«жиноят» тегли мақолалар
Ўзбекистонда беш йил ичида вояга етмаганлар содир этган жиноятлар 4,4 баробарга ошди
Ўзбекистонда 2023 йилда қарийб 3600 нафар вояга етмаганлар жиноят содир этди. Беш йил давомида бу кўрсаткич қарийб 4,4 баробарга ошди. Йил давомида товламачилик 70, безорилик 60, қасддан баданга оғир шикаст етказиш 40, номусга тегиш ва одам ўлдиришга уриниш эса 20 фоизга кўпайди.
«Бахти Ташкентский»нинг ўғли ва қатор гумонланувчилар ушланди
Тошкент шаҳри ИИББ товламачиликда гумонланиб ҳибсга олинган яна 6 нафар шахснинг номлари ва суратларини эълон қилди. Улар орасида аввалроқ ҳибсга олинган «Бахти Ташкентский»нинг ўғли Ихтиёр Қудратуллаев ва бир аёл ҳам бор.
Тошкентда тўрт киши қидирувга берилди (фото ва исмлар)
Пойтахт Ички ишлар бош бошқармаси жуда кўп миқдорда товламачиликда айбланган тўрт нафар шахсни қидирувга берди. Уларнинг исмлари ва суратлари.
Тошкентда яна 5 киши жиноий фаолиятда гумонланиб қўлга олинди
Пойтахт ИИББ товламачилик, безорилик ва гиёҳвандлик воситаларини ноқонуний сотишда гумонланаётган яна беш нафар шахс қўлга олинганини маълум қилди.
Икки кунлик чақалоғини $35 минг эвазига сотмоқчи бўлган аёл 5 йилга қамалди
Тошкент шаҳар Бектемир туман судида янги туғилган чақалоғини $35 минг эвазига сотмоқчи бўлган аёлга ҳукм ўқилди. Маълум бўлишича, судланувчи боласини 15 йиллик танишига бермоқчи бўлган. У Жиноят кодексинин тегишли моддалари билан айбдор деб топилиб, 5 йилга озодликдан маҳрум этилди.
Бўстонлиқдаги 11,4 гектар боғни 550 000 долларга сотишга уринишди
Бўстонлиқ туманида икки шахс вақтинча фойдаланиш учун ажратилган боғнинг 11,4 гектар ерини бошқа бир фуқарога 550 000 долларга сотишга уринганликда гумонланмоқда. Улар келишилган пулдан 50 минг долларини Тошкент шаҳрида олишганда қўлга тушди.
Самарқандда 61 ёшли аёлни зўрлаганликда гумонланиб, қидирувга берилган эркак қўлга олинди
Самарқанд вилояти Пастдарғом туманида 1961 йилда туғилган аёлнинг номусига тегганликда гумонланган ва қидирувга берилган шахс Жиззах вилоятида ушланди. Қўлга олиш жараёнида у Айдар-Арнасой кўли ортидаги чекка ҳудудлардан бирига яширингани аниқланди.
Фарғонада онасини калтаклагани учун отасини ўлдирган йигит 10 йилга қамалди
Данғара туманида ногирон онасини ургани учун отасини ўлдириб қўйган 25 ёшли йигитга суд ҳукми ўқилди. Унинг кўрсатмасига кўра, отаси спиртли ичимликка ружу қўйган ва онасини мунтазам калтаклаб келган. Йигит ушбу жинояти учун 10 йилга озодликдан маҳрум қилинди.
Тошкентда мактаб ўқувчисини жинсий алоқага мажбурлаган эркаклар озодликка чиқарилди
Тошкентдаги мактабда 14 ёшли қизни жинсий алоқага мажбурлаган уч эркак шартли равишда озод қилинди. 4 йилга қамалган собиқ жисмоний тарбия ўқитувчиси ҳукмдан 12 ой, унинг икки таниши эса — ярим йил ўтгач озодликка чиқди. Қизнинг онаси эса бир йилдан кўпроқ вақтдан бери адолатга эришишга уринаяпти.
Тошкентда жиноятчиликни жиловлаш қийин кечмоқда — пойтахт ҳокимлиги
Пойтахт ҳокимлиги профилактик чора-тадбирларга қарамасдан шаҳарда жиноятчиликни жиловлаш қийин кечаётганини маълум қилди. Жумладан, 6 ой давомида 10381 та жиноят содир этилган. Қолаверса, 5436 нафар фуқаро тиланчилик ва 19 749 нафар фуқаро дайдиликда гумонланиб, профилактик суҳбатдан ўтказилган.
Муштлашув иштирокчилари ҳамда фоҳишахона ташкилотчиларига суд ҳукми ўқилди
Суд Тошкент шаҳар Юнусобод туманида пичоқ қўлланилган октябрь можароси иштирокчилари, шунингдек, Тошкент вилоятида фоҳишахона ташкил этган шахсларга нисбатан ҳукмни ўқиб эшиттирди. Уларнинг икки нафари қамалди, яна икки нафарининг озодлиги чекланди, бир нафари эса озод қилинди.
Андижонда 2 нафар болани 27 ёшли аёл ўлдиргани айтилмоқда
Андижон шаҳрида 2 нафар боланинг ўлимида гумонланиб, 27 ёшли аёл ҳибсга олинди. Бош прокуратуранинг маълум қилишича, у ушбу жиноятни оиласи бузилиб кетишига сабабчи бўлган холаваччаси билан тортишиб қолгани учун содир этганини тан олган. У шу йўл орқали холаваччасидан қасд олгани айтилмоқда.
