Коронавирус бўйича кунлик ҳолатлар кетма-кет олтинчи кун ўсишда давом этаяпти — пайшанба куни яна 824 кишида вирус аниқланди. Биргина пойтахтнинг ўзида 434 та ҳолат қайд этилди. 3 киши эса COVID-19 оқибатида вафот этди.
Соғлиқни сақлаш вазири Беҳзод Мусаев бугун 03:00 ларда Тошкент шаҳар тез ёрдам станциясига бориб, «тез ёрдам» ҳолатини текширди. Унинг топшириғи билан қўшимча 40 та тез тиббий ёрдам машинаси хизматга бириктириладиган бўлди. Вазир шунингдек, Тошкентнинг 12 та туманида касаллик клиник белгиларсиз ва енгил шаклда кечаётган беморлар саломатлигини назорат қилиш учун COVID-поликлиникалар фаолиятини йўлга қўйиш топшириғини берди.
Александр Лукашенконинг сўзларига жавоб қайтарган Шавкат Мирзиёев, Мудофаани бошқариш миллий маркази очилгани, қурол ёрдамида тўхтатилган Malibu бўйича қўшимча маълумот, пойтахтда портлатилган «ўт ўчиргич» бўйича 13 кишига қўйилган айблов, Марокаш шартномасига қўшилган Ўзбекистон, ҳокимларнинг кенгаш раиси мақоми бекор қилинмаганига изоҳ берган Сенат ва бошқа хабарлар «Газета.uz» нинг 13 январдаги энг муҳим хабарлари дайжестида.
12 январь куни Ўзбекистонда яна 714 киши коронавирусга чалинди. Бу олдинги кундан 110 нафарга кўп. Касалланиш кетма-кет 5-кун яна ортмоқда. Шунингдек, 3 киши вирусдан вафот этди.
Бир ҳафта ичида дунёда рекорд даражада COVID-19'га чалиниш ҳолатлари аниқлангани, Германияда Telegram`нинг блокланиши мумкинлиги, Қозоғистон бизнеси тартибсизликлар туфайли 240 млн доллардан кўпроқ зарар кўргани, «Толибон» Афғонистоннинг келаси уч ой учун 509,4 млн долларлик бюджетни тасдиқлагани ва бошқа янгиликлар — «Газета.uz»нинг жаҳон янгиликлари дайжестида.
Соғлиқни сақлаш вазири ўринбосари Анвар Алимов 15 январдан ташкилотларнинг эмланмаган ишчилари масофавий ишлашга юборилишини маълум қилди. «Кейинги беш кун ичида ишчилари вакцинанинг биринчи дозасини олган муассасалар аввалгидек ишлашда давом этишлари мумкин», — дея қўшимча қилди вазир ўринбосари.
Футбол бўйича Ўзбекистон миллий терма жамоаси бош мураббийи Сречко Катанец Словенияда коронавирусга чалинди. Шу сабабли, у Дубайда бўлиб ўтадиган йиғинда қатнаша олмайди, унинг ўрнига ёрдамчи мураббийлар машғулот ўтказади. Қолаверса, жамоа ярим ҳимоячиси Ҳожимат Эркиновда ҳам COVID-19 аниқланиб, карантинга олинган.
Сешанба куни Ўзбекистонда 604 та янги коронавирус инфекцияси аниқланган ва 4 киши вафот этган. Бундай кўрсаткич охирги марта сентябрь ойида қайд этилган эди. Соғлиқни сақлаш вазирлиги вазият хавотирли бўлиб бораётганини маълум қилди.
Душанба куни 425 кишида коронавирус аниқланди. Яна 4 киши касалликдан вафот этди.
Ўзбекистонда коронавирус билан касалланиш даражаси ошгани туфайли қатъий карантин жорий этиш режалаштирилгани йўқ. Оммавий тадбирлар бекор қилинмаган, аммо эпидемиологик вазиятга қараб чоралар кескинлашиши мумкин, дея таъкидланди пойтахтда ўтган ССВ ва СЭО матбуот анжуманида.
Ўзбекистонда якшанба куни деярли 390 кишида коронавирус аниқланди, 3 нафар коронавирус бемори вафот этди.
Ўзбекистонда коронавирус пандемиясининг иккинчи тўлқини тугаши биланоқ кунлик коронавирус ҳолатларида яна кескин ўсиш кузатилди. 8 январь куни пандемия бошидан буён қиш мавсумидаги энг юқори кўрсаткич қайд этилди, кейинроқ мамлакатда омикрон штамми аниқлангани айтилди. Ҳозиргача Ўзбекистонда коронавирус тўлқинлари асосан баҳорнинг охирида бошланиб, қишгача давом этаётган эди.
Сўнгги икки кун ичида Ўзбекистонда 397 киши коронавирус юқтириб олди, уч киши эса вафот этди. 5 январгача COVID-19`га чалинганлар сони 100 кишидан ошмаётган, 9 кундан бери эса ўлимлар қайд этилмаган эди.
Буюк Британия 10 январдан Ўзбекистоннинг коронавирусга қарши эмланганлик тўғрисидаги сертификатларини расман тан олишни бошлайди. Эндиликда вакцина олган ўзбекистонликлар Англияга кириш учун ПЗР тестини тақдим этишлари шарт бўлмайди.
Латвиянинг коронавирус сабабли фавқулодда ҳолат режимини мартгача узайтираётгани, Буюк Британия, Греция, Италия, Франция ва Швейцарияда кунлик COVID-19 ҳолатлари сони бўйича рекордлар янгилангани, АҚШда қор бўрони туфайли беш кишининг ҳалок бўлгани, Қозоғистондаги сўнгги вазият ва бошқа янгиликлар — «Газета.uz»нинг жаҳон янгиликлари дайжестида.
2021 йилда коронавирусга қарши 39,2 млн доза вакцина қўлланилган. Жумладан, 13,5 млн нафардан ортиқ фуқаро коронавирусга қарши тўлиқ эмланди. Вакцина олганларнинг энг катта қисми Самарқанд вилоятида.
«ПСЖ» нинг тўрт нафар футболчиси — Лионель Месси, Хуан Бернат, Серхио Рико ва Натан Битюмазала коронавирусга чалинди. Улар навбатдаги бир нечта учрашувларни ўтказиб юборади.
Ижтимоий тармоқларда ЙПХ ходими 1 ноябрдан ниқоб тақиш бекор қилинганлигини айтган видео тарқалди. Ички ишлар вазирлиги «Газета.uz»га тиббий ниқоб тақиш мажбурияти бекор қилинмаганлигини маълум қилди. Ходимнинг ҳаракатларига ҳуқуқий баҳо берилади.
29 декабрь куни охирги 6 ой ичида биринчи маротаба коронавирусдан ўлим ҳолати қайд этилмади. Касаллик юқтирганлар сони эса яна 100 нафардан ошиб кетди.
Францияда бир суткада 180 мингга яқин коронавирусга чалиниш ҳолатлари қайд этилгани, Япониянинг «соғлом узоқ умр кўриш» бўйича жаҳон рекордини ўрнатгани, АҚШнинг Украина билан боғлиқ вазият туфайли самолёт ташувчи кемасини Ўртаер денгизида қолдиргани, Қозоғистоннинг ўлим жазосини бутунлай бекор қилгани ва бошқа янгиликлар — «Газета.uz»нинг жаҳон янгиликлари дайжестида.
Қўшимча имкониятларга эга булиш учун сайтда рўйхатдан ўтинг