«жиззах вилояти» тегли мақолалар
«Эшикни очиб қарасам, олдимда 2 метр баландликда сув турибди». Форишдаги селдан жабр кўрганлар
Жиззахдаги селдан талофат кўрган уйлардан бирининг эгаси Исроил Алиев «Газета.uz»га сел қандай келгани ҳақида сўзлаб берди. «Уйдан эшикни очиб қарасам, олдимда 2 метр баландликдаги сув турганини кўрдим. Сув пасайгунча шундай жон сақлаб турдик», — деди у. Фавқулодда вазиятлар вазири хотини ва боласини қутқариб қолган Исроилни «қаҳрамон» деб атади. Исроил Алиевнинг сўзларига кўра, ҳокимият вакиллари уйсиз қолган аҳолига 3 хонали уй қуриб беришини айтган.
Фото: Жиззахда содир бўлган сел оқибатлари
20 апрель куни Жиззахда сел ва сув тошқинларидан энг кўп зарар кўрган Эгизбулоқ маҳалласида 5 киши, шу жумладан икки нафар ёш бола ҳалок бўлди. Бундан ташқари, 53 та хонадон тўлиқ талофат кўрди. 25 та уйда яшовчи 100 дан ортиқ фуқаро вақтинча бошқа жойга кўчирилди. Фавқулодда вазиятлар вазири Абдулла Қўлдошев ва Жиззах вилояти ҳокими Эргаш Солиев воқеа жойида бўлиб турибди. Тафсилотлар «Газета.uz» фоторепортажида.
Сел оқибатлари: 260 та хўжалик талофат кўрди, 6 та мактаб, 2 та МТМга сув кирди, 6 киши қутқарилди
20 апрель куни Самарқанд ва Жиззах вилоятларида 1,5 соатда бир ойлик миқдорда ёмғир ёғиши оқибатида сел оқимлари ва тошқин сувлари юзага келди. Натижада ҳар икки вилоятда жами 364 та уй-жой, 6 та мактаб ва 2 та МТМнинг ертўла ва ҳовлиларигага сув кирган. 26 та хўжалик турли даражада талофат кўрди. 6 киши қутқарилди, 100 дан зиёд аҳоли эвакуация қилинди.
Жиззах вилоятида автоҳалокат оқибатида 8 киши ҳалок бўлди
Зомин туманида «KIA K5» ва «Nexia-2» автомашиналари тўқнашиши оқибатида ЙТҲ содир бўлган. ЙТҲ оқибатида 2 киши воқеа жойида, яна 6 киши шифохонада вафот этган. Бундан ташқари, ҳозирда «KIA K5» ҳайдовчиси оғир аҳволда экани айтилди.
Жиззахда фуқарони айланма йўллар орқали АҚШга жўнатишга ваъда қилган шахс ушланди
Жиззах вилоятида фуқарони Туркия, Италия ёки Мексика орқали АҚШга олиб ўтиш ва ишга жойлаштиришни ваъда қилган шахс 20 минг доллар олганида ушлангани айтилмоқда. Фарғона вилоятида эса фуқарони Кореяга ишга жўнатишга ваъда қилганликда гумонланган шахс қўлга олинган.
Жиззахда педагогика институти ходими $100 минг пора билан ушлангани айтилмоқда
Жиззах давлат педагогика институтининг таълим сифатини назорат қилиш бўлими бошлиғи факультетлардан бирида аниқланган камчиликлар деканга салбий таъсир қилмаслиги ва уни лавозимида қолишини таъминлаш эвазига 100 минг доллар олганида қўлга тушгани айтилмоқда. Унга нисбатан жиноят иши очилди.
Тошкент-Чиноз автомобиль йўли ва пойтахтдаги Темур Малик кўчаси таъмирланади
Президент душанба куни Тошкент ва Жиззах вилоятлари ҳамда пойтахтда автомобиль йўлларини таъмирлашга оид лойиҳалар билан танишди. Унга кўра, «Тошкент-Чиноз» автомобиль йўлининг 10 км қисмини таъмирлаб, 5 дона ерости ўтиш йўлагини бунёд этиш, Жиззах шаҳридаги Ўзбекистон кўчасида 210 метрли йўл ўтказгич барпо этиш, қолаверса, Тошкентдаги Темур Малик кўчасини 6 тасмали этиб қайта қуриш режалаштирилмоқда.
Бекобод шаҳар ҳокимлиги бош мутахассиси $128 минг пора билан қўлга тушди
ДХХ Бекобод шаҳар ҳокимлигининг бош мутахассисини мактабгача таълим муассасаси биносини хусусийлаштириш ва шаҳар ҳудудидан 1 гектар ер майдони олиб бериш эвазига 128 минг доллар олган вақтида ушлади. Самарқанд ва Жиззах вилоятларида ҳам ноқонуний ер сотиш ҳолатлари аниқланди.
20 декабрь куни Ўзбекистонда содир бўлган энг муҳим хабарлар дайжести
Янги йил муносабати билан 5 кун дам оладиган ўзбекистонликлар, ижтимоий тармоқлар ҳақида фикр билдирган Жаҳонгир Ортиқхўжаев ва Русланбек Давлетов, 4 та автомобилга ариза қабул қилишни февралгача тўхтатган UzAuto Motors, кўчаларини сув босган Наманган, ҳокимга савол бермаслик ҳақида огоҳлантирилган жиззахлик депутатлар, PayPal тизими жорий этилишига умид билдирган Шерзод Шерматов ва бошқа хабарлар — «Газета.uz» нинг 20 декабрдаги энг муҳим хабарлари дайжестида.
