«ссв» тегли мақолалар
Ҳозирча қатъий карантин жорий этиш режалаштирилмаяпти
Ўзбекистонда коронавирус билан касалланиш даражаси ошгани туфайли қатъий карантин жорий этиш режалаштирилгани йўқ. Оммавий тадбирлар бекор қилинмаган, аммо эпидемиологик вазиятга қараб чоралар кескинлашиши мумкин, дея таъкидланди пойтахтда ўтган ССВ ва СЭО матбуот анжуманида.
Омикрон аниқланган шахс келган самолётда жами 200 киши бўлган
Санитария-эпидемиологик осойишталик хизмати бошлиғининг биринчи ўринбосари Холмамат Норбоев илк «омикрон» аниқланган бемор билан бирга самолётда 130 нафар ўзбекистонлик, 70 нафар чет эл фуқароси бўлганини ва уларнинг барчаси карантинга олинганини маълум қилди. У шунингдек, Ўзбекистонда омикрон 7 январь куни аниқланса-да, 8 январь кунги хабарда омикрон аниқланмагани айтилганига изоҳ берди.
Ўзбекистонда «омикрон» штамми қайд этилди
ССВ 7 январь куни Ўзбекистонга кириб келган чет эл фуқаросида коронавируснинг «омикрон» штамми аниқланганини маълум қилди. 8 январь ҳолатига COVID-19 билан касалланиш ҳолатлари рекорд даражада қайд этилиб (369 та ҳолат), умумий касалланишлар сони 200 мингдан ошди.
Ўзбекистонда карантин чоралари яна кучайтирилди
COVID-19`га қарши кураш бўйича махсус комиссия карантин чораларини кучайтириш тўғрисида қарор қабул қилди. Барча ташкилотларга ходимларни фақат эмланганидан кейин иш жойига киритишга рухсат берилади. Давлат органларига ҳар қандай тадбир ўтказиш тақиқланади. Аҳолини тўлиқ эмлаш жараёни жадаллаштирилади.
Ўзбекистонда «омикрон» аниқланмади — Нурмат Отабеков
Санитария-эпидемиологик осойишталик хизмати бошлиғи ўринбосари Нурмат Отабековнинг сўзларига кўра, Ўзбекистонда коронавируснинг «омикрон» штамми аниқланмаган. «Бироқ, ортиқча хотиржамликка берилиш ҳам ярамайди… Янги штаммнинг юртимизга кириб келиш эҳтимоли йўқ эмас», — деди у.
Ўзбекистонда ярим йилдан бери илк марта коронавирусдан ўлим қайд этилмади
29 декабрь куни охирги 6 ой ичида биринчи маротаба коронавирусдан ўлим ҳолати қайд этилмади. Касаллик юқтирганлар сони эса яна 100 нафардан ошиб кетди.
100 кишида коронавирус аниқланди — бу 15 мартдан бери кузатилган энг паст кўрсаткич
Душанба куни 100 кишида коронавирус инфекцияси аниқланди, дея хабар қилди ССВ. Бу сўнгги 9 ойдаги энг паст кўрсаткич. Энг кўп ҳолат август ойида қайд этилган эди — 974 киши.
Президентнинг тиббиёт ходимлари билан очиқ мулоқотига 4500 дан ортиқ мурожаат келиб тушди
ССВ Ўзбекистон президентининг яқин кунларда ўтказилиши режалаштирилган олимлар, шифокорлар, фармацевтлар, ҳамширалар ва тизим ходимлари билан очиқ мулоқоти учун 4500 дан зиёд мурожаат келиб тушганини маълум қилди. Савол ва таклифларнинг энг кўпи соғлиқни сақлаш тизимининг бирламчи бўғинига тааллуқли.
Қаршида чангли бўрон кузатилмоқда
Қарши шаҳрида чангли бўрон ҳодисаси кузатилмоқда. Аввалроқ, Ўзгидромет республиканинг айрим вилоятлари ҳамда чўл ҳудудларида чанг кўтарилиши ҳақида огоҳлантирганди. ССВ чангли ҳаво кузатилганда фуқаролар нималарга эътибор бериши кераклиги борасида ўз тавсияларини эълон қилди.
Шифокор ва ҳамширалар 26 турдаги журнал ва 33 турдаги ҳисобот шаклларини тўлдиришга мажбур бўлмоқда — ССВ
Соғлиқни сақлаш вазирлиги тиббиёт муассасалари шифокор ва ҳамширалари ҳозирда 26 турдаги журнал ва 33 турдаги ҳисобот шакллари, қолаверса, беморлар учун ўнлаб турдаги бланкларни тўлдиришга мажбур бўлаётганини маълум қилди. Тизимдаги қоғозбозликни бартараф этиш учун ишчи гуруҳ тузилди.
«Вакциналар COVID-19`нинг ҳар қандай мутацияга учраган штаммида самара беради». Нурмат Отабеков — Omicron ҳақида
Санитария-эпидемиологик осойишталик хизмати бошлиғи ўринбосари Нурмат Отабеков тўлиқ эмланганларда коронавируснинг янги штамми енгил ўтишини маълум қилди. «Вакциналар COVID-19`нинг ҳар қандай мутацияга учраган штаммида самара беради», — деди у. Нурмат Отабековнинг сўзларига кўра, Omicron`нинг иккинчи ва учинчи мамлакатлар орқали кириб келиш эҳтимоли йўқ эмас, бироқ янги штамм учун алоҳида протокол ишлаб чиқиш заруриятини вақт кўрсатади.
