Жамият
Россияда ўзбек тилидаги 12 та телеканал трансляцияси йўлга қўйилади
Март ойида Россия ва МДҲ мамлакатлари бўйлаб 12 та ўзбек тилидаги телеканаллар трансляциялари йўлга қўйилади.
Ўзбекистонда 10 февралдан буён коронавирусдан ўлим қайд этилмаган — ССВ маълумотлари
Соғлиқни сақлаш вазирлиги Ўзбекистонда коронавирусдан вафот этганлар сони 622 кишини ташкил қилаётганлигини маълум қилди. Бу Ўзбекистонда 10 февралдан буён коронавирусдан ўлим ҳолатлари қайд этилмаганлигини англатади. ССВ 2020 йилда хорижда вафот этган 1629 нафар ўзбекистонлик ҳам йил бўйича ўлим статистикасига киритилиши, лекин COVID-19 статистикасида қайд этилмаслигини айтди.
Афғонистондан 24 нафар ўзбекистонлик қайтарилди
Афғонистон ҳудудидадан 24 нафар Ўзбекистон фуқароси мамлакатга қайтарилди. Фуқаролар тиббий кўрикдан ўтказилиб, Термиз туманидаги «Даволаш ва соғломлаштириш маркази биносига жойлаштирилди.
Ҳоким бўладими, прокурор бўладими, коммунал хизмат тўловини ўзи тўлаши керак — Тошкент вилояти ҳокими
Тошкент вилояти ҳокими Даврон Ҳидоятов хизмат уйида свет ўчганини маълум қилди. У ҳокимият фармойиши билан қарздорликни тугатишдан бош тортганини айтди. «Нега амалдор ишлатган электр бюджетдан, халқ пулидан қопланиши керак?», — деди у.
Олий суд 16 нафар маҳкума аёлга жазони ўташ муддатини қисқартирди
Олий суд оғир ва ўта оғир жиноятларда айбдор деб топилган 16 нафар аёлнинг айбини тан олганлигини ва пушаймонлигини инобатга олган ҳолда, уларнинг жазосини енгиллаштирди. Шулардан 14 нафари озод қилинди ва оилаларига қайтарилди.
Молия вазири ўринбосари Абдимухтор Эргашев лавозимидан озод этилди
Молия вазири ўринбосари Абдимухтор Эргашев бошқа ишга ўтганлиги муносабати лавозимидан озод этилди. Ҳозирча унинг қайси лавозимга ўтгани аниқ эмас.
«Ҳуқуқда ҳам қонунбай, фармонбай ва қарорбайга ўтамиз» — Twitter фойдаланувчилари
Олий таълим вазири Aбдуқодир Тошқулов талабалар муаммоларини ўрганиш учун «талабабай» ишлаш йўлга қўйилганини маълум қилди. Шундан сўнг, Twitter тармоғида «бай» қўшимчасини қўшган ҳолда турли хил твитлар ёзилди. «Газета.uz» ушбу твитлардан энг қизиқларини тўплади.
«Uzbekistan Airways» Наврўз байрами учун ички қатновларга чегирмаларни эълон қилди
«Uzbekistan Airways» Наврўз байрами нишонланиш муносабати билан 20−22 март кунлари Ўзбекистон фуқаролари учун республиканинг барча ички қатновларига чегирмаларни жорий қилди.
«Олий таълимда қизлар сонини 50 фоизга етказиш керак» — Танзила Нарбаева
Танзила Нарбаева Халқаро хотин-қизлар куни муносабати билан бўлиб ўтаётган давра суҳбатида аёлларни ижтимоий ҳимоя қилиш, қизларни олий таълим билан қамраб олиш масалаларига тўхталди. «Биз олий таълим олувчилар орасида қизларни 50 фоизга етказишга ҳаракат қилишимиз керак», — дея таъкидлади Сенат раиси.
Миллий тест тизимини жорий қилиш қандай кетмоқда
ДТМ, Халқ таълими вазирлиги ва Таълим сифатини назорат қилиг давлат инспекцияси вакиллари миллий тест тизимини жорий қилиш бўйича амалга оширилаётган ишлар ҳақида айтиб беришди. Тест сертификати эгалари давлат ОТМларига ўқишга кириш тестларида тегишли фандан имтиҳон топширмасликлари мумкин бўлади.
Январь-февраль ойларида Ўзбекистондан 4000га яқин фуқаро хорижга ишлаш учун жўнаб кетди
2020 йилнинг дастлабки икки ойида Ўзбекистондан 4000га яқин фуқаро ишлаш учун хорижга жўнаб кетди. Фуқаролар ҳозирда белгиланган эпидемиологик талаблар ва карантин чекловларига риоя қилган ҳолда турли объектларда иш бошлайди.