Жиззахлик депутатлар вилоят ҳокими мурожаатномасида савол бермаслиги ҳақида огоҳлантирилгани айтилмоқда
Жиззахлик депутатлар вилоят ҳокими Эргаш Солиевнинг мурожаатномасида савол бермаслиги, қолаверса, телефон билан киритилмаслиги ҳақида огоҳлантирилгани айтилмоқда. Қонунчилик палатаси депутати Расул Кушербаев ушбу ташаббус кенгаш котибияти мудири ташаббуси эканлигини маълум қилди. Жиззах вилояти ҳокимияти муносабат билдирди.
Тошкент ва Жиззахда ноқонуний равишда ўқишга киритиб қўйишга уринган шахслар ушланди
Тошкент давлат теника университетига ўқишга киритиб қўйишга, ўқишни Қибрайдаги Халқаро молия ва технологиялар хусусий институтига кўчиришга ваъда қилган шахслар қўлга тушди. Уларга нисбатан фирибгарлик ва пора бериш моддалари билан жиноят иши очилди.
Дарахтлар атрофини бетонлаш давом этмоқда
Жиззах вилоятининг Гагарин шаҳарчасида 75 туп дарахт атрофи бетонлаб чиқилди. Ушбу ҳолат танқидлар остида қолиб кетганидан сўнг улар атрофи бетондан тозаланди, бироқ бу янги саволларни келтириб чиқарди. Дарахтлар тубини асфальтлаш ва бетонлаш амалиёти узоқ йиллардан буён давом этиб келмоқда ва охири тугамайдиганга ўхшайди. Экопартия биргина жарима билан муаммо ҳал бўлмаслигини маълум қилди. Дарахтлар кейинроқ қайта ўтқазилди.
Жиззахда туман прокурори ўринбосари пора билан қўлга тушди
Душанба куни ҳуқуқни муҳофаза қилувчи органлар томонидан Янгиобод тумани прокурорининг ўринбосари 8000 доллар олган вақтида қўлга олингани айтилмоқда.
«Менга 80 трлн сўм эмас, бир инсоннинг ҳаёти муҳимроқ» — президент коронавирус пандемияси давридаги харажатлар ҳақида
Шавкат Мирзиёев коронавирус пандемияси даврида аҳолининг саломатлигини сақлаш учун 80 трлн сўм сарфланганини маълум қилди. Давлат раҳбари аҳолини коронавирусга қарши эмланишга чақирди. Унинг айтишича, душанба куни мамлакатга гриппга қарши вакцина ҳам олиб келинмоқда.
Roodell Ўзбекистонда Renault автомобиллари сотувини бошлашга тайёрланмоқда
Roodell Ўзбекистонда сотиладиган Renault автомобиллари тақдимотини ўтказди. Биринчи босқичда учта модел — икки кроссовер ва бир йўлтанламаснинг сотувга чиқиши кутилмоқда.
Жиззахда 6 ёшли бола асфальт ётқизиш машинаси босиб кетиши оқибатида вафот этди
Пахтакор туманида 6 ёшли бола асфальт ётқизиш машинаси остида қолиб кетди. Оқибатда бола воқеа жойида вафот этган. Ҳолат юзасидан оғир техника воситаси тегишли бўлган фирма раҳбарига маъмурий баённома тузилган ва жиноят иши қўзғатилган.
Жиззах вилояти ҳокимига янги ўринбосар тайинланди
Нодир Нурматов Жиззах вилоят ҳокимининг ўринбосари — Инвестициялар ва ташқи савдо бошқармаси бошлиғи этиб тайинланди.
Арнасой тумани ҳокимлиги мансабдорлари 7 млрд сўмни ўзлаштирганликда гумон қилинмоқда
Жиззах вилоятида туман ҳокимлигининг мансабдор шахслари 7 млрд сўмдан ортиқ маблағни ўзлаштириш ёки растрата орқали талон-торож қилганликда гумон қилинмоқда.
Зомин туманидаги тоғларда ёнғин содир бўлди
Бугун Жиззах вилоятининг Зомин туманидаги «Дуоба» ҚФЙ Ўриклисой қишлоғи дала майдонида ёнғин содир бўлди. Ёнғинни ўчиришга 4 та вертолёт, ФВВнинг 370 дан ортиқ ходимлари билан бирга Миллий гвардия, ИИБ, Давлат экология қўмитасидан ҳам куч ва воситалари жалб қилинган.
Жиззах шаҳрида Ҳиндистоннинг Sambhram университети ташкил этилди
Ҳукумат қарори билан Жиззахда Ҳиндистоннинг Sambhram университети ташкил этилди. Битирувчиларга Ўзбекистон ва Ҳиндистонда тан олинадиган диплом берилади. Университетга ҳар йили қабул қилинадиган талабаларнинг 20 фоизини ўқитиш учун имтиёзли таълим грантлари ажратилади.
Энг кўп ўқилган хабарлар | Сўнгги янгиликлар
- «Камолон ош» маркази асосчиси Саъдулло Саидов вафот этди
- «Аёллар кетиш учун куч топиши керак». Диёра Усмонова биринчи турмушида калтаклангани ҳақида гапирди
- Автомашинани қайта рўйхатдан ўтказиш йиғими аввалги миқдор — БҲМнинг 10 фоизига қайтарилди
- Аёлларни ҳимоя қилиши керак бўлган қонун уларни жазолаш учун ҳам хизмат қилмоқда
- UzAuto Motors Gentra, Damas ва Labo учун контрактацияни очади
Қўшимча имкониятларга эга булиш учун сайтда рўйхатдан ўтинг