Жомбой туманида 37 ёшли аёл экин майдонига қорамол тушгани учун ферма ишчиси бўлган қайноғаси томонидан калтакланди. Вилоят Оила ва хотин-қизлар бошқармаси унинг аҳволи нисбатан қониқарли эканини маълум қилди. Ҳолат юзасидан тергов ҳаракатлари олиб борилмоқда.
Жаҳон туризм ташкилоти (UNWTO) Бош ассамблеясининг 25-сессияси 16−20 октябрь кунлари Самарқанд шаҳрида ўтказилади. Ўзбекистон томонидан ташкилий қўмита ўринбосари Азиз Абдуҳакимов тадбирлар дастури, кун тартиби, регламенти ва режаларни муҳокама қилиш учун Мадридда ташкилот бош котиби билан учрашди.
Самарқандда 30 минг доллар эвазига фуқароларни Мексика орқали АҚШга ноқонуний юборишга келишиб, шундан 10 минг долларни олишда гумон қилинган шахсни ушланди.
Самарқанд вилоятидаги Зарафшон дарёсига 3 нафар вояга етмаган бола чўмилишга бориб, чўкиб кетган ва улардан бирининг жасади топилганди. Бош прокуратура қолган 2 боланинг ҳам мурдаси топилганини маълум қилди.
Пахтачи туманида 3 нафар вояга етмаган бола Зарафшон дарёсига чўмилишга бориб, чўкиб кетди. Улардан бирининг мурдаси топилган, қолган икки бола қидирилмоқда.
Сингапур президенти Ҳалима Яқуб Afrisoyob поездида Самарқандга етиб борди. Унга Ўзбекистон бош вазири ўринбосари Зулайҳо Маҳкамова ҳамроҳлик қилмоқда.
Самарқанд туманида 10 йил давомида ноқонуний қуриб келинган 12 қаватли бинони 2022 йилда сейсмик ҳолати ва бошқа талабларга жавоб бермагани учун бузиш бўйича суд қарори берилган. Шунга қарамай, у ерда қаҳвахона ишлаётгани аниқланди ва МИБга қарор ижросини таъминлаш бўйича хат йўлланди.
Тойлоқ туманида эркак хотинидан қасд олиш учун 6 ва 8 ёшли ўғилларини сим билан бўғиб ўлдирди. Воқеага Россияга ишлашга кетган хотинининг бегоналар билан ишқий муносабатда бўлгани акс этган видеолар сабаб сифатида келтирилмоқда.
Самарқанд вилоятида маҳалла раисларига «Менинг лойиҳам»га овоз бериш бўйича ноқонуний топшириқ берган Пастдарғом туман камбағалликни қисқартириш ва бандлик бўлими бошлиғи лавозимидан четлатилди.
28 апрель — 1 май кунлари Тошкентдан Самарқанд ва Қарши шаҳарларига қўшимча «Афросиёб» йўловчи поездлари қатнови йўлга қўйилади.
Рамазон ҳайити муносабати билан Тошкентдан Хивага 20 дан 23 апрелга қадар, Самарқандга эса 21 апрелдан 24 апрелгача қўшимча поезд қатновлари йўлга қўйилди.
Феруз Абилов Самарқанд вилояти ҳокимининг молия-иқтисодиёт ва камбағалликни қисқартириш масалалари бўйича биринчи ўринбосари, Шунқор Худойбердиев эса қишлоқ ва сув хўжалиги масалалари бўйича ўринбосари этиб тайинланди.
Самарқанд шаҳрида болани мунтазам дўппослаб келган энага 5 йилга озодликдан маҳрум этилди. Боланинг қовурғалари синиб силжиган, ундаги жароҳатлар ҳаёт учун ўта хавфли деб баҳоланган.
Оқдарё туманида фуқаро ўрмон хўжалигининг 3 гектар ерини 25 минг долларга сотишга уринганликда айбланмоқда. Гумонланувчи харидордан 10 минг доллар олган вақтида қўлга олинган.
2024 йилда Самарқандга МДҲнинг маданий пойтахти, Тошкентга эса ёшлар пойтахти мақоми берилади. Қолаверса, Ҳамдўстлик давлатлари ўртасида имконияти чекланган болалар спартакиадаси ўтказилади.
Афғонистонга қўшни давлатлар — Ўзбекистон, Эрон, Хитой, Покистон, Россия, Тожикистон ва Туркманистон — ТИВ раҳбарлари учрашувида томонлар ушбу давлатдаги инфратузилма ва ижтимоий-иқтисодий лойиҳаларда иштирок этишга тайёр эканлигини билдирди. Учрашувда Афғонистон ТИВ раҳбари ҳам нутқ сўзлади.
Ургут туманида 2020 йилда туғилган болакай эҳтиётсизлик сабаб ариққа тушиб, оқиб кетди. Боланинг ўлими сабабларини аниқлаш учун суд-тиббиёт экспертизаси тайинланди.
Каттақўрғон туманида парранда фабрикасида портлаш содир бўлди. Унинг оқибатида икки киши жароҳат олди.
Ургут тумани ҳудудидан ўтувчи ўзбек-тожик давлат чегарасидан 1997 йилда туғилган маҳаллий фуқаро Тожикистондан 19 кг 799 гр опий моддасини контрабанда йўли билан олиб ўтаётганида ушланди. Унга нисбатан жиноят иши очилди.
ДХХ ва ИИБ Самарқандда фуқарони $50 минг эвазига Тошкент-Европа Иттифоқи-Мексика йўналиши орқали АҚШга жўнатмоқчи бўлган эркакни ушлагани айтилмоқда.
Қўшимча имкониятларга эга булиш учун сайтда рўйхатдан ўтинг