Dollarning rasmiy kursi ko‘tarildi
AQSh dollarining so‘mga nisbatan rasmiy kursi 20,13 so‘mga qimmatlab, 10 919,98 so‘m etib belgilandi. Shuningdek, rubl kursi ham ko‘tarildi, yevro esa pasaydi.
«Imtiyozli kreditlarni yo‘q qilish kerak». Jamshid Qo‘chqorov kreditlar talon-torojiga barham berish haqida
Bosh vazir o‘rinbosari Jamshid Qo‘chqorov kreditlar talon-toroj qilinishiga barham berish uchun imtiyozli kreditlarni yo‘q qilish va banklarni xususiylashtirish zarurligini ta’kidladi. Uning so‘zlariga ko‘ra, shundagina kredit ajratish tizimi tartibga tushadi, xususiy bank egalari esa vaziyatni o‘z nazoratiga oladi.
Toshkent uchun ikkita «shovqinsiz» tramvay yo‘nalishi ishlab chiqilmoqda
Avgustda Toshkentda zamonaviy «shovqinsiz» tramvayni ishga tushirish loyihasining texnik-iqtisodiy asoslarini ishlab chiqish rejalashtirilmoqda. Transport boshqarmasi boshlig‘i Anvar Jo‘rayevning aytishicha, bunda ikkita — TTZ hamda «Ippodrom» dan Shimoliy vokzalgacha bo‘lgan yo‘nalish doirasida takliflar tayyorlangan.
«O‘zMET» regulyatorga aylantiriladi, elektr energiyasi oldi-sotdisi uchun yangi kompaniya tashkil etiladi
Bosh vazir o‘rinbosari Jamshid Qo‘chqorov «O‘zMET» AJ elektr energiyasi sohasida regulyatorga aylanishi, bozorda oldi-sotdi bilan shug‘ullanish uchun esa yangi PowerTrade (nomi rasman tasdiqlanmagan) kompaniyasi tuzilishini ma’lum qildi. Shu orqali davlat elektrni kafolatli sotib olishiga chek qo‘yiladi.
Dam olish kunlari harorat iqlimiy me’yorlardan 5−7 daraja yuqori bo‘ladi
Shanba-yakshanba kunlari jazirama issiq saqlanib qoladi. Erondan juda issiq va quruq havo oqimlari kirib kelishi hisobiga harorat iqlimiy me’yorlardan 5−7 darajaga yuqori bo‘ladi. Havo kunduzi +40…+45 darajagacha, janub va cho‘l zonalarida +47 darajagacha isishi kutilmoqda.
Vazirlar Mahkamasi haydovchilarni tayyorlash tizimini yangiladi
Hukumatning yangi qaroriga ko‘ra, haydovchilarni tayyorlash bo‘yicha o‘quv soati haftasiga 20 soatgacha, kuniga 4 soatgacha bo‘ladi. Haydovchilarning malaka oshirish sertifikatlari faqat elektron shaklda beriladi.
Yo‘qolgan «prava»ni qayta tiklash uchun imtihon topshirish tizimi bekor qilindi
Hukumat qaroriga muvofiq, endi yo‘qolgan haydovchilik guvohnomasini qayta tiklash uchun nazariy va amaliy imtihondan o‘tish talab etilmaydi.
Qoraqalpog‘istonda «Tashabbusli budjet» jarayonining ikkinchi mavsumi boshlandi
Qoraqalpog‘istonda favqulodda holat bekor qilinishi sababli «Tashabbusli budjet» jarayonining ikkinchi mavsumiga 22 iyuldan start berildi. Respublikada ham har bir bosqichga 20 kundan — jami 60 kun muddat taqdim etiladi.
Andijon va Farg‘onada pul evaziga o‘qishga kiritib qo‘yishga uringan shaxslar ushlandi
Andijonda ikki fuqaroni Andijon davlat universitetiga tanishlari orqali kiritib qo‘yish evaziga 11 ming dollarni olganlikda gumonlangan shaxs qo‘lga tushdi. Bag‘dodda esa fuqaroni 500 dollar evaziga Milliy universitetiga o‘qishga kiritib qo‘yishga uringan shaxs ushlandi. Ularga nisbatan jinoyat ishi qo‘zg‘atildi.
Samarqandda 5G tarmog‘i sinovdan o‘tkazilmoqda
Samarqand turizm markazida 5G mobil aloqa tarmog‘i sinovdan o‘tkazilmoqda, deya ma’lum qildi axborot texnologiyalari va kommunikatsiyalarini rivojlantirish vaziri Sherzod Shermatov.
