Iqtisodiyot
UzAuto Motors hozircha avtomobillar ishlab chiqarishni o‘tgan yilgi ko‘rsatkichga olib chiqa olmadi
UzAuto Motors zavodidagi ishlab chiqarishning yanvar oyidagi keskin to‘xtashidan so‘ng avtomobillarni ishlab chiqarishni o‘tgan yilgi ko‘rsatkichlariga yetkaza olganicha yo‘q. 2021 yil fevral oyida o‘tgan yilning shu oyiga nisbatan 9 873 ta avtomobil kam ishlab chiqarilgan, mart oyida esa 4543 taga kamroq. Eng ko‘p chiqarilgan avtomobil modeli — Cobalt, eng kam ishlab chiqarilgan model Spark.
Dollarning rasmiy kursi ketma-ket oltinchi bor ko‘tarilmoqda
Dollarning rasmiy kursi 12 so‘mga qimmatladi va jami 10 537 so‘m etib belgilandi. Shuningdek, yevro kursi ham ko‘tarildi, rubl esa biroz pasaydi.
Uzbekistan Airways kompaniyasi yangi biznes modeliga o‘tmoqda. Asosiy o‘zgarishlar
Uzbekistan Airways milliy aviakompaniyasi transformatsiya qilinib, xizmatning gibrid modeliga o‘tkaziladi. Xarajatlarni kamaytirish uchun shtatlar qisqartiriladi, xorijdagi samarasiz 20 ta vakolatxona yopiladi. May oyidan 9 ta norentabel reyslar (Parij, Rim, Milan, Tokio, Bangkok va boshqa shaharlarga) bekor qilinadi. Arzon reyslar ochilishi va ichki reyslar soni haftasiga 17 dan 49 gacha ko‘payishi kutilmoqda.
Uzbekistan airways 4 ta A320 samolyotida loukoster tashkil etishni rejalashtirmoqda
4 ta A320 samolyotida loukoster tashkil etish, uzoq masofali yo‘nalishlarni rivojlantirish uchun 3 ta A321 NEO LR samolyotini lizingga olish, mahalliy aviaqatnovlar sonini oshirish rejalashtirilmoqda. Prezident «Uzbekistan airways» va «Uzbekistan airports» kompaniyalarini transformatsiya qilish chora-tadbirlari taqdimoti bilan tanishdi.
Toshkentda ayrim mahsulotlar Yevropa poytaxtlaridan ham qimmatroq ekanligi aniqlandi
Tadqiqotlarga ko‘ra, Toshkent shahridagi apelsin, limon va banan narxlari MDH va Yevropaning London, Berlin va Rim kabi bir qator markazlaridagi narxlardan baland bo‘lib turibdi. Shuningdek, boshqa turdagi oziq-ovqat narxlari bo‘yicha Toshkent shahridagi minimal narxlar MDH davlatlari poytaxtidagi narxlardan ancha baland ekanligi aniqlandi.
Dollarning rasmiy kursi yana ko‘tarildi
Dollarning rasmiy kursi 13 so‘mga qimmatladi va jami 10 525 so‘m etib belgilandi. Shuningdek, yevro kursi ham ko‘tarildi, rubl esa biroz pasaydi.
2021 yilning birinchi choragida YAIMning hajmi 3 foizga oshgan
Yilning ilk choragida YAIM o‘sishi o‘tgan yilning tegishli davriga nisbatan 103%dan iborat bo‘lgan. Ko‘rsatkichlar transport, qurilish va chakana savdo sohalarida tiklanish og‘ir ketayotganini ko‘rsatmoqda.
Mart oyida avtomobillar savdosida o‘sish kuzatildi
Ma’lumotlarga ko‘ra, mart oyida avtomobil bozorida aholi talabi fevral oyiga nisbatan 7,7%ga oshib, qatorasiga ikkinchi oy barqaror o‘sish sur’atlarini ko‘rsatdi. O‘tgan yilning mos davri bilan solishtirganda, avtomobillar savdosi o‘sishi 47,4%ni tashkil qildi.
Shavkat Mirziyoyev — «Mozori-Sharif — Kobul — Peshavor» temir yo‘li loyihasining ahamiyati haqida
Shavkat Mirziyoyev transafg‘on temir yo‘lining qurilishi O‘zbekiston uchun qo‘shimcha bozorlar paydo bo‘lishi, ishlab chiqarayotgan mahsulotlar tannarxining 60−70 foizga kamayishiga imkon yaratishini ma’lum qildi. Prezidentning so‘zlariga ko‘ra, loyihaga Rossiya va qo‘shni davlatlar ham qiziqish bildirmoqda.
Yaponiya O‘zbekistonga 195 mln dollar miqdorida kredit ajratdi
Yaponiya O‘zbekistonga elektr energiyasi sohasidagi siyosiy masalalarni hal qilish uchun 195 mln dollar miqdorida kredit ajratdi.
Dollarning rasmiy kursi yana ko‘tarildi
Dollarning rasmiy kursi 4 so‘mga qimmatladi va jami 10 512 so‘m etib belgilandi. Shuningdek, yevro va rubl kurslari ham biroz ko‘tarildi.