Рецептсиз бериладиган препаратлар рўйхати кенгайтирилмоқда
Соғлиқни сақлаш вазирлиги рецептсиз бериладиган дори воситалари рўйхатини бекор қилиб, уни янгилаш бўйича буйруқ лойиҳасини ишлаб чиқди. Унга мувофиқ, рецептсиз бериладиган препаратлар рўйхати кенгайтирилмоқда.
Соғлиқни сақлаш вазирлиги «Янги Ўзбекистон шифокорлари» платформасини ишга туширди
Соғлиқни сақлаш вазирлиги ёш (45 ёшгача) шифокорларнинг таклифлари учун ғояларни тўплаш мақсадида «Янги Ўзбекистон шифокорлари» платформасини яратди. Янги платформа дунёнинг исталган ҳудудида яшаб, меҳнат қилаётган ўзбекистонлик шифокорлар учун мўлжалланган.
Ўзбекистонда юқумли бўлмаган касалликларнинг олдини олиш бўйича лойиҳа амалга оширилмоқда
ЖССТ ва Бутунжаҳон қандли диабет жамғармаси Ўзбекистон ва Қирғизистонда юқумли бўлмаган касалликлар, жумладан қандли диабетнинг олдини олиш ва назорат қилиш хизматларидан фойдаланишни яхшилаш бўйича лойиҳани амалга оширмоқда. Ўзбекистонда 245 мингдан ортиқ қандли диабет билан касалланган бемор бор.
Ҳудудлардаги тиббиёт муассасаларини жиҳозлаш ва кадрлар малакасини оширишга $100 млн ажратилади
Президент қарори билан туман ва вилоят тиббиёт муассасалари учун замонавий тиббий ускуналар харид қилиш ва кадрларнинг хорижда малакасини оширишга Тикланиш ва тараққиёт жамғармаси ҳисобидан 100 млн доллар ажратилади. Маблағлар ҳокимликларга қайтариш шарти билан миллий валютада 3 йил муддатга ссуда сифатида тақдим этилади.
Якшанба куни 349 киши нафас сиқиши муаммоси билан мурожаат қилган — ССВ
7 ноябрь куни республика бўйлаб 3768 киши «Тез ёрдам» хизматига мурожаат қилган. Шундан 349 таси чанг-қумли бўрон натижасида нафас етишмовчилиги билан боғлиқ чақириқ бўлган.
Эмлаш бошланганидан бери қанча аҳоли қайси вакцина билан эмлангани маълум қилинди
Соғлиқни сақлаш вазирлиги маълумотларига кўра, 10 млн нафардан ортиқ аҳоли ZF-UZ-VAC2001 билан турли босқичларда эмланди. Бундан ташқари, аҳоли «Спутник V» (274 мингдан ортиқ киши), AstraZeneca (1,448 млн), Moderna (1,371 млн), Pfizer (1 млн) ва Sinovac (1030 киши) вакциналари билан турли босқичларда эмланди.
Педагогика университети раҳбарияти ва масъулларига қатъий ташкилий ва интизомий чоралар кўрилади
Олий таълим вазирлиги Педагогика университетида декан ўринбосари ва талаба қиз билан боғлиқ воқеани назоратига олди. Вазирлик ушбу ҳолатга йўл қўйган университет раҳбарияти ва масъулларига нисбатан қатъий ташкилий ва интизомий чоралар кўрилишини таъкидлади. Соғлиқни сақлаш вазирлиги эса жабрланувчи қизнинг саломатлигини ўз назоратига олди.
COVID-19 бемор онадан туғилажак болага ўтадими?
Ҳомиладор аёлларда коронавирусни даволашда нималарга эътибор қаратиш зарур? Инфекцияга чалинган онадан касаллик туғилажак болага ўтадими ёки бемор она чақалоғини кўкрак сути билан озиқлантириши мумкинми? Шу каби саволларга Республика ихтисослаштирилган педиатрия илмий-амалий тиббиёт маркази директор ўринбосари, тиббиёт фанлари доктори Камола Солиҳова жаво берди.
Ўзбекистонда вакцинацияга оид ярим йиллик статистик маълумотлар таҳлили эълон қилинди
Ўзбекистонда эмланиши кўзда тутилган 18 ёшдан катта аҳолининг 53,6 фоизи (қарийб 11,5 миллион нафар) биринчи доза вакциналарини олди. 4,5 миллион нафардан зиёд фуқаролар эса коронавирусга қарши барча босчиқларда эмлаб бўлинган.
Энг кўп ўқилган хабарлар | Сўнгги янгиликлар
- Қисқа ёмғирдан сўнг Тошкент кўчаларини сув босди (видео)
- Қозоғистонда Россия қонунчилигини бузган Ўзбекистон фуқароларини ҳибсга олиш бошланди
- Тошкентда фуқарони 2 млн сўм эвазига ишга жойлаб қўймоқчи бўлган метрополитен ходимаси ушланди
- Дам олиш кунлари Тошкентда қаерларга бориш мумкин? (18−19 май)
- Малайзия бош вазири Ўзбекистонга келди (фото)
Қўшимча имкониятларга эга булиш учун сайтда рўйхатдан ўтинг