Жаҳон
Жаҳон янгиликлари дайжести
Aфғонистон қуролли кучларининг бир неча ҳудудларни толиблардан қайтариб олгани, Хитой ва Ҳиндистондаги кучли ёмғирлар, Шанхайда дунёдаги энг катта планетарийнинг очилгани ва бошқа янгиликлар — «Газета.uz»нинг жаҳон янгиликлари дайжестида.
Жосуслик дастури журналистлар ва фаолларни кузатиш учун ишлатилган — ОАВ суриштируви
The Guardian ва бошқа 16 та нашр журналистларининг биргаликдаги суриштирувда Исроилнинг NSO Group компаниясига тегишли Pegasus жосуслик дастури ҳукуматлар ва махсус хизматлар томонидан бутун дунё бўйлаб, шу жумладан Қозоғистон, Озарбайжон ва Беларус журналистлари, фаоллари ва компания раҳбарлари телефонларига хакерлик ҳужуми учун ишлатилганини аниқлашди.
Афғонистон ҳукумати ва толиблар компромиссга келиш бўйича келишувга эришди
Афғонистон ҳукумати ва «Толибон» Қатардаги музокараларда ўт очишни тўхтатиш бўйича келишувга эриша олишмади, лекин иложи борича тезроқ компромиссга эришишга келишишди.
Virgin Galactic космик парвозга иккита чиптани лотереяга қўйди
Virgin Galactic компанияси 2022 йилда коинотга амалга оширилиши режалаштирилган парвозга 2 та чиптани лотереяга қўйди. Ғолибга парвоздан ташқари трансфер, меҳмонхонада жой ва Ричард Брэнсон билан космодромга шахсий экскурсия ваъда қилинган.
Abdala вакцинаси коронавируснинг оғир шаклларига қарши 100% самарадорлик кўрсатди — ОАВ
Кубанинг коронавирусга қарши Abdala вакцинаси клиник синовларнинг учинчи босқичида касалликнинг оғир шакли ва ўлимга қарши 100% самарадорлигини кўрсатди. Вакцинанинг самарадорлигини ўрганиш бўйича тадқиқотларда иштирок этадиганларни 300 минг кишига етказиш режалаштирилмоқда.
Германиядаги тошқинлар оқибатида 100 дан ортиқ киши ҳалок бўлди
Германиянинг ғарбий қисмларида юзага келган сув тошқинлари оқибатида 100 дан ортиқ киши ҳалок бўлди. Рейнланд-Пфальц федерал ерида камида 63 киши, Шимолий Рейн-Вестфалияда камида 43 киши вафот этгани ҳозирча маълум. 1000 дан ортиқ киши бедарак йўқолган. Ҳудудда мобил алоқа мавжуд эмас, шунинг учун расмийларнинг сўзларига кўра, одамлар қаерда эканликлари ҳақида хабар бера олмаяпти.
Жаҳон янгиликлари дайжести
БААда комендантлик соати ва мамлакатга кириш тартибининг янгилангани, ЖАРдаги тартибсизликларда 100 дан ортиқ кишининг вафот этгани, БМТ бош котибининг Олимпия сулҳига риоя қилишга чақираётгани ва бошқа янгиликлар — «Газета.uz»нинг жаҳон янгиликлари дайжестида.
Германияда cув тошқини туфайли мингдан зиёд одам бедарак йўқолди
Германияда душанбадан бери давом этаётган ёмғирлар туфайли юзага келган сув тошқини оқибатида 1,3 минг киши бедарак йўқолди, 50 дан ортиғи ҳалок бўлди. Сув босган йўллар ва вайрон бўлган кўприклар туфайли баъзи аҳоли пунктларига ҳанузгача кириш имкони йўқ.
Жаҳон янгиликлари дайжести
Европадаги тошқинларда 48 га яқин кишининг ҳалок бўлгани, пандемия сабабли болалар ўртасида мунтазам эмлашлар сонининг камайгани, МДҲда COVID-сертификатларини ўзаро тан олиш масаласининг муҳокамаси ва бошқа янгиликлар — «Газета.uz»нинг жаҳон янгиликлари дайжестида.
