O‘zbekiston Markaziy banki tijorat banklarida jinoiy faoliyatdan olingan daromadlarni legallashtirishga, terrorizmni moliyalashtirishga va ommaviy qirg‘in qurollarini tarqatishni moliyalashtirishga qarshi kurashish maqsadida “Ichki nazorat qoidalari“ga o‘zgartirishlar kiritdi.
3-apreldan kuchga kirgan o‘zgartirishlarga ko‘ra, quyidagi operatsiyalar shubhali hisoblanadi:
- mijoz tomonidan bank kartasidan mobil ilova orqali bir (bir) yoki bir nechta bank kartalari yoki elektron hamyonlarga bir vaqtning o‘zida yoki 30 kundan ortiq bo‘lmagan muddatda takroran pul o‘tkazish. Gap BHMning 500 baravari (1-maydan — 165 mln so‘m) va undan ortiq summadagi bitimlar haqida bormoqda;
- mijoz tomonidan bir (bir) yoki bir nechta bank kartalari yoki elektron hamyonlardan BHMning 500 baravari va undan ortiq pul mablag‘larini bir vaqtning o‘zida yoki 30 kundan ortiq bo‘lmagan muddatda takroriy ravishda kartaga qabul qilib olish;
- mobil ilova orqali 5 yoki undan ortiq bank kartalaridan (elektron hamyon) bitta xorijiy elektron hamyonga bir vaqtning o‘zida yoki 30 kundan ortiq bo‘lmagan muddatda bir necha marta pul o‘tkazish;
- bitta xorijiy elektron hamyondan 5 yoki undan ortiq bank kartalariga (elektron hamyonlarga) bir vaqtning o‘zida yoki 30 kundan ortiq bo‘lmagan muddatda takroran pul olish;
- mobil ilova orqali bir (bitta) bank kartasidan (elektron hamyon) 5 va undan ortiq xorijiy bank kartalari yoki elektron hamyonlarga bir martalik yoki 30 kundan ortiq bo‘lmagan muddatda bir necha marta pul mablag‘larini o‘tkazish;
- 5 yoki undan ortiq xorijiy bank kartalaridan yoki elektron hamyondan 1 ta bank kartasiga (elektron hamyonga) bir vaqtning o‘zida yoki 30 kundan ortiq bo‘lmagan muddatda bir necha marta pul mablag‘larini qabul qilish.
Shubhali operatsiya — tayyorlanayotgan, bajarilayotgan yoki allaqachon tugallangan, unga nisbatan bank ichki nazoratni amalga oshirish jarayonida jinoyatdan olingan daromadlarni legallashtirish, terrorizmni moliyalashtirish va (yoki) ommaviy qirg‘in qurollarini tarqatishni moliyalashtirishga qaratilgan deb gumon qilinayotgan operatsiya.
Moliyachi Otabek Bakirovning so‘zlariga ko‘ra, shu yo‘l bilan tijorat yoki tijorat xarakteriga ega bo‘lgan o‘tkazmalarga qarshi kurashishga harakat qilinadi, biroq bu mijozlarning yo‘qotilishiga olib kelishi mumkin.
Moliyachi mijozning bir bank va turli banklardagi o‘z kartalari va elektron hamyonlari o‘rtasidagi o‘tkazmalarga tadbiq etilmasligi to‘g‘risidagi qo‘shimcha kiritishni taklif qildi.
“Gazeta.uz” ushbu masalada Markaziy bankka so‘rov yubordi
