«экология вазирлиги» тегли мақолалар
Судочье кўллар тизими халқаро аҳамиятдаги сув-ботқоқ ҳудудлари рўйхатига киритилди
Қорақалпоғистондаги Судочье кўллар тизими «Рамсар» конвенциясининг халқаро аҳамиятга эга бўлган сув-ботқоқ ҳудудлари рўйхатига киритилди. Бунгача Денгизкўл (2001), Айдар-Арнасой кўллар тизими (2008) ҳамда Тўдакўл ва Қуймазор сув омборлари (2020) мазкур рўйхатдан жой олган.
Тошкент аэропорти яқинидаги 1422 дарахт кўприк реконструкцияси сабабли кўчирилиши мумкин
Тошкент аэропорти яқинидаги кўприк реконструкцияси сабабли 1422 дарахт бошқа ҳудудга кўчирилиши мумкин. Шундан 69 тупи лойиҳанинг биринчи босқичида жамоатчилик розилиги билан аэропорт яқинидаги боғга ўтказилади. Кўчирувчи компания дарахтларнинг 100 фоиз яшаб кетишига ваъда берди.
Ўзбекистондаги Турон чўллари трансчегаравий табиат объекти ЮНЕСКО Бутунжаҳон табиий мероси рўйхатига киритилди
Ўзбекистон ҳудудларидан ўтувчи «Мўътадил минтақадаги Турон чўллари» трансчегаравий табиат объекти ЮНЕСКО Бутунжаҳон табиий мероси рўйхатига киритилди. У Оролбўйи минтақаси ва Устюрт платоси ҳудудларида жойлашган 2 млн гектардан ортиқ ҳудудни эгаллайди.
Бухорода 4 туп дарахт қўпорган корхона раҳбарига 400 туп дарахт экиш мажбурияти юкланди
Ғиждувон туманида йўл қурилиши сабабли 4 туп манзарали дарахт қўпориб ташлангани аниқланди. Бунинг оқибатида табиатга 50 млн сўмлик зарар этган. Туман йўллардан фойдаланиш унитар корхонаси раҳбарига 400 туп дарахт экиш ва уни парваришлаш мажбурияти юкланди.
Қашқадарёда 17 туп арчага шикаст етказилгани аниқланди
Деҳқонобод туманида 6 туп арча тагидан, 11 туп арчанинг эса ён шохлари кесиб ташлангани учун ўрмон қўриқчисига 3,3 млн сўм жарима қўлланди. Табиатга 18 млн сўмлик зарар етказилган.
Қашқадарёда Қизил китобга киритилган 27 дона гулбалиқ ноқонуний овлангани аниқланди
Шаҳрисабз туманидаги Танхоздарё ирмоғида Қизил китобга киритилган 27 дона Амударё гулбалиқлари ноқонуний овлангани аниқланди.
«Рад жавоби берилган». Экология вазирлиги Сурхондарё ва Бухорода ўн минглаб дарахт кесилиши ҳақида
Экология вазирлиги Сурхондарё ва Бухорода 50−70 минг атрофида дарахтни кесишга рухсат бериш бўйича мурожаат келиб тушгани, бироқ бунга рад жавоби берилганини маълум қилди. Ҳокимликларга юборилган жавоблардан сўнг Бухородаги қурилиш компанияси вакиллари лойиҳани ўзгартиришларини билдирди.
Экология вазирлиги ҳузурида Туризм қўмитаси тузилди
Экология, атроф-муҳитни муҳофаза қилиш ва иқлим ўзгариши вазирлиги ҳузурида Туризм қўмитаси ташкил этилди. Унга Умид Шадиев раҳбарлик қилади.
Жасур Салихов Тошкентдаги Green University ректори бўлди
Жасур Салихов янги ташкил этилган Марказий Осиё атроф-муҳит ва иқлим ўзгаришини ўрганиш университети (Green University)га ректор этиб тайинланди. У бунга қадар Тошкентдаги Халқаро Вестминстер университети проректори лавозимида фаолият юритган.
Йил бошидан буён дарахтларни кесишдан кўрилган зарар 3,6 млрд сўмни ташкил этди
Ўзбекистонда йилнинг биринчи ярмида 2 мингдан ортиқ дарахт ва буталарни ноқонуний кесиш ҳолатлари аниқланди. Табиатга етказилган зарар 3,6 млрд сўмни ташкил этмоқда.
Жиззахда фуқаро 113,5 кг балиқни ноқонуний овлаб, табиатга 178,5 млн сўм зарар етказди
Айдар-Арнасой кўллар тизимида фуқаро 113,5 кг балиқни ноқонуний овлади. Табиатга 178,5 млн сўм зарар етган. Ҳужжатлар прокуратура органларига тақдим этиш учун тайёрланмоқда.
