Toshkentdagi ichki kiyimlar do‘konidan modellar surati oldirib tashlandi
Internetda Toshkentdagi Milavitsa ichki kiyimlar do‘koni tashqi vitrinasiga joylashtirilgan modellar suratini tanqid qilingan video tarqaldi. Keyinchalik suratlar olib tashlandi. Do‘kon rahbari bu tuman hokimligining iltimosiga binoan amalga oshirilganini aytdi.
Driver’s Village O‘zbekistonga SsangYong avtomobillarini yetkazib berish bo‘yicha shartnoma imzoladi
Kompaniya O‘zbekistonga atmosfera benzinlik dvigatellar bilan jihozlangan Rexton premium ramali yo‘ltanlamas, Musso pikapi, Korando, Torres, XLV va Tivoli avtomobillarini yetkazib beradi.
Toshkent viloyatida ayol 4 erkak tomonidan zo‘rlangani aytilmoqda
28 dekabr kuni Bo‘stonliqda ayol mahalladoshlari tomonidan zo‘ravonlikka uchragani aytilmoqda. U 2023 yil 10 fevral kuni Ayollarni reabilitatsiya qilish va moslashtirish respublika markaziga olib kelingan. Holat yuzasidan 25−27 yoshli 4 nafar gumonlanuvchiga nisbatan 2 ta modda bilan jinoyat ishi qo‘zg‘atildi.
Elektr, neft va gazdan foydalanishni nazorat qiluvchi inspeksiya tashkil etildi
Energetika vazirligi huzurida Elektr energiyasi, neft mahsulotlari va gazdan foydalanishni nazorat qilish inspeksiyasi (O‘zenergoinspeksiya) tashkil etildi. Shuningdek, yoqilg‘i-energiya resurslaridan foydalanishni nazorat qiluvchi bosh prokuror o‘rinbosari lavozimi joriy qilindi.
O‘zbekistonda davlat bog‘chalari ko‘p qavatli uylarda tashkil etilishi mumkin
2023 yilgi davlat dasturiga ko‘ra, yangi davlat maktabgacha ta’lim tashkilotlari faoliyatini ko‘p kvartirali uylarning noturar qavatlarida yoki yakka tartibda qurilgan uy-joylarni sotib olish va keyinchalik ularni rekonstruksiya qilish, ta’mirlash hamda jihozlash orqali tashkil etilishi rejalashtirilmoqda.
«Svet», gaz va suvdan noqonuniy foydalanish o‘g‘rilik jinoyati sifatida belgilanishi mumkin
Prezident qaroriga asosan «svet», gaz va suvdan noqonuniy foydalanishni o‘g‘rilik jinoyati sifatida belgilash kutilmoqda, huquq-tartibot organlariga tegishli qonunni ishlab chiqish vazifasi yuklatildi. O‘zenergoinspeksiyaga ushbu resurslardan noqonuniy foydalangan mansabdorlarga jazo qo‘llash vakolati berilmoqda.
Elektr va gaz tarmoqlarida yuklama oshganda, yangi iste’molchilarga ulanish taqiqlanadi
Prezident qaroriga ko‘ra, endilikda elektr va gaz tarmoqlarida yuklama oshgan taqdirda, yangi iste’molchilarga ulanish taqiqlanadi. Bundan tashqari, sohadagi huquqbuzarliklar yuzasidan tuzilgan dalolatnomalar elektron shaklda rasmiylashtiriladi.
Qator davlatlar Hindiston va O‘zbekistonda bo‘lib o‘tadigan boks bo‘yicha jahon chempionatiga boykot e’lon qildi
AQSh, Chexiya, Irlandiya va Shvetsiya mamlakatlari Hindiston va O‘zbekistonda o‘tadigan boks bo‘yicha jahon chempionatiga boykot e’lon qildi. Buyuk Britaniya Nyu-Dehlidagi chempionatda ishtirok etmaydi. Bunday qarorga Rossiya va Belarus sportchilarining o‘z mamlakat bayroqlari ostida qatnashishi sabab bo‘ldi.
Qashqadaryoda ikki shaxs qalbaki 5 ming dollarni 25 mln so‘mga sotishda gumonlanib ushlandi
Muborak tumanida yashovchi shaxs Qozog‘istondan olib kelingan 5 ming AQSh dollarini 25 million so‘mga sotayotgan vaqtida gumonlanuvchi sifatida qo‘lga olindi. Holat yuzasidan jinoyat ishi qo‘zg‘atildi.
Quyi Chirchiqdagi bog‘chada xotinini kaltaklab, ertasiga uni o‘ldirgan erkak 19 yilga qamaldi
Sud 2022 yilning yozida bolalar bog‘chasida o‘z xotinini bolalarning ko‘z o‘ngida kaltaklagan, ertasiga uni o‘ldirgan erkakni 19 yilga ozodlikdan mahrum qildi. Marhuma ayolning otasi esa suddan umrbod qamoq jazosini talab qilgan.
