«андижон вилояти» тегли мақолалар
Андижонда ўзига тегишли бўлмаган ерни $9 мингга сотишга уринган шахс ушланди
Андижон вилоятида ҳуқуқни муҳофаза қилувчи органлар ходимлари ўзига тегишли бўлмаган 3,5 сотих ер майдонини 9 минг долларга сотишга уринган шахсни қўлга олди. Унга нисбатан жиноят иши қўзғатилди.
Андижонда собиқ банк ходими ва фермер $50 минглик имтиёзли кредитни ўзлаштиргани айтилмоқда
Избоскан туманида собиқ банк ходими тадбиркор билан бирга иссиқхона қуриш учун ажратилган 50 минг доллар имтиёзли кредитни талон-торож қилганликда айбланмоқда. Текширув давомида етказилган зарарнинг 20 минг доллари ундирилиб, гумондорларга нисбатан жиноят иши қўзғатилди.
Андижонга Хитойдан 14 та автобус келтирилди
Андижонга Хитойдан кондиционер ва кузатув камерали 14 та янги автобус келтирилди. Улар 70 йўловчини ташиш имконига эга.
Экстремистик гуруҳларга қўшилиб кетган 14 нафар андижонлик қидирилмоқда
Андижонда халқаро экстремистик ташкилотларга қўшилиб, уларнинг ҳаракатларида иштирок этаётганликда гумонланган 14 нафар шахсга нисбатан қидирув эълон қилинди. Уларнинг 4 нафари аёллардан иборат (рўйхат).
Андижонда хокимият бош юристконсульти пора билан қўлга тушди
Асака тумани ҳокимлиги бош юристконсульти фермер хўжалигининг суддаги ишини ҳал қилиб бериш эвазига $1000 олаётган вақтда қўлга тушди. Унга нисбатан жиноят иши қўзғатилди.
Андижон тажрибаси: товуқлар тухум туғяптими ёки муаммо?
Андижон вилоятида аҳолини паррандачиликка кенг жалб этиш дастури амалга оширилмоқда. Давлат ОАВлари ҳар 100 та товуқдан 80 таси тухум туғиб, 2 млн сўм (тухум нархи 1500 сўм бўлса) соф фойда келтириши мумкинлиги ҳақида хабар бермоқда. Бироқ айрим аҳоли вакиллари товуқлар 30 донадан кўп тухум қўймаётгани, баъзилари ўлиб кетаётгани ва тухум 700 сўмдан сотилаётгани, шунинг учун ҳам зарар кўраётганини айтишмоқда. Андижон ҳокимлиги ушбу ҳолатлар бўйича муносабат билдирди.
Андижондаги узрбозлик ортидан туман ҳокими ўринбосари ишдан бўшатилди, ҳоким эса ҳайфсан олди
Андижон вилояти Марҳамат туманидаги 72-мактабда ўқитувчилар узр сўрашга мажбурлангани ортидан туман ҳокими ўринбосари Мухтор Қурбонов ишдан бўшатилди, ҳоким Бобур Йўлдошевга эса ҳайфсан берилди. Қолаверса, мактаб директори Муқаддамхон Ҳасанова ва туман халқ таълими бўлими мудири Алияхон Абдувоҳидова лавозимларидан озод қилинди.
Халқ таълими вазири Андижонда узр сўрашга мажбурланган ўқитувчилар билан учрашди
Халқ таълими вазири Бахтиёр Саидов Андижонда узр сўрашга мажбурланган ўқитувчилар билан учрашди. У мазкур ҳолатни «устоз шаънини ерга уриш» деб баҳолаб, бунга йўл қўйган мутасаддиларга чора кўрилишини маълум қилди. Аввалроқ, ХТВ узр сўраш тадбири туман ҳокимлиги ташаббуси эканлигини тасдиқлаганди.
«Ер ёрилди, ер тагига тушиб кетаяпмиз деган хаёл келди». Андижондаги портлашда жабрланганлар воқеа ҳақида
Жума куни Шаҳрихон туманидаги тиббий марказида портлаш юз берди. Расман воқеа оқибатида 1 киши ҳалок бўлгани, 11 киши жароҳатлангани маълум қилинди. Гувоҳлар бир инсон уларни қўлида вафот этгани ва қурбонлар 3 киши эканлигини айтишмоқда. Портлаш вақтида бино ичида бўлган аёл эса воқеани шундай эслади: «Ер ёрилди, ер тагига тушиб кетаяпмиз деган хаёл келди. Тепамиздан ҳам плиталар ёғилиб, баравар пастга тушиб кетдик». «Газета.uz» воқеа жойидан фоторепортаж тайёрлади.
Андижон вилоятидаги тиббиёт марказида юз берган портлашда бир киши қурбон бўлди
ФВВнинг аниқлик киритишича, Андижон вилояти Шаҳрихон туманида тиббиёт марказида рўй берган портлаш оқибатида бир нафар фуқаро воқеа жойида вафот этган, тўрт нафар фуқаро турли даражада тан жароҳати олиб, туман шифохонасига жойлаштирилган.
Андижон вилоятидаги касалхонада газ портлаши рўй берди
Андижон вилояти Шаҳрихон туманидаги тиббиёт муассасаларидан бирида газ портлаши юз берди. 7 киши жароҳат олган, ҳалок бўлганлар ҳақида маълумот йўқ.
