Жамият
Тошкентда автомобиль уриб юбориши натижасида пиёда ҳалок бўлди
30 августда пиёда юқори тезликда ҳаракатланиб келаётган Nexia-3 автомобили уриб юбориши оқибатида воқеа жойида вафот этди. ЙТҲни содир этган шахс Тошкент шаҳар маъмурий суди судьясининг катта ёрдамчиси экани айтилмоқда. Ҳолат юзасидан жиноят иши қўзғатилди.
ДХХ Зангиота туман ҳокимлиги ходимини ҳибсга олди
Зангиота туман ҳокимлиги ходими икки фуқарони Қирғизистонда ўқиётгани ҳақидаги сохта ҳужжат тайёрлаб, кейин ўқишини пойтахтдаги ОТМга кўчириб беришига ишонтиргани айтилмоқда. ДХХ ўтказган тезкор тадбирда гумонланувчи 18 минг долларни олганида ушланди. Шунга ўхшаш яна икки ҳолат аниқланди.
2022 йилда ишбилармон хотин-қизларни қўллаб-қувватлашга қўшимча 1 трлн сўм ажратилади
2022 йилда хотин-қизларнинг тадбиркорлигини ривожлантириш учун қўшимча 1 триллион сўм ажратилади, дея маълум қилди Оила ва хотин-қизлар қўмитаси. Шунингдек, соҳа ривожи учун халқаро молия институтларидан $300 млн жалб этилиши режалаштирилмоқда.
CPJ вакилининг Ўзбекистонга киришига рад жавоби берилди, бироқ кейинроқ рухсат этилди
Журналистларни ҳимоя қилиш қўмитаси (CPJ) дастури координатори Гулноза Саиднинг Ўзбекистонга киришига рад жавоби берилиб, ортга — Нью-Йоркка қайтариб юбормоқчи бўлишди. Бироқ Масс-медиани қўллаб-қувватлаш фонди аралашуви билан унинг мамлакатга киришига рухсат этилди.
Президент қатағон қурбонларини ёд этиш маросимида қатнашди (фото)
31 август тонгида Шавкат Мирзиёев Шаҳидлар хотираси хиёбонида қатағон қурбонларини ёд этиш маросимида иштирок этди. Қолаверса, давлат раҳбари «Янги Ўзбекистон» боғидаги Мустақиллик монументи пойига гул қўйди. Кечга яқин мустақилликнинг 31 йиллигига бағишланган байрам тадбири бўлиб ўтади.
«Саховат» ва «Мурувват» уйлари ҳамда республика пансионати Давлат божхона қўмитасига бириктирилади
Президент қарори билан «Саховат» ва «Мурувват» уйлари ҳамда Уруш ва меҳнат фахрийлари учун республика пансионати ДБҚга бириктирилади. Юклатилган вазифалар қўмитанинг махсус жамғарма маблағлари ҳисобидан амалга оширилади.
Сентябрь ойининг биринчи беш кунлиги иссиқ бўлиши кутилмоқда — Ўзгидромет
Ўзгидрометнинг маълумот беришича, 2−4 сентябрь кунлари ҳаво ҳарорати шимолий ва марказий вилоятларда +39 даражагача, жанубий вилоятларида эса +40 даражагача иссиқ бўлади.
30 август куни Ўзбекистонда содир бўлган энг муҳим хабарлар дайжести
Чет эл фуқароларини мукофотлаган президент, Самарқандда 19 сентябрдан бошланадиган дарслар, Yoshlar телеканалида «блур» қилиб кўрсатилган Украина байроғи, Нукус воқеаларидан сўнг озодликка чиқарилган 24 нафар фуқаро, 1 сентябргача тўлаб бериладиган пенсия ва бошқалар — «Газета.uz» да кун дайжести.
Қорақалпоғистонда намойишларда қатнашганликда гумонланган яна 10 киши жамоат кафиллиги асосида оилаларига қайтарилди
Қорақалпоғистондаги намойишларда иштирок этганликда гумонланаётган 10 нафар фуқаронинг қамоқ эҳтиёт чораси уй қамоғига алмаштирилди. Аввалроқ 24 кишининг жамоат кафиллиги асосида ўз оиласига қайтарилгани хабар қилинган эди.
Қарама-қарши йўналишда ҳаракатланган Lacetti ҳайдовчиси 15 суткага қамалди
Тошкентнинг Чилонзор туманида қарама-қарши йўналишда ҳаракатланган Lacetti ҳайдовчисига 15 сутка маъмурий қамоқ жазоси тайинланди. У ҳужжатлари йўқлиги ҳамда белгиланмаган жойда қайрилиб олгани учун уни тўхтатган ЙҲХББ ходимларидан яширинишга уринганини айтди.
