«марказий банк» тегли мақолалар
Ўзбекистон банкларига ҳужум бўлгани ва Humo карталаридан йирик миқдорда пул ўғирлангани рад этилди
Humo тўлов тизими хакерлар Ўзбекистон банкларига ҳужум қилгани ва Humo карталаридан йирик миқдорда пул ўғирлагани ҳақидаги хабарларни рад этди. Марказий банк ҳам банклар ва тўлов тизимларига ҳеч қандай киберҳужум бўлмаганини билдирди.
Марказий банк Oson`нинг лицензиясини тиклади
Марказий банк Brio Group МЧЖнинг (Oson бренди) тўлов ташкилоти фаолиятини амалга ошириш учун лицензиясини тиклади. Компания лицензиясининг амал қилиш муддати 17 октябрда тўхтатиб қўйилганди. Ундан аввал эса Oson`га қонун талабларини бузгани учун жарима санкцияси қўлланган.
Марказий банк Ўзбекистон аҳолисининг таълим харажатлари ошганини қайд этди
Ўзбекистон Марказий банки томонидан ўтказилган сўров натижалари аҳоли билим олиш ва саёҳатга кўпроқ маблағ сарфлай бошлаганини кўрсатди. Респондентларнинг келажакдаги харажатлари таркибида таълим биринчи ўринни эгаллади.
«Бозорга аллақачон салбий таъсир қилди». Георгий Паресишвили — МБнинг юридик шахслар учун валюта конвертацияси бўйича ўзгартиришлар лойиҳаси ҳақида
Марказий банкнинг валютани сотиб олиш шартларини ўзгартиришга оид лойиҳаси фонд бозорига аллақачон салбий таъсир кўрсатди, деди «Тошкент» фонд биржаси раҳбари Георгий Паресишвили. У конвертацияни мураккаблаштириш инвесторларни чўчитишини таъкидлади ва жараённи соддалаштириш тарафдори эканини айтди.
«Ортга қайтиш бўлмайди». Марказий банк — валюта конвертацияси қоидаларига ўзгартиришлар киритилаётгани ҳақида
Марказий банк конвертация қоидаларига киритилаётган ўзгартиришлар «валюта операцияларини чеклашни эмас, амалдаги нормаларни аниқлаштириш ва операцияларни амалга ошириш жараёнини соддалаштиришни» англатишини таъкидлади. МБ раиси ўринбосари Бобир Абубакиров «орқага қайтиш бўлмаслигини» айтди.
Октябрда Ўзбекистоннинг олтин-валюта захиралари деярли 2 млрд долларга кўпайди
Ўзбекистоннинг олтин-валюта захиралари кетма-кет олти ойлик камайишдан сўнг октябрь ойида деярли 2 млрд долларга кўпайди. Захиралар миқдори сентябрда 2020 йил апрелидан бери энг паст кўрсаткичга тушиб кетганди. Халқаро захиралар миқдори ошганига қарамай, олтиннинг физик ҳажми камайган.
Ўзбекистонда юридик шахслар учун чет эл валютасини сотиб олишда назоратни кучайтириш режалаштирилмоқда
ЎЗбекистон Марказий банки юридик шахслар учун чет эл валютасини сотиб олиш шартларини ўзгартиришни таклиф қилмоқда. Валюта сотиб олишда зарур бўладиган ҳужжатлар сони ортиши, норезидентлардан миллий валютадаги маблағларнинг келиб чиқиши қонунийлигини таъминлаш ва бошқалар талаб қилиниши мумкин.
Нобанк ташкилотларга валюта айирбошлаш шохобчалари очишга рухсат бериш ниятимиз йўқ — Мамаризо Нурмуратов
Марказий банк раиси Мамаризо Нурмуратов регуляторда нобанк ташкилотларга валюта айирбошлаш шохобчалари очишга рухсат бериш нияти йўқлигини маълум қилди. Шунингдек, у банклар валюта айирбошлаш шохобчалари сонини ўз эҳтиёжидан келиб чиқиб кўпайтиришини таъкидлади.
«Стратегик инвесторлар билан музокаралар олиб борилмоқда». МБ раҳбари — «Пойтахт банк»нинг сотилиши ҳақида
Марказий банк раиси Мамаризо Нурмуратов тўртта банк устав капиталини ўз вақтида талаб этилган даражагача оширмаганини маълум қилди. «Пойтахт банк» сотувга қўйилгани учун унга нисбатан санкциялар қўлланмаган, яна иккита банкка эса мажбурият қўйилган.
Марказий банк яна қарийб 2 млрд долларлик валюта интервенцияларини амалга оширди
Учинчи чоракда Ўзбекистон Марказий банки 19,5 трлн сўмга олтин сотиб олди, бироқ 22,8 трлн сўмлик (1,9 млрд доллар) валюта интервенцияларини амалга оширди.
Россия Марказий банки асосий ставкани кетма-кет тўртинчи марта оширди
Россия Марказий банки асосий ставкани 13 фоиздан 15 фоизга оширди. Ушбу қарор инфляция босимининг сезиларли даражада ошгани ва кредитлашнинг юқори ўсиш суръатлари билан изоҳланди. Россия Марказий банки 2023 йил июлидан бери кетма-кет тўртинчи марта асосий ставкани оширди.
