Марказий банк асосий ставкани йиллик 14 фоиз даражасида ўзгаришсиз қолдириш тўғрисида қарор қабул қилди. Регуляторнинг қайд этишича, инфляция ва инфляцион кутилмаларнинг пасайишига қарамасдан, нархларга талаб омиллари билан боғлиқ босимлар сақланиб қолмоқда.
Ўзбекистон президенти фармони билан Содир Мелибоев Марказий банк раисининг ўринбосари этиб тайинланди.
Марказий банк жисмоний шахсларнинг муддати ўтган қарздорликларини ундиришда уларнинг манфаатларини ҳимоя қилиш бўйича тавсиялар ишлаб чиқди. Унга кўра, қарздорга соат 20:00 дан 8:00 гача вақтда ва ҳафтада бир мартадан кўп учрашиш, кунига бир мартадан ортиқ телефон қилишга йўл қўйилмайди.
Ўзбекистонда сезилган инфляция даражаси июнь ойида минимал даражага — 12,9 фоизга етди, бу расмий йиллик инфляциядан 3,9 фоизга юқори. Нархлар ўсиши тармоқ ва ҳудудлар кесимида, шунингдек, турли даромадга эга аҳоли гуруҳлари ўртасида қандай қабул қилинаётгани ҳақида асосий маълумотлар.
Марказий банк Ўзбекистон халқаро захиралари бўйича тарқалаётган хабарларга берган муносабатида захиралар 11,3 ойлик импортни қоплашга етишини билдирди. Бу минимал талабдан қарийб 4 баробарга кўп. Кўрсаткич йил бошидан буён 2 млрд долларга камайган.
Ўзбекистонда кутилаётган инфляция кетма-кет бешинчи ой пасаймоқда. Марказий банкнинг инфляцион кутилмалар бўйича июнь ойида ўтказилган сўровида бизнес ва уй хўжаликлари келгуси 12 ой ичида нархларнинг ошишига асосан валюта курсининг ўзгариши таъсир қилишини қайд этган.
Марказий банк асосий ставкани йиллик 14 фоиз даражасида ўзгаришсиз қолдириш тўғрисида қарор қабул қилди. Регуляторнинг қайд этишича, йил якунига қадар инфляциянинг 8,5−9,5 фоизгача пасайиши ҳамда инфляцияни пасайтирувчи омиллар таъсирини оширувчи омилларга нисбатан кучлироқ бўлиши кутилмоқда.
Ўзбекистонда май ойида сезилган инфляция даражаси 13,6 фоизни ташкил этди. Ҳудудлар бўйича энг юқори инфляция Наманганда сезилган. Сўровнома иштирокчилари энг кўп шакар ва қандолат маҳсулотлари нархи ошганини қайд этган.
Марказий банк пул бирлигининг деноминация қилиниши, яъни 1:10 000 нисбатда янги пул белгиларига алмаштирилиши ҳақидаги хабарлар асоссиз эканини маълум қилди.
Американинг First Republic Bank банки собиқ топ-менежери Ҳафизе Эркан Туркия тарихида Марказий банк раиси этиб тайинланган биринчи аёл бўлди. Эркан 2019 йилдан бери бу лавозимга келган бешинчи одам ҳисобланади. Эрдоғаннинг бу қарори мамлакат пул-кредит сиёсатининг ўзгаришига олиб келиши мумкин.
ХВЖ ижрочи директори Кристалина Георгиева Ўзбекистондаги сув тақчиллиги бўйича саволга жавоб бериб, сув ресурсларининг тўғри нархланганига ишонч ҳосил қилишга чақирди. Шунингдек, у Марказий банк раисидан Ўзбекистонда сув бўйича нарх сиёсати қандай эканини сўради.
Марказий банк 2022 йили «сўмнинг танилишини таъминлаш» учун унинг рамзини яратиш танловини ўтказганди. Роппа роса бир йил аввал танловнинг танқидларга сабаб бўлган натижалари эълон қилинган, сўнг МБ рамзни «профессионаллар билан ҳамкорликда қайта ишлаш»га ваъда берганди. Кейин бу мавзу унутилди.
Марказий банк раиси Мамаризо Нурмуратов валюта курсининг барқарорлиги ва депозит ставкаларининг жозибадорлиги ошиб бораётгани аҳолини хорижий валютадаги омонатлардан пулларини олиб, сўмга ўтказишга ундаётганини айтди. Аҳолининг қўлида деярли 12 миллиард доллар бор.
1 сентябрдан бошлаб Ўзбекистонда банкларнинг устав капитали ҳажми 200 млрд сўмни ташкил қилиши керак бўлади. Ҳозирча саккизта банк бу талабга жавоб бермайди. Марказий банк капиталлашув талаблари бажарилмаса, лицензия бекор қилиниши ҳақида огоҳлантирди ва уларга бирлашишни тавсия қилди.
Марказий банк раиси аҳолининг қўлида қарийб 12 млрд доллар пул борлиги, банк сектори буларнинг барчасини жалб қила олмаслиги, лекин банкка пулларни топшириш тенденцияси мавжудлигини таъкидлади.
МБ 3 та тўлов ташкилотининг лицензиясини қайтариб олди. Улар орасида тадбиркор Хуршид Тўраевнинг TAPP Payment компанияси ҳам бор, у билан «Алоқабанк» ва Рақамли ривожланиш вазирлигининг офис биноларини сотиб олиш бўйича келишув аввалроқ бекор қилинганди.
МБ автокредитлар ҳажми кескин ўсгани, банклар кредит портфелида бундай кредитлар концентрацияси ошгани сабабли таваккалчилик даражасини ўлчашнинг янги усулини таклиф қилди. МБнинг амалдаги ва аввалги раҳбарияти банклар автомобиль учун кредит олиш хавфини сезмаётгани ҳақида огоҳлантирган эди.
I чоракда Ўзбекистон аҳолисининг ипотека кредитларига бўлган талаби юқорилигича қолди, дейилади Марказий банк ҳисоботида. Бу даврда жами 3 трлн 260 млрд сўмлик кредитлар берилган. Янги биноларда уй-жой сотиб олиш учун ажратилган маблағлар ҳажми эса камайган, иккиламчи бозорда уч бараварга кўпайган.
Марказий банк 2023 йилнинг I чораги бўйича Аҳолининг истеъмол кайфияти шарҳини эълон қилди. Ўрганиш респондентларнинг таълим, уй-жой таъмири, даволанишга кўпроқ маблағ сарфлаганини кўрсатди. Кредит олувчилар бироз камайган, маиший хизмат соҳасидагиларнинг даромадлари бўйича кутилмалар яхшиланган.
МБ томонидан яна бир банк — «Yangi bank»га лицензия берилди. Уни «Ўзагроэкспортбанк» раҳбарининг собиқ ўринбосари Одил Амерқулов бошчилигидаги «Yangi Group» компанияси ташкил этган.
Қўшимча имкониятларга эга булиш учун сайтда рўйхатдан ўтинг