«коррупция» тегли мақолалар
Қашқадарёда прокуратура терговчиси 5 минг доллар билан қўлга тушди
Қарши тумани прокуратураси терговчиси имтиёзли кредит мақсадли йўналтирилмагани юзасидан фуқарога қамоқ эҳтиёт чораси қўлламаслик эвазига 5 минг доллар пора олаётганда ушланди. Унга нисбатан ЖКнинг тегишли моддаси билан жиноят иши қўзғатилди.
Кўкдала тумани ҳокимининг муқаддам судланган ўринбосари коррупцияда гумонланмоқда
15 млн сўмни олаётган вақтда Кўкдала тумани ҳокимининг муқаддам талон-торож қилишда судланган ўринбосари қўлга олинди, деб хабар бермоқда ДХХ. Шунингдек, Андижон вилояти транспорт бошқармаси бошлиғи вазифасини вақтинча бажарувчи (муқаддам судланган) ҳам қўлга олинди.
Тошкент аэропорти Авиация хавфсизлик хизмати назоратчиси пора беришга шерикликда айбдор деб топилди
Жиноят ишлари бўйича Миробод тумани суди Тошкент халқаро аэропортидаги Авиация хавфсизлик хизматининг собиқ назоратчисини 2 йилга озодликдан маҳрум қилди. У 2000 доллар эвазига фуқарони ушбу хизматга ишга жойлаштиришга ваъда берган.
2023 йилда лавозим жинояти учун судланган мансабдор шахслар сони қарийб 15 фоизга ошди
2023 йилда 3575 нафар мансабдор шахс жиноий жавобгарликка тортилган, бу аввалги йилга нисбатан 14,7 фоизга кўп дегани. Катта фарқ билан етакчилик қилаётган асосий жиноят тури мулкни ўғирлашдир. Республика даражасидаги амалдорлар 2022 йилга нисбатан 55 фоизга кам ҳукм қилинган.
«Ўрмонқурилиш» ва Қишлоқ хўжалиги вазирлиги ҳузуридаги марказ ходимлари қўлга олинди
Бош прокуратура Ўрмон хўжалиги агентлиги ҳузуридаги «Ўрмонқурилиш» ДУК ҳамда Қишлоқ хўжалиги вазирлиги ҳузуридаги Озиқ-овқат ва қишлоқ хўжалиги соҳасида стратегик ривожланиш ва тадқиқотлар халқаро маркази мансабдор шахслари ҳибсга олингани ҳақида хабар берди. Улар пора олганликда гумон қилинмоқда.
Ўзбекистон Transparency International ташкилотининг коррупцияни қабул қилиш индексида беш поғонага кўтарилди
Ўзбекистон Transparency International ташкилотининг коррупцияни қабул қилиш индексида 180 мамлакат ичида 121-ўринни эгаллади. Йил давомида мамлакат беш поғонага кўтарилди. Ташкилот экспертлари коррупцияга қарши янада самарали курашиш учун «кенг қамровли ислоҳотлар» зарурлигини таъкидлади.
Самарқандда 2 нафар ҳоким ёрдамчиси пора олишда гумонланиб ушланди
Самарқанд тумани ҳокимининг икки ёрдамчиси маҳаллий аҳолидан бирига ер ажратгани учун 1000 доллар олаётган вақтида қўлга тушди. СамДУ тьютори эса 3 минг доллар олаётган вақтда ушланди. У маҳаллий аҳолига меҳнат фаолиятларига 20 йиллик иш стажи қўшиб беришни ваъда қилгани айтилмоқда.
«Ҳалоллик вакцинаси» билан эмланган янги авлодни тарбиялаш устувор вазифамиздир — Шавкат Мирзиёев
Президент Коррупцияга қарши курашиш бўйича мукофотнинг тақдирлаш маросимида «ҳалоллик вакцинаси» билан эмланган янги авлодни тарбиялаш устувор вазифа эканини таъкидлади. У Коррупция муаммолари бўйича минтақавий тадқиқот маркази ҳамда коррупцион суриштирув институти жорий этишни таклиф қилди.
Қозоғистонда коррупционерлардан тортиб олинган маблағлар ҳисобидан 62 та мактаб қурилди
Қозоғистонда 76 минг ўринли 62 мактаб қурилиши коррупция ишлари бўйича қўлга киритилган ва махсус жамғармага тушадиган маблағлар ҳисобидан молиялаштирилди. Бугунги кунда жамғарма ҳисобида 328 миллион долларга яқин маблағ мавжуд.
Андижон тиббиёт институтининг қатор раҳбарлари лавозимидан озод этилди
Андижон тиббиёт институтининг 5 нафар масъул ходими «фаолиятида жиддий камчилик ва қонун бузилиши ҳолатларига йўл қўйгани сабабли» ишдан бўшатилди. Олийгоҳ ректори ҳам лавозимини тарк этиши мумкин. Июль ойида институтнинг икки ходими 16 минг доллар олаётган вақтда қўлга тушганди.
«Коррупция бўлмаса, ҳаммаси халққа ваъда берганимиздек бўлади» — Ўзбекистон президенти
Шавкат Мирзиёев инаугурация нутқида «ҳамма тизим ўзгаради», дея ваъда берди. Қонунлар, одамларни менсимайдиган, уларга қўпол муносабатда бўладиганлар ўрнини ёшлар эгаллашини билдирди. Президент коррупция бўлмаса, «барча ишлар халққа ваъда берилганидек бўлади», дея таъкидлади.
