Markaziy bank shubhali operatsiyalar ro‘yxati kengaytirilganiga izoh berib, ular orasida noqonuniy qimor o‘yinlari, firibgarlik holatlari va boshqalar borligini ma’lum qildi. Yangi qoidalar ipoteka yoki avtokredit bo‘yicha boshlang‘ich badal to‘lovi bilan bog‘liq operatsiyalarga tatbiq etilmaydi.
Jahonda neft narxi pasaysa ham, O‘zbekistonda benzin narxi tushmagani uchun “monopolistlar o‘z qoidalariga sodiq” deya ayblangan UNG Petro bu da’volarni “noo‘rin” deb atadi.
O‘zbekistonda 1-maydan boshlab qurilish boshlanishidan oldin tanlangan yer uchastkalarida muhandislik-geologik ekspertiza o‘tkazish majburiy bo‘ladi. Shuningdek, Shavkat Mirziyoyev Toshkent shahrining drenaj tizimidagi muammolarni bartaraf etish bo‘yicha zudlik bilan dastur qabul qilish bo‘yicha topshiriq berdi.
Tijorat banklari 6-aprel kuni aholidan 1 AQSh dollarini 11 300 — 11 350 so‘mdan sotib olmoqda, sotish kursi esa 11 375 — 11 420 so‘m.
“O‘zkimyosanoat” O‘zbekiston rasmiylariga qarshi xalqaro arbitraj ishini boshlagan Ispaniyaning Maxam kompaniyasining “asossiz ayblovlari”ni rad etdi. O‘zbekiston tomoni investorni sarmoya jalb etish va qo‘shma korxonalarni modernizatsiya qilish bo‘yicha majburiyatlarni bajarmaganlikda aybladi.
O‘zbekiston prezidentiga Toshkentning Yashnobod tumanida metro estakadalari ostidan savdo va umumiy ovqatlanish shoxobchalari qurilishi loyihasi taqdim etildi. Loyihani ishlab chiqishda Berlin tajribasi ko‘rib chiqilgan.
O‘zbekiston Markaziy banki shubhali operatsiyalar ro‘yxatini kengaytirdi. Endi ular orasida 30 kun ichida mobil ilova orqali kartadan boshqa karta yoki elektron hamyonga BHMning 500 baravari (150 mln so‘m) va undan ortiq miqdorda pul o‘tkazish ham bor.
O‘zbekistonda 2025-yilga qadar yog‘och, fanera, yog‘ochli opalubka va oynani import qilishda bojxona boji bekor qilinadi. Shuningdek, yuqori markali sement bo‘yicha bojxona boji imtiyozi yana 1 yilga uzaytiriladi.
1-maydan daromadi yetarli bo‘lmagan aholi ham ipoteka krediti olishi mumkin bo‘ladi. To‘lov qobiliyatini aniqlashda bank kartasidagi aylanma, ijara, kommunal va boshqa xarajatlarga to‘langan pullar hisobga olinadi. Aholiga hovlisini kengaytirish va uy sotib olish uchun 3,2 trln so‘m kredit ajratiladi.
Janubiy Koreyadagi avtomobilsozlik korxonalariga charm yetkazib beruvchi JM kompaniyasi Toshkent viloyatida qo‘shma korxona ochishi mumkin. U yerdagi charm Koreya kompaniyalariga yetkaziladi. Shuningdek, kompaniya O‘zbekistondan tayyor va yarimtayyor charmni xarid qilishni boshlaydi.
Tijorat banklari 5-aprel kuni aholidan 1 AQSh dollarini 11 325 — 11 370 so‘mdan sotib olmoqda, sotish kursi esa 11 395 — 11 460 so‘m.
O‘zbekiston Vazirlar Mahkamasi huzurida Makroiqtisodiy va hududiy tadqiqotlar instituti hamda Biznes va tadbirkorlik oliy maktabi tashkil etildi. Avval ular Iqtisodiyot va moliya vazirligi huzurida bo‘lgan.
O‘zbekiston uchta davlat bilan Jahon savdo tashkilotiga a’zo bo‘lish bo‘yicha muzokaralarni qariyb yakunladi, dedi ISSV vakili Amirbek Muhamedov. Ishchi guruh tarkibiga jami 47 davlat kiradi, 31 davlat bilan faol muzokaralar olib borilmoqda, dedi u.
2023-yilning yanvar-fevral oylarida O‘zbekistonga 134,2 mln dollarlik 5026 dona avtomobil olib kirildi. O‘tgan yilning shu davriga nisbatan import hajmi 922 ta avtomobilga kamaygan, biroq ularning o‘rtacha qiymati 20,9 ming dollardan 26,7 ming dollarga oshgan. Yetkazib berish geografiyasi ham o‘zgardi.
Ispaniyaning Maxam korporatsiyasi “Maksam-Chirchiq kimyo zavodidagi ulushi bo‘yicha uzoq davom etgan mojaro tufayli” O‘zbekistonga qarshi xalqaro arbitraj ishini qo‘zg‘atdi, deb yozadi Eurasianet. Tomonlar kelishmovchilikni tinch yo‘l bilan hal qila olishmagan.
Mart oyida respublika bo‘ylab 21,9 mlrd so‘mlik elektr energiyasidan noqonuniy foydalanish holatlari aniqlandi. Ushbu hajmdagi elektr energiyasi o‘rtacha 231 mingta xonadonning bir oylik iste’molini tashkil qiladi.
Tijorat banklari 4-aprel kuni aholidan 1 AQSh dollarini 11 280 — 11 380 so‘mdan sotib olmoqda, sotish kursi esa 11 410 — 11 460 so‘m.
O‘zbekistonda 36 turdagi tovarlarga bojxona bojining nol stavkasi belgilangani ba’zi narxlar pasayishiga olib keldi. Shokolad, sabzavot va meva konservalari, mol go‘shti arzonlagan bo‘lsa, yogurt, qaymoq, tvorog kabi sut mahsulotlari narxi o‘zgarmadi. Choy, kofe, sabzavot, murabbolar narxi biroz oshgan.
Jahon bankining shaharlarni rivojlantirish masalalari bo‘yicha mutaxassisi Dmitriy Sivayev “Gazeta.uz” uchun maqolasida mamlakatdagi shaharsozlik bilan bog‘liq muammolar va imkoniyatlar haqida hikoya qiladi.
Mart oyida inflyatsiya darajasi 1,01%ni tashkil etdi, bu 2022-yilning shu oyidagidan past, lekin 2021-yildagidan ko‘p. Sut narxining oshishi davom etdi, shakar 4,7%ga, guruch 4,6%ga qimmatladi. Meva-sabzavotlardan qovoq, pomidor va karam eng qimmatlagan mahsulot bo‘ldi. Toshkentda palov narxi 4,5%ga oshdi.
Qo‘shimcha imkoniyatlarga ega bulish uchun saytda ro‘yxatdan o‘ting