«Ishdan ketganlar maoshini davlatga qaytarib berishi kerak» — prezident yoshlar bilan ishlay olmagan amaldorlar haqida
Seshanba kungi videoselektorda yoshlar bilan ishlay olmagani uchun bir viloyat hokimi o‘rinbosari va ikkita tuman hokimi, bir qancha prokuror, ichki ishlar bo‘limi boshliqlari va soliq idoralari rahbarlari ishdan olindi. «Ishdan ketganlar maoshini davlatga qaytarib berishi kerak. Pulni bolalar uyiga olib borish lozim», — dedi prezident. Qolaversa, «1+1» dasturi orqali 1 mln yoshlar qamrab olinmasa Adham Ikramov va Dilmurod Qosimov ham ishdan bo‘shatilishi aytildi.
Namangandagi maxsus bog‘cha tarbiyalanuvchisi vafotidan keyin bog‘cha direktori va bir necha xodimlar ishdan bo‘shatildi
Namangandagi bolalar bog‘chasida issiq suvdan kuyib, vafot etgan bola voqeasidan so‘ng, MTM direktori, hamshira, qo‘riqchi va guruhda ishlagan barcha xodimlar o‘z vazifasidan ozod etildi. Maktabgacha ta’lim vazirligi mazkur holat yuzasidan qonunchilikda belgilangan jazo tayinlanishi tarafdori bo‘lmoqda.
Yil oxiriga qadar barcha terminallar Uzcard va HUMO plastik kartalarini qabul qiladi
Uzcard va HUMO to‘lov tizimlarining terminallari yil oxirigacha har ikki turdagi kartalarni ham qabul qilishni boshlaydi.
Dollarning rasmiy kursi ko‘tarildi
Dollarning rasmiy kursi 17 so‘mga qimmatladi va jami 10 492 so‘m etib belgilandi. Shuningdek, yevro va rubl kurslari ham biroz qimmatladi.
Surxondaryo viloyati hokimi o‘rinbosari Chori Begimqulov lavozimidan ozod etiladi — prezident
Prezident videoselektor yig‘ilishida viloyatlar hokimlari yoshlar bilan ishlashni paxta, g‘alla ekishdek deb o‘ylayotganini ta’kidladi. Ayni shu sabab yil davomida ikkinchi marotaba yoshlar masalasida yig‘ilish o‘tkazilayotgani qayd etildi. Davlat rahbari yoshlar bilan ishlashni munosib tashkil qilmagani uchun Surxondaryo viloyati hokimining yoshlar masalalari bo‘yicha o‘rinbosari Chori Begimqulov ishdan olinishini ma’lum qildi.
Eski Pushkin chorrahasi oldidagi yo‘l avtomobillar harakati uchun ochildi
Toshkent shahridagi Mustaqillik va Parkent ko‘chalarini tutashtiruvchi (eski Pushkin chorrahasi) yo‘l nihoyat avtomobillar harakati uchun ochildi. Ushbu yo‘l deyarli 6 yil oldin yopilgan edi. Yo‘lni ochish to‘g‘risidagi rejalar yanvar oyida e’lon qilingan edi.
Shavkat Mirziyoyev rasmiy tashrif bilan Tojikistonga boradi — OAV
Prezident Shavkat Mirziyoyev Tojikiston prezidenti Imomali Rahmonning taklifiga binoan 10−12 iyun kunlari rasmiy tashrif bilan Dushanbeda bo‘lishi kutilmoqda. Bu haqda Tojikistonning mahalliy OAVlari xabar berdi.
O‘zbekiston Tog‘li Qorabog‘da maktab quradi
O‘zbekiston Tog‘li Qorabog‘da maktab qurishni rejalashtirmoqda, dedi AOKA direktori Asadjon Xodjayev. Uning aytishicha, hududdagi tiklanishi lozim bo‘lgan ob’ektlar ro‘yxati belgilanmoqda, ularni rekonstruksiya qilishga o‘zbekistonlik quruvchilar jalb qilinadi.
O‘zbekiston qishloq xo‘jaligi uchun suv olish limitlari tasdiqlandi
Hukumat qaroriga asosan Qoraqalpog‘iston va viloyatlarda qishloq xo‘jaligi ekinlarini sug‘orish uchun suv olish limitlari tasdiqlandi. Unga ko‘ra, respublika bo‘yicha mart-sentyabr oylarida jami limit 29 mlrd 236 mln 500 ming kub etib belgilanmoqda. Bundan tashqari, suv tanqisligining salbiy ta’sirlarini yumshatish bo‘yicha maxsus ishchi guruh ham shakllantirildi.
2021 yilda Toshkentda 4,1 mlrd dollarlik investitsiyalarni o‘zlashtirish rejalashtirilmoqda
2021−2023 yillarda Toshkentda 10,7 mlrd dollarlik 1390 ta investitsiya loyihalarini amalga oshirish, 98 mingga yaqin ish o‘rinlarini ochish rejalashtirilmoqda. Jumladan, joriy yilda 4,1 mlrd dollarlik investitsiyalarni o‘zlashtirish hamda 27016 ta ish o‘rnini ochish mo‘ljallangan.
