Жамият
«Ўзбекистонда диний қарашларни мажбуран сингдиришга йўл қўйилмайди» — Адлия вазирлиги
Адлия вазирлигининг маълум қилишича, диний мавзуда чиқишлар қиладиган айрим шахслар томонидан аёлларнинг ҳуқуқларини чеклаш, ҳеч қайси динга эътиқод қилмайдиганларга нисбатан нафрат уйғотиш, дунёвийлик принципидаги қонунларни шубҳа остига олиш ҳолатлари аниқланган. «Инсонлар хулқ-атворига алоҳида шахсларнинг ахлоқий-диний қарашлари билан эмас, балки амалдаги қонунчилик нуқтаи назаридан баҳо берилиши лозим», — дея таъкидлади вазирлик.
Ўзбекистон аҳолиси 35 млндан ошди
Сентябрнинг еттинчи кунида Ўзбекистон аҳолисининг сони 35 млн нафардан ошди. Давлат статистика қўмитаси хабар беришича, уларнинг 17,5 млн нафарини эркаклар, 17,4 млн нафарини аёллар ташкил этмоқда.
Тошкент вилояти ҳокимлиги ҳоким ўринбосарлари учун Malibu ва Tracker сотиб олди
Тошкент вилояти ҳокимлиги «ўз фаолиятини самарали амалга ошириш ва ҳудудларда тегишли ишларни ташкил этиш учун» ҳоким ўринбосарларига Chevrolet Malibu ва Tracker автомашиналарини сотиб олди.
ZF-UZ-VAC 2001 вакцинасининг Ўзбекистондаги синовлари натижаси эълон қилинди
Ўзбекистонда ZF-UZ-VAC 2001 вакцинасининг учинчи босқич синовларида 2757 киши препарат билан эмланган, улардан 20 киши (0,73%) коронавирус билан зарарланган. Плацебо олганлар орасида 2763 кишидан 73 нафари (2,64%) коронавирус юқтирган.
Тошкентдаги тирбандликларга шахсий транспорт ва таксиларнинг кўплиги сабаб қилиб кўрсатилди
Ўқув йилининг биринчи кунида Тошкент кўчаларида узундан-узоқ тирбандликлар кузатилди. Пойтахт Транспорт бошқармаси бунга енгил автомобиль ва таксилар сонининг ошгани сабаб бўлганини маълум қилди. Бу ҳолат автобус ва йўналишли таксилар ҳаракатига ҳам таъсир қилди.
Ташаббусли бюджет бўйича қатор лойиҳалар жамоатчиликда шубҳаларни келтириб чиқарди
Қарийб 900 та лойиҳа ташаббусли бюджет бўйича овоз беришда ғолиб деб топилди, бироқ уларнинг айримлари жамоатчиликда саволлар ва манипуляцияга йўл қўйилган, деган шубҳаларни келтириб чиқарди. Жумладан, Чилонзор туман ҳокимлигида ошхона қуриш, сектор штабини таъмирлаш ва ободонлаштириш хизмати ходимлари учун асбоб-ускуналар сотиб олиш бўйича лойиҳалар кам овоз билан ғолиб бўлган.
«Лазги — муҳаббат ва қалб рақси» балети — суратларда
Немис хореографи Раймондо Ребек Ўзбекистон халқ артисти Гавҳар Матёқубова билан биргаликда Алишер Навоий номидаги давлат Академик катта театрида «Лазги — муҳаббат ва қалб рақси» балетини намойиш этди. Маданият ва санъатни ривожлантириш жамғармаси маълумотига кўра, ушбу балетни жаҳон саҳналарида ҳам намойиш этиш режалаштирилмоқда. Лазги балети «Газета.uz» фоторепортажида.
Президент фармацевтика тармоғидаги лойиҳалар тақдимоти билан танишди
Президент Шавкат Мирзиёев фармацевтика тармоғида амалга оширилган ишлар билан танишди. Тақдимотда 1,25 млрд долларлик 104 та инвестиция лойиҳаси режалаштирилгани ҳақида маълумот берилди. Шунингдек, тақдимотда маҳаллий доривор ўсимликларни етиштириш ва қайта ишлаш масалаларига ҳам алоҳида эътибор қаратилди.
6 сентябрь куни Ўзбекистонда содир бўлган энг муҳим хабарлар дайжести
Тошкент шаҳар истироҳат боғларига туну кун ишлашига рухсат берилиши, Шавкат Мирзиёевнинг ҳафталик иш графиги, автосаноат монополияси ҳақидаги граффити тўлиқлигича бўяб ташланиши — «Газета.uz»нинг 6 сентябрдаги энг муҳим хабарлари дайжестида.
Ўзбекистондаги сайловчиларнинг қарийб 33 фоизини ёшлар ташкил этади
Марказий сайлов комиссияси раиси Зайниддин Низамходжаевнинг маълум қилишича, сайловчиларнинг ягона электрон рўйхатида 21,2 миллиондан ортиқ сайловчи мавжуд. Уларнинг қарийб 33 фоизини (6,9 миллион) 30 ёшгача бўлган ёшлар ташкил этади.
