«ссв» тегли мақолалар
Ҳудудларга 110 та Volkswagen Caddy тез тиббий ёрдам машиналари тарқатилди
Соғлиқни сақлаш вазирлиги ҳудудларга тез тиббий ёрдам хизмати учун 110 та Volkswagen Caddy машинасини топширди. Шу пайтга қадар «103» хизматида 2938 дона автомобил хизмат кўрсатиб келган.
«Тасдиқланса, тўланиши мумкин». ССВ «Док-1 Макс»дан ўлган болаларнинг яқинларига компенсация тўланиши ҳақида
«Док-1 Макс» сиропидан вафот этган болаларнинг яқинларига компенсация тўлаб бериладими? «Газета.uz» мухбирининг ушбу саволига жавоб берар экан, ССВ раҳбари ўринбосари Эльмира Баситханова «ҳужжат билан тасдиқлансагина, компенсация тўлаш бўйича юридик жараёнлар бошланиши мумкин», дея жавоб берди.
ССВ: 2022 йилда «Тез ёрдам»га 13 миллиондан ортиқ чақириқ келиб тушди
2022 йил давомида «Тез ёрдам» хизматига 13 миллиондан ортиқ мурожаат келиб тушган, 1,1 миллион киши касалхонага ётқизилган. 2021 йилда бу чақириқлар сони 12,5 миллионни ташкил этганди.
Андижонда тез ёрдам инспектори пора олиши ортидан филиал директори ишдан бўшатилди
Республика тез тиббий ёрдам маркази Андижон филиали кадрлар бўлими инспектори фуқародан 400 доллар пора олганда ушланди. Муассаса ходимлари орасида етарлича тушунтириш ишларини олиб бормагани учун филиал директори ва кадрлар бўлими бошлиғи лавозимидан озод этилди. Тергов ҳаракатлари олиб борилмоқда.
ИИВ ва ССВ: Тез тиббий ёрдам машиналарига ёзилган жарималар бекор қилинади
Тез тиббий ёрдам автомобилларига жарима белгиланаётгани ва улар бекор қилинмаётгани ҳақида хабарлар тарқалди. ИИВ ва ССВ ҳолат бўйича қўшма баёнот эълон қилиб, ушбу турдаги жарималар бекор қилинишини маълум қилди.
Аномал совуқ кунлари кексалар ва болаларнинг кўчага чиқмаслиги тавсия этилди
Ўзбекистонга 9 январдан Волгабўйи ҳудудларидан совуқ ҳаво массаси кириб келиши бошланади. 10−15 январь кунлари аномал совуқ кузатилади. Бундай шароитда кексалар ва болаларнинг кўчага чиқмаслиги тавсия этилди. ССВ, шунингдек, совуқдан сақланиш бўйича тавсиялар берди.
«Док-1 Макс»дан болалар ўлгани ҳақида хабар бергани учун ишдан олинган бош шифокор лавозимига қайтиши мумкин
«Док-1 Макс»дан болалар ўлгани ҳақида хабар бергани учун ишдан бўшатилган Самарқанд вилояти болалар кўп тармоқли тиббиёт маркази бош шифокори Маматқул Азизов лавозимига тикланиши мумкин. ССВга кўра, бу жараён юзасидан юристлар иш олиб бормоқда. Кейинроқ якуний расмий маълумот тақдим этилади.
Тошкент шаҳри ва Навоий вилоятида тиббий суғурта тизими ишга тушади
1 июлдан Тошкент шаҳрида тиббий суғурта тизими механизмлари жорий этилади. Пойтахтдаги 72 та поликлиника ва 40 та шифохона компьютер жиҳозлари, зарур тиббий ускуналар билан таъминлаш учун 30 млрд сўм берилади. Навоий вилоятида бу тизимни ишга тушуришни вазирлик ўзига мажбурият сифатида олди.
Ўзбекистонда «Хонадон дори қутиси» назоратдан ўтказилади
ССВга кўра, «Док-1 Макс» дорисидан болаларнинг оммавий ўлими кузатилганидан сўнг уйма-уй юрган ҳолда «Хонадон дори қутиси» назоратдан ўтказилади. Quramax Medical компаниясининг барча дори воситаларини қабул қилмаслик ва истеъмолдан чиқариш юзасидан зарур чоралар кўрилади.
ССВ тизимида яна бир бор «Коррупцияга қарши кураш йили» эълон қилинди
Декабрь сўнгида соғлиқни сақлаш вазири лавозимига тайинланган Амрилло Иноятов тизимда 2023 йилни Коррупцияга қарши кураш йили деб эълон қилди. «Ишонч телефони сифатида ўзимнинг шахсий рақамимни ҳам киритаман», — деди у. Вазирлик тизимида 2020 йил ҳам коррупцияга қарши кескин кураш йили бўлганди.
Сирдарёда «Док-1 Макс» сиропи 7 нафар болага ножўя таъсир қилгани маълум бўлди
Сирдарё вилояти ССВ раҳбари ўринбосари «Док-1 Макс» дори воситаси 7 нафар бемор болага ножўя таъсир қилганини маълум қилди. Ҳозирда улардан 4 нафари соғайиб чиққан, 3 нафари эса жонлантириш бўлимида даво-муолажаларини давом эттирмоқда.