Толиблар Кобулга ўз маҳбусларини озод қилиш эвазига сулҳ таклиф қилди
«Толибон» ҳаракати вакиллари Кобулда бўлиб ўтган конференцияда Афғонистон ҳукуматига уч ойлик муддатга ўт очишни тўхтатиш таклифи билан мурожаат қилди. Бунинг эвазига улар илгари қўлга олинган ҳаракатнинг 7000 жангариларини озод этишни талаб қилишган.
Жаҳон янгиликлари дайжести
Исроилда БАА элчихонасининг очилгани, Арманистоннинг Қорабоғдаги урушда 8 мингга яқин кишини йўқотгани, Британия ҳукуматининг «Толибон» билан ҳамкорлик қилишга тайёрлиги ва бошқа янгиликлар — «Газета.uz»нинг жаҳон янгиликлари дайжестида.
Жаҳон янгиликлари дайжести
Дунёда тўйиб овқатланмайдиганлар сонининг кўпайгани, Google’нинг 593 млн доллар миқдорида жаримага тортилгани, Францияда мажбурий эмлаш ва бошқа янгиликлар — «Газета.uz»нинг жаҳон янгиликлари дайжестида.
БМТ: Афғонистон гуманитар фожиа арафасида
БМТ Афғонистоннинг гуманитар фожиага яқинлашаётганлиги ҳақида огоҳлантирмоқда. Мамлакатда можаронинг кескинлашуви сабаб аҳоли ўз яшаш жойларини тарк этишга мажбур бўлмоқда.
Ироқдаги касалхонада юзага келган ёнғин оқибатида 50 дан ортиқ киши ҳалок бўлди
Ироқнинг Эн-Насирия шаҳрида жойлашган касалхонадаги COVID-19 беморлари даволанадиган бўлим ёниб кетди. Камида 50 киши ҳалок бўлган, ўнлаб одамлар жароҳатланган.
Жаҳон янгиликлари дайжести
Калифорниядаги ўрмон ёнғинлари, Aфғонистонда 18 млндан ортиқ кишининг шошилинч гуманитар ёрдамга муҳтож бўлиб қолаётгани, Грузия ва ЖАРдаги ҳукуматга қарши намойишлар ва бошқа янгиликлар — «Газета.uz»нинг жаҳон янгиликлари дайжестида.
Кубада ҳукуматга қарши оммавий намойишлар бўлиб ўтди
Кубада минглаб аҳоли ҳукуматга қарши намойиш ўтказди. Намойишчилар аҳолини коронавирусга қарши вакциналар билан таъминлашни талаб қилдилар ва электр энергияси ҳамда озиқ-овқат таъминотидаги узилишлардан норозиликларини билдирдилар. Бу мамлакатдаги 30 йил ичидаги энг йирик намойиш бўлди.
Миллиардер Ричард Брэнсон ракетопланда коинотга парвоз қилди
Virgin Galactic компанияси асосчиси Ричард Брэнсон VSS Unity ракетопланида коинотга парвозини муваффақиятли амалга ошириб, космик туризм эраси бошланганини эълон қилди.
Тожикистонда зилзила оқибатида беш киши ҳалок бўлди
Тожикистоннинг шарқий қисмида 5,9 балли зилзила содир бўлди. Натижада, беш киши ҳалок бўлди ва 19 та уй зарар кўрди.
Толиблар Қандаҳорга киришди
«Толибон» ҳаракати вакиллари Афғонистоннинг Қандаҳор шаҳрига киришди. Аввал шаҳарнинг марказий қамоқхона, сўнг бозор ҳудудида жанглар бўлиб ўтгани айтилмоқда. Бир неча тинч аҳоли вакиллари ҳалок бўлган ва яраланган.
«Афғонистон келажагини ҳал қилиш — афғон халқининг ҳуқуқи ва масъулияти» — Жо Байден
АҚШ Афғонистондан қўшинларини чиқаришни 31 август куни якунлайди. Америка президенти Жо Байден АҚШ «Ал-Қоида» раҳбарини йўқотиб, мамлакатдаги ўз мақсадларига эришганлигини таъкидлади. «Афғонистоннинг кейинги тақдирини ҳал қилиш — фақат афғон халқининг ҳуқуқи ва масъулияти», — деди у.
Энг кўп ўқилган хабарлар | Сўнгги янгиликлар
Қўшимча имкониятларга эга булиш учун сайтда рўйхатдан ўтинг