Iqtisodiyot
Andijondagi 200 ta mahallaga 400 mlrd so‘m ajratiladi — prezident
Shavkat Mirziyoyev ta’kidlashiga ko‘ra, Andijon viloyatida mahallalarning aksariyati o‘zining «o‘sish nuqta"larini aniqlab olgan bo‘lishiga qaramay, 100 ta mahalla haligacha o‘z ixtisoslashuv yo‘lini topmagan. 200 ta mahallalarda tadbirkorlikni rivojlantirish uchun 400 mlrd so‘m (har bir mahallaga 2 milliard so‘mdan) resurs ajratilishi qayd etildi.
Uzbekistan Airways Hindistonga qatnovlarni kamaytirdi
Uzbekistan Airways aviakompaniyasi 18 iyundan Toshkentdan Dehliga amalga oshiriladigan reyslar sonini qisqartirdi — juma kunli parvozlar bekor qilindi.
Ikki oy ichida 100 mlrd so‘mlik davlat xaridlari tanlovlarida qonun buzilgan — Antikorrupsiya agentligi
Korrupsiyaga qarshi kurashish agentligi tomonidan davlat xaridlariga oid e’lonlar bo‘yicha o‘tkazilgan monitoringda may-iyun oylarida 101,5 mlrd so‘m miqdoridagi 324 ta tanlovda qonun buzilish holatlari aniqlandi. Byudjet buyurtmachilarining 101,5 mlrd so‘mlik 324 ta tanlovini bekor qilish haqida vazirlik va idoralarga 268 ta taqdimnoma kiritildi.
Dollarning rasmiy kursi yana pasaydi
Dollarning rasmiy kursi 9,43 so‘mga pasaydi va jami 10 581,03 so‘m etib belgilandi. Shuningdek, rubl va yevro kurslari ham biroz pasaydi.
«Islohotlarning kuchi — mahallada» — Shavkat Mirziyoyev
Prezident Shavkat Mirziyoyev Andijon viloyati Paxtaobod tumanidagi innovatsion issixona va «Rustamjon Zamin rivoji» fermer xo‘jaligi dalasiga tashrif buyurdi. Davlat rahbari «g‘alla hosildorligini 100 sentnerga chiqarish choralarini ko‘rish kerakligini va shunda fermerning ham, ishchilarining ham daromadi oshishini» ta’kidladi. «Yanada ko‘proq ishchi joylar, mahallalarda sharoitlar qilishimiz kerak. Islohotlarning kuchi — mahallada», — dedi u.
Jahon banki O‘zbekiston soliq sohasidagi islohotlar uchun $60 mln ajratadi
Jahon banki O‘zbekistondagi soliq ma’muriyatchiligi tizimini isloh qilish uchun 60 mln dollar miqdorida imtiyozli kredit ajratadi. Loyiha doirasida Davlat soliq qo‘mitasining operatsion, institutsional va texnologik salohiyatini rivojlantirish hamda iqtisodiyotning norasmiy sektorini qisqartirishga yo‘naltirilgan chora-tadbirlar ko‘riladi.
Quadro IH DMCC «Ichan qal’a» mehmonxonasiga egalik qiladi
Birlashgan Arab Amirliklarining Quadro IH DMCC kompaniyasi poytaxtdagi «Ichan qal’a» mehmonxonasini sotib olish bo‘yicha tenderda g‘olib chiqdi. OAV xabarlariga ko‘ra, mehmonxona ilgari Gulnora Karimovaga tegishli bo‘lgan.
«Ayol ishli bo‘lib, kayfiyati yaxshi bo‘lsa, oilasi ham baxtli bo‘ladi» — Shavkat Mirziyoyev
Prezident Shavkat Mirziyoyev Andijon viloyati Izboskan tumanidagi mahsulotlari 100 foiz eksportga yo‘naltirish rejalashtirilgan tikuv-trikotaj korxonasi bilan tanishdi. Fabrikada 830 nafar xotin-qiz ish bilan ta’minlangan. «Qachon Izboskanda mana shunday zamonaviy korxona bo‘lgan? Xotin-qizlarimiz uchun hamma sharoitlarni yaratamiz. Ayol ishli bo‘lib, kayfiyati yaxshi bo‘lsa, oilasi ham baxtli bo‘ladi», — dedi davlat raxbari.
Metro Plaza Toshkentdagi «Gazetalar ishlab chiqarish majmuasi» ni xususiylashtiradi
Toshkent markazidagi gazeta ishlab chiqarish majmuasi binosini sotib olish bo‘yicha tenderda Metro Plaza kompaniyasi g‘olib bo‘ldi. Asoschilar orasida aka-uka Mamasaidovlar va Mirodil Fazilov bor.
DXXning sobiq binosini TIV rahbari o‘g‘lining kompaniyasi sotib oldi
Tashqi ishlar vaziri o‘g‘li Doniyor Kamilov asoschisi sifatida ko‘rsatilgan Metropol Group kompaniyasi 210 mlrd so‘mga «Sayilgoh»da joylashgan Davlat xavfsizlik xizmatining sobiq binosini xususiylashtirmoqda.