O‘zbekistonda Onix avtomobilini seriyali tarzda ishlab chiqarish boshlandi
UzAuto Motors Chevrolet Onix avtomobilini seriyali tarzda ishlab chiqarish boshlanganini ma’lum qildi. Shuningdek, Chevrolet Onix Premium ham taqdim etildi. Unda klimat kontrol, lyuk, orqa o‘rindiq isitish tizimi kabi qulayliklar bo‘ladi.
Qirg‘iziston chegarachilari O‘zbekiston fuqarolaridan pul undirayotgani aytilmoqda
Qirg‘iziston-O‘zbekiston chegarasidagi «Do‘stlik» nazorat-o‘tkazish punktida qo‘shni davlat chegarachilari O‘zbekiston fuqarolaridan pul talab qilmoqda, puli yo‘qligini aytganlarga nisbatan kuch ishlatish holatlari ham qayd etilyapti, deb xabar bermoqda qirg‘izistonlik jurnalist Shohrux Soipov.
Qozog‘iston bilan chegaradagi ikkita nazorat-o‘tkazish punkti ishi vaqtincha to‘xtatildi
«Sirdaryo» va «S.Najimov» chegara bojxona postlari 15 fevraldan Qozog‘iston tomonining rekonstruksiya ishlarini olib borishi munosabati bilan piyodalar, avtobus va avtomashinalar harakati uchun ishini to‘xtatdi.
Sobiq AKT vaziri bosh vazir kotibiyati rahbariga o‘rinbosar bo‘ldi
Abdurashid Jo‘raboyev rahbarlik qilayotgan bosh vazir kotibiyatiga sobiq axborot texnologiyalari va kommunikatsiyalarini rivojlantirish vaziri Shuxrat Sadikov o‘rinbosar bo‘ldi. 2021 yil noyabrda u Telegram va boshqa internet tarmoqlarining O‘zbekistondagi faoliyati cheklangani ortidan lavozimidan ozod etilgandi.
Qozog‘istonda bolalarga hisob varag‘i ochilib, 18 yoshga to‘lgunicha davlat tomonidan pul o‘tkazib turiladi
Qozog‘istonda yangi tug‘ilgan chaqaloqlarga davlat tomonidan hisob varag‘i ochilib, unga milliy boyliklardan keladigan pullardan ulush o‘tkazib boriladigan dastur ishga tushmoqda. Bolalar voyaga yetganidan keyin bu pullardan qanday foydalanishni mustaqil hal qiladi.
Ta’lim muassasalarida kontrakt to‘lovi muddati 15 martgacha uzaytirildi
O‘zbekistondagi oliy o‘quv yurtlari, kollej va texnikumlarda kontrakt mablag‘larini to‘lash muddati 15 martga qadar uzaytirildi.
Tabiat resurslari vazirligi: Toshkentdagi havo sifati salomatlik uchun xavfli emas
«Toshkent shahridagi havoning ifloslanish darajasi inson salomatligiga jiddiy ta’sir ko‘rsatmaydi», — dedi Tabiat resurslari vazirligi vakili. Havo sifati yomonligi toshkentliklar salomatligiga bir yilda 503 dona sigaret chekilgandek ta’sir qilishi haqida xabar e’lon qilinganidan so‘ng tadqiqot o‘tkazilgan.
Maktab ta’limi vazirligi prezident farmoni loyihasiga e’tiroz bildirdi
Maktabgacha va maktab ta’limi vazirligi prezident farmoni loyihasida keltirilgan bandlar bo‘yicha e’tiroz bildirdi. Loyihada vazirlikning hududiy bo‘linmalari mahalliy hokimliklarga o‘tkazilishi qayd etilgandi. «Xavotirga o‘rin yo‘q, Adliya vazirligi bilan muzokaralar o‘tkazilgan», deyildi bayonotda.
Kamoliddin Nabiyev «Maxsustrans» korxonasiga qayta rahbar bo‘ldi
Poytaxtning yangi hokimi v.b. Baxtiyor Rahmonov «Maxsustrans» DUK rahbari Abdujamil Abduvahobovni o‘z arizasiga ko‘ra ishdan oldi. 2018 yilda mazkur lavozimdan ketgan Kamoliddin Nabiyev tashkilotga qayta rahbar bo‘ldi.
Banklarda dollarning sotish kursi 30 so‘mga oshdi
Tijorat banklari 15 fevral kuni aholidan 1 AQSh dollarini 11 305 — 11 365 so‘mdan sotib olmoqda, sotish kursi esa aksariyat banklarda 11 415 so‘m.
Qo‘shimcha imkoniyatlarga ega bulish uchun saytda ro‘yxatdan o‘ting