Қишлоқ хўжалиги вазирлиги совуқ туфайли ҳосил йўқотилишини баҳоламоқда
Ўзбекистонда февраль ойининг охирида совуқ об-ҳаво туфайли ҳосил йўқотилишини баҳолаш ишлари олиб борилмоқда. Қишлоқ хўжалиги вазирлиги мамлакатнинг шимолий ҳудудларида совуқ пайтида «ўсимликларнинг аксарият қисмида куртаклар ҳали пайдо бўлмаганлигини» таъкидлади. «Умид қиламизки, жанубий вилоятлар ҳам катта йўқотишларнинг олдини олишга муваффақ бўлишди», — дейди Қишлоқ хўжалиги вазирлиги бошқармаси бошлиғи Фахриддин Қирғизбоев.
Маҳаллаларда талабабай юришлар бошланди — Aбдуқодир Тошқулов
Олий ва ўрта махсус таълим вазири Aбдуқодир Тошқулов ОТМлардаги муаммоларни ўрганиш ва маҳаллаларда «талабабай» юриш бошланганини маълум қилди. Ижарада турувчи талабалар яшил, сариқ ва қизил рангларга ажратилиши қайд этилди.
Сергей Лавров «Спутник V» вакцинаси Ўзбекистонда рўйхатга олинганини айтмоқда
«Спутник V» вакцинаси Ўзбекистонда ишлаб чиқарилиши кутилмоқда. Россия ташқи ишлар вазири Сергей Лавровнинг айтишича, вакцина Ўзбекистонда тезлаштирилган тартибда рўйхатдан ўтказилган. Лекин вакцина Ўзбекистонда фақат сертификацияланган.
3 мартдан Spark, Nexia, Cobalt ва Lacetti хариди учун шартнома тузиш мумкин бўлади
Ўзбекистонда 3 мартдан бошлаб Spark, Nexia, Cobalt ва Lacetti автомобилларини харид қилиш учун шартнома бериш жараёни қайта тикланади.
Қорақалпоғистон Экология қўмитаси раиси тайинланди
Абдирахман Сапаров Қорақалпоғистон Республикаси Экология ва атроф-муҳитни муҳофаза қилиш қўмитаси раиси тайинланди.
Aлкоголли маҳсулотларнинг нархи ошиши мумкин
Ўзбекистонда алкоголли маҳсулотларнинг энг кам улгуржи ва чакана нархларини ошириш таклиф этилмоқда.
Юридик университет талабаси қурилиш объектида вафот этди
Тошкент давлат юридик университетининг 3-босқич талабаси Баҳодир Бозоров ҳам ишлаб, ҳам яшаётган қурилиш объекти ҳудудида бахтсиз ҳодиса туфайли ҳаётдан кўз юмди.
2020 йилда Тошкент йўлларини яхшилаш учун 492,8 миллиард сарфланган
2020 йил давомида Тошкент шаҳрида 492,8 миллиард сўм маблағ эвазига кўчаларда қурилиш, мукаммал ва жорий таъмирлаш ишлари олиб борилган.
Никоҳга кириш жараёнини мураккаблаштириш таклиф этилмоқда
ФҲДЁга ариза топширгандан сўнг, 1 ойлик муддатни 3 ойга узайтириш таклиф этилди. Ушбу таклиф ажримлар сони ортиб бораётгани сабабли, ёшларнинг бир-бирини яхшироқ таниб олиши учун илгари сурилмоқда. «Никоҳдан ўтиб, сўнг фарзандини тирик етим қилгандан кўра, уч ойлик муддатда бир-бирига маъқул келмаса, ўз йўлида давом этгани маъқул», — дея таъкидланди.
Энг кўп ўқилган хабарлар | Сўнгги янгиликлар
- Қозоғистонда Россия қонунчилигини бузган Ўзбекистон фуқароларини ҳибсга олиш бошланди
- Фарғонада қўрқитиб қўйиш учун ёш болани машина юкхонасига қамаб қўйган шахсга жиноят иши қўзғатилди
- Табиий чанг — Тошкент ҳавоси ифлосланишининг асосий сабаби — Экология вазирлиги
- «Истеъмолчиларнинг ичимлик сувидан 1 трлн сўм қарзи мавжуд» — «Ўзсувтаъминот»
Қўшимча имкониятларга эга булиш учун сайтда рўйхатдан ўтинг