Antimonopoliya qo‘mitasi Sog‘liqni saqlash vazirligiga nisbatan ish ochdi
17 may 2022, 15:04

Antimonopoliya qo‘mitasi Sog‘liqni saqlash vazirligiga nisbatan ish ochdi

Antimonopoliya qo‘mitasi Toshkent shahri va viloyatidagi 178 ta laboratoriya Intermed Innovation kompaniyasiga o‘tkazilishiga oid ma’lumotlarni taqdim etmaganligi uchun SSVga nisbatan ma’muriy ish qo‘zg‘atdi. «Agar shu hafta berilmasa tegishli tartibda ma’muriy javobgarlik bo‘yicha choralar ko‘riladi», — dedi qo‘mita vakili.

Poytaxtda 4 oy ichida 7777 ta jinoyat fosh etildi
17 may 2022, 13:54

Poytaxtda 4 oy ichida 7777 ta jinoyat fosh etildi

Toshkent shahrida yil boshidan beri 7777 ta jinoyat fosh etilib, 537 nafar qidiruvdagi shaxs ushlandi. Poytaxt IIBB ma’lumotiga ko‘ra, 2435 ta jinoyat ichki ishlar xodimlari tashabbusi bilan aniqlangan, shundan 769 tasi narkotik moddalar savdosi bilan bog‘liq. Buning natijasida 217,3 kg giyohvandlik va 24,3 kg psixotrop vositalar aylanmasining oldi olingan.

Prezident Vladimir Jonibekovni «Do‘stlik» ordeni bilan mukofotladi
17 may 2022, 13:19 1

Prezident Vladimir Jonibekovni «Do‘stlik» ordeni bilan mukofotladi

Sovet ittifoqining ikki karra qahramoni, uchuvchi-kosmonavt Vladimir Jonibekovning 80 yoshga to‘lishi munosabati bilan O‘zbekiston prezidenti uni «Do‘stlik» ordeni bilan mukofotladi.

«O‘zbekkosmos» Buyuk Britaniyaning OneWeb kompaniyasi bilan hamkorlik qiladi
17 may 2022, 13:06

«O‘zbekkosmos» Buyuk Britaniyaning OneWeb kompaniyasi bilan hamkorlik qiladi

«O‘zbekkosmos» agentligi Buyuk Britaniyaning sun’iy yo‘ldoshli aloqa xizmatlarini ko‘rsatuvchi OneWeb kompaniyasi bilan hamkorlik memorandumini imzoladi. Tomonlar chekka hududlarni yuqori tezlikdagi internet bilan ta’minlash ustida ish olib borish niyatida.

O‘zbekistonning 9 viloyatida sel kelish xavfi e’lon qilindi
17 may 2022, 12:54

O‘zbekistonning 9 viloyatida sel kelish xavfi e’lon qilindi

O‘zgidromet 18−23 may kunlari kutilayotgan kuchli yog‘ingarchiliklar tufayli O‘zbekistonning 9 viloyatida sel kelish xavfi mavjudligi haqida ogohlantirdi. Aholi va haydovchilardan ehtiyot choralarini ko‘rishlari so‘ralmoqda.

58 yoshli erkak sirpanib, metro poyezdi ostiga tushib ketdi
17 may 2022, 12:33

58 yoshli erkak sirpanib, metro poyezdi ostiga tushib ketdi

Toshkent metrosida eshiklari yopilayotgan vagon tomon yugurib ketayotgan fuqaro sirpanib, poyezd tagiga tushib ketdi. Unga metropoliten xodimlari va yo‘lovchilar darhol yordam berishdi, u jarohat olmadi.

Ekspertlar Xalqaro tibbiy-sanitariya qoidalarining tadbiq etilishini baholaydi
17 may 2022, 12:27

Ekspertlar Xalqaro tibbiy-sanitariya qoidalarining tadbiq etilishini baholaydi

Xalqaro ekspertlar O‘zbekistonda Xalqaro tibbiy-sanitariya qoidalarining ijrosi yuzasidan tashqi baholashni boshladi. Baholash natijalariga asoslangan tavsiyalar mamlakatning favqulodda vaziyatlarga tayyorgarligi bo‘yicha yangi yondashuvlarni ishlab chiqishga yordam beradi.

