Марказий сайлов комиссияси раиси Зайниддин Низомходжаев ва комиссия вакиллари АҚШда президентлик праймеризларида овоз беришга тайёргарлик кўриш жараёни билан танишиш мақсадида Калифорния штатида бўлди. Ташриф давомида улар АҚШда қўлланиладиган замонавий сайлов технологияларини ҳам ўрганадилар.
Иллинойс штати суди АҚШнинг собиқ президенти Дональд Трампга республикачилар партиясидан ушбу штатда президентликка номзод бўлиш учун ўтказиладиган праймеризда қатнашишни тақиқлади. Аввалроқ худди шундай қарор Колорадо ва Мейн штатларида ҳам қабул қилинган эди.
АҚШ Молия вазирлиги Ўзбекистон, Қозоғистон ва Қирғизистоннинг бир қанча компанияларига чекловларни четлаб ўтиб, Россияга маҳсулот етказиб бергани учун санкциялар киритди.
АҚШ Ғазо секторида ўт очишни вақтинча тўхтатиш бўйича БМТ резолюциясини тайёрлади. Ҳужжат, шунингдек, Исроилнинг Рафаҳ шаҳрида амалга оширишни режалаштирган қуруқликдаги операцияси оқибатларидан огоҳлантиради. Вашингтон биринчи марта Исроил ва ХАМАС ўртасидаги сулҳни очиқча қўллаб-қувватламоқда.
Нью-Йорк суди АҚШ президентлигига даъвогар Дональд Трампни молиявий фирибгарликда айбдор деб топди ва унга 355 миллион доллар жарима солди. Шунингдек, унга Нью-Йоркдаги ҳар қандай корпорацияда уч йил давомида раҳбарлик лавозимларини эгаллаш тақиқланди.
АҚШ ўзининг Яқин Шарқдаги ҳамкорлари билан Фаластин давлатини яратишнинг «аниқ муддатларини» ўз ичига олувчи режасини муҳокама қилмоқда, деб хабар берди The Washington Post. У Исроил ва Фаластин ўртасида узоқ муддатли тинчлик ўрнатишни назарда тутади.
АҚШ Сенати Украина, Тайван ва Исроилга 95 миллиард долларлик ёрдам кўрсатиш тўғрисидаги қонун лойиҳасини қўллаб-қувватлади. Ҳужжат энди республикачилар назоратидаги Вакиллар палатаси томонидан кўриб чиқилади. Палата спикери Майк Жонсон аллақачон лойиҳани овозга қўймаслигини айтиб улгурди.
АҚШ Атроф-муҳитни муҳофаза қилиш агентлиги мамлакатдаги ҳаво сифати стандартларини кучайтирди. PM2,5 нинг рухсат этилган ўртача йиллик концентрацияси 12 мкг/м3 дан 9 мкг/м3 гача камайтирилди. Янгиланган стандарт минглаб бевақт ўлим ва йўқотилган иш кунларининг олдини олишга ёрдам бериши кутилмоқда.
Оқ уй Иорданиядаги АҚШ ҳарбий базасига қилинган ҳужум оқибатида америкалик аскарлар ҳалок бўлгани сабаб Ироқ ва Суриядаги Эрон билан боғлиқ нишонларга зарба бериш режаларини маъқуллади.
АҚШ прокуратураси Ўзбекистон фуқароси ва Америка фуқаролигига эга ўзбекистонликни иммиграцион фирибгарлик ва АҚШ ҳукуматини алдашда айбламоқда. Улар кўп йиллик қамоқ жазосига ҳукм қилиниши мумкин.
АҚШ ўзининг USAID дастури орқали Ўзбекистонга қиймати 420 минг доллардан зиёд бўлган 131 тонна озиқ-овқат ёрдамини етказди. Бу орқали туберкулёз ва руҳий саломатлик муассасаларидаги беморлар, ногиронлиги бўлган болалар ва кексалар 6,5 млн порция озиқ-овқат билан таъминланади.
2023 йилда республикачилар партиясидан номзодлик учун курашда Дональд Трампга асосий рақобатчи деб кўрилган Рон Десантис президентлик кампаниясини тўхтатди. Флорида губернатори ўз тарафдорларини Трампга овоз беришга чақирди.
АҚШнинг Ўзбекистондаги элчихонаси томонидан хотин-қизлар учун ташкил этилган ўзини ўзи ҳимоя қилиш машғулотлари (Self Defense Camp)ни яна 60 дан ортиқ иштирокчи тамомлади. «Ҳукумат бу лойиҳани мактаб ё бошқа таълим муассасаларида йўлга қўйишни маъқул топса, ҳамкорликка тайёрмиз», — деди АҚШ элчиси.
АҚШ президенти Жо Байден сайловолди ташвиқотидаги ОАВ томонидан кескин дея таърифланган нутқида эҳтимолий рақиби Дональд Трампни Америка демократиясига таҳдид деб атади. Трамп бунга жавобан Байденнинг нутқини «таъсирли, қўрқув уйғотувчи тарғибот тадбири» дея баҳолади.
АҚШ элчихонаси Ўзбекистон фуқароларини Қўшма Штатларга саёҳат қилишда «хавфсиз ва қонуний» йўлдан фойдаланишга чақирди, шунингдек, жиноий контрабандачиларнинг ёлғонлари қурбони бўлиб қолмасликдан огоҳлантирди.
АҚШнинг Колорадо штати суди 2021 йилда Капитолийга бостириб кирганликда айблаб собиқ президент Дональд Трампга бўлажак сайловларнинг ушбу штатдаги жараёнларида қатнашишни тақиқлади. Бу шу турдаги илк суд қарори бўлиб, сайловолди пойгасига таъсир қилиши мумкин, дейди ОАВ ва таҳлилчилар.
Ўзбекистоннинг ЖСТга аъзо бўлиши савдо харажатларини камайтиради ва аҳоли фаровонлигини оширади, деди Иқтисодий тадқиқотлар ва ислоҳотлар маркази раҳбари Обид Хакимов АҚШда ўтказилган брифингда. Унинг айтишича, савдони либераллаштириш орқали қўшимча 0,4−0,5 фоизгача иқтисодий ўсишга эришиш мумкин.
АҚШга Мексика орқали ноқонуний кирмоқчи бўлган Ўзбекистон фуқаролари эндиликда мамлакатга қўйиб юборилмайди ва иммиграция иши ҳал бўлгунича ҳибсда сақланади. Ноқонуний миграцияга ёрдам берган оила аъзолари ҳам виза олишдан маҳрум этилиши мумкин.
Халқаро таълим институти маълумотларига кўра, 2022−2023 ўқув йилида АҚШ университетларида ўзбекистонлик 1000 дан ортиқ талаба таҳсил олган. Бу олдинги йилга нисбатан 72,6 фоизга кўп.
АҚШ президенти Жо Байден ва Хитой етакчиси Си Цзиньпин сўнгги бир йилда биринчи марта шахсан учрашиб, «конструктив» музокаралар олиб борди. Учрашув самарали кечмади, лекин томонлар келишмовчиликларга қарамай мулоқотни давом эттирмоқчилигини билдирди. «Бу муҳим прогресс», — деди АҚШ президенти.
Қўшимча имкониятларга эга булиш учун сайтда рўйхатдан ўтинг