Kubatinga nisbatan jismoniy va ruhiy tazyiq o‘tkazilmagan — Bosh prokuratura
Bosh prokuratura turkshunos olim Andrey Kubatinga DXX tomonidan ruhiy va jismoniy tazyiqlar o‘tkazilmaganligini ma’lum qildi. Xibsxonaga joylashtirish va chiqib ketayotgan vaqtida uning badanida jismoniy jarohatlar kuzatilmagani, sog‘lig‘i bo‘yicha shikoyatlar bo‘lmagani va ruhiy holati mutaxassislar tomonidan ijobiy baholangani aytilmoqda.
O‘zbekistonda koronavirusga qarshi emlanganlar soni 200 ming nafardan oshdi
12 aprel kuni O‘zbekistonda 67,4 mingdan ziyod kishi koronavirus infeksiyasiga qarshi emlanib, vaksina olganlar soni 200 ming nafardan oshdi.
«Navbahor» keyingi ikkita uy uchrashuvini muxlislarsiz o‘tkazadi — O‘FA
O‘zbekiston futbol assotsiatsiyasi «Navbahor» — «Paxtakor» futbol o‘yini vaqtida kelib chiqqan tartibsizliklar bo‘yicha o‘z qarorini e’lon qildi. Unga ko‘ra, ikkala jamoaning rasmiylariga intizomiy choralar ko‘riladi. «Navbahor» futbol klubi esa keyingi ikkita uy uchrashuvini muxlislarsiz o‘tkazadi.
«Agar AQSH Ukrainani NATO tarkibida ko‘rayotgan bo‘lsa, buni ochiqchasiga aytishi va bajarishi kerak», — Vladimir Zelenskiy
Ukraina prezidenti Vladimir Zelenskiy Donbassdagi frontga safari paytida AQSH Ukrainaning NATOga kirishiga ko‘maklashishi kerak deya ta’kidladi. U ushbu so‘zlarni Rossiya qo‘shinlarining Ukraina chegarasiga tortilishi haqidagi xabarlardan so‘ng aytdi.
O‘zbekistonning bir nechta hududlarida zilzila qayd etildi
Afg‘onistonda sodir bo‘lgan zilzila O‘zbekistonning bir nechta hududlarida 2 balldan sezildi. Magnituda M=5,4, chuqurligi 191 kmni tashkil etdi.
Andijon shahri yaqinida «Yangi Andijon» massivi bunyod etiladi
Andijon shahri yaqinida «Yangi Andijon» massivi bunyod etiladi. Uning bosh rejasi prezidentga taqdimot qilindi. 4 ming gektarda joylashadigan ob’ektda 411 ming nafar aholi uchun uy-joy, savdo maskanlari, kichik sanoat zonasi va yashil hudud bo‘lishi reja qilingan.
Mamlakatda haqiqiy iqtisodiy islohotlar boshlandi — Alisher Usmonov Shavkat Mirziyoyev siyosati haqida
Alisher Usmonov fikriga ko‘ra, O‘zbekistonda sovet ittifoqidan so‘ng bo‘lgan turg‘unlikdan keyin endi haqiqiy iqtisodiy islohotlar boshlandi. «Ushbu islohotlarning tashabbuskori, birinchi navbatda, o‘z aholisining farovonligini oshirish, shuningdek, Markaziy Osiyo mamlakatlari qo‘shnichilikni mustahkamlash bo‘yicha boshqaruvni olgan davlat rahbari hisoblanadi», — dedi u Shavkat Mirziyoyev haqida.
Madaniyat vazirligi musiqa asboblarini bozor narxidan deyarli 800 mln so‘m qimmatroqqa sotib olgan
Madaniyat vazirligi mansabdorlari tadbirkorlik sub’ektini asossiz ravishda tanlovda g‘olib sifatida ko‘rsatganligi natijasida, musiqa asboblarini haqiqiy bozor bahosidan 792,2 mln so‘mga qimmat narxda sotib olgan. Holat yuzasidan jinoyat ishi qo‘zg‘atilib, tergov harakatlari o‘tkazilmoqda.
Xorijda pulsiz qolgan O‘zbekiston fuqarolariga qarz berib turiladi
Xorijdagi konsullik okrugi hududiga vaqtincha kirgan fuqaro yashash uchun mablag‘larsiz qolganda, muassasaga moliyaviy yordam so‘rab murojaat qilishi mumkin. Muassasa 2 ish kunida fuqarodan arizani qabul qiladi va Tashqi ishlar vazirligining roziligiga ko‘ra fuqaro bilan qarz shartnomasi tuziladi hamda oziq-ovqat mahsulotlari, turar joy, kiyim-kechak va transport xarajatlari uchun to‘lov o‘tkaziladi.
Toshkent markazida ma’muriy binoni rekonstruksiya qilish va avtoturargoh qurishga 431,5 mlrd so‘m sarflanadi
Toshkentning Sharof Rashidov ko‘chasidagi (Mustaqillik maydoni yonida) ma’muriy bino rekonstruksiyasi va favvora ostiga avtoturargoh qurilishiga 431,5 mlrd so‘m sarflanishi mumkin. Pudratchi sifatida aksionerlari orasida qurilish vazirining o‘g‘li va rafiqasi bo‘lgan «12-trest» tanlanmoqda.
Qo‘shimcha imkoniyatlarga ega bulish uchun saytda ro‘yxatdan o‘ting