston va Tojikiston huqumat vakillari Toshkent, Samarqand, Termiz, Dushanbe, Xo‘jand, Penjikent va boshqa shaharlar o‘rtasida avtobus qatnovini tiklash istiqbollarini ko‘rib chiqdilar.
Samarqand va viloyatning bir qator tumanlari suv ta’minotida uzilishlar kuzatilmoqda
Yog‘ingarchiliklarning yo‘qligi va Zarafshon daryosi o‘zanida suv oqimining kamligi sababli Samarqand va viloyatning bir qator tumanlari suv ta’minotida uzilishlar kuzatilmoqda.
Qarshida havoning issiqligi sababli samolyotda nosozlik chiqib, parvoz kechiktirildi
Ijtimoiy tarmoqlarda Qarshi shahri aeroportidada video lavhalar tarqaldi. Ma’lum bo‘lishicha, parvoz Rossiyaning “Royal Flight” aviakompaniyasi tomonidan amalga oshirilgan. Yo‘lovchilar bortga chiqarilgandan so‘ng, samolyot dvigatellari ishlamay qolgan. Bunga havo haroratining 44°dan yuqori bo‘lishi sabab bo‘lgan.
Qo‘shimcha imkoniyatlarga ega bulish uchun saytda ro‘yxatdan o‘ting