Андижонда ўқитувчилар узр сўрашга мажбурланган ҳолатни Бош прокуратура кўриб чиқади
Андижон вилояти Марҳамат туманида ўқитувчилар ота-оналар олдида узр сўрашга мажбур қилинган ҳолат юзасидан Халқ таълими вазирлиги ўрганиш ишларини якунлади. Натижада туман ҳокимлиги ташаббусига асосан ташкил этилган мазкур тадбирга қонуний баҳо бериш учун ҳужжатлар Бош прокуратурага юборилди.
Андижон вилоятида ўқитувчилар ота-оналардан кечирим сўрашга мажбур қилинди
Андижон вилоятининг Марҳамат туманидаги мактаблардан бирининг директори ва ўқитувчилари таълим сифати ҳамда битирувчиларнинг ОТМларга кириш даражаси пастлиги учун ота-оналардан кечирим сўрашга мажбур қилинди. Бу иш ҳоким ёрдамчиси ва туман ХТБ раҳбарининг ташаббуси экани айтилмоқда. ХТВ ҳолатни кескин қоралади. Жамоатчилик фаоллари ҳодиса учун вилоят ҳокими Шуҳрат Абдураҳмонов жавоб бериши кераклигини айтишмоқда. Туман ва вилоят ҳокимлиги ҳам муносабат билдирди.
Андижондаги мактабларда тунги тадбирлар президент топшириғи асосида ўтказилмоқда — вилоят ХТБ
Андижон вилоятида жойлашган мактабларда кечаси уюшмаган ёшлар учун ўтказилаётган тадбирлар президент топшириғи асосида амалга оширилмоқда, деб маълум қилди вилоят ХТБ бошлиғи Азизбек Миркомилов. Унинг сўзларига кўра, махсус жадваллар асосида ҳар куни мактабларда соат 18:00 дан 22:00 гача турли тадбирлар ўтказиб келинмоқда. Аввалроқ, депутат Расул Кушербаев совуқ пайти кўчада ўтказилаётган ушбу тадбирларни танқид қилганди.
Андижонда фуқаролар ИИБ ходимларини тош бўрон қилгани ҳақидаги хабарларга изоҳ берилди
Андижон вилояти ИИБ ижтимоий тармоқларда тарқалган Балиқчи туманида фуқаролар ИИБ ходимларини тош бўрон қилгани ҳақидаги хабарларга муносабат билдирди. Мазкур ҳолат туман Сувоқавага қарашли сув қазиб чиқариш иншоотини хонадонига қўшиб олган оила ҳамда уларнинг маҳалладошлари ўртасидаги низо оқибатида содир бўлган. Таъкидланишича, «отилган тошлар ИИБ ходимлари ва фуқароларга тегмаган».
Андижонда 12 нафар аёл «Ҳизб ут-Таҳрир» ғояларини ўрганишда гумон қилинмоқда
Андижонда 12 нафар аёл ижтимоий тармоқлар орқали «Ҳизб ут-Таҳрир» ғояларини ўрганишда гумон қилинмоқда. Уларнинг Туркияда бўлиб турган аёлнинг кўрсатмалари асосида тез-тез йиғилиб туришгани айтилди.
Дарахт кесилиши бўйича Андижон шаҳар ободонлаштириш бошқармаси бошлиғига жиноят иши қўзғатилди
Андижон перинатал маркази ҳудудидаги 12 туп қимматбаҳо дарахт кесилгани юзасидан шаҳар ободонлаштириш бошқармаси бошлиғига жиноят иши қўзғатилди. Дарахтларнинг қонунга хилоф равишда кесиб юборилганлиги оқибатида табиатга 115,5 млн сўм миқдорида зарар етказилган.
Андижон вилоятига янги прокурор тайинланди
Бош прокурорнинг буйруғига асосан Наманган вилояти прокурорининг биринчи ўринбосари Сирожиддин Эшқувватов Андижон вилояти прокурори лавозимига тайинланди.
Андижондаги қимматбаҳо 12 туп дарахт ноқонуний кесилган — Экоқўмита
Андижон шаҳар перинатал маркази ҳудудида қимматбаҳо дарахт навлари рўйхатига киритилган 12 туп Элдор қарағайлари ноқонуний равишда кесилган. Давлат экология қўмитаси бунинг натижасида ўсимлик дунёсига кўп миқдорда зарар етказилган деб баҳолаб, ҳужжатлар ҳуқуқни муҳофаза қилиш органларига тақдим этилишини маълум қилди.
Андижон вилояти перинатал марказида 12 туп дарахт кесиб ташланди
Андижон шаҳар Ободонлаштириш бошқармаси томонидан вилоят перинатал маркази ҳудудидаги 12 туп дарахт кесилди. Дарахтларнинг кесилиши Экология қўмитаси билан келишилмаган. Вилоят ҳокими Шуҳрат Абдураҳмонов дарахтларни кесишга буйруқ берганини ҳокимлик матбуот хизмати рад этди.
Энг кўп ўқилган хабарлар | Сўнгги янгиликлар
- Ўзбекистон вилоятларида кучли ёмғир ёғиб, тошқинлар юз берди — видео
- Россия Харьков вилоятига янги ҳужум бошлади. Нималар маълум?
- Тошкент аэропортини кўчириш ҳақида 32 йил аввал қабул қилинган қарор ўз кучини йўқотади
- Афғонистондаги сел оқибатида 150 дан ортиқ киши ҳалок бўлди
- Президент — Ўзбекистонда чарм саноати ва ипакчиликни қўллаб-қувватлаш чора-тадбирлари тўғрисида
Қўшимча имкониятларга эга булиш учун сайтда рўйхатдан ўтинг