Янгиобод бозоридан $10 минг эвазига савдо дўкони олиб беришга уринган шахс ушланди
Тошкент шаҳридаги Янгиобод бозорининг масъул ходимларидан бири тадбиркорга харидорлар гавжум жойдан ноқонуний тарзда савдо дўкони олиб беришга урингани айтилмоқда. У бунинг эвазига 10 минг доллар талаб қилиб, шундан 8,5 минг долларини олганида ушланган.
Пойтахтда 4 ой ичида 7777 та жиноят фош этилди
Тошкент шаҳрида йил бошидан бери 7777 та жиноят фош этилиб, 537 нафар қидирувдаги шахс ушланди. Пойтахт ИИББ маълумотига кўра, 2435 та жиноят ички ишлар ходимлари ташаббуси билан аниқланган, шундан 769 таси наркотик моддалар савдоси билан боғлиқ. Бунинг натижасида 217,3 кг гиёҳвандлик ва 24,3 кг психотроп воситалар айланмасининг олди олинган.
2021 йилда ҳар учинчи қотиллик оилавий муаммолар туфайли содир этилган — ИИВ
Сенатнинг ялпи мажлисида ички ишлар вазири Пўлат Бобожонов 2021 йилда ҳар учинчи қотиллик (158 таси) ва оғир тан жароҳати етказиш жиноятларининг 190 таси оилавий муаммолар туфайли содир этилганини маълум қилди. Қолаверса, ўтган йили аниқланган жиноятларнинг 89 фоизи фош этилгани, қидирувдаги 4,6 мингдан ортиқ шахс эса ушлангани айтилди.
Тошкентда эркак 81 ёшли аёлга куч ишлатиб, 1 млн сўм пулини ўзлаштиргани айтилмоқда
Мирзо Улуғбек туманида эркак 81 ёшли кекса аёлдан сув сўраб, шундан сўнг, уни синтетик мато билан бўғиб, хонадондаги 1 млн сўмни ўзлаштиргани айтилмоқда. Тергов ҳаракатлари натижасида бу ишни амалга оширганликда 50 ёшли эркак гумонланиб, ҳибсга олинган. Унга нисбатан жиноят иши қўзғатилди.
5 йилда 14 мингдан ортиқ мансабдор коррупциявий жиноятни содир этган — Русланбек Давлетов
Пойтахтда ўтган конференцияда адлия вазири Русланбек Давлетов сўнгги 5 йилда 14 мингдан ортиқ мансабдор шахс коррупциявий жиноятни содир этганини маълум қилди. Шундан энг кўпи туман миқёсидаги амалдорлар ҳисобланади. Вазир шунингдек, бир идорада ҳам текширувчи, ҳам текширилувчи бўлса, ўзаро манфаатлар тўқнашуви ортидан қонун бузилишини айтиб ўтди.
Тошкент шаҳрида бир қатор ИИО ходимлари ишдан олинди
Тошкент шаҳар ИИББ бошлиғи Чилонзор, Янгиҳаёт ва Шайхонтоҳур туманлари ФМБ бошлиғи ўринбосарларини ишдан олди. Сергели туман ИИО ФМБ раҳбарияти интизомий жазога тортилди.
Тошкентдаги автобусларда зўравонликка қарши кампания бошланди
Пойтахтдаги жамоат транспортларида тегажоғлик ва жинсий зўравонликка қарши кампания бошланди. Автобус салонларида баннерлар ва фавқулодда тўхтатиш тугмалари жорий қилинди. «Газета.uz» харассмент қурбонлари қандай ҳаракат қилиши лозимлиги, қолаверса, ҳайдовчи ва чиптачи ушбу ҳолатга қай тарзда муносабат билдириши кераклиги ҳамда хорижда зўравонликка қарши қандай кураш олиб борилаётганини ўрганди. Ўзбекистон қонунчилигида тегажоғлиқ учун жавобгарлик мавжуд эмас. Ҳуқуқбузарни «ҳақорат қилиш» моддаси билан жавобгарликка тортиш режалаштирилган.
Халқаро қидирувдаги Ўзбекистон фуқароси Абу-Дабида қўлга олинди
Интерпол томонидан халқаро қидирувда бўлган Ўзбекистон фуқароси БААда қўлга олинди. Мазкур шахс ЖКнинг терроризм, қўпорувчилик, жиноий уюшма ташкил этиш ва оммавий тартибсизликлар моддаларидаги оғир ва ўта оғир жиноятларни содир этилганлиги учун 2006 йилдан бери қидирувда бўлган.
Энг кўп ўқилган хабарлар | Сўнгги янгиликлар
- Тўлдирилди: Давлат идоралари ўз автопаркини электромобиллар билан янгиламоқда
- Paynet`нинг таъсисчиси ўзгарди. Тўлов хизматининг янги эгаси ким?
- «Муваффақият жинсга эмас, билим ва қобилиятларга боғлиқ». Мактабда ўқийдиган дастурчи қизлар — лойиҳалари, орзулари ва стереотиплар ҳақида (2)
- Ўзбекистон Афғонистонга 169 тоннадан ортиқ инсонпарварлик ёрдамини юборди (фото)
- Тошкентда навбатдаги «Автомобилсиз кун» акцияси — фото, видео
Қўшимча имкониятларга эга булиш учун сайтда рўйхатдан ўтинг