Сенат коррупцияга оид жиноятлар учун жазо чоралари кучайтирилиши тўғрисидаги қонунни мақуллади
Сенаторлар «Жиноят кодексига коррупцияга оид жиноятлар учун жавобгарлик муқаррарлигини таъминлашга қаратилган ўзгартиш ва қўшимчалар киритиш тўғрисида»ги қонунни маъқуллади. Энди ушбу жиноятларда айбдор деб топилганлар жазо муддатидан илгари озод қилинмайди ва енгил жазога алмаштирилмайди.
Қозоғистонда коррупционерлардан мусодара қилинган пулларга 70 та мактаб қурилади
Қозоғистонда коррупцияга қўл урган амалдорлардан мусодара қилинган пулларга 70 та мактаб қуриш режалаштирилмоқда. Лойиҳа мамлакатнинг барча ҳудудларини қамраб олади. Ҳозиргача бундай пуллардан 120 млрд тенге Молия вазирлиги ҳисобига ўтказиб берилган.
ДХХ коррупция ва фирибгарликда гумонланган мансабдорларни қўлга олди
Давлат хавфсизлик хизмати Тошкент шаҳри ва Фарғона, Наманган вилоятларида коррупция ва фирибгарликда гумонланган мансабдорларни қўлга олди. Улар фуқаролардан 5−10 минг доллар олаётган вақтларида ушлангани айтилмоқда.
Ўзбекистонда қонунчилик ҳужжатларининг 243 тасида 350 та коррупциявий ҳолат аниқланди
Ижтимоий ҳимоя, молия ва банк, тадбиркорлик, ташқи иқтисодий фаолият ҳамда божхона ишига оид 1 860 та қонунчилик ҳужжати коррупцияга қарши экспертизадан ўтказилди. Экспертизага кўра, 243 та ҳужжатда 350 та коррупциявий омил аниқланди.
Қашқадарёда қурилиш фирмаси вакилидан 370 млн сўм «откат» олаётган ҳокимлик ходими ушланди
Яккабоғ тумани ҳокимлиги ходими 5 млрд сўмлик тендерда ютиши учун қурилиш фирмаси вакилидан 370 млн сўм олаётган вақтда ушланди. Тезкор суриштирув ҳаракатлари давомида ишга алоқадор бўлган мактабгача таълим бўлими ходими ҳам қўлга олинди.
«Ўзкимёсаноат» АЖ ва тармоқ корхоналарига 28,3 млрд сўмлик зарар етказилгани аниқланди
2022 йилда «Ўзкимёсаноат» ва тармоқдаги корхоналарда коррупцион ҳаракатлар, маблағларнинг талон-торож қилиниши ва қўшиб ёзишлар ҳисобига 28,3 млрд сўмлик зарар етказилди. 57 та ҳолатда манфаатлар тўқнашуви аниқланди. Тизимдаги 28 киши жиноий жавобгарликка тортилди, 25 нафари эса ишдан олинди.
Ўзбекистон Коррупцияни қабул қилиш индексида 14 поғона юқорилади
Transparency International халқаро ташкилотининг 2022 йил учун Коррупцияни қабул қилиш индексида Ўзбекистон 126-ўринни эгаллади. Бу 2021 йилги кўрсаткичга (140-ўрин) қараганда 14 поғона юқори.
«Тизим ичидан емирилган». Президент — энергетика тизимидаги коррупциялар ҳақида
Ўзбекистонда охирги ойларнинг ўзида нефтгаз ва энергия назорати тизимларида 192 та коррупция ҳолатлари аниқлангани ҳам «тизим ичидан емирилганидан» далолат беради, деди президент. ДХХ ва Бош прокуратурага тизимдаги коррупция ҳолатларини бартараф этиш чораларини кўриш бўйича топшириқлар берди.
ССВ тизимида яна бир бор «Коррупцияга қарши кураш йили» эълон қилинди
Декабрь сўнгида соғлиқни сақлаш вазири лавозимига тайинланган Амрилло Иноятов тизимда 2023 йилни Коррупцияга қарши кураш йили деб эълон қилди. «Ишонч телефони сифатида ўзимнинг шахсий рақамимни ҳам киритаман», — деди у. Вазирлик тизимида 2020 йил ҳам коррупцияга қарши кескин кураш йили бўлганди.
Энг кўп ўқилган хабарлар | Сўнгги янгиликлар
- Тўлдирилди: Давлат идоралари ўз автопаркини электромобиллар билан янгиламоқда
- «Муваффақият жинсга эмас, билим ва қобилиятларга боғлиқ». Мактабда ўқийдиган дастурчи қизлар — лойиҳалари, орзулари ва стереотиплар ҳақида (2)
- Ўзбекистон Афғонистонга 169 тоннадан ортиқ инсонпарварлик ёрдамини юборди (фото)
- Тошкентда навбатдаги «Автомобилсиз кун» акцияси — фото, видео
- «Боғнинг менежери давлат бўлиши нотўғри. Бутун дунёда шунақа» — Тошкент ҳокими (видео)
Қўшимча имкониятларга эга булиш учун сайтда рўйхатдан ўтинг