4-avgust kuni O‘zbekistonda sodir bo‘lgan eng muhim voqealar dayjesti
7 yilga qamalgan Bloger Abduqodir Mo‘minov, dam olish kunlari asta-sekin pasayadigan harorat, O‘zbekistonda haligacha ishlatilayotgan 400 ga yaqin nosoz lift, ZoodPay`ga qarshi ish ochgan Raqobat qo‘mitasi, Surxondaryo hokimi va maktab direktori janjaliga munosabat va boshqalar — “Gazeta.uz"ning kun dayjestida.
Buxgalteriya autsorsingi biznes uchun samarali yechim bo‘lishi mumkin
Buhexpert kompaniyasi vakillari buxgalteriya autsorsingi biznesga qanday yordam berishi haqida so‘zlab berishdi.
Bloger Abduqodir Mo‘minov 7 yil 3 oy muddatga qamaldi
Jinoyat ishlari bo‘yicha Mirobod tuman sudi bloger Abduqodir Mo‘minovga 3 yil muddatga jurnalistik (blogerlik) faoliyati bilan shug‘ullanish huquqidan mahrum qilgan holda 7 yil 3 oy muddatga ozodlikdan mahrum qilish jazosini tayinladi. Tayinlangan jazoni umumiy tartibli koloniyada o‘tattirilish belgilandi.
Cobalt, Lacetti va Damas uchun shartnoma tuzish qayta tiklandi. Yangi komplektatsiyalar taqdim etildi
UzAuto Motor yetti oydan ko‘proq vaqt o‘tgach, Cobalt, Lacetti va Damas uchun shartnoma tuzishni qayta boshladi, shuningdek, Style Plus pristavkali yangi komplektatsiyalarni taqdim etdi. Avtomobillarni topshirish vaqtini qisqartirish uchun kompaniya “ishlab chiqarish jadvali bo‘yicha sotish tizimi”ni joriy qilmoqda.
Kuchli ta’sir ko‘rsatuvchi “pregabalin” preparatini tarqatib kelgan guruh fosh qilindi
DXX va Bojxona qo‘mitasi Xitoydan pochta orqali kuchli ta’sir ko‘rsatadigan “pregabalin” preparatini olib kirib, ijtimoiy tarmoqlar orqali sotib kelgan guruhni fosh qildi. 75,7 kg preparat musodara qilindi.
Chirchiqdagi qishloq xo‘jaligi mashinasozligi klasteri traktor ishlab chiqarishni boshladi
Chirchiqdagi qishloq xo‘jaligi mashinasozligi klasteri traktorlar ishlab chiqarishni boshladi, mahalliylashtirish darajasi 25 foizni tashkil etmoqda. Zavod yiliga 15 mingta traktor, tirkama va boshqa texnikalarni ishlab chiqarish quvvatiga ega.
Toshkent IIBB Freedom Payments kompaniyasida bo‘lgan tekshiruvga izoh berdi
Toshkent shahar ichki ishlar bosh boshqarmasi Freedom Payments kompaniyasida bo‘lgan tekshiruv fuqarolarning plastik kartasidan 12 mlrd so‘m o‘g‘irlangani bo‘yicha tergovga bog‘liqligini ma’lum qildi. Pul to‘lov tizimi orqali xorijga chiqib ketgan, shu sabab organlar tergov tadbirlarini o‘tkazmoqda, deyiladi izohda.
Raqobat qo‘mitasi ZoodPay`ga qarshi ish ochdi
Raqobatni rivojlantirish qo‘mitasi ZoodPay platformasiga qarshi tashkilotning 99 foiz aksiyasi BAAdagi Zooduz kompaniyasiga sotilgani sababli ish qo‘zg‘atdi. Qo‘mita kompaniyaga nisbatan Ma’muriy javobgarlik to‘g‘risidagi kodeksda belgilangan javobgarlikni qo‘llash choralarini ko‘radi.
Ulug‘bek Lapasov O‘zbekistonning BMTdagi doimiy vakili bo‘ldi
Ulug‘bek Lapasov O‘zbekistonning Birlashgan Millatlar Tashkilotidagi doimiy vakili lavozimiga tayinlandi. U bunga qadar Jenevadagi BMT bo‘linmasi va boshqa xalqaro tashkilotlardagi doimiy vakil sifatida ishlab kelayotgandi.