Orol fojiasi Markaziy Osiyoda iqlim o‘zgarishini 2 barobarga tezlashtirdi — O‘zgidromet
17 may 2022, 12:14

Orol fojiasi Markaziy Osiyoda iqlim o‘zgarishini 2 barobarga tezlashtirdi — O‘zgidromet

O‘zgidromet rahbari Sherzod Xabibullayev Orol dengizi falokati natijasida Markaziy Osiyoda iqlim o‘zgarishi dunyo ko‘rsatkichlaridan 2 barobar jadalroq kechayotganini ta’kidladi. Bu muzliklar erishi, chang bo‘ronlari davriyligi va ularning ortib borishi, yerlarning degradatsiyaga uchrashi, suv resurslarining taqchilligi kabi salbiy ko‘rinishlarda namoyon bo‘lmoqda.

Elizabet Born Fransiya bosh vaziri bo‘ldi
17 may 2022, 11:42

Elizabet Born Fransiya bosh vaziri bo‘ldi

Fransiyaning yangi bosh vaziri lavozimiga Elizabet Born tayinlandi. U Fransiya hukumatiga rahbarlik qilgan ikkinchi ayol sifatida tarixga kirdi.

O‘zbekistonda Qrim-Kongo isitmasidan tuzalganlarning qon plazmasi banki yaratiladi
17 may 2022, 11:13

O‘zbekistonda Qrim-Kongo isitmasidan tuzalganlarning qon plazmasi banki yaratiladi

Prezident qaroriga ko‘ra, O‘zbekistonning 7 ta hududida Qrim-Kongo gemorragik isitmasi bilan kasallanib tuzalganlarning qon plazmasi banki tashkil etiladi. Qrim-Kongo gemorragik isitmasi — transmissiv va gemokontakt orqali yuquvchi o‘ta xavfli kasallik hisoblanadi.

Har yili 1 mln fuqaro gepatit B va C turlariga skriningdan o‘tkaziladi
17 may 2022, 10:55

Har yili 1 mln fuqaro gepatit B va C turlariga skriningdan o‘tkaziladi

Prezident qarori bilan har yili 1 mln nafargacha fuqaro virusli gepatit B va C turlariga skrining tekshiruvlaridan o‘tkaziladi. Shuningdek, gepatit C bilan kasallangan 10,5 ming nafar bemor davolanadi. Qolaversa, nodavlat tibbiyot tashkilotlariga qon bilan ishlaydigan xodimlarini gepatit B infeksiyasiga qarshi emlash majburiy etib belgilanmoqda.

«Oxirgi paytlarda O‘zbekistonda eski davrlarni aks ettiruvchi holatlarni ko‘rib turibmiz» — AQSh elchisi
17 may 2022, 10:18

«Oxirgi paytlarda O‘zbekistonda eski davrlarni aks ettiruvchi holatlarni ko‘rib turibmiz» — AQSh elchisi

AQSh elchisi Deniyel Rozenblyumning ta’kidlashicha, O‘zbekiston 2016 yildan buyon diniy erkinlikni ta’minlash borasida katta yutuqlarga erishdi, biroq so‘nggi paytlarda «eski davrlarni aks ettiruvchi» holatlar ham kuzatilmoqda. «Orqaga ketmaylik, oldinga ketaylik, yanada bag‘rikengroq jamiyat sari harakat qilaylik», — dedi elchi.

«Mehribonlik» uylari tarbiyalanuvchilari mini-futbol bo‘yicha xalqaro turnirda g‘olib bo‘ldi
17 may 2022, 09:54

«Mehribonlik» uylari tarbiyalanuvchilari mini-futbol bo‘yicha xalqaro turnirda g‘olib bo‘ldi

Toshkent va Chirchiq shaharlaridagi «Mehribonlik» uylari tarbiyalanuvchilaridan iborat terma jamoa Sankt-Peterburg shahrida bolalar uylari jamoalari o‘rtasida o‘tkazilgan mini-futbol bo‘yicha XVII xalqaro turnirda birinchi o‘rinni egalladi.

Tojikistonning Xorug‘ viloyatida namoyishchilar hokimning iste’fosini talab qilmoqda
16 may 2022, 22:24

Tojikistonning Xorug‘ viloyatida namoyishchilar hokimning iste’fosini talab qilmoqda

Tojikistonning Tog‘li Badaxshon avtonom viloyatida namoyishchilar viloyat rahbari va Xorug‘ hokimining iste’fosini talab qilishdi. Prokuratura mitingni mamlakat xavfsizligiga putur yetkazish maqsadida o‘tkazilgan «noqonuniy harakat» deb atadi.