Buxorodagi byudjet tashkilotlaridan biri deyarli 65 mlrd so‘mlik davlat xaridlarini tendersiz amalga oshirgan
Monopoliyaga qarshi kurash qo‘mitasi «Buxoro yo‘llardan muntazam foydalanish» unitar korxonasi 2019 yilda 31,4 mlrd va 2020 yilda 33,4 mlrd so‘mlik davlat xaridlarini auksion va tendersiz amalga oshirganligini aniqladi.
Parrandachilarga subsidiya va soliq imtiyozlari beriladi
1 iyundan QQS to‘lovchisi bo‘lgan parrandachilik xo‘jaliklariga — o‘z xo‘jaliklarida yetishtirilib, realizatsiya qilingan tuxumning har bir donasi uchun 50 so‘m hamda parranda go‘shtining har bir kilogrammi uchun 1 000 so‘m miqdorida respublika byudjetidan subsidiya ajratiladi. Parrandachilar uchun uch yil davomida qator soliqlar, jumladan, daromad va mol-mulk solig‘ida kamaytirilgan stavkalar qo‘llaniladi
Dollarning rasmiy kursi olti kunlik o‘sishdan so‘ng biroz pasaydi
Dollarning rasmiy kursi 25,56 so‘mga pasaydi va jami 10 590,46 so‘m etib belgilandi. Shuningdek, rubl va yevro kurslari ham biroz pasaydi.
Aydar-Arnasoy ko‘lida turistik zona tashkil etiladi
Aydar-Arnasoy ko‘llar tizimi va To‘dako‘l ko‘lida rekreatsion ko‘llar hududi tashkil etiladi. Mazkur hududda ekoturistik obyektlar, ovchilik va suvda dam olish hududlari, 1200 o‘ringa mo‘ljallangan avtoturargoh hamda savdo hududi quriladi.
Yanvar-may oylarida 570,6 mlrd so‘mlik mulk auksionda sotildi
Joriyning yilning besh oyi mobaynida auksion orqali boshlang‘ich narxi 422,8 mlrd so‘m bo‘lgan 11 918 ta mulk 570,6 mlrd so‘mga sotildi. Ushbu mulk egalariga 3,4 trln so‘m investitsiya kiritish majburiyati ham yuklatilgan.
O‘zbekistonda qozonxonalar modernizatsiyasiga «KER-Holding» jalb qilinadi
O‘zbekistonda qozonxonalarni modernizatsiya qilish jarayoniga Tataristonning «KER-Holding» kompaniyasi jalb qilinadi. Uy-joy kommunal xizmat ko‘rsatish vaziri Sherzod Xidoyatovning so‘zlariga ko‘ra, 1970 yillarda qurilgan mamlakatdagi ko‘plab qozonxonalar allaqachon eskirgan. Birinchi loyiha doirasida Toshkentdagi «Vodnik» qozonxonasi 42 mln dollarga modernizatsiya qilinadi.
Dollarning rasmiy kursi ketma-ket oltinchi bor ko‘tarildi
Dollarning rasmiy kursi 7,02 so‘mga ko‘tarildi va jami 10 616,02 so‘m etib belgilandi. Shuningdek, rubl va yevro kurslari ham biroz ko‘tarildi.
2020 yilda O‘zbekistonda biznesni rivojlantirish darajasi o‘rganildi
So‘nggi yillarda O‘zbekistonda tadbirkorlikni rivojlantirishdagi yutuqlarga qaramasdan, pandemiya biznesga qiyinchiliklar tug‘dirdi. Tadbirkorlarning davlat oldidagi qarzi 3,4 barovarga, muddati o‘tgan kreditlar miqdori 63%ga oshdi. Respondentlarning 44% majburiy homiylik bilan shug‘ullangan.
Dollarning rasmiy kursi ketma-ket beshinchi bor ko‘tarildi
Dollarning rasmiy kursi 11,96 so‘mga ko‘tarildi va jami 10 609,00 so‘m etib belgilandi. Rubl va yevro kurslari esa biroz pasaydi.
Jahon banki O‘zbekiston shaharlarini rivojlantirishga $100 mln ajratadi
Jahon banki Qashqadaryo va Surxondaryo viloyatlaridagi shaharlarning munitsipal xizmatlari va infratuzilmalarini yaxshilash ishlari uchun $100 mln ajratadi.
Eng ko‘p o‘qilgan xabarlar | So‘nggi yangiliklar
- Energiya tariflari oshishi fonida kambag‘allik chegarasi yana bir bor oshirildi
- 420 mln dollarga qurilgan va zarar ko‘rayotgan TMZning davlat ulushi kimoshdi savdosiga qo‘yiladi
- O‘zbekistonda birinchi chorakda o‘rtacha oylik ish haqi 4,9 mln so‘mni tashkil etdi
- Ko‘chmas mulk va avtomobil savdosini naqdsiz shaklga o‘tkazish taklif qilinmoqda
Qo‘shimcha imkoniyatlarga ega bulish uchun saytda ro‘yxatdan o‘ting