Hukumat yana maksimal tezlikni pasaytirmadi
Vazirlar Mahkamasi yangi yo‘l harakati qoidalarini jamoatchilik muhokamasisiz tasdiqladi. Aholi punktlarida standart maksimal tezlik o‘zgarishsiz (70 km/soat) qoldirildi. Respublika komissiyasi uni yirik shaharlarning ma’lum joylarida 60 km/soatgacha kamaytirishi mumkin. Maktablar va bolalar bog‘chalarida tezlik 30 km/soat, aholi turar joylarida 20 km/soatni tashkil etdi.
12 aprel kuni O‘zbekistonda sodir bo‘lgan eng muhim xabarlar dayjesti
Buxoroda DXSH asosida yangi aeroport terminali qurilishi, O‘zbekistonning Afg‘onistondagi temir yo‘l liniyasi boshqaruvi huquqidan mahrum bo‘lishi mumkinligi, MIB ishiga aralashganlik uchun belgilangan javobgarlik, 822 ming so‘mgacha bo‘lgan qarzdorlikning ish haqidan undirilishi va boshqalar — «Gazeta.uz» ning 12 apreldagi eng muhim xabarlari dayjestida.
Sherali Jo‘rayev «El-yurt hurmati» ordeni bilan mukofotlandi
O‘zbekiston xalq artisti, «Vatandoshlar» jamoat fondining Vasiylik Kengashi raisi Sherali Jo‘rayev «El-yurt hurmati» ordeni bilan mukofotlandi. Prezident tegishli farmonni imzoladi.
Nyu-York metrosida otishma yuz berdi, eng kamida 13 kishi yaralandi
Nyu-York metrosida noma’lum shaxs tomonidan sodir etilgan otishma oqibatida eng kamida 13 kishi yaralandi. Hozirda u politsiya tomonidan qidirilmoqda.
Jahondagi vaziyat tufayli aholiga zarur 150 turdagi dori vositalarida uzilish bo‘lishi xavfi mavjud
O‘zbekistonda tashqi omillar hisobiga 150 turdagi aholi uchun zarur dori vositalarida uzilish bo‘lishi xavfi mavjud, qalbaki va kontrafakt dorilar sotilishiga haligacha barham berilgani yo‘q, amaliyotda 15 foizlik narx preferensiyasi ishlamaydi. Shu va boshqa 50 ga yaqin muammoga yechim topilmagani prezident ishtirokidagi yig‘ilishda tanqid qilindi.
Toshkentda jonli musiqa va shahar madaniyati festivali o‘tkaziladi
«Anjir» jonli musiqa va shahar madaniyati festivali poytaxtning Do‘stlik bog‘ida bo‘lib o‘tadi. Dasturdan — open air (ochiq osmon) formatida o‘tadigan jonli ijrodagi konsertlar va raqs jamoalarining sahna chiqishlari, she’riyat tadbirlari, yoga bo‘yicha master-klasslar, ko‘rgazmalar o‘rin olgan.
G‘afur G‘ulom bog‘iga attraksionlar o‘rnatib, birga biznes qilishga va’da bergan shaxs $60 mingni o‘zlashtirib yubordi
Toshkentda do‘stiga G‘afur G‘ulom nomidagi bog‘da yangi attratsionlar sotib olish va o‘rnatish loyihasiga sarmoya kiritishni taklif qilgan shaxs berilgan 60 ming dollarni o‘z ehtiyojlari uchun sarflab yuborgan. Holat yuzasidan jinoiy ish qo‘zg‘atilgan.
Chust tumani hokimi yordamchisi yer ajratib berish evaziga $15 ming talab qilganligi aytilmoqda
Namangan viloyati Chust tumani hokimining chegara masalalari bo‘yicha yordamchisi va yana bir qancha shaxslar fuqaroga 5,3 gektar yerni ajratib berish evaziga 15 ming dollar talab qilganlikda gumonlanmoqda. Ular ushbu puldan 1500 dollar va 5,6 mln so‘mini olganida qo‘lga tushgan.
O‘zbekiston Afg‘onistondagi temir yo‘l liniyasini boshqarish huquqidan mahrum bo‘lishi mumkin
«O‘zbekiston temir yo‘llari» kompaniyasi korxonasi «Hayraton — Mozori-Sharif» temir yo‘l liniyasini boshqarish huquqidan mahrum bo‘lishi mumkin. Afg‘onistonda operatsion shartnomalarni qayta ko‘rib chiqish hamda boshqaruvni hukumat xizmatlari ancha arzon bo‘lishini kutayotgan mahalliy kompaniyalarga topshirish rejalashtirilmoqda.
Buxoroda DXSH asosida yangi aeroport terminali quriladi
Prezidentga Buxoro ayeroportida DXSH asosida yangi xalqaro yo‘lovchi terminalini qurish loyihasi taqdim etildi. Investitsiya hajmi 136 mln dollarni tashkil qilishi kutilmoqda. Loyihani 2022−2024 yillarda amalga oshirish ko‘zda tutilgan.