83 марта қоида бузган Сурхондарё ЙҲХБга тегишли икки машина жаримаси бекор қилинди
Сурхондарё ЙҲХБга тегишли 75 424 VSF ҳамда 75 701 VSF рақамли иккита «Lacetti» машинаси жами 83 марта қоида бузгани, бироқ жарима ундирилмагани маълум бўлди. Вилоят прокуратураси ҳайдовчилар қоидаларни хизмат давомида «охирги зарурат ҳолатида бузгани» сабабли жарималар бекор қилинганини қайд этди.
Ислом Каримов номидаги кутубхона фойдаланишга топширилди — фоторепортаж
Пойтахтдаги Оқсарой қароргоҳида Ислом Каримов номидаги кутубхона расман очилди. 70 мингдан ортиқ китоб ва 10 мингдан зиёд журнални жамлаган кутубхонада олим ва тарихчиларнинг биринчи президент ҳақидаги қўлёзмалари ҳам мавжуд. Барчани 5 сентябрдан қабул қиладиган маскандан «Газета.uz» фоторепортажи.
Футболдаги Украина байроғи монтажчи хатоси билан хиралаштирилган — «Ёшлар» телеканали
«Ёшлар» телеканалининг «Янги давр» кўрсатувида Real Madrid жамоаси номи ёнидаги Украина байроғи хиралаштириб кўрсатилди. Буни монтажчи хато қўйилган деб ўйлаган ва ўзбошимчалик билан беркитган, дея тушунтирди телеканал раҳбарияти. Монтажчи ва масъул муҳаррир жазолангани айтилмоқда.
ОИВ ва ОИТС билан касалланганликда гумонланган шахсларни мажбурий текширувдан ўтказиш таклиф этилмоқда
ИИВ ОИВ/ОИТС билан касалланганликда гумон қилинаётган шахсларни мажбурий тиббий текширувдан ўтказиш тартибини белгилашни таклиф қилмоқда. «Хавфли гуруҳ» қаторидагилар ва улар билан алоқада бўлган шахслар ушбу тоифага кириши мумкин.
Asialuxe Travel ва Travel World Group куз-қиш мавсумида Чехияга саёҳатларни эълон қилди
Travel World Group ва Asialuxe Travel компаниялари Чехияга тўғридан-тўғри парвозлар амалга оширишда, меҳмонхона топиш ва виза олишга ёрдам беради.
Ўзбекистонда 190 мингдан ортиқ абитуриент талаба бўлди — ДТМ
Давлат тест маркази 2022−2023 ўқув йили учун 190 375 нафар абитуриент талабаликка тавсия этилганини маълум қилди. Хусусан, 39 962 нафари давлат гранти, 150 413 нафари эса тўлов-контракт асосида ўқишга кирди. ОТМга қабул қилинганларнинг 13 мингдан кўпроғи имтиёзга эга номзодлар ҳисобланади.
Шавкат Мирзиёев бир гуруҳ Озарбайжон фуқароларини мукофотлади
Президент Ўзбекистон ва Озарбайжон ўртасида биродарлик ришталарини мустаҳкамлашга қўшаётган муносиб ҳиссаси учун бир гуруҳ озарбайжонликларни тақдирлади. Улардан бирига «Ўзбекистон халқ артисти» фахрий унвони, қолган уч нафарига эса «Дўстлик» ордени берилди.
Байрам муносабати билан пенсия тўловлари пластик картага 1 сентябргача тўлаб берилади
Пенсия жамғармаси мустақиллик байрами муносабати билан сентябрь учун пенсия ва нафақа тўловлари (нақдсиз шаклда) ойнинг биринчи санасигача пластик карталарга ўтказилишини маълум қилди. Нақд шаклда олувчи фуқароларга эса 5 сентябрдан бошлаб нафақа пуллари етказиб берилади.
Хивага борувчи тезюрар поездга Жалолиддин Мангуберди номи берилади
Президент таклифига кўра, Тошкентдан Хивага қатновчи тезюрар поездга Жалолиддин Мангуберди номи берилади. У 2024 йилда ишга туширилиши режалаштирилган.
Самарқандда илк бор кон техноген чиқиндиларидан вольфрам олинди
Самарқанд вилоятида жойлашган «Ингичка» конининг техноген чиқиндиларидан илк марта вольфрам маҳсулоти олинганлиги маълум қилинди. Ушбу лойиҳанинг йўлга қўйилиши 150 та янги иш ўрнини яратиб, қайта ишлаш эвазига йилига 100 тонна вольфрам олишга имкон берди.
Энг кўп ўқилган хабарлар | Сўнгги янгиликлар
- Қисқа ёмғирдан сўнг Тошкент кўчаларини сув босди (видео)
- Тошкентда фуқарони 2 млн сўм эвазига ишга жойлаб қўймоқчи бўлган метрополитен ходимаси ушланди
- Қозоғистонда Россия қонунчилигини бузган Ўзбекистон фуқароларини ҳибсга олиш бошланди
- «Истеъмолчиларнинг ичимлик сувидан 1 трлн сўм қарзи мавжуд» — «Ўзсувтаъминот»
Қўшимча имкониятларга эга булиш учун сайтда рўйхатдан ўтинг