200 ming so‘mlik banknotani inflyatsiyani to‘xtatish uchun chiqarganimiz yo‘q — Markaziy bank raisi
Markaziy bank raisi Mamarizo Nurmuratov 200 ming so‘mlik banknota inflyatsiyani to‘xtatish yoki bankomatlar uchun emas, balki odamlarga qulaylik yaratish maqsadida oldinroq chiqarilganini ma’lum qildi. «Pul massasining ko‘payishi — iqtisodiyotda bo‘layotgan ijobiy o‘sish va o‘zgarishlarning mahsuli», — dedi u.
“Daryo bo‘yidagi Seul shaharchasi” kelajakka muvaffaqiyatli sarmoya kiritishga imkoniyat yaratadi
“Somang Development Korea” kompaniyasi Toshkent markazida turar-joy majmualarini qurmoqda. Ayni paytda uchta ko‘pkvartirali uylar qurib bitkazilgan.
21 iyul kuni O‘zbekistonda sodir bo‘lgan eng muhim xabarlar dayjesti
Benzin va dizel eksportini cheklagan O‘zbekiston, 15 foizga tushgan asosiy stavka, Qamchiq dovonidagi yong‘in, O‘zbekiston, Qozog‘iston va Qirg‘iziston prezidentlarining norasmiy uchrashuvi, «prava»ni elektron almashtirish taklifi va boshqalar — «Gazeta.uz» da kun dayjesti.
Markaziy bank O‘zbekistonning 2022 yil uchun YAIM prognozini yaxshiladi
MB 2022 yilga mo‘ljallangan makroiqtisodiy prognozlarini qayta ko‘rib chiqdi — YAIM o‘sishi yiliga 5−5,5% darajasida kutilmoqda, aprel oyida prognoz 3,5−4,5%ni tashkil etdi. Inflyatsiya 12−14% koridorining quyi chegarasi yaqinida prognoz qilinmoqda. Regulyator asosiy stavkani pasaytirish qarorini tushuntirdi.
Buxoro viloyatida yaratilgan yangi ish o‘rinlari soni hisobotlarda orttirib ko‘rsatilgan — Senat
Senat Buxoro, Jizzax, Namangan va Farg‘onada aholi bandligini ta’minlashga doir ishlarni tanqid qildi. Xususan, Buxoroda yaratilgan yangi ish o‘rinlari bir vaqtda boshqa sohada ham qayd etilib, hisobotda raqamlar orttirib ko‘rsatilgan. O‘tgan yilgi investloyiha ma’lumotlari esa joriy yilda qayta kiritilgan.
Amerika banklari 13 ta holatda O‘zbekistondagi kompaniyalar to‘lovlarini muzlatib qo‘ydi — MB
Amerika banklari 13 holatda O‘zbekistondagi kompaniyalarning to‘lovlarini muzlatib qo‘ydi yoki musodara qildi. Markaziy bank raisining birinchi o‘rinbosari Botir Zaxidov qaysi hollarda kompaniyalarda tranzaksiyalar bilan muammolar yuzaga kelganini so‘zlab berdi.
O‘zini o‘zi band qilganlarning o‘rtacha daromadini aniqlash va shu asosda kredit ajratish rejalashtirilmoqda
MB raisi Mamarizo Nurmuratov o‘zini o‘zi band qilgan fuqarolarning o‘rtacha daromadini statistika yordamida aniqlash mezoni ishlab chiqilayotganini ma’lum qildi. Uning so‘zlariga ko‘ra, shu orqali norasmiy daromad topayotgan shaxslarga kredit ajratish tizimini yo‘lga qo‘yish maqsad qilingan.
Dollarning rasmiy kursi ketma-ket beshinchi bor pasaymoqda
AQSh dollarining so‘mga nisbatan rasmiy kursi 8,15 so‘mga arzonlab, 10 899,85 so‘m etib belgilandi. Shuningdek, yevro kursi va rubl kurslari ham pasaydi.
Toshkent shahri va viloyatida elektr ta’minotida uzilishlar kuzatilmoqda
Toshkent shahri va viloyatining ko‘plab hududlarida elektr ta’minotida nosozliklar kuzatilmoqda. Energetika vazirligi bu anomal issiq tufayli transformatorlarga yuklama ortishi oqibatida yuz berayotganini ma’lum qildi. Bloger Shahnoza Soatova esa yuklamalarga yangi qurilgan uylar sabab bo‘layotganini aytmoqda.
Toshkentda uch yil mobaynida qanday yettita o‘zgarish sodir bo‘ldi
Mashhur sa’natkor Otabek Mahkamov o‘zining YouTube kanalidagi lavhasida uch yil ichida Toshkentda qanday o‘zgarishlar sodir bo‘lgani haqida so‘zlab berdi.
Qo‘shimcha imkoniyatlarga ega bulish uchun saytda ro‘yxatdan o‘ting