27 декабрь, душанба куни Ўзбекистонда коронавирусга чалинганлар сони 100 нафарни ташкил этди (аввалги кун 145 киши эди). Соғлиқни сақлаш вазирлиги матбуот хизматининг хабарига кўра, бу жорий йилнинг 15 мартидан бери қайд этилган энг паст кўрсаткич. Ўшанда 65 кишида касаллик аниқланган эди.
Шундан кейин кунлик аниқланган ҳолатлар сони 100 тадан пастга тушмаганди. Апрель ойида касалланиш тахминан 200 тадан деярли 450 тага кўпайди. Май ойида максимал кўрсаткич 452 (5 май), июнда — 546 (25 июнь), июлда — 924 (30 июль), августда — 974 (5 август), сентябрда — 736 (1 сентябрь, ой охирига келиб эса пасайиш кузатилди), октябрда — 487 (6 октябрь), ноябрда — 294 (11 ноябрь), декабрда — 278 (10 декабрь) тани ташкил этди.
2020 йилнинг март ойида пандемия бошланганидан буён қайд этилган COVID-19 га чалиниш ҳолатларининг умумий сони 198 487 тага етди. Ундан вафот этганлар сони 1484 нафарни ташкил этади (27 декабрь куни — 3 та ҳолат).
Бугунги кунга қадар Ўзбекистонда коронавирусга қарши 38,6 млн дозадан ортиқ вакцина қўлланилган, шу жумладан, 18,7 млндан ортиқ киши биринчи дозани (эмланиши керак бўлган аҳолининг 87,4 фоизи), 13,2 млн нафари иккинчи ва 6,6 млн нафари учинчи дозани олган. Вакцинациянинг тўлиқ курси эмланиши керак бўлган аҳолининг 61,9 фоизида якунланди.
Шунингдек, 27 декабрь ҳолатига кўра, республикада 607 083 доза Pfizer вакцинаси билан 12 ёшдан 18 ёшгача бўлган болалар ихтиёрий равишда эмланди.