Чилонзор метро йўналишида янги поездлар ишга туширилди
Тошкент метрополитенининг Чилонзор йўналишида янги поездларнинг учта ҳаракат таркиби ўз ишини бошлади. Қолган яна иккита метро поезди яқин орада ушбу йўналишда ҳаракатланади.
Вакцинадан кейинги ўлим ҳолати фақат 1 соат оралиғида кузатилиши мумкин — Севара Убайдуллаева
Коронавирусга қарши курашиш штаби аъзоси Севара Убайдуллаева Ўзбекистонда ҳозирги кунга қадар вакцина туфайли бирорта ўлим ҳолати кузатилмаганлигини маълум қилди. Унинг таъкидлашича, вакцинадан сўнг кузатиладиган ўлим ҳолати вакцина олгандан кейинги 1 соат оралиғида анафилактик шок оқибатида кузатилиши мумкин.
Урганчда 3 нафар эркак канализацияга тушиб вафот этди
Хоразмнинг Урганч туманида 3 нафар эркак уйлардан чиққан канализация сувларини ҳайдаб чиқариш учун мўлжалланган канализация камерасига тушиб, заҳарланиш оқибатида вафот этди. Ҳолат юзасидан жиноят иши қўзғатилди.
Ўзбекистонда мобил алоқа абонентлари сони 27,5 миллионга етди
1 июль ҳолатига кўра, Ўзбекистонда мобил алоқа абонентлари сони 27,5 миллионга, аҳолининг мобил алоқа билан таъминланганлик даражаси қарийб 79 фоизга етган.
Фото: Самарқанднинг машҳур ипак қоғози қандай тайёрланади?
Самарқанд яқинидаги «Мерос» қоғоз фабрикаси усталари қадимий усулдан фойдаланган ҳолда тут дарахтидан қоғоз ишлаб чиқаришади. Ёрқинлиги, юмшоқлиги ва ишлатилган хом ашё сабабли ушбу маҳсулотни ипак қоғоз дейишади. Ушбу қоғознинг тайёрланиш жараёни ҳақида Кира Карапетованинг фото-ҳикоясида.
Чирчиқ шаҳар ҳокимлиги «Чирчикстрой» меҳмонхонаси бузилмаслигини маълум қилди
Ижтимоий тармоқларда Тошкент вилоятининг Чирчиқ шаҳридаги «Чирчикстрой» меҳмонхонаси биноси бузилиши ҳақидаги хабарлар тарқалди. Шаҳар ҳокимлиги ушбу хабарларни «фейк» деб атаб, объектни бузиш ёки қайта қуриш юзасидан ҳозирги кунга қадар ҳеч қандай расмий ҳужжат қабул қилинмаганини маълум қилди. Қайд этилишича, ушбу ҳудудда замонавий бокс мактабига асос солинади.
Автосаноат монополияси ҳақидаги граффити тўлиқлигича бўяб ташланди (янгиланди)
Inkuzart кўча рассоми Ўзбекистон автомобиль бозоридаги монополия ҳамда машина олиш учун узун навбатларни акс эттирган янги граффити чизди. Сурат тўлиқлигича бўяб ташланди.
Ҳафтанинг иккинчи ярмида ҳаво ҳарорати пасайиши кутилмоқда
8 сентябрда Ўзбекистон шимолига антитциклон кириб келиб, Волга бўйи ҳудудларидан салқин ҳавони олиб келади. 9−10 сентябрда салқин ҳаво массаси Ўзбекистоннинг барча ҳудудларини қамраб олади. Ҳаво ҳарорати +23…+28 даражагача пасайиши кутилмоқда.
Боёвут тумани ҳокими ўринбосари Саодат Мирзаева вафот этди
Боёвут тумани ҳокимлиги туман ҳокимининг ўринбосари Саодат Мирзаева 51 ёшида вафот этди. У мазкур лавозимда 2020 йил 26 июндан бери ишлаб келаётган эди.
Шавкат Мирзиёев 9 сентябрь куни ЎзЛиДеП қурултойида иштирок этади
Президент Шавкат Мирзиёев 9 сентябрь куни Ўзбекистон либерал-демократик партияси қурултойида иштирок этади. Шунингдек, давлат раҳбари Паралимпия ўйинлари совриндорлари билан учрашиши ҳам мўлжалланмоқда.
Энг кўп ўқилган хабарлар | Сўнгги янгиликлар
- Сурхондарёда Tracker юк машинасига урилиши оқибатида 5 киши ҳалок бўлди (2)
- Хоразмда 72 ёшли эркак хотинини болта билан чопиб ўлдирди
- Дубайда икки ўзбекистонлик йўловчи аёл самолётда жанжаллашди
- Jurabek Laboratories «Док-1 Макс»дан жабрланганларга 75,6 млрд сўм миқдорида маънавий зарарни қоплаб бериш таклифи билан чиқди
Қўшимча имкониятларга эга булиш учун сайтда рўйхатдан ўтинг