Ўзбекистонда янги йилнинг биринчи кунида 2155 чақалоқ дунёга келди
2023 йилнинг биринчи кунида Ўзбекистонда 2155 чақалоқ дунёга келди. Уларнинг 1056 нафари қиз, 1099 нафари ўғил болалардир. Энг кўп гўдак Фарғона вилоятида (252 нафар) туғилди.
Соғлиқни сақлаш вазири Янги йилга ўтар кечаси пойтахтдаги шифохоналарга борди
30 декабрда лавозимга тайинланган соғлиқни сақлаш вазири Амрилло Иноятов Янги йилга ўтар кечаси пойтахтдаги даволаш муассасаларига борди ва шундай деди: «Шифохоналардаги муаммоларни кабинетда ўтириб ҳал қилиб бўлмайди». Иноятовдан олдинги вазир Беҳзод Мусаев ҳам фаолиятини шундай бошлаганди.
Байрам кунлари тиббиёт муассасалари узлуксиз ишлайди
Янги йил байрами кунлари республикадаги барча тиббиёт муассасалари ходимлари навбатчилик асосида туну кун ишлайди. «Муассасалар зарур дори-дармонлар билан таъминланиб, захира ўринлари яратилган», — дейилади ССВ хабарида.
«Док-1 Макс» каби бошқа сиропларни ичиш ўлим ҳолатларига олиб келиши мумкинми?
ССВ Оналик ва болаликни муҳофаза қилиш бошқармаси «Док-1 Макс» каби бошқа сироплар таркиби ҳам чуқур ўрганилаётганини маълум қилди. Шунингдек, бошқарма бошлиғи болалар орасида шамоллаш, диарея ва тана ҳарорати кўтарилиши кузатилганида нима қилиш кераклиги борасида тавсиялар берди.
ССВ 19-ўлимдан кейингина аҳолини «Док-1 Макс» дорисидан огоҳлантира бошлади
Ўзбекистонда «Док-1 Макс» дориси оқибатида 19 нафар бола вафот этгандан сўнг ССВ аҳолини оммавий равишда ушбу дорини сотиб олмаслик ҳақида огоҳлантиришни бошлади. Лекин хабарда дори таркибида заҳарли модда — этиленгликоль борлиги қайд этилмаган.
Болалар ўлими ҳақида хабар берган Самарқанд вилояти болалар тиббиёт маркази бош шифокори ишдан бўшатилди
Соғлиқни сақлаш вазирлиги Самарқанд вилояти болалар кўп тармоқли тиббиёт маркази бош шифокори, «Док-1 Макс» сиропини қабул қилиб вафот этган болалар ҳақида биринчи бўлиб хабар берган профессор Маматқул Азизов ишдан бўшатилганини тасдиқлади.
«Док-1 Макс» дориси таркибида заҳарли модда — этиленгликоль топилди
ССВ 18 нафар бола «Док-1 Макс» сиропини ичиб вафот этганини тасдиқлади. Аниқланишича, дори шифокор рецептисиз, мустақил ёки фармацевт тавсияси билан сотиб олинган ва меъёрдан ортиқ дозада қабул қилинган. Ҳолат ўрганилгач, етти нафар масъул ишдан олинди. Дори савдоси эса тўхтатилди.
«Бодикамера ҳимоя воситаси бўлолмайди». ССВ депутат таклифига муносабат билдирди
ССВ вакили депутатнинг шифокорларни бодикамера билан таъминлаш ҳақидаги таклифига муносабат билдирди. Таъкидланишича, бодикамера ЙПХ ходимларини ҳимоя қилолмагандек, «тез ёрдам» ходимларига ҳам ёрдам беролмайди. «Бодикамерага қанчалик эҳтиёж борлигини чуқурроқ ўйлаб кўришимиз керак», — деди у.
Тошкентдаги аҳоли гавжум ҳудудларда 170 та мини-поликлиника иш бошлайди
Пойтахтнинг 12 та туманидаги кўп қаватли уйлар ҳудудида 170 та мини-поликлиника ташкил этилади. ССВ бу аҳолини оддий кўриклар учун ҳам поликлиникага қатнаш оворагарчилигидан халос қилишини таъкидламоқда. Лойиҳа натижалари таҳлил қилингач, 6 ойдан сўнг бошқа ҳудудларга татбиқ этилади.
Энг кўп ўқилган хабарлар | Сўнгги янгиликлар
- Тошкентда устига дарахт қулаган 1 ёшли қиз ҳалок бўлди
- Тошкентда кўчадаги қизга безорилик қилиб, юзига урган шахс 2,5 йилга қамалди
- Дам олиш кунлари Тошкентда қаерларга бориш мумкин? (4−5 май)
- Нега Ўзбекистонда «квартплата»ларнинг минимал миқдори жорий этилмоқда?
- U-23: Ўзбекистон терма жамоаси Осиё кубогида 2-ўринни эгаллади (фото, видео)
Қўшимча имкониятларга эга булиш учун сайтда рўйхатдан ўтинг