Nukusda yangi tug‘ilgan chaqaloq uni adashib o‘lik deb, «morg»ga berib yuborishgach vafot etdi
O‘tgan yili Nukusda shifokorlar yangi tug‘ilgan chaqaloqni xato tufayli o‘lgan deb qayd etib, patologiya byurosiga berib yuborishgan. Patologo-anatomik chaqaloqning ko‘krak qafasini ochganida uni hali tirik ekanligini aniqlagan, biroq, unga birinchi yordamni ko‘rsatmasdan, shifokorlarga qaytarib bergan. Chaqaloq vafot etdi, uch kishiga nisbatan qo‘zg‘atilgan jinoyat ishi sudga oshirildi.
5 yillik ish tajribasiga ega xotin-qizlarni OTMga imtihonsiz qabul qilish taklif etilmoqda
Oila va xotin-qizlar qo‘mitasi mutaxassisligi bo‘yicha 5 yillik mehnat tajribasiga ega ayollarni OTMlarga imtihonsiz, kontrakt asosida qabul qilish taklifini bildirdi. Jamoatchilik muhokamasiga qo‘yilgan hukumat qarori loyihasida tavsiyanoma 3 yilga berilishi, ularga alohida kvota ajratilishi va bunday abituriyentlar o‘rtasida alohida test sinovlari o‘tkazilishi belgilanmoqda.
Fuqarolarning 822 ming so‘mgacha bo‘lgan qarzdorligi ish haqidan undiriladi
Qonunchilikka kiritilgan o‘zgartishlarga muvofiq, ijro ishini yuritishning soddalashtirilgan tartibi belgilandi. Unga ko‘ra, undiruv qarzdorning mol-mulkiga emas, balki uning bankdagi hisobraqamiga qaratiladi. Qolaversa, 822 ming so‘mgacha bo‘lgan qarzdorlik ish haqi, stipendiya, pensiya yoki boshqa daromaddan undirilishi mumkin.
MIB ishiga aralashganlik uchun ma’muriy va jinoiy javobgarlik belgilandi
Qonunchilikka sud hujjatlarining majburiy ijrosiga aralashganlik uchun ma’muriy va jinoiy javobgarlik kiritildi. MIB ishiga aralashish holati ma’muriy jazo qo‘llanilganidan keyin ham sodir etilsa, 1 yildan 3 yilgacha ozodlikni mahrum qilish bilan jazolanishi mumkin.
Xususiy tibbiyot muassasalarining litsenziya olish tartibi soddalashtiriladi
Prezident farmoni bilan xususiy tibbiyot muassasalarining litsenziya olish tartibi soddalashtiriladi. Qolaversa, xorijlik shifokorlarga O‘zbekistonda faoliyatini amalga oshirish tasdiqnomasi uchun yig‘im 6 baravarga kamaytiriladi, 1 oyga kelgan shifokorlardan esa tasdiqnoma talab etilmaydi. Qolaversa, davolanish maqsadida kelgan xorijliklar turistik yig‘imdan ozod etiladi.
Toshkentdan Qozog‘istonga avtobus qatnovlari yo‘lga qo‘yildi
12 apreldan boshlab Toshkentdan Qozog‘iston shaharlariga avtobus qatnovlari tiklanadi. Transport vazirligi beshta shaharga reyslar jadvali va chiptalar narxlarini e’lon qildi.
Farg‘onada Olimpiya kolleji bosh hisobchisi 4,3 mlrd so‘m pulni qimorga tikkanligi aytilmoqda
Farg‘ona viloyati Olimpiya zaxiralari kolleji bosh hisobchisi 3 yil davomida 4,3 mlrd so‘mlik mablag‘larni asossiz ravishda o‘zlashtirganlikda gumon qilinmoqda. U o‘zlashtirilgan mablag‘larni internet orqali qimor o‘yinlariga tikib, sarflab yuborgan. Bosh hisobchiga nisbatan «qamoqqa olish» ehtiyot chorasi qo‘llanilgan.
«Xalq bu kuchdir». Toshkent aholisi yana bir bolalar maydonchasini himoya qilishga erishdi
Toshkentning Yunusobod tumani Markaz-5 dahasi aholisi quruvchi bilan kurashda yangi bino qurilishi ko‘zda tutilgan joydagi bolalar maydonchasi va yashil hududni himoya qilishga muvaffaq bo‘ldi. Mojaro vaqtida ayrim aholi vakillari va faollar jarohatlandi. Hodisa poytaxt hokimi Jahongir Ortiqxo‘jayev aralashuvi bilan hal etildi.
Pulli yo‘llar, aeroportlar, yashil elektr stansiyalari. DXSH uchun loyihalar ro‘yxati
O‘zbekistonda davlat-xususiy sheriklik shartlari asosida bir qator pulli yo‘llar, shamol va quyosh elektr stansiyalarini qurish rejalashtirilmoqda. Xususiy kompaniyalar Toshkent va boshqa shaharlarning xalqaro aeroportlari va infratuzilmasini modernizatsiya qilishga ham jalb etiladi.
OTP Bank Ukrainadagi urush tufayli «Ipotepa-bank» ulushini sotib olishni kechiktirdi
«Ipoteka-bank»ning 75 foiz davlat ulushini sotib olishni rejalashtirgan Vengriyaning OTP Bank banki O‘zbekistondan bitimni kechiktirishni so‘radi. Kechikishga Ukrainadagi urush sabab qilib keltirildi.
Qo‘shimcha imkoniyatlarga ega bulish uchun saytda ro‘yxatdan o‘ting