PowerChina kompaniyasi Andijonda 400 mln dollarlik quyosh fotoelektr stansiyasi quradi
Xitoyning PowerChina kompaniyasi Andijonda qiymati 400 mln dollarlik 400 MVt quvvatga ega quyosh fotoelektr stansiyasi quradi. Kompaniya Energetika vazirligi bilan tendersiz shartnoma imzoladi. Energetika vaziri loyihalar nima sababdan bevosita muzokaralar orqali amalga oshirilayotganini tushuntirdi.
Muvaffaqiyat ortidan quvib: o‘qish uchun Vivobook S 15 OLED`ni tanlashga to‘rtta sabab
ASUS 2023-yil yangiligi — talabalarga ta’lim va boshqa ishlarda muvaffaqiyatga erishishda yordam beradigan Vivobook S 15 OLED noutbukini taqdim etdi.
Markaziy bank regulyator nomidan odamlarni aldashga urinish holati kuzatilayotganidan ogohlantirdi
Markaziy bank Telegram`da regulyator nomidan soxta kanal ochib, fuqarolarni aldashga urinish holatlari kuzatilayotganini ma’lum qildi. “Markaziy bank tijorat faoliyati bilan shug‘ullanmaydi, shu jumladan, jismoniy shaxslarga kredit ajratmaydi yoki moliyaviy yordam ko‘rsatmaydi”, deyiladi regulyator xabarida.
Sud qaroriga nisbatan appelyatsiya shikoyatini berish muddati 20 kundan 10 kunga qisqartiriladi
Jinoyat-protsessual kodeksiga kiritilayotgan o‘zgartirishlarga ko‘ra appelyatsiya shikoyatini berish muddati 20 kundan 10 kunga qisqartiriladi, sud qarorlarini kassatsiya tartibida ko‘rib chiqish vakolati viloyat va unga tenglashtirilgan sudlarga o‘tkaziladi.
Toshkentdagi tug‘uruqxonada egizak chaqaloqlar vafot etdi
Toshkent shahridagi 6-sonli tug‘ruq kompleksida egizak chaqaloqlar vafot etdi. Bolalar onasi bunga akusher-ginekologning ehtiyotsizligi sabab bo‘lganini aytmoqda.
Chiroqchi tumaniga yangi hokim tayinlandi
Chiroqchi tumaniga Fayzulla Yusupov hokim etib tayinlandi. U bunga qadar viloyat Iqtisodiyot va moliya bosh boshqarmasi rahbari bo‘lgan.
Jamoatchilik fikri: “Surxondaryo hokimi mansab vakolatini suiiste’mol qilgan”
Surxondaryo hokimi va maktab direktori janjali tarmoqlarda muhokamalarga sabab bo‘ldi. Huquqshunos va ekspertlar “hokim pedagogni ishdan olishga haqqi yo‘q”, “hokimlarni ta’limga umuman yaqinlashtirmaslik kerak” demoqda. “Hokim qamab, vazir ozod qilsa, sudning nima keragi bor?” degan savol ham berildi.
Freedom Payments davlat idoralari tomonidan tekshiruv o‘tkazilganiga izoh berdi
“Gazeta.uz” kecha xabar bergan Freedom Payments kompaniyasi xodimlarining tekshiruvdan o‘tkazilishi bo‘yicha holat “mamlakatdan kapital olib chiqib ketilishining oldini olish bo‘yicha standart jarayon bilan bog‘liq”, deya xabar berdi kompaniya. Bunday tekshiruvlar bir qator boshqa to‘lov tashkilotlarida ham o‘tkaziladi.
O‘zbekistonda 400 ga yaqin liftdan nosoz holatida foydalanib kelinmoqda — senator
O‘zbekistonda aniqlangan kamchiliklar bartaraf etilmagan 400 ga yaqin liftdan hamon foydalanib kelinmoqda. Bu haqda Senat yalpi majlisida ma’lum qilindi.
O‘zbekistonda dam olish kunlari havo harorati asta-sekin pasayadi
Shanba kuni O‘zbekistonga Janubiy Ural hududlaridan nisbatan nam va salqin havo massalari kirib keladi. Kunduzi harorat barcha joylarda +35 darajagacha, janubda +38 darajagacha pasayadi.
O‘zbekistonning 8 ta viloyatida sel-suv toshqini xavfi e’lon qilindi
6−8-avgust kunlari kutilayotgan kuchli yomg‘irlar yog‘ishi sababli O‘zbekistonning 8 ta viloyatida sel-suv toshqini xavfi yuzaga kelishi mumkin.
Qo‘shimcha imkoniyatlarga ega bulish uchun saytda ro‘yxatdan o‘ting