Имтиёзли кредитлаш амалиётини қисқартириш бўйича чоралар давом эттирилади — МБ
Марказий банк келгуси йилларда пул-кредит сиёсати таъсирчанлигини оширишда имтиёзли кредитлаш амалиётини қисқартириш ва бозор тамойиллари асосида шаклланувчи фоиз ставкаларига ўтиш борасида чораларни давом эттиришини билдирди.
Кредитлар ҳақидаги маълумотларни ошкор қилмаган 16 та банк жаримага тортилди
Ўзбекистон Марказий банки 16 та банкни мижозларга кредит ва омонатлар ҳақидаги маълумотларни тўлиқ ошкор этмагани учун жаримага тортди.
МБ: 5 фоизлик инфляцион таргетга эришиш даври 2025 ёки 2026 йил якунига тўғри келиши кутилмоқда
Марказий банк бир нечта омилни инобатга олиб, 2 та сценарий асосида кейинги йилларда макроиқтисодий ривожланиш йўналишларини ишлаб чиқди. 5 фоизлик инфляцион таргетга эришиш даври асосий сценарийда 2025 йилнинг иккинчи ярмига, муқобил сценарийда 2026 йил якунига тўғри келиши кутилмоқда.
Марказий банк асосий ставкани 14 фоиз даражасида ўзгаришсиз қолдирди
Марказий банк асосий ставкани йиллик 14 фоиз даражасида сақлаб қолиш тўғрисида қарор қабул қилди. Асосий ставканинг жорий даражаси йил охирига қадар инфляциянинг прогноз кўрсаткичлари доирасида шаклланиши учун зарурий пул-кредит шароитларини таъминлашга хизмат қилади, дейилади регулятор баёнотида.
Ўзбекистонда микроқарзлар лимитини ошириш режа қилинмоқда. Сабаблар ва рисклар
Ўзбекистонда микроқарзларнинг максимал суммасини 100 млн сўмгача ошириш таклиф қилинмоқда. МБ буни талаб ортаётгани ва қарз олувчиларнинг ўзини ўзи банд қилиш имконияти кенгаяётгани билан изоҳлади. Қонун лойиҳаси ҳукуматнинг ёпиқ қарори билан тайёрланган. Мутахассис ташаббуснинг рискларини санади.
Ўзбекистоннинг олтин-валюта захиралари яна 1,65 млрд долларга, йил бошидан эса 4,73 млрд долларга камайди
Ўзбекистоннинг олтин-валюта захиралари кетма-кет олтинчи ойда камайиб, 2020-йил апрелидан бери энг паст кўрсаткичга — 31,04 миллиард долларга етди. Сентябрь ойида захиралар 1,65 миллиард долларга камайди, йил бошидан эса мамлакатнинг «молиявий хавфсизлик ёстиғи» 4,7 миллиард долларга камайди.
МБ сўровида қатнашганларнинг аксарияти сентябрда нон ва ун нархи сезиларли ошганини қайд этди
Сентябрда Ўзбекистонда сезилган инфляция даражаси 13,3 фоизгача пасайди. Даромади 10 млн сўмгача бўлган респондентларнинг аксарияти нон ва ун, 10−15 млн сўм бўлганлар бензин ва ёқилғи, 15 млн сўмдан юқори бўлганлар эса мева ва сабзавотлар нархи сезиларли даражада ошганини қайд этди.
Аҳоли ва бизнеснинг инфляцион кутилмалари пасайди
Сентябрь ойида Ўзбекистонда аҳоли ва бизнеснинг инфляцион кутилмалари пасайди. Аҳоли ва тадбиркорларнинг валюта курси ўзгаришидан хавфсираши бироз пасайган, лекин ёқилғи ва энергия нархи ошишини қайд этган респондентлар улуши кетма-кет бешинчи ой ошмоқда.
Марказий банк AVO bank`га кредит бериш ва бошқа операцияларни амалга оширишни тақиқлади
Марказий банк Банк назорати қўмитаси AVO bank`га (собиқ «Ўзагроэкспортбанк») устав капиталини талаб қилинган даражага — 200 млрд сўмга етказмагани учун кредитлаш ва бошқа харажатларни молиялаштириш ҳамда депозит операцияларини амалга оширишни тақиқлади.
Энг кўп ўқилган хабарлар | Сўнгги янгиликлар
- Хорижий автомашиналарни вақтинча олиб кириш учун йиғим ҳисоблаш тартиби ўзгарди
- Veolia Energy Tashkent дарахт қулаши оқибатида ҳалок бўлган қиз воқеаси ортидан иш жараёнини ўзгартирмоқчи
- Тошкентдаги боғчада болаларни қўрқитиб, қўполлик қилган тарбиячи ишдан олинди
- «Камолон ош» маркази асосчиси Саъдулло Саидов вафот этди
- Наманган вилоятида кучсиз зилзила содир бўлди
Қўшимча имкониятларга эга булиш учун сайтда рўйхатдан ўтинг