Kanada Hindistondan 41 diplomatni chaqirib oldi
Kanada 41 nafar diplomatini daxlsizlik huquqi bekor qilinish xavfi tufayli Hindistondan chaqirib oldi. Kanada bosh vaziri Kanada sikxlar jamoasi yetakchisining o‘ldirilishida Hindiston razvedka xizmatlari ishtiroki haqida ma’lum qilganidan so‘ng ikki davlat o‘rtasidagi munosabatlar keskinlashdi.
O‘zbekistonda saytlarni buzish holatlari bo‘lganmi? Xavfsizlik bo‘yicha ekspert izohi
O‘zbekistonda qator saytlardan foydalanuvchi ma’lumotlari sizib chiqqani ma’lum bo‘ldi. ONESEC direktori Dmitriy Paleyevning “Gazeta.uz”ga aytishicha, gap buzib kirish haqida emas, balki stilerlar — brauzerlardan autentifikatsiya ma’lumotlarini o‘g‘irlaydigan viruslarning eski bazasi haqida bormoqda.
Toshkentda dam olish kunlari qayerlarga borish mumkin?
Oltita kinopremyera, Eco-niyat yarmarkasi, Offroad-tadbiri, Rhythm of the Dance shousi, Mot konserti, Tashkent Modernism. Index ko‘rgazmasi, bolalar uchun ko‘ngilochar dasturlar va dam olish kunlaridagi boshqa qiziqarli tadbirlar — Afisha.uz jamlanmasida.
Shahar ko‘chalarida kunduzi yuk mashinalar harakatlanishini cheklash taklif etilmoqda
Vazirlar Mahkamasi qarori loyihasida mahalliy ahamiyatga ega umumiy foydalanishdagi avtomobil yo‘llari, shaharlar va boshqa aholi punktlarining ko‘chalarida og‘ir yuklarni tashuvchi avtotransport vositalari harakatini soat 08:00 dan 22:00 ga qadar cheklash taklif etilmoqda.
MUNIS loyihasi amalga oshirilishiga qaratilgan panel sessiya bo‘lib o‘tdi
InnoWeek.Uz-2023 xalqaro innovatsion g‘oyalar haftaligi doirasida “MUNIS loyihasining amalga oshirilishi: joriy va kelgusi rejalar” mavzusidagi panel sessiyasi tashkil qilindi.
Toshkent aeroporti estakadasida belgilangan vaqtdan ko‘p turgan mashinalarga jarima yoziladi
1-noyabrdan Toshkent aeroporti estakadasida belgilangan vaqt (yengil avtomobillar 5 daqiqa, turistik avtobus va mikroavtobuslar 10 daqiqa)dan ko‘p turgan mashinalarga jarima yoziladi. Jarima sariq chiziqda to‘xtagan haydovchilarga ham belgilanadi.
“Dok-1 Maks” ishi: O‘zbekistonlik mansabdor Hindistonning yana 11 ta dorisini qayta ro‘yxatdan o‘tkazish uchun 88 ming dollar so‘ragani aytildi
“Dok-1 Maks” ishi bo‘yicha sudda o‘zbekistonlik amaldorlar hindistonlik yana bir ishlab chiqaruvchining 11 ta dori vositasini qayta ro‘yxatdan o‘tkazish uchun 88 ming dollar talab qilib, oldindan 50 ming dollar olgani ma’lum qilindi.
Qishloq xo‘jaligidagi suvning 36 foizi tuproqli kanal va ariqlarda yo‘qoladi — prezident
O‘zbekiston qishloq xo‘jaligida yil davomida 39 mlrd kub metr suv iste’mol qilingan. Shundan 36 foizi yoki 14 mlrd kub metri tuproq o‘zanli kanal va ariqlarda yo‘qolgan, dedi prezident. Yana 5−6 mlrd kub metr suv sug‘orishning eskirgan usullari tufayli yo‘qotilmoqda.
Benzin taqchilligiga olib keladigan omillar yo‘q — Raqobatni rivojlantirish qo‘mitasi
Raqobatni rivojlantirish qo‘mitasi benzin sotib olishdagi cheklovlar tufayli taqchillik ehtimoli borligi haqidagi xabarlarni rad etdi. Qo‘mitaga ko‘ra, 17-oktabrdan benzin xaridi limiti 5 tonnadan 10 tonnaga oshirilgan. Taqchillik va narxlarning oshishiga yo‘l qo‘ymaslik bo‘yicha ishchi guruhlar tuziladi.
Bayden: “HAMAS kabi terrorchi va Putin kabi tiranlar g‘alaba qozonishiga yo‘l qo‘ymaymiz”
AQSh prezidenti Jo Bayden aholiga telemurojaatida HAMAS hamda Rossiya prezidenti Vladimir Putin “demokratiyani butunlay yo‘q qilmoqchi”ligini va Amerika terrorchilar va zolimlarning g‘alaba qozonishiga yo‘l qo‘ymasligini aytdi. U amerikaliklarni Ukraina va Isroilni qo‘llab-quvvatlashda davom etishga chaqirdi.
