Клиник синовларнинг учинчи босқичида Кубанинг коронавирусга қарши Abdala вакцинаси касалликнинг оғир шакли ва ўлимга қарши 100% самарадорлигини намойиш этди, дея хабар бермоқда ТАСС Prensa Latina маълумотларига таяниб.
«Коронавирусга қарши Abdala вакцинаси клиник текширувларининг учинчи босқичи самарадорлиги тўғрисида маълумотлар олинди, натижалар жуда яхши», — дея агентлик вакцинани ишлаб чиққан Генетик муҳандислик ва биотехнология маркази директори Марта Аяланинг сўзларини келтиради.
Аяланинг таъкидлашича, вакцинанинг самарадорлигини ўрганиш бўйича тадқиқотларда иштирок этадиганларни 300 минг кишига етказиш режалаштирилган.
Аввалроқ Куба Дори воситалари, асбоб-ускуналар ва тиббиёт буюмларини давлат назорати маркази (CECMED) коронавирусга қарши вакцинасидан фавқулодда фойдаланишга рухсат берган эди. Июнь ойининг иккинчи ярмида Куба препаратнинг клиник тадқиқотлари тугаганлигини эълон қилди, унинг коронавирус симптоматик курсига қарши самарадорлиги 92,28% ни ташкил этган.