Uzbekistan Airways va yana 14 kompaniya IPO o‘tkaziladigan kompaniyalar ro‘yxatiga kiritildi
Uzbekistan Airways, «O‘zmetkombinat», «O‘zbekneftegaz», «O‘zmilliybank» va «O‘ztransgaz» kabi boshqa kompaniyalar 2021−2023 yillarda aksiyalari fond birjasida ommaviy savdo uchun joylashtiriladigan kompaniyalar ro‘yxatiga kiritildi.
Samarqanddagi turizm markazi 2022 yilda foydalanishga topshiriladi
Prezident Samarqand tumanidagi eshkak eshish kanali bo‘yida barpo etilayotgan turizm markazi qurilishini ko‘zdan kechirdi. Bu yerda 8 ta mehmonxona, karvonsaroy, dam olish maskanlari bo‘ladi. Markazni 2022 yilda foydalanishga topshirish rejalashtirilmoqda.
Kompaniyalar O‘zbekistondagi ishbilarmonlik muhitini qanday baholayotgani o‘rganildi
Iqtisodiy tadqiqotlar va islohotlar markazi tadqiqotlari aksariyat tadbirkorlar mamlakatdagi ishbilarmonlik muhitini ijobiy baholashini, biroq ularning biznesini yanada qo‘llab-quvvatlash zarurligini ko‘rsatdi. Yer uchastkalari ajratish, soliq stavkalarini va kreditlar bo‘yicha foiz stavkalarini pasaytirish va boshqa muammolar tadbirkorlarni tashvishga solayotgani ma’lum bo‘ldi.
Yanvar-mart oylarida pul o‘tkazmalari 1,42 mlrd dollarni tashkil qildi
2021 yilning yanvar-mart oylarida O‘zbekistonga kelib tushgan xalqaro transchegaraviy pul o‘tkazmalari hajmi deyarli 1,42 mlrd dollarni tashkil etib, 2020 yilning mos davriga nisbatan 336 mln dollarga oshdi.
Dollarning rasmiy kursi yana ko‘tarildi
Dollarning rasmiy kursi 10 so‘mga qimmatladi va jami 10 507 so‘m etib belgilandi. Shuningdek, yevro kursi ham biroz qimmatladi, rubl esa arzonladi.
Samarqand xalqaro aeroporti yiliga 1,5 mln yo‘lovchiga xizmat qiladi
Prezidentga taqdimot qilingan Samarqand xalqaro aeroporti rekonstruksiyadan so‘ng yiliga 1,5 mln yo‘lovchiga xizmat ko‘rsatishi kutilmoqda. «Air Marakanda» kompaniyasiga DXSH asosida 20 yilga aeroportni boshqarish huquqi beriladi. Kompaniya aeroport infratuzilmasini rivojlantirishga 80 mln dollar investitsiya kiritadi.
Prezident Samarqand aeroportini rekonstruksiya qilish ishlari bilan tanishdi
Shavkat Mirziyoyev Samarqand viloyatiga tashrifini xalqaro aeroportning rekonstruksiya ishlari bilan tanishishdan boshladi. Sentyabr oyida foydalanishga topshiriladigan yangi aeroport soatiga 800 nafar yo‘lovchiga xizmat ko‘rsatish quvvatiga ega bo‘ladi. Prezident aeroport odamlar uchun qulay, xizmat ko‘rsatish esa sifatli va tezkor bo‘lishi kerakligini ta’kidladi.
Vizasiz sayohat qilish reytingida O‘zbekistonning o‘rni bir pog‘onaga yaxshilandi
Vizasiz sayohat qilish reytingida O‘zbekiston 85-o‘rinni egalladi. Unga ko‘ra, O‘zbekiston fuqarolari 57 ta davlat hududiga vizasiz sayohat qilishlari mumkin. Birinchi o‘rinda Yaponiya bo‘lib, ushbu mamlakat pasporti fuqarolarga 193 ta davlatga vizasiz sayohat qilish imkonini bermoqda.
O‘zbekistonda ilk gidroakkumulyatsiya elektrostansiyasi (GAES) quriladi
O‘zbekistonda Fransiyaning EDF kompaniyasi bilan hamkorlikda ilk gidroakkumulyatsiya elektrostansiyasi (GAES) quriladi. Toshkent viloyatining Bo‘stonliq tumanida qurilishi rejalashtirilayotgan Xo‘jakent GAESning loyihaviy quvvati 200 MVt ga teng.
Eng ko‘p o‘qilgan xabarlar | So‘nggi yangiliklar
- UzAuto Motors Gentra, Damas va Labo uchun kontraktatsiyani ochadi
- Gaz va elektr tariflarining oshishi inflyatsiyaga qanday ta’sir qiladi?
- Yilning dastlabki 4 oyida davlat budjet defitsiti 25 trln so‘mdan oshdi
- “Hozir Yangi Toshkent ustuvorlikda turibdi”. Alstom vitse-prezidenti — poytaxtda tramvay qurilishi haqida
Qo‘shimcha imkoniyatlarga ega bulish uchun saytda ro‘yxatdan o‘ting