16 may kuni O‘zbekistonda sodir bo‘lgan eng muhim xabarlar dayjesti
16 may 2022, 22:00

16 may kuni O‘zbekistonda sodir bo‘lgan eng muhim xabarlar dayjesti

Konstitutsiyaga o‘zgartirish kiritishni taklif qilgan partiyalar, dinni terrorizm va ekstremizm bilan bog‘lash xatoligini aytgan Sodiq Safoyev, O‘zbekistonga uchib o‘tishi mumkin bo‘lgan chigirtkalar, Surxondaryoda kaltaklangan o‘quvchi ortidan 5 kishining ishdan ketgani, yangi yil kuni «o‘t o‘chirgich»ni portlatganlarga o‘qilgan sud hukmi, Surxondaryo hokimiga o‘rinbosar bo‘lgan DXX xodimi va boshqalar — «Gazeta.uz»ning 16 maydagi eng muhim xabarlari dayjestida.

«Imtiyozli kreditlar — samarali pul-kredit siyosati uchun jiddiy muammo» — MB
16 may 2022, 21:08

«Imtiyozli kreditlar — samarali pul-kredit siyosati uchun jiddiy muammo» — MB

Markaziy bank imtiyozli kreditlash amaliyotining makroiqtisodiy samaradorligi pastligi va ushbu amaliyot samarali pul-kredit siyosati uchun jiddiy muammolardan biri ekanligini qayd etdi. 2019 yildan boshlab ularni bozor foizlariga yaqinlashtirish uchun stavkalar ko‘tarila boshladi, biroq, MB asosiy stavkasi o‘sishi bilan o‘rtadagi farq yana oshdi.

Monopol korxonalarning 3,6 mlrd so‘mdan ko‘proq asossiz daromadi iste’molchilarga qaytarildi
16 may 2022, 18:19

Monopol korxonalarning 3,6 mlrd so‘mdan ko‘proq asossiz daromadi iste’molchilarga qaytarildi

Antimonopoliya qo‘mitasi 3 oy ichida 10 ta holatda insofsiz raqobatga yo‘l qo‘yilganini aniqladi, qolaversa, til biriktirish va kartel kelishuvlar bo‘yicha jami 4 ta holat o‘rganib chiqildi. Natijada monopol korxonalar tartibga solinadigan narxlarni noto‘g‘ri qo‘llashi ortidan olgan 3,6 mlrd so‘mdan ortiq asossiz daromadi iste’molchilarga qaytarildi. Davlat xaridlari doirasida esa 985 ta raqobatga zid holat aniqlandi.

Murotjon Azimov deputat bo‘ldi
16 may 2022, 18:09

Murotjon Azimov deputat bo‘ldi

Qashqadaryo viloyati hokimi Murotjon Azimov xalq deputatlari viloyat Kengashiga deputat etib saylandi.

«Terrorizm va ekstremizmni din bilan bog‘lash zinhor mumkin emas» — Sodiq Safoyev
16 may 2022, 18:01

«Terrorizm va ekstremizmni din bilan bog‘lash zinhor mumkin emas» — Sodiq Safoyev

Senat raisining birinchi o‘rinbosari Sodiq Safoyev terrorizm va ekstremizmni din bilan bog‘lash zinhor mumkin emasligini ta’kidladi. «O‘rnashib qolgan stereotiplar va yanglish fikrlarga qarshi kurashish — umumiy vazifamizdir», — dedi u. Senatorning so‘zlariga ko‘ra, xalqaro terrorizmning tubida irratsional, oldingi davrlardan meros qolgan dunyoqarash yotibdi, ularga qarshi kurash esa ma’naviyat, talim va muloqot evaziga olib borilishi lozim.

Fuqaro va bank xodimi 1 mlrd so‘m kredit mablag‘ini talon-toroj qilganlikda gumonlanmoqda
16 may 2022, 17:29

Fuqaro va bank xodimi 1 mlrd so‘m kredit mablag‘ini talon-toroj qilganlikda gumonlanmoqda

Qibray tumanida fuqaro «Mikrokreditbank» Toshkent viloyati filiali kredit bo‘limi boshlig‘i bilan 1 mlrd so‘m kredit mablag‘ini talon-toroj qilganlikda gumonlanmoqda. Shuningdek, Surxondaryoning Uzun va Denov tumanlarida ham fuqarolar imtiyozli kredit mablag‘larini talon-taroj qilgani atilmoqda.


"Gazeta.uz"da ro‘yxatdan o‘tish

Qo‘shimcha imkoniyatlarga ega bulish uchun saytda ro‘yxatdan o‘ting