Қорақалпоғистонда браконьерлар тузоғига тушган икки буғу ҳалок бўлди
Қорақалпоғистоннинг Беруний давлат ўрмон хўжалиги участкасида 2 та Бухоро буғусининг жасади топилди. Улар браконьерлар тузоғига тушиб қолиши оқибатида ҳалок бўлган. Ҳолат бўйича гумонланган 3 киши қўлга олинди.
Оҳангарондаги янги маиший чиқинди полигони йил охиригача ишга тушади
Президентнинг 2019 йилдаги топшириғи бўйича қурилиши белгиланган Оҳангарондаги янги маиший чиқинди полигони йил охирига қадар ишга тушади. 30 гектардан иборат майдонда метан газ йиғувчи қувурлар ва чиқинди суюқликларини тортувчи насослар бўлиши ҳисобига ерга зарар етмаслиги ваъда қилинмоқда.
Бухорода браконьер экология инспекторига ўқ узди
Қоровулбозор туманида рейд ўтказаётган туман Экология бўлими бошлиғи Мирали Ҳожиев хизмат вақтида яраланди. Унга ҳудудда ноқонуний ов қилаётган браконьер ўқ узди. Ҳозирда инспекторнинг аҳволи яхши, браконьерлар ушланиб, терговга қадар текширув ҳаракатлари олиб борилмоқда.
Қашқадарёлик фуқаро уйида Қизил китобга киритилган эчкиэмар ва тошбақаларни сақлаётгани аниқланди
Қашқадарё вилояти Нишон туманида фуқаро уйида тўққизта бўз эчкиэмар ва бешта Ўрта Осиё чўл тошбақасини қонунга хилоф равишда сақлаётгани, улардан бири нобуд бўлгани аниқланди. Шунингдек, у икки илонни ўлдириб, ҳовлисига осиб қўйган. Табиатга етказилган зарар салкам 51,5 млн сўмни ташкил этмоқда.
Пойтахт ва Тошкент вилоятида ноқонуний чиқинди ташлашга қарши 25 та камера ўрнатилди
Экология вазирлиги пойтахт ва Тошкент вилоятидаги ноқонуний чиқиндихоналарга 25 та камера ўрнатди. Яна 200 таси ўрнатилмоқда, кейин эса улар бутун мамлакатни қамраб олади (жами 1000 га яқин камералар бўлади). Вазирлик маиший ва қурилиш чиқиндиларини ноқонуний ташлаганлик учун жарималарни эслатди.
Енгил атлетикачи Андрей Куликов Орол денгизининг қуриган туби бўйлаб 42 км масофага югурди
Енгил атлетикачи Андрей Куликов Орол денгизининг қуриган туби бўйлаб марафон масофасини 4 соату 9 дақиқада босиб ўтди. Бундай югуриш биринчи марта бўлиб ўтди. «Орол денгизи экологик фожиасининг ҳалокатли кўламини чинакам ҳис қилиш учун бу ерга ташриф буюриш керак», — деди у.
Қашқадарёда фуқаро Қизил китобга киритилган 43 бош эчкемарни ўлдиргани аниқланди
Касби туманида фуқаро Қизил китобга киритилган 43 бош бўз эчкемарни ўлдириб, терисини шилиб олгани аниқланди. Бундан ташқари, унинг уйида бўлган яна 20 бош жонивор Муборак туманидаги чўлга қўйиб юборилди.
Хоразмда дарахтларни ноқонуний равишда кесган ферма раиси озодлиги 2 йилга чекланди
Қўшкўпир туманида 83 туп ҳар хил катталикдаги дарахтни қўпорган ва 3 туп дарахтга шикаст етказган ферма раисининг озодлиги 2 йилга чекланди. Шунингдек, 193,8 млн сўм миқдорида ўсимлик дунёсига етказилган зарарни ҳам қоплаши белгиланди.
Бирга юрган ноёб морхўр ва Бухоро тоғ қўйлари (видео)
Экология вазирлиги «Сурхон» давлат қўриқхонасида ноёб турдаги морхўр ва Бухоро тоғ қўйларининг биргаликда юрган кадрларини эълон қилди.
Энг кўп ўқилган хабарлар | Сўнгги янгиликлар
- Дубайда икки ўзбекистонлик йўловчи аёл самолётда жанжаллашди
- Сурхондарёда Tracker юк машинасига урилиши оқибатида 5 киши ҳалок бўлди (2)
- Хоразмда 72 ёшли эркак хотинини болта билан чопиб ўлдирди
- Jurabek Laboratories «Док-1 Макс»дан жабрланганларга 75,6 млрд сўм миқдорида маънавий зарарни қоплаб бериш таклифи билан чиқди
- 14 майда диний тадбир туфайли вақтинчалик автобус йўналишлари ташкил этилади
Қўшимча имкониятларга эга булиш учун сайтда рўйхатдан ўтинг