Шавкат Мирзиёев Қорақалпоғистоннинг Амударё туманига бориб, 423 метрли янги кўприкни очиб берди. У поездда ва автомобилда юриб, кўприк сифатини кўздан кечирди. «Бу йўл жаҳонга очилаётган Янги Ўзбекистон, Янги Қорақалпоғистоннинг тараққиёт ва фаровонлик йўлларидир», — деди президент.
Муборак туманида ҳаракатланиш вақтинча чекланган кўприк оғир юк машинаси ўтиши оқибатида қулаб тушди. Ҳокимликка кўра, ҳодиса оқибатида салбий ҳолат кузатилмаган ва ҳаракат учун айланма йўл ташкил қилинган. Кўприк 2024 йилнинг 2-чорагида қайта фойдаланишга топширилиши режа қилинмоқда.
«Миллий тикланиш» демократик партияси фракциясининг йиғилишида Ўзбекистонда 14 863 та кўприк борлиги, шундан 32 фоизи, яъни 4834 таси қониқарсиз, 5−6 фоизи эса яроқсиз ҳолатда экани таъкидланди.
Ўзбекистон президенти Бобур кўчаси бўйлаб Кичик ҳалқа йўли ва темир йўл устидан ўтиб, Тошкент халқаро аэропортига олиб борувчи йўл ўтказгичдаги қурилиш ва таъмирлаш ишлари билан танишди. Лойиҳа маслаҳатчиси кўприк синовдан ўтказилгани ва хавфсиз эканини таъкидлади.
Тошкентда аэропорт яқинида қурилаётган йўл ўтказгичнинг бешта тўсини қулаб тушгани бўйича жиноят иши очилди. Ҳодиса оқибатида 2 млрд 760 млн сўм зарар етган. Ҳолат бўйича гумонланган 3 нафар мансабдор ушлангани айтилмоқда.
Тошкентнинг Ботир Зокиров ва Навоий кўчалари кесишмасида йўл ўтказгич қурилиши мумкин. Фаоллар бу жойга кўприк эмас, «одамлар дам оладиган жамоат макони, шаҳар муҳити керак»лигини таъкидлаяпти. Муштарийлар 2022 йилги реконструкциядан сўнг Навоий кўчасида тирбандлик муаммоси камайганини ҳам эслатди.
Ўзбекистон президенти «Ботир Зокиров ва Навоий кўчалари кесишмасида йўл ўтказгич қуриш зарурлигини» қайд этди (унинг матбуот хизмати келтирган иқтибос). Бу шаҳарда пиёдалар устуворлигини таъминлаш ҳақидаги тамойилга зид бўлган баҳсли қарордир. «Газета.uz» лойиҳани очиқ муҳокама қилишга чақиради.
Сурхондарё вилоятида Халқ депутатлари туман кенгаши депутати Рамазон Абдуллаев Ҳаж сафари учун жамғарган маблағи ҳисобидан Гуматак қишлоғида кўприк қуриб берди. Туман ҳокими депутатни ташаккурнома билан тақдирлади.
Пойтахтнинг Бобур кўчасидаги Тошкент халқаро аэропортига олиб борувчи кўприк 19 январдан қисман номаълум муддатгача ёпилди. Бу вақтда ҳудудда йўл таъмирлаш ишлари олиб борилади.
Қрим кўпригининг автомобиллар юрадиган бўлагида юк машинаси портлади. Оқибатда кўприкнинг бир қисми қулаб тушди. Кўприкда ҳаракат тўхтатилган.
Тошкентнинг Себзор кўчасидаги кўприк устида уч автомобиль тўқнашиши натижасида Matiz ва Spark машиналари ағдарилиб кетди. Spark`нинг икки нафар йўловчиси тан жароҳатлари билан шифохонага олиб кетилган.
Андижон вилояти Булоқбоши туманида ёғочдан кўприк ясаб, одамларни сойдан пул эвазига ўтказган шахс 7 суткага қамалди. Кўприк июль ойида табиий офат сабаб авария ҳолатига келган. Ҳозирда қурилиш ва таъмирлаш ишлари бошланган.
Тошкент аэропортига олиб борадиган кўприк ўрнига айланма шаклидаги йўл ўтказгич қуриш режалаштирилмоқда. Лоҳиҳа президентга тақдим этилди. Эслатиб ўтамиз, йўл ўтказгич 2008 йилда кенгайтирилган эди.
8 январь куни Наманган вилоятида қулаган кўприк ҳақида расмий муносабат билдирилди. Унга кўра, ҳодиса оқибатида жабрланганлар ва қурбон бўлганлар йўқ. Ушбу иншоотга давлат бюджетидаги маблағ ажратилмаганлиги ва у хусусий тадбиркор шахсий маблағи ҳисобига қурилганлиги айтилмоқда.
Президент Шавкат Мирзиёев Сергели тумани Қипчоқ кўчасида қурилган кўприкни кўздан кечирди. Ушбу кўприкнинг узунлиги 772 метр бўлиб, у Тошкентдаги иккита йирик кўча — Янги Сергели айланма йўли билан Халқа йўлини боғлайди.
Амударё орқали Хоразм вилояти Қорақалпоғистон Республикасини боғловчи 413 метрлик кўприк қурилиши бошланди. Кўприк қурилиши 2022 йил сентябр ойига якунланиши режалаштирилган.
Амударё бўйлаб Хоразм вилояти ва Қорақалпоғистонни боғлайдиган деярли 413 м узунликдаги автомобиль ва темир йўл кўприги қурилади. Шунингдек, Шовот туманидан Кораузоқ туманигача 79 километрлик темир йўл қурилади. Қурилишни январь ойида бошлаш режалаштирилган.
«Ўзйўлинспекция» Ўзбекистондаги 26 та аянчли ҳолатга келиб қолгани, уларни сақлашга масъул бўлган корхоналар ҳам зарур чора-тадбирларни амалга оширмаганини маълум қилди. Айрим кўприкларга яқин ўзанларда карьерлар фаолияти ҳануз тугатилмаган.
Сурхондарё вилоятининг Қумқўрғон туманида 6,5 млрд сўмга қурилган кўприк кўп ўтмай яроқсиз ҳолга келди. Вилоят прокуратураси пудратчи қурилиш вақтида 34,5 млн сўмлик ишларни бажармаганини аниқлади. Мазкур ҳолат юзасидан терговга қадар текширув олиб борилмоқда.
Наманган вилоятининг Уйчи ҳамда Норин туманлари орасини боғловчи «Нориндарё» кўприги қуриб битказилгунга қадар Мудофаа вазирлиги ҳарбийлари аҳоли учун вақтинчалик кўприк кўтарди. Кўприкни таъмирлаш ишларини сентябрь ойида якунлаш режалаштирилган.
Қўшимча имкониятларга эга булиш учун сайтда рўйхатдан ўтинг