Dollarning rasmiy kursi 7 so‘mga arzonladi va jami 10 493 so‘m etib belgilandi. Yevro va rubl kurslari esa biroz ko‘tarildi.
«O‘ztransgaz» 2020 yilda 3,5 trln so‘mlik zarar bilan yilning eng ko‘p zarar ko‘rgan davlat korxonasi bo‘ldi. Olmaliq kon-metallurgiya kombinati esa eng ko‘p foyda ko‘rgan davlat korxonasi bo‘ldi.
O‘simlik yog‘i importiga QQSning bekor qilinishi arafasida bojxona omborlaridagi kungaboqar yog‘i hajmi bir hafta ichida 3500 tonnadan 6500 tonnaga ko‘paydi. Iqtisodiy tadqiqotlar va islohotlar markazi bu sun’iy taqchillikni keltirib chiqarib, narxlarga ta’sir ko‘rsatishi mumkin, deb hisoblamoqda.
Dollarning rasmiy kursi 12 so‘mga arzonladi va jami 10 501 so‘m etib belgilandi. Shuningdek, yevro kursi ham biroz pasaydi, rubl esa yana ko‘tarildi.
Toshkentga AQSHdagi Boeing zavodidan to‘g‘ridan-to‘g‘ri reys bilan Uzbekistan Airways’ning oltinchi Dreamliner’i yetib keldi. Ushbu samolet orqali Orolbo‘yi hududlari uchun 3 mln dollarlik gumanitar yetkazib berildi. Shuningdek, Boeing kompaniyasi 100 ming dollarlik xayriya qildi.
Keyingi yildan boshlab pensiya va nafaqalarni tarqatadigan banklar tender orqali tanlanadi. Ular pensiyalarni naqd pulda berishlari kerak bo‘ladi. Pensiyalarni tayinlash uchun faqat pasport (ID-karta) talab qilinadi.
O‘zbekiston va Yevroosiyo iqtisodiy komissiyasi o‘rtasida savdo-iqtisodiy munosabatlarni rivojlantirish, bojxona va texnik jihatdan tartibga solish, iste’molchilar huquqlarini himoya qilish va boshqalarga qaratilgan Hamkorlik to‘g‘risidagi memorandum imzolandi.
Dollarning rasmiy kursi 8 so‘mga arzonladi va jami 10 514 so‘m etib belgilandi. Shuningdek, yevro kursi ham biroz pasaydi, rubl esa ko‘tarildi.
Saudiya Arabistonining «ACWA Power» kompaniyasi ko‘magida Qoraqalpog‘istonda quvvati 1500 MVt ega shamol elektr stansiyasi quriladi. Mazkur loyiha taxminan 4 mln xonadonning elektr energiyasiga bo‘lgan ehtiyojini qondirib, yiliga taxminan 2,5 mln tonna karbonat angidrid gazini qoplashi kutilmoqda.
«Reklama to‘g‘risida» gi yangi qonun loyihasida mobil aloqa tarmog‘i orqali reklama tarqatilishiga faqat iste’molchining roziligi bilan yo‘l qo‘yilishi, shuningdek taniqli shaxslar va tibbiyot xodimlari ishtirokida giyohvand moddalarni reklama qilishni taqiqlash taklif etilmoqda.
Nurafshonda «aqlli shahar» investitsiyaviy loyihasi o‘rniga Nurafshon business city konsepsiyasi amalga oshiriladi. Avvalroq tashkil etilgan direksiya «Toshkent viloyatida biznes markazlarini qurish direksiyasi» shaklida qayta tashkil etiladi.
O‘zbekistonning 24 ta tumani qurilish materiallarini ishlab chiqarishga ixtisoslashadi. Ushbu sohada 5 mlrd dollarlik 1000 dan ziyod yangi loyihalar shakllantirildi. Yangi turdagi qurilish mahsulotlari ishlab chiqarish uchun tadbirkorlarga 15 milliard so‘mgacha kafillik beriladi.
Dollarning rasmiy kursi 50 tiyinga arzonladi va jami 10 522 so‘m etib belgilandi. Shuningdek, yevro va rubl kurslari ham biroz pasaydi.
2020 yilda Facebook tomonidan O‘zbekistonda deyarli 6 mlrd so‘m soliq to‘langan. Shuningdek, Google — 3,4 mlrd so‘m, Apple — 1,9 mlrd so‘m qo‘shilgan qiymat solig‘ini to‘lagan.
Farg‘ona neftni qayta ishlash zavodi yana savdoga chiqarildi. 2019 yilda FNQIZni Indoneziyaning PT Trans Asia Resources kompaniyasi sotib olmoqchi bo‘lgan, biroq kelishuv amalga oshmagan va boshqaruv Jizzakh Petroleum kompaniyasiga berilgan edi. FNQIZ O‘zbekistondagi ikkinchi yirik neftni qayta ishlash zavodi bo‘lib, yillik sof foydasi 19 mln dollarni tashkil etadi.
Uzbekistan Airways aviakompaniyasi samolyotlar parkini birlashtirish doirasida bir nechta Boeing avialaynerlarini lizing beruvchiga qaytarib, Airbus samolyotlarini qabul qilib olishni rejalashtirmoqda. 1999−2013 yillarda ishlab chiqarilgan 17 ta samolyot esa sotuvga qo‘yildi.
Dollarning rasmiy kursi 14 so‘mga qimmatladi va jami 10 523 so‘m etib belgilandi. Yevro va rubl kurslari esa biroz arzonladi.
Prezident o‘simlik yog‘i, kungaboqar va zig‘ir urug‘i, shuningdek soya danaginining importini QQSdan ozod qilish to‘g‘risidagi qonunni imzoladi. Shu bilan birga, ayrim turdagi oziq-ovqat mahsulotlariga nisbatan eksport bojxona bojlari kiritilmoqda.
Yil oxiriga qadar O‘zbekistonda kamida ikkita yangi aviakompaniya tashkil etilishi kutilmoqda, deya ma’lum qildi transport vaziri va Uzbekistan Airways rahbari Ilxom Maxkamov. Uning so‘zlariga ko‘ra, kompaniyalar allaqachon fuqarolik aviatsiyasi agentligiga ariza topshirishgan va lizing asosida samolyotlarni sotib olish ustida ish olib borishmoqda. Aviakompaniyalardan biri Air Marakanda bo‘lishi mumkin.
O‘zbekiston fuqarolariga kripto-birjalarda kripto-aktivlar va tokenlar bilan kripto-birja savdolarining barcha turlarini milliy va chet el valyutasida amalga oshirishga ruxsat berilishi mumkin.
Qo‘shimcha imkoniyatlarga ega bulish uchun saytda ro‘yxatdan o‘ting