Кадастр агентлигининг Тошкент вилояти, Янгийўл туман бўлими бошлиғи в.б. С. Ж. «R.M.» МЧЖ томонидан қурилган «Автомобилларга газ тўлдириш компрессор» шаҳобча биносининг кадастр ҳужжатларини тайёрлаб бериши эвазига, жамият раҳбаридан 10 тонна цемент талаб қилган. Бу ҳақда Бош прокуратура ҳузуридаги Иқтисодий жиноятларга қарши курашиш департаменти хабар бермоқда.
Цементни бозор нархида ўртача 10 млн сўмга ҳисоблаб, дастлаб «Cobalt» русумли автомашина учун аккумулятор ҳамда 500 АҚШ долларини пора тариқасида олган вақтида ашёвий далиллар билан ушланган.
Ҳолат юзасидан С. Ж.га нисбатан Жиноят кодексининг 210-моддаси (пора олиш) билан жиноят иши қўзғатилиб, тергов ҳаракатлари ўтказилмоқда.