O‘zbekistonda paxta narxini erkin bozor belgilaydi — qishloq xo‘jaligi vaziri
Faollar fermerlar va klasterlar o‘zaro teng munosabatga kirisholmasligi, fermerlarda narx bo‘yicha tortishish imkoni yo‘qligini ta’kidlashgandi. Bunga javoban, qishloq xo‘jaligi vaziri Aziz Voitov paxta narxini bozor iqtisodiyoti qonunlari bo‘yicha xaridorlar va sotuvchilar belgilashini ma’lum qildi.
Shavkat Mirziyoyev Toshkent shahriga tashrif buyurgan Xavfsizlik kengashlari kotiblariga murojaat yo‘lladi
Shavkat Mirziyoyev “mintaqaviy xavfsizlikka qarshi tahdidlar kuchayib, yangi xatarlar vujudga kelayotgan” davrda Toshkentda o‘tkazilayotgan Turkiy davlatlar tashkilotiga a’zo davlatlar Xavfsizlik kengashlari kotiblarining 2-yig‘ilishi ishtirokchilariga murojaat yo‘lladi.
Foto: AQSh universitetlari yarmarkasi Toshkent yoshlarida katta qiziqish uyg‘otdi
Ilk bor Toshkentda AQShda o‘qishga qiziquvchi yoshlar uchun EducationUSA mintaqaviy forumi va Amerikaning 50 dan ortiq universitetlari ishtirokida yarmarka bo‘lib o‘tdi. Tadbirda 1200 ga yaqin yoshlar qatnashdi.
Samarqandda 3 nafar farzandini o‘ldirgan erkak umrbod ozodlikdan mahrum qilindi
Samarqand viloyatida Isroilda ishlab kelayotgan turmush o‘rtog‘i bilan telefon orqali janjallashgandan so‘ng 3 nafar voyaga yetmagan farzandini o‘ldirgan 36 yoshli erkak umrbod ozodlikdan mahrum qilindi.
Dam olish kunlari ba’zi hududlarda yomg‘ir yog‘ishi kutilmoqda
Shanba, yakshanba kunlari O‘zbekistonda havo bulutli bo‘ladi. Ayrim joylarda yomg‘ir yog‘ishi mumkin, harorat kechalari +12, kunduzi +23 daraja atrofida bo‘ladi.
Toshkent shahri va viloyatida fuqarolarga AQShga yuborishni va’da qilganlar ushlandi
Toshkent shahri va Toshkent viloyatida tanishlari yordamida 16 va 10 ming dollar evaziga AQShga ishlash uchun yuborishni va’da qilganlar qo‘lga olindi.
Farg‘onada mashinadan noqonuniy olib kirilgan 550 ga yaqin smartfon topildi
Farg‘ona viloyatida Cobalt avtomobilidan Iphone 15 Pro, Iphone 15 Pro Max, Samsung Galaxy S23 Ultra kabi 550 ga yaqin smartfon topildi. Ularning taxminiy qiymati salkam 5,8 mlrd so‘mni tashkil etadi.
Sergelidagi portlashdan ko‘rilgan zarar 14,5 mlrd so‘mga baholanmoqda, 1370 ta xonadon va 246 ta uyga zarar yetgan
Sentabr oxirida Toshkent shahri Sergeli tumanidagi omborxonada yuz bergan portlash oqibatida 1370 ta xonadon (ilgari 600 ga yaqin ekani aytilgandi) va 246 ta uy (25) zarar ko‘rgan. Hukumat komissiyasi yetkazilgan zarar 14,5 mlrd so‘mni tashkil etganini bildirdi. Maktab va bolalar bog‘chasi ham zarar ko‘rgan.
Nasibillo Mo‘minov Asaka tumani hokimi v.v.b. etib tayinlandi
Asaka tumani hokimi Begzod Ummatov vazifasidan ozod etilib, uning o‘rniga hokim vazifasini vaqtincha bajaruvchi etib Nasibillo Mo‘minov tayinlandi.
Toshkentning Sergeli tumanidagi portlashga nima sabab bo‘ldi? Hukumat komissiyasi bayonoti
Sergelidagi portlash yuz bergan omborxonada katta miqdorda kimyoviy moddalar saqlangani aniqlandi, deya ma’lum qildi hukumat komissiyasi. Portlash oqibatida jami 14,5 mlrd so‘m zarar yetkazilgan. Qo‘zg‘atilgan jinoyat ishi doirasida 4 kishiga “qamoqqa olish”, yana bir nafariga “garov” ehtiyot chorasi qo‘llanilgan.
Qo‘shimcha imkoniyatlarga ega bulish uchun saytda ro‘yxatdan o‘ting