Россия манфаатларини ёритувчи «Вести.uz» сайти Ўзбекистонда РФ томонидан мактаблар қурилиши ҳақидаги таклифни савол остига олган тармоқ фаолларини «Ғарб элчихоналарига сотилган блогерлар» деб атади. Сайтнинг ёзишича, Россия мактабларида «Украинани нацизмдан тозалаш ҳақидаги ҳақиқат» ўргатилади.
USAID`нинг Ўзбекистондаги мақсадлари қандай? Агентлик мамлакатда қайси соҳаларда иш олиб боряпти? Нима учун барча болалар яхши ўқитувчилари ва ўқув дастури бор мактабда ўқиши муҳим? «Газета.uz» USAID администраторининг Осиё бюроси ёрдамчиси ўринбосари Анжали Каур билан шулар ҳақда суҳбатлашди.
Шавкат Мирзиёев Нью-Йоркда АҚШ-Ўзбекистон савдо палатаси раиси Кэролин Лэмм ва GE Healthcare, Oppenheimer, Cerberus, CNH ва Cintana каби қатор йирик корпорациялар раҳбарлари билан учрашди. АҚШ бизнесининг Ўзбекистонда фаолиятини кенгайтириш бўйича «аниқ режалар» муҳокама қилинди.
Ўзбекистон ва Исроил ҳаво қатновини амалга оширишда авиакомпаниялар сони бўйича чекловларни бекор қилди. Бу бўйича 1996 йилда кучга кирган ҳаво транспорти тўғрисидаги битимга ўзгартириш киритилди.
Россиянинг Белгород вилоятига Ўзбекистоннинг давлат, жамоат ва нодавлат ташкилотлари томонидан 12 тонна инсонпарварлик ёрдами жўнатилди. Юкда кийим-кечак ва пойабзаллар, дори-дармон, шунингдек, биринчи синф ўқувчилари учун мактаб тўпламлари мавжуд.
KPMG халқаро аудиторлик компанияси Ўзбекистондаги электрон тижорат бўйича ҳисоботида бу бозор ҳажми 2027 йилга бориб 6−7 бараварга кенгайишини ва 1,8−2,2 млрд долларга етиши мумкинлигини прогноз қилди. Шунингдек, компания бозор кенгайишига ёрдам берувчи ва тўсқинлик қилувчи омилларни санаб ўтди.
Ўзбекистондаги жамоат ташкилотлари ва ўзбек ишбилармонлари томонидан йиғилган 10,5 тонна гуманитар юк Украинага етказилди. Улардан кийим-кечак ҳамда тиббий буюмлар ўрин олган. Аввалроқ Украинадан дам олиш ва реабилитация учун 45 нафар боладан иборат гуруҳ Тошкентга етиб келганди.
АҚШ президенти Жо Байден Ўзбекистон президенти Шавкат Мирзиёевни «Марказий Осиё — АҚШ» («С5+1») форматидаги биринчи саммитга таклиф қилди. У сентябрь ойи охирида Нью-Йоркда БМТ Бош Ассамблеяси сессиясининг очилиш кунларида ўтказилиши режалаштирилган.
Қозоғистон ҳукумати Ўзбекистонга 1,5 млрд дан 10 млрд куб метргача Россия газини етказиб бериш масаласини муҳокама қилмоқда. «Ўзбекистон энергетика тизимининг ва Россиянинг тайёрлигига қараб таъминот ҳажмини янада ошириш мумкин», — деди Қозоғистон энергетика вазири.
Туркманистон Россиянинг Ўзбекистон ва Қозоғистон билан «газ иттифоқи» бўйича баёнотлардан хавотирда. Уларда иттифоқ кенгайиши мумкинлиги айтилган, аммо кимлар ҳисобига экани тушунарсиз, Туркманистон қувурлари орқали эса бошқа давлат гази транзити режалаштирилмаган, деди «Туркмангаз» расмийси.
Тошкент шаҳрида Ўзбекистон ва Озарбайжон ҳарбийлари қўшма UZAZ-2023 компьютер қўмондонлик-штаб ўқув машғулотларини ўтказди.
Ўзбекистон Мудофаа вазири Баҳодир Қурбонов Тошкентда жанубий кореялик ҳамкасби Ли Жонг Суп билан учрашди. The Korea Herald нашри учрашувдан мудофаа ва қурол-яроғ саноати соҳасидаги ҳамкорликни ривожлантириш мақсад қилингани ҳақида ёзди.
2023/2024 ўқув йилида 17 мингта магистратура квотаси учун 20 минг абитуриент ариза юборди. Уларнинг 13,2 минг нафари — хотин-қизлар. Ҳужжат топширганларнинг 4 фоизида давлат мукофоти бор ёки номдор стипендия соҳиби. 3 фоизи эса ногиронлик имтиёзига эга.
«Юнистрим» Ўзбекистонда одатдагидек ишлашда давом этишини маълум қилди. Шунингдек, компания Ўзбекистонга пул ўтказмалари лимитини оширди. 20 июль куни АҚШ бу тўлов тизимига хизмат кўрсатувчи банкка қарши санкция жорий қилганди ва кейин Ўзбекистоннинг 5 та банки «Юнистрим» билан ишлашни тўхтатганди.
МҲТИ мутахассислари Ўзбекистонда агродронларни олиб кириш ва фойдаланиш учун рухсат олиш тартиби анча мураккаблиги туфайли улардан фойдаланиш кенг тарқалмаганини маълум қилди. Улар хориж тажрибасини инобатга олиб, бу бўйича меъёрий-ҳуқуқий базани қайта кўриб чиқиш зарурлигини айтган.
Ўзбекистоннинг Киевдаги элчихонаси Украина Қуролли кучлари Бош штабининг Донецк вилоятида Ўзбекистон фуқаролари аниқлангани ҳақидаги маълумоти тасдиқланса, фуқаролар манфаатларини ҳимоя қилиш учун барча зарур чоралар кўрилишини маълум қилди.
Андижонда Тожикистон, Қирғизистон ва Ўзбекистон ёш IT мутахассислари учун «Digital Valley» оромгоҳи бўлиб ўтмоқда. 60 нафар йигит-қиз 5 кун давомида дастурлаш, график дизайн ва рақамли маркетинг бўйича маҳоратларини оширади, халқаро компаниялар вакиллари билан ўзаро фикр алмашади.
Қозоғистоннинг QazaqGaz компанияси октябрь ойидан Ўзбекистонга Россия гази транзитини бошлашни режалаштирмоқда. Компания барча техник тадбирлар тасдиқланган жадвалга мувофиқ тўлиқ ҳажмда амалга оширилаётганини маълум қилди.
Ўзбекистон Henley & Partners консалтинг компаниясининг жаҳон паспортлари рейтингида беш поғонага юқорилаб, 78-ўринни эгаллади. Япония 5 йил ичида биринчи марта рейтингда етакчиликни йўқотди, унинг ўрнини Сингапур эгаллади. Афғонистон паспорти эса энг кучсиз деб топилди.
Қишдаги аномал совуқда Марказий Осиё мамлакатларидаги пиёз ҳосилининг йўқотилиши Россияда бу сабзавот нархининг кескин ошишига олиб келди. Май ойида Россияда пиёзнинг ўртача нархи килограммига 73,3 рублга етди. Мамлакатга энг кўп пиёз етказиб берувчи давлатлардан бири Ўзбекистон ҳисобланади.
Қўшимча имкониятларга эга булиш учун сайтда рўйхатдан ўтинг